聚寶食軒

營業中

休息中

叫孖寶（梅菜扣肉、海南雞）要油飯，出餐俾咗白飯；電話打3、4次唔通。海南雞味道ok，但斬料嗰個好似當你乞衣咁，俾得少又斬到餸頭餸尾咁。呢間嘢唔會再幫襯 真係好鬼谷氣。

LUNCH 突然好想食雞, 記得呢條街好似有間食海南雞, 就一支公去左食。店內地方好大, 2人枱都幾闊。咁我一個人, 咁岩D 細枱俾人坐晒, 侍應俾個勁大6人枱我坐! 哈哈, 我冇所謂, 咁闊又舒服。呢間店專食海南雞, 當然都有其他食物, 好似豬手, 雞煲等等, 酸菜魚等等! 我叫左海南雞白飯, 因為本身唔喜歡油飯個種好油既感覺。佢好快就俾左一碗湯同一杯熱水我。其實場內有點污濁既感覺, 地下都有D 油, 但佢會俾熱水我洗野, 呢個加返分啦! 個湯都幾熱既, 味道都唔錯, 都有幾舊青蘿蔔食。海南雞好快就到, 因為切出黎吧。佢都擺得幾靚既, 白飯一邊, 海南雞疊得幾整齊一邊, 加一小撮用白醋醃過既白紅蘿蔔, 再加十幾粒花生。白紅蘿蔔我喜歡, 酸味味, 我仲想食多D; 花生都夠脆, 最怕係D 放左好奈軟晒既花生; 海南雞, 佢做到滑既感覺, 真係唔錯, 個醬佢都配得好, 除左甜豉油, 個辣汁係得, 酸甜辣, 我喜歡既。整體個雞係好唔錯, 而且真係平, $48 連湯+熱飲, 呢個真係抵食, 係環境有D 污濁既感覺!但如果想食海南雞, 都會想食返佢, 而且又咁平!

會再光顧買焗猪扒飯，热奶茶也很棒！飯是有香味的，茄汁很正常雖然吃不到番茄。有蒜一片片的很香，如果焗猪扒飯裏邊有菠萝就更加好，提高層次。四片已經切開的猪扒，份量剛剛好，唯獨少左些蔬菜。如果正餐套餐或者下午茶餐加十元錢左右幾條菜会更加健康，也可以在open rice app添加额外食物收費，就如大家樂也可以在套餐之上加野食。食得很開心，會再来買焗猪扒飯，下午茶餐更抵食！强烈推介！

係土瓜灣路經呢間店，星期六午飯時段勁多人，見招牌菜辣野好似好吸引，下午茶時段又係呢頭搵食就特登去返呢度，果真無乜人。呢度有1人份酸菜魚、重慶雞煲等平時大份多食嘅菜。下午茶時段叫午餐仲可減$5。我見隔離枱個煲好香，我就叫咗重慶回味雞煲，等了一段少時間，送上香噴噴雞煲雞有煎炸過，雞皮都整到少少乾身脆，好香口好味，但就只是配菜未有煮到出香味好生浪費咗天然調味料。因為覺得好味，特意再黎食。可惜，今次配菜有煮到，但雞完全煮唔透，有少少腥味，仲要無咗雞煲香味，甚至無乜味。要叫多次問侍應先攞到辣椒油，但佢都係唔辣，只係有啲味囉好過唔點嘅。但真的失望，完全2回事咁。上次係較乾身香口，今次係較濕未煮完就出菜囉黎食都要有睇彩數

用oper rice叫咗外賣 明明話咗19:17可以去拎19:18去到話未出住爭一分鐘原本都覺得問題唔大但係企住係門口 睇住廚房出到成個枱面都係外賣盒D樓面阿姐個個都好似盲咗咁睇唔到只得一個阿姐去包外賣 但呢個阿姐拎咗個外賣膠袋打開咗見到廚房出咗碟餸又放低個外賣去上菜返到嚟打開一盒外賣睇完準備放入袋見到有客埋單又走咗去買單買完單返嚟又打開其中一盒外賣盒望一望又準備放袋之後廚房又出餸阿姐又放低個外賣盒去埋單埋完單又重新無限loop上面個程序其餘個兩個阿姐就淨係上菜 乜都唔識幫手做咁最後我等咗10分鐘忍唔住問阿姐到底得未阿姐好嘢呀 對住廚房位成枱面都係外賣盒都可以睜大對眼大大聲同我講 外賣未出

原來這個冬天還未食過羊腩煲喎 ...咁就外賣個滋補暖身的冬菇枝竹羊腩煲嘆吓 ...煮多煲白飯，加多盒肥牛，剪埋剛好收割的菜苗咁又是豐富的晚餐囉 !!!外賣的冬菇枝竹羊腩煲用兩個大大個的外賣碗裝著附送生菜和腐乳醬返到屋企儍爸好快手咁倒哂入個 bruno 深鍋內 ...煮滾就食得囉 !!!冬菇枝竹羊腩煲 ...羊腩份量頗多，外皮和羊肉也燜得軟腍啖啖肉又入味，入口不太羶，配上腐乳醬一起食一流裡面還有吸哂香濃湯汁的冬菇、枝竹和馬蹄食完羊腩煲後加水灼菜和肥牛生菜和肥牛吸收哂羊腩煲香濃的湯汁，特別惹味，不需點醬汁都好好食下次可以準備多點火鍋配料 ...我這個 ... 冬菇枝竹羊腩煲 ... 是細煲 HK$258好彩醒起在 openrice app 落單有折，外賣自取 HK$232 ... 又著數咗   ** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡! 如發現未經授權使用，本人將保留一切追究權利 ! 多謝合作

