肯德基家鄉雞 (KFC)

營業中

休息中

每次見有新雞推出便會即管一試，皆因供應期有限。不過此店的冷氣超強，坐耐點都頂唔順。雖然是兩個人，但都Order了三人黑椒桶雞餐$116 ~ 餐有三件黑椒雞及三件家鄉雞，黑椒雞吃起來不太脆，亦沒有什麼黑椒味。不過這餐最特別算是那三杯檸樂了！

不嬲覺KFC曾炸雞好好味，要新鮮食，不然會LUM哂d皮，熱辣辣有口感，又冇雪藏味！個巴辣雞粒我覺得太多炸粉了我好中意佢個燒雞，好香，我不嬲唔食皮，不過佢個皮太多汁，所以我成塊食左，好正！個飯我覺得幾好食啦，不過單買一個要成$20不抵食，而且得兩隻款揀好悶個葡撻我超中意食，酥皮好味，不過油左D，而且單買一個$6都幾貴下！薯容我完全唔中意食LOR，冇咩特別個橙汁幾好味的，不過早餐要加$5太貴了

一向對美式快餐興趣不大，2011年唯一的一次光顧KFC是為了嚐嚐年底推出的限定口味蜂麥脆雞。點了個set，有兩塊雞，薯蓉，巴辣雞粒和汽水。先說這個蜂麥脆雞，皮脆，麥片也脆，肉還算嫩不會炸太乾，但偏甜和油膩了一點。整體來說，味道一般。薯蓉吃起來香滑，gravy調味不錯。巴辣雞粒過乾，淡而無味。雖然這餐的食物並不是我杯茶，但是次光顧的感覺不錯，收銀和樓面清潔員工都很有禮，店內光猛打理得整潔。期待下次KFC又推出些有趣的口味。

提早半小時到麵屋武藏取籌，結果七時仍未能入座，唯有到旁邊的肯德基解決是夜晚餐啦！我們點了兩個蜂麥脆雞套餐：一個是$33.8，包括兩件蜂麥脆雞、一小盒巴辣雞粒、一個馬鈴薯茸和一杯中汽水；另一個套餐是$36.8，包括兩件蜂麥脆雞、一件瑪嘉烈葡撻、一客家鄉雞皇飯和一杯中汽水。個人認為只是貴$3便有飯可吃，所以$36.8的餐比較實惠。我們吃了～蜂麥脆雞：比預期好吃！燕麥片炸至很香脆，不說真的不知道那是燕麥片；至於蜂蜜味不算濃，但仍有甜甜的感覺。無論是雞胸或雞脾，肉質都嫩滑。瑪嘉烈葡撻：撻皮很鬆脆，蛋很甜。家鄉雞皇飯：最喜歡那白汁，永遠都保持一貫的好味道。如果白飯可以更熱，效果更佳嘛。巴辣雞粒：辣度十足，很惹味，可惜不夠脆。馬鈴薯茸：又香又滑，份量略嫌太少。朱古力布朗尼蛋糕：套餐加$5可配三粒朱古力布朗尼蛋糕，可惜每粒都很細小，質感過硬，朱古力味不濃，實在不好吃。汽水：我以為有忌廉可選，原來只有百事、七喜、橙汁，選擇不多。環境方面，這間分店面積很大，晚市人不多，無需等位之外亦頗寧靜。整體而言，肯德基可以偶一為之。順帶一提，經一事、長一智，我下次會在閒日的非繁忙時段才到麵屋武藏，以免再要花時等位喇

