聯發燒臘飯麵家

營業中

休息中

有住開荃灣的朋友都弓定對「聯發」依個名吾會陌生。坐落於荃灣大河道。由細細個爸爸就帶我來吃，一直對他的叉燒念念不忘而每逢佳節定必大排長龍，燒味價值並不算相宜，但質素有保証所有燒味都由老店員親自由內設燒味房燒製，而最推介當然是蜜汁叉燒蜜汁叉燒選用油脂和瘦肉比例均衡燒鴨發出陣陣油香，略帶羶，皮下脂肪不算多。白菜豬骨湯十年如一。用上大白菜及燒豬骨。不過其實都係味精湯。飲完有少少渴順帶一題。佢有賣蜜汁珍肝飯。但多數晏就就賣曬架啦😌

聯發燒味靚相信好多荃灣街坊都知道 雖然價錢貴些少 但都樂於幫襯外賣 但堂食燒味飯就真係要講講 話說在荃灣工作超過20年 有幾間係一個月總會去一兩次 其實都想寫好耐 但今日真係好過份 佢哋D斬料呀叔唔知係咪有股份 次次斬D料都係頭頭尾尾搭埋 最嚴重係燒肉 一碟最多有3舊係砌得埋 本來離譜極都有個譜 但今日都真係離晒譜 碟燒肉飯有九舊 食左一舊較正常 翻開遮住果四舊全部都係肥膏 係頭尾但有皮然後成舊白雪雪既膏 同個呀姊講換過 佢答得重好笑話睇下斬料師傅換唔換 未必有得換噃 我心諗你唔換我就搵收銀老細 換左返黎果碟好明顯個師傅玩野 成碟都係勁瘦勁乾無皮既肉 所以由今日起真係唔會再去聯發 如果聯發老闆有機會睇到唔該同師傅傾傾 錢賺多D唔緊要 最緊要唔好呃錢 希望唔會係老細意思啦！

剛搬來荃灣,星期日加餸. 到聯發買燒肉,要了兩條燒煵,都成3百幾文,價錢一D都吾平! 返到居企開盒燒肉,都覺OK. 味道普通! 食到中間就發覺下面全是頭頭尾尾,跟本無兩條燒煵. 做生意要公道,沒有下次!

有次經過荃灣,又正值午飯時間,見到有間燒腊檔好多人排隊,學生佔左大部份!出於羊群嘅心態,諗都唔諗就走左去排隊,點左個叉燒飯足料,味道尚算可以接受,叉燒比較軟身,有啲橡根feel..間中食下都ok!

今日買左個叉肉飯返公司，返到去見到成盒粉紅叉燒都散開，去到換仲要比佢寸你五識食，十幾年第一次食叉燒咩，叉燒肥係散開叫鬆軟，比47買盒見到都五想食既叉燒仲要比你寸， 以後五會再光顧

以前住荃灣已經成日食，雖然衛生差啲，但可以叫地道囉～尋日買左叉燒燒肉返筲箕灣娘家，雖然車程1個鐘，但燒肉皮返到屋企仲好脆，阿媽都話好食，食得出係本地燒(我自己就唔識分啦)。可能做街坊生意，所以好有人情味，絕對唔會講一啲唔講一啲收貴左。本來想買鼓油雞，買之前個阿叔話我知$190半隻，因為新鮮雞，叫我諗清楚，如果覺得太貴唔好買，咁我又真係覺得貴所以冇買。之後燒肉本來想買2條骨，佢又會見我唔識會同我講佢啲係大豬，2條骨就好多要成200幾蚊，又係諗清楚先，咁我就叫佢幫我切大概幾錢啦～

我好少寫食評，但今次真係好唔高興呀，平時堂食係冇問題既，今日買左3盒燒味飯外賣就出事了，感覺係D頭頭尾尾，連雞頸都有，D燒肉皮唔脆，D义燒又大又細件，令外買左生腸好淋，ㄧD都唔爽，红腸算係正常D啦，講真$47/盒唔算平，下次唔會再幫襯囉，超失望。。。。

I went to this shop today for a lunch. There were many waitors in the shop but they were all very old men. All of them were very rude to customers. The place is very crowded and dirty. I saw the waitors handle the food with their bare hands. I asked a waitor to give me a glass of water, but he just told me to take me myself, while he was chatting with other waitors. The food is very salty too. It is really a bad experience to me. They also took the wrong order of another customer at my table, b

