聯盛宴

營業中

休息中

同屋企人做節，已經好耐冇試過咁齊人一齊食晚飯啦！好開心～我哋一早就已經訂咗枱，所以完全唔使等位！為咗方便起見，我哋雖然只係有10個人，但係我哋都叫咗一個12人餐$4433！唔使意見多多，浪費時間！可能因為中秋節關係，酒樓都幾乎滿晒人！當日上菜速度好慢！每一味菜都要等勁耐，由7:00食到10:00幾先食完。一圍12人嘅餐，每一碟都好大碟，其實我哋食到第三碟左右，已經開始有少少飽，跟住每味餸都只係食咗少少咋⋯⋯為咗唔想浪費，我哋拎咗差唔多有成10盒外賣盒走😆，真係名副其實嘅又食又拎! 平時多數都係響度飲茶，今次食晚飯先見識到咩叫大件夾抵食！食物質素部都ok喇！唔太差，亦不會勁正！同價錢成正比。

北角酒樓荒係疫情之下，北角由勁多酒樓變成冇咩酒樓如果想食熱辣辣既點心，聯邦宴可以話係沙漠中的一點綠老實講，你話好好食咩？一定唔會囉！但點都叫好過功X點心既！不過，等位真係等到企係度…朝早9點等到9點45分先有位…冇計啦！冇咩選擇嘛！味道： （3/5）效率： （3/5）環境： （3/5）服務：（4/5）價錢：（4/5）整體黎講，不過不失咁……就咁既……呢度加埋10樣野食，埋單280蚊。我其實唔係好知叫平定貴因為，其實味道一般般……但我男友話平……咁……就平囉！哈哈……

點心本來幾好食想俾高分，點知個上菜姐姐上幾篣點心啫，亂咁擺仲要大聲夾惡，整到啲食緊既腸粉又污糟又瀉哂！谷鬼氣而家市道咁差仲要有啲咁離譜既倒米壽星加持，酒樓老闆係咪要正視吓呀？……

又黎試北角嘅酒樓 今次黎到港運城嘅聯盛宴 下午12點零鐘 好多人等位 大概等咗45分鐘先入到去 路邊話腸粉$26如圖 超多醬 怕肥的請提佢醬另上 腸粉好黏身 太多醬啖啖都係醬咁潮式糯米卷$26好耐無食糯米卷 呢款糯米卷略嫌糯米太少同少少硬鮮蝦菜苗餃$31菜苗餃我一定睇佢個皮厚度 呢款一睇就知晶瑩剔透 餡料都幾多柱候金錢肚$31牛肚都幾入味 不過得4塊 份量少咗啲金銀蛋浸莧菜$58叫呢款菜就係想清淡啲 幾好 菜唔老蟹子煙三文魚炒飯（迷你）雖然話迷你 都幾大份量 料多 薯片有啲多餘🤣假期去食好多人 地方比較窄 食物質素👌🏻有BB凳（但係條帶係壞嘅）

晨咁早無野做同個朋友即興去飲茶,依到d野食ok,個日星期六都好多人要等位!滑蛋蝦仁帶子炒河,睇落去好似好清淡,但個味道都幾夠味!個蝦仁好大粒好爽口!鮮蝦腐皮卷就性價比高,真係有粒粒蝦!帶子菜苗餃同腐乳烚通菜都唔錯!總體依間野ok既

價錢與食物質素成反比,係近來食過最唔抵,食物質素又最差劣的一餐,記得以前係聯邦金閣時飲茶和晚飯都唔差,但晚晚好肯定係中伏,大多數菜色都做唔到好基本嘅食物要求......要夠熱唔可以凍,煮出來奉客的食物,味道和食材都唔掂,可參考我在圖片的說明,有些餸菜冇影到相,但質素都係好麻麻,唯一可取係侍應服務尚可,環境 OK,食具清潔程度唔差,但菜單裡面嘅食物大多數水準差劣,難聽 D 真係近乎垃圾,一定唔會再幫襯,

清早起床冇嘢做，於是去咗北角港運城間聯盛宴酒樓搵位早茶，這裡見是新裝修，地方整潔明亮！招呼也好！點咗點心有皮旦瘦肉粥，魚茸燒賣，同埋香煎蝦米腸！由於一個人，不敢叫得多，怕食剩浪費！皮旦瘦肉粥夠熱，粥底也夠綿滑！香煎蝦米腸是即叫即煎那種，所以也是夠熱，蔥花蝦米好香口！魚蓉燒賣，內藏芫茜，加強香味，魚肉也新鮮彈牙，好食呀！一人連茶價加一，埋單才六十蚊左右，抵食！

