肯德基家鄉雞 (KFC)

營業中

休息中

可能因為個新早餐既關係，佢哋今日爆單，成枱都係單，姐姐們都急，但佢地前前後後都有禮貌同大家講唔好意思今日出餐慢咗，叫大家再等一等，見佢地都好盡力處理，double check有冇錯⋯⋯⋯真心要同佢地平反，我10:53落order，11:13取餐，喺咁既情況底下，可接受啦，加油加油👏🏼

兩個字講曬：垃圾我食過幾次呢一間KFC 佢每一次唔係無呢樣無果樣就係出餐勁慢，D單本來都已經係多 D店員仲喺度慢慢嚟同埋我有一次試過買完之後過左好耐先同我講話無炸雞 叫我等多20分鐘🙄

早上冇乜客，來到點餐阿姐淨係掛住傾計，另一個出餐阿姐邊傾邊企埋一邊慢慢歎緊個包，我企係度等咗陣阿姐先肯施施然咁過來，當時出餐阿姐拎咗個包仲望咗一眼先放入袋，hea住做都算，點知我返去發現佢都係比錯包仲收多咗我錢！改日早上又見到呢兩個阿姐，唔想做咁態度又差，好心你辭職啦我迫你返工咩！

7號2點鐘去淘大KFC食飯，咁見到個餐盤上邊冇提供餐具同埋紙巾，我就有禮貌咁樣問店員攞叉，結果問咗三次都係俾個帶住帽嘅男店員無視咗三次。結果我自己伸隻手入去counter攞…我唔知依家嘅KFC係咪要自己攞餐具啦，話晒嗰陣仲唔係話最繁忙嘅時段，雖然忙，但係唔係忙到冇空餘時間理人，我覺得咁樣好唔友善。啲嘢食就正常嘅。

叫咗個二人餐，等左勁耐都算，仲要漏左好多食物… 剩係得返個雞同埋個飯，小食漏晒So call 一間炸雞店expect 佢個炸雞會過得去，點知乾得誇張，肉質有如一個老婆婆暴曬完咁缺水一樣，好似食緊樹皮。雖然係快餐連鎖店，但係麻煩都對得住食物呢兩隻字，唔該。

好少河屋企唔煮飯，家人又唔返屋企食飯唔洗煮，可以叫邪惡野食，收工喺app order定巴辣雞腿包，2件巴辣香雞翼，經典^葡撻，狂惹香燒雞餐，淘大商場嗰個KFC通常都好多人排隊，每次都等好耐，唔可以Walk in買，我早定半個鐘叫定，一去到就有得攞，返到屋企都仲係熱辣辣啊，同埋呢個餐好嘅就係佢唔包飲品，我返屋企開罐可口可樂仲開心，食曬成個餐之後好滿足，因為冇我想食嘅雞皇飯，蘑菇飯，薯蓉咁，成個餐入邊所有嘢都係我鍾意食嘅野，最鍾意食既就係狂野香燒雞😝😝😝

每次小朋友有乜嘢要慶祝，都會叫肯德基炸雞，響淘大叫肯德基外賣，一定要響手機落單，行一陣先去拎，如果唔係都幾多人等。今次用優惠券買咗滋味二人套餐，有炸雞四件、一客蘑菇飯、一客雞皇飯、兩件葡撻、兩杯汽水，共$72 。家鄉雞件雞冇乜雪藏味，但都無乜雞肉味，皮炸得香脆，肉質嫩滑，整體唔差。蘑菇飯飯質太淋，蘑菇汁料多，不過有啲辣，因為黑椒落多咗。雞皇飯飯質太淋，雞肉冇乜味，髮質不錯，整體OK。葡撻葡撻個酥皮脆，蛋香香滑又甜，不錯！

