肯德基家鄉雞 (KFC)

諗住滿心歡喜試新推出嘅雞白湯扭扭粉，喺apps上面落單然後15分鐘之後就話可以取單，落到去先同我講話已經賣晒，點解唔直接喺apps同我講，等我唔使落去戇居居。本身樓下KFC啲食物質素已經好參差，今次真係失望…查看更多

鍾意食辣嘅朋友，近排一定要嚟KFC，因為有三個「辛勞口味．肯過癮系列」嘅辣雞腿包餐，梗有一款啱你🤩平時食開五小勒嘅我，今次嚟KFC挑戰新推出嘅《 墨西哥魔鬼辣椒雞腿包 》炸雞又辣又脆嘅口感，仲有新鮮生菜🥬蕃茄🍅辣得好刺激🥵配獨特嘅 格格脆薯塊，啖啖綿密薯仔🥔加埋汽水🥤好爽🌬️唔食薯塊嘅朋友可以轉 辣汁蘑菇香飯/家鄉雞皇飯/粟米杯、馬鈴薯等等..亦可以揀粗薯條配FING FING 芝士粉🧀 /辣粉⚠️注意三款辛勞口味．肯過癮系列喺山東街, 亞洲國際博覽館, 又一城, 啟德分店唔賣㗎！記得去啱分店啊😆各位鍾意試「辛」嘢嘅朋友，記得把握機會去KFC 試下啦, 絕對唔可以錯過!!…查看更多

呢間熱門快餐店, 長期都好多人喺外面等緊外賣, 坐低食嘅人就唔多！我諗係因為有時用apps嗌外賣嘅話佢個優惠會多啲, 而且大家都趕住買外賣之後就趕返屋企, 嗌外賣之後都要等一段時間先有㗎, 如果真係要食就要預少少時間！…查看更多

呢間KFC喺康城嚟講都真係好受歡迎，最緊要係價錢合理快靚正，不過假日嚟講人比較多，始終呢頭冇咩好選擇，整體嚟講佢啲炸雞同飯都係全部熱辣辣，員工都算nice, 如果經過呢頭又諗唔到食咩可以考慮呢間…查看更多

我永遠都唔會再食佢，諗住食個快餐，點知等咗成個鐘，原來佢整好又唔出number，個餐擺喺度擺到凍曬，難食到爆。我自己一個堂食，又冇可能離開個位睇佢份餐有冇出嚟，你唔㩒個number請問我點知幾時攞呀？ 如果你個系統唔work你就人手叫，而唔係睇住個餐擺喺度幾個字都唔理囉…查看更多