今朝一早娘親吹雞去飲早茶，唯有訓少d做個孝子。佢地揀左去聯盛宴飲茶，呢間係聯邦旗下既酒樓。在我心目中聯邦集團既質素都係中上，自然價錢都係中上。今日娘親發辦，我只負責食同俾錢。蟲草花蒸雞油浸一樣，雞肉都係雪味，失敗。燒賣質感鬆散，一d都唔彈牙，失敗。牛肉燒賣算係比較正常韮菜餃味道好好，韮菜味好香。蝦餃皮略嫌太厚，比較黐牙，失敗。反而呢個甜品好有驚喜，抺茶餅入面有芋泥夾心，外脆內軟，芝麻好香，芋泥好滑，非常好味。

星期日唔想煮飯既話成日都會嚟呢間酒樓食晚飯片皮鴨係每次都會叫既 一食$208二食$268如果個餸啱食其實二食幾抵食既呢度既片皮鴨其實幾唔錯皮都算脆 肉雖然唔係好嫩但係好濃鴨味而且呢度個麼麼皮厚薄適中不過就唔係次次都批得靚 睇你好唔好彩二食叫左涼瓜炆鴨件我覺得個鴨件好un唔知係咪煮得耐左所以食左一舊就冇食啦見到柚子青檸醬燒雞特價就叫嚟食下原來個醬係分開上既燒雞個皮好脆 雞肉都算嫩個醬好清新 點少少同個燒雞既味道好夾千島京都排骨超多千島醬 但我個人覺得鹹左d而且排骨好多肥肉 有d失色夏天既來臨即係開始有得飲冬瓜盅啦個湯同d冬瓜都好清甜淡淡地飲落好舒服呢度既冬瓜盅一向表現穩定有時仲要一早預訂平時我鍾意叫湯浸既菜今日就叫左濃湯魚肚番茄煮勝瓜入面有好多勝瓜 煮得夠淋湯底係飲到魚湯既鮮味 但飲多兩啖就覺得有d鹹最後再整條西星斑呢條魚係貴得有道理既魚肉濃味而且非常滑煮既時間剛剛好唔會煮到老左七個人都算食得曬d餸係食淨少少鴨件帶走左

之前曾經在這裡吃過午餐，印象不太差，適逢做冬，為遷就家中長輩，不用舟車勞頓，就在此再吃頓飯吧！自選八餸一羹，每人選一款，各取所需，最好不過龍蝦餐兩味：上湯焗龍蝦(伊麵底)、燒雞至尊燒鵝皇（半隻），以爐加熱，鵝肉不肥膩，肉質細嫩，算合格蟹粉海皇豆腐羹，好味 其他的菜式都是乏善足陳，吃過都沒有什麼印象！飯後甜點，獨沽一味：紅豆沙這晚空間感十足之外（因為全晚只有四、五枱客)，食物水準只是一般，餸菜的用料實在普通得很，碟頭細，但是收加一二服務費啊！

去飲茶，但係佢落得太多茶葉所以好苦澀。佢嘅蒸粉果可以連皮都蒸得爛......對佢極度失望。薑汁千層糕，應該係買現成嘅返嚟再蒸，難食到嘔。整體來講係非常中伏.......

有親友從美國遠道來港探望家中長者，為方便接載老人家，專程來到港運城，可享免費兩小時泊車。中午過來，人頭湧湧，好在早已book 了位，所以不用等候。點了一個$308脆皮一品燒雞套餐，一碟燒腩肉再加幾個點心，七個人吃得稱心滿意！這隻燒雞皮脆肉嫩，食落有點煙薰味，齒頰留香，好好吃！金菰魚腐西生菜，中規中矩！干炒豬頸肉河，豬頸肉淋滑入味，河粉炒得乾爽不油膩，廚子功力不錯👍燒腩仔皮脆，肉質軟滑甘香，不錯！欖菜鮮蝦肉碎炒飯，飯粒炒得乾身，欖菜鹹度適中，味道和口感都很對胃，不知不覺間連盡了兩碗！]另外還有幾款點心：蝦餃、燒賣和鲜竹卷都很好食！總體來說，聯字頭的酒樓有這樣的出品，實在意想不到，喜出望外！ 親戚是一位美國厨師，他也認為這裡的燒雞做得不錯，其他的出品也大多是水準之作，！