開咗廿叄拾年嘅老字號，係門口掛滿一隻隻燒雞鴨鵝、叉燒、燒肉、燒骨，香味撲鼻，忍唔住衝動坐咗入去。間舖幾寬敞乾淨，中午12點都唔會坐得好逼。最緊要係佢地啲燒味真係正，全部都係後廚房起爐即燒即賣，夠晒新鮮！點咗一碟叉燒切雞飯（46蚊），叉燒肥瘦啱啱好，白切雞肉質鮮嫩配埋油蔥，真係吃過翻尋味！30 years Traditional Siu Mei restaurant located in Tsuen Wan. Luen Fat Restaurant is famous for their Roasted goose, pork, chicken freshly roasted from their rear kitchen with stove, were hanged in front of their store with delicious odour which caught my attention. Store was furnished in a traditional Hong Kong way. I ordered a plate of 叉燒切雞飯(Pork+Plain

聯發燒腊，屹立荃灣數十年，街坊無人不曉，很多時均要大排長龍，外賣尤其厲害，在該區也算是響噹噹的了。週六下班，小巴落車停在這店門口。正值非繁忙時間，店內尚有些吉位，毫不猶豫走進去，吃一客燒味飯，然後回家午睡。你話，點解星期六要返半Day呢? 幾咁浪費時間。叉燒是必食項目，原本想叫叉燒燒肉飯，點知自己又發癲，口快快點錯了叉燒燒鵝。不過算啦，燒鵝我都中意食既。不消一會，我的碟頭飯便送來。叉燒看似幾瘦，卻不會很韌，而且帶有肉香，個別連脂肪的幾片，當然更合心水。吃叉燒始終是要有點肥，才能滿足。下次要叫人再肥少少。燒鵝的肉質稍嫌些少韌，不過鵝味很濃，連皮吃也實在美味，就是旁邊的鴨醬，也顯得無用武之地。但是，我是不會浪費鴨醬這碟好東西，用之來撈飯，也蠻不錯呢！三扒兩撥，一大碟飯便已吃清光。下次來，再吃燒肉。

聯發在荃灣區已經有很久歷史。一講起係荃灣區燒味鋪，聯發真的是不二之選。雖然沒有任何華麗裝修但仍然高朋滿座，而多數的人客都是男性居多。餐廳佈置簡單都是以黃色為主，店內桌子約有八張。服務生和廚子都是比較有經驗的。這晚我和朋友約晚上七時半到聯發。點了一碟燒鵝飯、一碗叉燒燒肉飯和一碗例湯。食物都好快到。燒鵝飯排得好靚，味道濃，皮算脆，肉質唔錯，飯多色多油，不過份量不多。而叉燒燒肉飯方面，叉燒是啖啖肉而且顏色唔錯而且帶有蜜汁的焦脆款，可惜味道濃低太咸，真的失準。燒肉方面肉質唔錯，又是啖啖而且肉皮都算焦脆又唔肥。例湯是白菜湯, 飲到啖啖濃濃的白菜味,而且肉骨的甜亦有溶入湯內。份量方面也不錯。言而我覺得餐廳最可以改善的是衛生方面，因為地太滑真的是有點危險。

到聯發 ... 想也不用想必然會叫叉燒飯, 不過拼什麼才好? 剛巧見到有燒雞膶出爐, 就來一碟叉燒拼燒雞膶飯叉燒一望之下就發覺有不對勁, 整件都是顏色粉紅而非一向那種外表紅彤彤而且帶有蜜汁的焦脆款；從肉切面可看到肉纖維能夠輕易地一絲絲剝開, 肉質的鬆散程度可判定肉是有被化學品侵蝕過；從沒見過這種鬆散的叉燒肉, 跟住便要進行口腔測試...... 啖肉下嚐到陣陣鬆肉粉味, 還感受到叉燒肉纖維內泡泡的口感, 廚師嘗試過用酒去辟化學品味, 可惜卻失敗了 從沒吃過有被鬆肉粉過的叉燒反而燒雞膶充斥著入口即溶的快感, 外面燒得蜜汁焦脆而內裏卻濕潤軟綿, 膶味濃郁；白飯爽身, 粒粒分明, 個人覺得唔夠軟熟。例湯是白菜湯, 飲到啖啖白菜香味, 肉骨的甜亦有溶入湯內。