KFC新出個蒜醬濃鳳燒軟包, 咁岩喺報紙剪咗印花 (其實平$1), 見有5-6個印花咪買埋比幾個同事一齊食早餐.先唔講個包, 我要講KFC員工, 我叫咗5個餐, 共5杯熱奶茶, 佢起碼用咗6-7分鐘去斟呢5杯奶茶, 之後佢夠膽死5杯奶茶裝入一個大膠袋度, 一抽起 "噠" D杯打側晒, 幾乎倒滯, 佢嘗試擺好再抽過, 不過依然係再倒滯, 佢先肯搵飲品膠袋, 兩杯兩杯叠高擺, 不過其實佢都冇擺好架, 佢行開, 我一抽起又係倒, 我唯有自己擺返好冇咁嬲.斟完呢5杯奶茶, 佢先望望後邊準備攞包, 點知個柜入邊冇, 佢先叫廚房整, 呢到又等咗我6-7分鐘!!!!排我後邊個亞嬸都問咩事咁耐.......當時現場開得3條line, 但每條line起碼有8-10個人排隊, 但個經理都冇諗住開多條line幫手, 佢仲慢慢四維行遂個counier入餐具入紙巾.買完外賣返到公司, 準備開餐; 雖然都預咗睇圖同實際一定唔同, 但真係好失望囉, 根本冇蒜味, 包入邊個塊生菜濕立立咁, 好似打邊爐食剩冇人食果D咁; 杯奶茶仲衰, 冇茶味, 冇奶味, 我加咗糖之後只覺得係甜味既茶, 差差差

110102 星期日 | 喺APM電影院買咗晨早場戲飛，睇戲前要食飽飽，走到KFC，8點幾，無咩人，要了個家鄉鮮魚柳早晨套餐 ($23.8)，除了主角家鄉鮮魚柳外，還有香蜜鬆餅、滑蛋和即磨咖啡，都幾豐富㗎。魚柳賣相唔錯，但咬落去一啲都唔脆口，腍啫啫，好在味道還可以啫。香蜜鬆餅都唔錯嘅，外面硬硬地、脆脆地，內裡少少鬆軟，如果搽啲牛油或果醬就更好食喇。滑蛋都幾滑，有些少部分還處於半生熟狀態呢。至於杯即磨咖啡，大大杯，咖啡味唔算好濃，不過都算幾香滑嘅。個早晨套餐都相當飽肚，食飽飽就去睇戲嚕。

唔明kfc明明專做雞, 為何要改變去整個魚柳包出來, 最衰自己俾個廣告吸引, 又走左試下.點知完全失望, 好似好勁俾舍檸檬自己加d檸檬汁, 諗住有refresh既感覺, 不過佢用料都唔得, 加咩汁都無用.塊菜見到都想拎走佢, 又梅又爛都唔明點可以夾俾客人食, 又加左一大大pat 沙律醬基本上食落都唔知塊魚柳有咩味, 成個包最正就係個麵包好軟, 不過成個餐只係為左食個齋包, 不如我去麵包店買好過.這一次都係一個經驗,

同朋友行過見到KFC有新野出,加上又未食飯把心一橫就入左去試試啦叫左個新出的咖哩寶盒套餐個套餐其實都幾抵食,幾多野食有兩個咖哩寶盒,6件雞,兩個飯,3杯汽水咖哩寶盒有D驚喜!味道唔錯,咖哩同沙律醬加起一齊食原來幾正!不過略嫌本身有DD乾其他野都有平時的水準,好滿意兩個人食咁多野真係好飽好滿足~

100928 星期二，走去KFC食個早餐，要了個秘醬燒雞扒軟包配即磨咖啡套餐，個包係就係軟包，但係好乾身，完全無鬆軟的感覺，可能放在恆溫爐太耐吧，好在雞扒還幾嫩滑，杯咖啡雖是即磨，但唔夠香濃，不過17蚊個套餐嘅餐飲，算是不錯的了，大大杯，食唔飽都飲咖啡飲到飽。九點幾，人流不多，大部份食客食完早餐，都很寫意地看自己帶來的報紙、雜誌，這裡光線很充足，加上店舖單邊全是大大塊玻璃，可讓太陽光照射入內，地方寬敞，雖沒有雅緻的佈置、軟墊梳化，但整個環境給人有個和諧舒適的感覺，不過相信只有在非繁忙時段，才可享受到這樣的氣氛了。

我唔明點解作為一間快餐店，當每個客人平均要排十分鐘隊o既時候，o的店員仲可以無視條長龍，繼續以緩慢o既動作執o野同收錢囉...今次係我第二次幫襯 APM 早餐，上次去已經係咁，諗住俾多次機會佢啦，點知一o的改善都冇...以呢個速度我o係麥記/大家樂已經可以排兩次...所以我唔會再俾第三次機會佢...

