肯德基家鄉雞 (KFC)

好耐無食KFC，見星期日都有下午茶餐，買咗個外賣返屋企食，叫咗T3，有香骨雞3件，馬玲薯蓉(普通)，經典葡撻，飲品加咗5蚊，要豆漿，另加購咗巴辣雞粒一打開盒，感覺細份咗，食落香骨雞，好鹹，唔好食😖，而巴辣雞粒，食落雖然唔柴口，但外面偏硬，味道還可以，兩者都係多粉漿，只有薯蓉同葡撻，食落味道正常👌豆漿，飲落偏甜，但味道還好整體來講，香骨雞唔好食，其他食物味道一般，全部合共$43.5，感覺麻麻地亦唔抵食…查看更多

搞錯🙄⋯冇預製食物唔識出聲！入了單⋯等咗十幾廿分鐘先講話冇！即整仲要15分鐘⋯其他客人都係⋯見一張單冇才通知客人⋯唔係睇哂仲有冇客人有點了冇預製的單！執到嗰張單嘅時候才通知客人⋯搞到成埋人係度呆等⋯見到啲人都發火退錢走了⋯⋯有啲外賣嚟到先講⋯唔識打返俾人⋯⋯啲執了單一半的食物又放係枱面，等冇預製的食物⋯搞到執咗嘅食物都凍哂了⋯⋯⋯又浪費時間、食物又唔新鮮⋯⋯難怪啲人成日話上去食麥當勞好過了⋯⋯⋯…查看更多

冇嚟一排，剛到就見到改咗電子櫃入單，第一次唔明，有個姐姐員工幫手，但原來佢都唔太知，突然有個男人好粗老咁叫我㩒付款制啦(著藍色恤衫，我成日食所以知佢高級嘅)，原來係男經理，食嘢咋，要比錢㗎，唔使咁嘅態度嘅…查看更多

星期六同屋企人係屋企食左個late breakfast，去到下午2-3點先食得落野，於是去左鯉魚門廣場搵下下午茶食，經過見到KFC又好抵食嘅下午茶餐，廿零三十蚊就有一個茶餐，決定一於係度食👍狂惹香燒雞 配 馬鈴薯蓉、經典葡撻香燒雞肉質嫩滑juicy，夠入味，而且熱辣辣，質素唔錯👍茶餐仲有薯蓉同葡撻，份量唔算好多，茶餐黎講岩岩好👍另外仲叫左一份雞扒雞皇桶飯餐，配雞扒家鄉雞，飯量都幾足料，大大桶，飯上有一件家鄉雞扒，食落脆口，以$30呢個價錢黎講真係好抵食👍…查看更多

今日食到唔知食咩好早餐去食KFC，叫咗個K4餐—$16，套餐有一條腸仔，一個鬆餅同一杯飲品，但見到可以加$5有蕃茄通粉同加$6有$6薯餅，所以加黎食埋。食快餐真係好快，一陣間就有得食，蕃茄通粉食落去味道唔錯，蕃茄湯底配扭扭螺絲粉，仲有幾粒粟米，食完都幾飽。香腸鹹咗少少，同埋個皮唔夠脆。最鍾意食鬆餅鬆軟得來又香牛油味上面仲掃咗啲蜜糖甜甜地。薯餅同麥當勞嗰款唔同味道，個人都係比較喜歡麥當勞嘅薯餅多少少。不過加埋咁多嘢都係$32真係好抵食又飽肚。…查看更多