肯德基家鄉雞 (KFC)

家鄉雞腿包係KFC嘅招牌之一，雞腿肉厚實又嫩滑，炸得香但唔油膩 🐔🔥。包身鬆軟，配埋少少沙律醬，味道清新又唔會太膩。格格脆薯塊外脆內軟，口感豐富，啱晒鍾意食薯仔嘅朋友 🥔。百事可樂冰凍爽口，成個套餐食完好有滿足感，係KFC嘅經典之選！🍽️💯…查看更多

又一城food court,肯德基二人餐$80，喺位度叫，等號碼出去拎，等10分鐘，每人兩隻雞，有辣有唔辣，我揀咗辣雞，皮脆，我鐘意雞鎚🍗肉滑，每人一個飯，我揀咗蘑菇飯，仲有個葡撻，仲有汽水🥤…查看更多

上完養生班，練完功。 我心血來潮，諗住去又一城醫肚兼行下。本來諗住叫大家樂個素魚柳返試下，點Q知個點餐機學人斷線罷工，我見隊伍人頭湧湧。 見到隔離KFC無咩人，諗住嗌個廿零蚊既辣汁蘑菇飯（大）慳下錢。點知唔係慳出個未來，荷包嘟一聲之後，迎接我既，都係絕對空虛。打開紙蓋， 飯+辣汁+蘑菇。 安詳又均勻咁，躺平係寛敝紙兜內，水平線下。 我目測高度，約為3cm。而空白水平線上直頂到兜邊沿，高度約為5cm。食左3cm既所謂 *大* 辣汁蘑菇飯之後，約廿分鐘。我已經感覺到，空虛既呼喚。呢篇食評，我係餓住黎寫既，真係多謝晒KFC咁有良心既減肥餐。…查看更多

極度之差！雞嘅質素係用最平嘅劣質雪藏雞！你已經係一間連鎖快餐店大量入貨都可以咁差！出品同我以前幾年前俾簡直差到離晒譜！啲雞又冇雞味啲皮又韌啲油又多雞肉又乾又嚡！如果有人話肯德基家鄉雞啲雞好味，我會睇你唔起！我都去過唔同嘅國家食肯德基！香港係最差！從來冇食過咁差嘅快餐店！點解香港咁差嘅？快餐店都可以繼續生存？是否因為他孭住一個肯德基的品牌所以就可以為所欲為？我記得第一次食肯德基嘅感覺之後都有繼續食，但係自從唔知幾多年前佢差咗我已經冇食今日戇居居嚟食咗極度失望！…查看更多

我媽咪今天下午到又一城KFC 買午餐，付款後，有一張收據，上面有一個QR code，QR code是給客人掃描後，即時填寫問卷，然後有一個確認號碼給店員換領一個葡撻。店舖經理同我媽咪說：「阿婆，你做的問卷不算數，因為要店員用你的電話做問卷才可以換取一個葡撻。」# 我想問：～ 問卷調查不是由客人填寫和發送的嗎？ ～ 為什麼現在是由店員填寫問卷調查呢？ ～ 是不是擔心客人的評分不好？這位店鋪經理同我媽咪說：「阿婆，現在是繁忙時間，請你下午2時後再來，由我來填寫問卷調查，才送一個葡撻給你。」# 真心不明白為什麼不讓客人填寫問卷調查，希望KFC高層正視這個問題。# 還要一個阿婆再行多一轉來換取一個葡撻，是不是要為難一個阿婆？ # 如果從正常途徑，由客人填寫問卷和發送，我媽咪已經可以即時換領一個葡撻，根本無需要再行多一轉。…查看更多