初三到九龍灣見好多食店都開左但行左一圏都吾知食咩諗住去 Donki 買熟食回家點知行左一半見收銀人龍實在太多人不太多想同人逼所以去左KFC叫外賣回家好了屋企也有人未食野就想都不想叫了個2人餐這個餐滿豐盛的有2件雞槌，2件雞胸，2件雞翼（全部都係辣）炸薯條，無辜飯、雞王飯（各1），2杯汽水薯條不脆雞外皮脆肉質不錯

真的離晒大普，用apps訂外賣，等了1個半小時都沒到，打電話去問，說轉灣就到，又再等15分鐘都沒到，又打電話去追問，說已經出了很久，但要等多10分鐘先到咁等法翠雞都變淋雞林

午餐的時候我選擇了在這裏買一個外賣，排隊等候的時候不長，可惜等候外賣的時候有點長，味道也是跟以往一樣，希望有更多新口味推出，這樣我就可以選擇更多了！會更好的！！

見出左新口味 越南牛油雞買了個3人餐試下6件雞 有飯 葡tart 同雞翼butter 味欠缺 好普通 同埋一d都唔似人地正宗vietnam style butter chicken wing 咁crispy 所以有點失望，蒜味都食唔出wor 個新seasonignn反而有小小似某薯片品牌架sour cream onion favour同埋想講kfc 雞越來越細件架3人餐2個人食都係勉強夠飽架乍最好食係葡tart 明明又甜又多油都忍唔住食一件

每次見到新口味炸雞都會試吓，經過見到淘大kfc 有新出牛油粟米🌽黃金雞當然即時試食啦！我甘仲意食雞翼當然吾少得叫牛油粟米黃金雞翼😆 2款外表都係金黃色，食落甜甜地有很香粟米味🌽不過粟米調味粉不太平均，有啲地方食吾到粟米味。我就吾太喜歡食甜既炸雞，覺得都係鹹會好食啲。感覺幾特別，小朋友應該都會喜歡💕 這間店舖不是很大，不過乾淨企理，有幾張長枱，如果一大班朋友來都可以。唯一吾好就是冇得洗手，要去商場洗手間🚻

疫情當下,外賣為生,但求方便去KFC買飯早排推出了宜家肉丸白汁雞皇飯,25蚊,其實幾抵食,白飯多,如果可以多汁就更好了另外叫左一個炸雞套餐,今次就炸得偏乾身,唔夠肉汁KFC最近都推出了更多優惠,有興趣可以安裝佢個APP登記做會員有好多唔同優惠

疫情期間,主打外賣,KFC都因應市場調節,每星期都有唔同既外賣優惠今次係桶飯餐加2隻炸雞 ,只需$29,但不包飲品反而呢種食法我覺得CP值最高,平時單點一隻炸雞都已經廿蚊而家一個桶飯加2隻炸雞只要$29可以先用點餐APP落單先,去到直接取貨,不用排隊,不用聚集炸雞可能因為流量高左,好夠熱夠脆口,桶飯大大桶,醬汁都比得夠多可以撈飯食細食既朋友基本上可以分2餐食,先食桶飯,炸雞另一餐加多個杯麵就夠食疫情下,點樣慳錢食飯都係一錢學問呢~九龍灣牛頭角道77號淘大商場一期地下G92-95號舖

KFC 嘅餐係幾抵嘅 有最愛嘅蜜糖雞翼同埋葡撻😋所以都會常常光顧但係某員工實在太太太無禮由於太多人排隊所以我買完之後兜個圈先返去攞 點知都係執漏野執漏野飲同野食 外賣記得check 一check 點點貨咁都算竟然俾我見到某員工係度呼喝一對老人家鬧佢地唔識係排隊買野食 大佬 人地一對老人家 唔識好正常 （當時冇人排緊）你做員工嘅咪叫老人家去櫃枱買野食囉 冇必要鬧佢地 一d 愛心都冇！ 老人家冇做錯事得罪你ga!!! 俾錯俾漏亦唔係第一次 希望會有改善！