今日天寒地凍.若我媽媽不是約我在呢間飯店等.我估我會吃拉麵,環境並不大,在店外掛滿外賣燒味.店內座位不多,3個卡位.數張圓枱.一張細圓枱要坐5至6人相當迫.我今次醒目.在門口看到有卡位才入座.入座後數分鍾.我媽媽才出現,7元例湯:呢間店一年365日都不變的白菜湯.材料我估計有燒豬骨頭,湯夠火喉,白菜亦煲至林甜,湯清而鮮甜,完全無油,相當好飲.燒鴨瀨;燒鴨新鮮,皮仍熱.卜卜脆相當香口.肉質幼嫩,味道相當鮮甜.加上瀬粉湯也是熱辣辣的,真係想食多一碗,雖則店員全是伯伯,仲有少少性格.但從不罵人.在此處吃一頓燒味飯價錢總比連鎖店平.但品質好百倍.所以這店絕對要再來.2012最後一篇食評.祝大家開開心心.明年找幾多好野食.2013見.

世界末日到了麼，問我終結會如何，如果2012年12月21日真的是世界末日，你最想在末日之前吃甚麼呢？我很簡單，一碟廣東燒味叉燒飯已經很滿足。叉燒其實可以很講究，名店會用上貴價豬隻，如西班牙黑毛豬來做一道叉燒，但賣得當然也貴。想吃美味叉燒但又負擔不起，其實平民燒臘店也可以很不錯，因為他們去貨快，叉燒新鮮，如果遇著剛剛燒好的，味道總不會太差。就像荃灣這間聯發燒臘飯麵家，在荃灣算是最有名氣，經常看到叉燒出爐，我小時候就經常口痕買十元叉燒來吃，可能就是這原因，我從少到大都喜歡吃叉燒，哈哈。所以如果12月21日真的是世界末日，我當然想吃我最喜歡的叉燒了。那在我心目中，怎樣的叉燒才最好呢？叉燒外層要帶點蜜味，最好帶少許燒焦位，近年港人愛健康，燒臘店也通常會把燒焦的部份切掉，但這對我來說才是至寶，每每落單時要求保留，始終偶爾一次，也不顧那麼多了。我喜歡厚切，因為更有口感，當你遇上一件靚叉燒，放心口中咬開，蜜味中帶點肉汁，那是厚切才能帶給你的享受，叉燒，其實也是男人的浪漫。小時候愛吃瘦叉，人大了喜歡吃半肥瘦，始終要帶點肥肉的叉燒才最鬆化。叉燒當然要有豬羶味，現在有些地方不是豬肉太瘦，就是乾巴巴吃得滿口

身為荃灣人,聯發的燒味是不容錯過的。今日午飯要去藥房買嘢,午餐就食佢啦入到去,中年阿哥,老人家,地盤三行大叔,各自為政,老人家細食,一碗切雞飯吃得津津有味;體力勞動較多的就雙拼飯一碟加例湯。我呢,叉燒燒肉飯一碟吖唔該你落左單,侍應叔叔就會記得邊個食啲乜,我就未試過"食錯嘢"碟頭都幾大,飯亦軟硬適中燒肉皮唔係件件都脆,一條燒肉通常中間較脆,邊位較un,這是可以接受的,肉地有肉汁,肉的表面的調味没有過咸,good.叉燒比較黏,夠蜜味,有人可能會覺得過甜,但我就覺得ok,部位係柳梅,肉質軟腍唔鞋口,有肉味,食到有極微量鬆肉粉,甜甜咸咸,好味。燒味豉油汁色水較淡,有花椒八角的香味,似鹵水汁多啲,唔會好咸,送飯一流!食完行去櫃枱比錢,侍應就會講個數比掌櫃你照比就得,好少收錯錢。聯發貴為荃灣老字號,出品一定唔差(我公司切豬都係佢),雖然貴少少,但荃灣最好燒味三甲一定有佢份(大集團除外),不過如果要干里迢迢來荃灣食就不必啦,市區都有佢今的質素。斬料,去聯發啦。