胖老爹美式炸雞 (糖街)

真係一間寶藏店冇諗過好食到咁！想試咗幾耐下，終於今日試到～叫外賣平台送到黎都竟然仲咁好味，首先外賣一到手，已經香到不得了然後我冇影就即刻食估唔到可以仲咁熱辣同脆個調味又剛剛好，好到本身加咗個甜辣醬都冇點過，今次叫咗個一人餐有上下髀，加野飲，叫多咗兩隻雞翼同一塊無骨雞髀率先食咗個上髀，好味道驚人！食完再食一隻雞翼，之後就摵埋試試個無骨雞髀！真係樣樣都好好食，好食到覺得要黎openrice讚揚下佢先補影返d相！勁金黃色！好好味！附上外賣價錢，最尾加咗$3嘅醬係冇用過因為原味已經夠好食！一定會再幫襯…查看更多

肥老爹美式炸雞其實好有台式夜市 feel，一路行過已經聞到炸雞香味。叫咗肥雞丁、波霸花枝丸同台灣直送甜不辣，全部即叫即炸，要等少少時間但出品都好熱辣辣。雞丁外皮脆到有聲，入面仍然多汁唔鞋；粉漿唔算太厚，唔會一咬落去得晒炸粉冇雞肉。花枝丸好彈牙，咬開食到粒粒花枝，配上胡椒同辣粉幾惹味。甜不辣就好有台灣味道，外面微脆、入面煙煙韌韌，邊行邊食幾過癮。調味可以揀唔同辣度，我揀咗小辣，加蒜蓉同少少椒鹽，味道平衡得幾好，又唔會咸到要狂飲嘢。份量以價錢嚟講尚算可以，兩個人 share 幾款小食都幾滿足。鋪頭開到夜晚一點，好啱收工或者睇完戲想食少少邪惡宵夜嘅時候嚟買一袋走。整體係一間會令你諗起台灣街頭炸物攤檔嘅小店，唔算驚為天人，但想簡單食啲香口嘢解下口癢，都係幾不錯嘅選擇。…查看更多

說來慚愧，去過台灣無數次，竟然未食過《胖老爹》，經過銅鑼灣見到，估唔到開响一個唔太起眼嘅位置。佢嘅餐唔係太多選擇，所以我哋寧可散嗌。我哋揀咗三樣嘢，有「胖雞丁」、「台灣直送甜不辣」同「波霸花枝丸」，全部都係即叫即炸，所以等候需時。「胖雞丁」炸得唔錯，能做到外脆內軟，雞肉冇冷藏嘅臭味，而且醃得好入味，咸香味剛好，而且份量都唔少，送啤酒一流。「台灣直送甜不辣」同樣做到外脆，內帶甜不辣應有的煙靭口感，內帶清甜嘅魚香味，冇丁點腥味。雖然同雞丁嘅味道接近，但完全係兩種唔同嘅口感同美味。「波霸花枝丸」有四粒，外皮脆卜卜，內裡Q彈有口感，而且有軟滑嘅花枝粒，食落十分爽口，咸香味令到花枝丸嘅味道更加豐富。價錢佢唔算話貴，食到咁優質嘅炸物，我覺得係值得。…查看更多

外賣自取後，雖然相隔超過半小時才食用，但皮脆而且不太濃味或鹹，雞肉嫩滑、有腌過，食嘅時候有肉汁，係十分有水準嘅邪惡食物，叫咗招牌雞腿、雞全翼同埋無骨雞腿排，包裝冇漏油，亦冇焗到啲食物淋咗，仲穩妥實淨。如果雞扒隔多陣油再入袋，我畀滿分。…查看更多

喂，呢間舖頭真係癲㗎——**冰鮮雞即場落油鑊，等足20至30分鐘**⏳ 但一上枱就知值回票價！拎上手**燙手到咁**，脆皮「咔嚓」一聲裂開，**肉汁居然多到滴落枱**！💦 咬落去啲雞肉**嫩過BB仔塊面**，明明係雞胸都滑溜溜，雞髀位仲離譜，**連骨縫都滲出雞湯精華**，完全冇雪藏味！ 問過師傅秘訣，原來**冰鮮雞比雪雞肉質更彈**，佢哋仲要**每日換新油**，炸粉薄到似層金紗，脆得嚟唔油膩。即叫即炸雖然耐，但睇住廚房**計時器叮叮叮**，阿姐夾起成隻**金黃流星鎚**咁嘅炸雞，等嘅時間都變埋享受～ 配埋杯**冰凍酸辣青檸梳打**，酸爽劈走油感，一個人KO半隻都唔滯！**熱辣脆皮×爆炸肉汁×嫩肉三連擊**，食完即刻明點解人龍長過彌敦道——**呢啲先叫真正炸雞啊！** 🍗💥…查看更多