三月廿七日(星期六)同老公仔一手拿著happy lemon,一邊吃著KFC新出的狂惹香燒雞吃!十個幾的香燒雞,手板般大!都頗香,而且雞肉都滑呢!....我就覺得不錯,老公仔就覺得都可以!吃得炸雞悶悶的,可以一試比較不熱氣的香燒雞呢!

KFC 的tea set~ 19.8元葡tart~,,真係好油膩呀.....而且無乜甜味tim個色澤差....淡黃色咁ge樣...而且個蛋黃睇落去,好似蛋tart...雞上脾~又係油膩!!近來KFC的食物越來越多油喇..記得之前食都唔會多油到咁樣GE 程度..真係有d接受唔到....叫做炸得ok,又多肉~ 磨菇飯~d汁的味道適中,,都ok的~不過咸菇分量真係少左呀....d飯呢..食到我的舌頭感覺怪怪..可能D飯硬吧..雖然呢餐用左CUPON係平D,但我唔會再貪cupon而食KFC任何食物~~!!!!因為質素真係好唔得~

難得假期都可以10點前起身，加上有coupon，於是同阿妹到KFC來個早餐~兩個早餐共HK$44點了我最愛的組合﹕雞扒+炒蛋+香蜜鬆餅+茄通+熱奶茶=HK$23比起上一次的KFC早餐(3個月前吧~)，今次有進步喎~炒蛋﹕不會太熟太老呢，有點點半熟的蛋漿，正是我至愛的口感~!!!奶茶﹕比以前濃，正常味道啦香蜜鬆餅﹕今次焗得好，唔燶，外脆內軟，正!茄通﹕依家茄通的蕃茄唔切粒，口感&味道都唔多好=.=切粒好味好多呀!!!最後都要point out﹕服務員都仲係太慢喇，呢個問題由apm KFC開業到依家都係咁，真係你急佢唔急。以前試過由10:45排，前面兩個客人，輪到我時要11點仲賣晒炒蛋。雖然今次有進步，但都見到隔離條隊有客人不滿服務效率，其實KFC有無培訓部跟進呢???

最左呢個最新的至爆套餐~有飯..2隻CHICKEN..同野飲~D 飯夠晒多汁~~今次呢款新CHICKEN 唔錯~食落好BBQ FEEL~~~~同肉都冇咁"孩"..好味過平時NORMAL 的CHICKEN..抵食過M記!!

一日食兩次kfc. 其實我對上一次食係上年6月既事了, 同2個fd 一齊隊左一個桶餐之後覺得d 雞太肥太油又熱氣所以冇食.早餐食完kfc, 晚上屋企人又用coupon買左個kfc 既薯餅包返黎.雖然哩個包出左一段時間, 但都冇食過. 成個包最可取既係薯餅. 我覺得唔會難食先起碼切開, 個包都好高下, 塊雞扒算厚.佢拎我諗起老麥d 變相加價既陰濕招. 大家還記得以前既麥香雞嗎. 塊雞扒係今時今日既一倍, 依家塊雞扒連埋炸粉厚1cm 都冇.kfc 哩塊唔同, 一望就見到係啖啖肉啦.連埋薯餅真係唔錯. 薯餅中間雖然o係包中間林晒, 但條邊依然係脆, 連埋包一齊食都食到有薯仔味.雞扒既厚度起碼係feel 到個包入面係有雞扒既存在. 有趙口.想不到原來哩間快餐店如此真材實料. 恐怕自己已漸漸喜歡食kfc了.