今日無聊突然想食酸菜魚就搵到依間野啦,係oprice見到外賣自取有拆就同朋友叫左2斤4個人食啦,睇圖都好似吾錯咁就先叫依間野啦,點知係個伏 好伏.拎既時候見佢好多盒野以為都幾好幾期待,拆開左之後乜野期待都冇哂仲有啲嬲,2盒大既都係魚骨薯粉嗰啲,盒細既係魚肉,4個人點食 1個人食都吾夠啦,打電話去講 點知佢就答我 我地係咁 不嬲都係咁多 當堂即刻炆左 食食下啲魚片有魚鱗 哇真係極品 仲要個酸菜魚吾好食 你話好食都冇咁嬲姐 總之 好垃圾 好伏

🍙等待時間：雖然係周未星期六，但竟然完全唔洗排直行直入阿，共三人🍔室內環境：正正常常，冇特別既餐廳裝潢🍰服務質素：姐姐服務都算快速啦，上菜時間可接受，係俾小左份送既生菜。🔺用餐簡評：我們就叫左B2烤鯇魚中辣，食酸菜魚配薯粉是皇道吧本人仲私心叫左響玲，可惜並不是自家製🙁上菜啦，魚肉質尚算不錯，但去唔到鮮嫩既境界，配菜份量充足味道亦香口，亦算夠辣，但本人最為推介欣賞係佢既安格斯牛，牛味十足，抵！🔹總括來講：可以一戰，但不出色👌

今日去土瓜灣，見到「聚寶食軒」，隨便吧.見到好多人都是點「大盤魚」，一大盤真心好抵食的，可惜我不愛食魚......唯有叫1人套餐$62有個豬蹄餐有湯有飯有菜，其實不貴味道也不錯.小食炸得很香脆.迷你雞煲都是$60幾，能滿足一個人來食

第一次食呢間餐廳..聽聞佢啲海南雞好出名今日係平日但都坐滿人要等位等一捙先有位好彩出面有啲椅可以坐下姐三個朋友去食叫咗佢個三人餐...香油飯正呀!!!!!!!!!有海南雞半隻...啲雞皮好滑呀老火湯一壺...無味精好飲蝦仁炒蛋同埋腐乳炒通菜...淨係覺得佢啲菜老左少少姐..其他都好好味!!!由於全部人都太大食啦..我哋再加左碟豉汁蒸大鱔個個都食到好飽見到有幾枱都食烤魚下次一定要再嚟試吓好唔好味先!

叫左雙併,又有海南雞又有豬手。海南雞份量少D, 但幾滑, 有3款醬俾你沾, 一種類似豉油, 無試, 另外係蔥油, 最特別係一種貌似果JAM的, 5識形容咩味, 但呢隻最好食。油飯好香, 5算好油豬手份量最多, 但太瘦同乾左D, 不過都煮得夠 同入味GE

呢間餐廳屹立土瓜灣好耐，由佢開係北帝街之後重建回收再係附近既譚錢道開返，一班熟客仔繼績支持首先望望餐牌，佢既款式當然唔似酒樓甘極多款，不過款款都幾有質素，同埋你望佢既組合都知係好食既～呢間餐廳最出名既有無骨海南雞，雞煲同烤魚！如果一家人食飯又唔係好有諗法，佢地既4人餐可以幫係減卻少少煩惱！天氣甘凍當然要食返個鮮青花椒烤魽魚條魚既份量好大，所以四、五個人食都冇問題，魚既肉質就唔係嫩滑個種，個人最欣賞佢個青椒，係動感既辣（即係係甘跳動好過癮個種，不停好想食落去既感覺）而魚既鮮味都流入曬個湯到，勁鐘意飲佢個湯 ！！湯入面會有兩種菇菌，吸收湯既精華一流。佢既無骨海南雞係必點，又滑又有雞味，特別既係佢個雞皮好清爽，唔會有肥膩感！加埋佢地個三個醬汁就加正。豬頸肉食得出燒烤過微焦既味，冰梅醬就係分開上既，兩樣夾埋既FEEL就好似燒鵝搭酸梅醬甘，令件事昇華返～西蘭花炒雙寶，就即係炒魷魚同蝦球。兩種海鮮唔會炒得過老，而個芡汁咸鮮味入曬西蘭花到，正！

夜晚晚唔知食咩好, 有個朋友對食係有要求, 所以由佢拍板好了.......覺得這食物一般，勝在抵食。 當晚去食，見到一大枱有家庭的，小朋友的，都有去食。我地就只有5個，就點左3人套餐食 。 當中有2個人好細食，所以變左得3個人食甘……1）口水雞好入味及雞都嫩2）牛仔骨點樣煮都好好送飯，牛仔骨的肉質幾好霖，好易咬。 食左補點質白質，補少少血都好。3）老黃瓜湯：都唔太鹽，老火湯水，可以飲多碗。夜去食，店面都唔難搵位， 一入去就有位，而且好快上菜。

本身我唔食雞，呢度既無骨海南雞岩晒我呢d懶人食，加埋點雞既三款汁真係無得輸.. ps次次都無影到相就忍唔住食左食左咁多年水準都無變不過如果晚餐個小菜大碟番少少就好了

很久沒去聚寶了, 有點想念他的去骨海南雞飯.這次晚飯時段來到, 準備買個外賣回家.從落單到離開, 5分鐘左右就搞定, 算是爽手.套餐包括一份去骨海南雞, 油飯, 開胃小菜及例湯.它尚有另一個套餐, 大約貴$10左右, 有多碟菜, 更加健康添！開胃小菜是酸菜配花生, 相當開胃.油飯入口粒粒分明, 飯香但又不會太油膩.雞肉嫩滑, 切的細細長長, 容易入口, 伴著酸辣汁, 薑蔥茸和黑醬油, 下飯良品.以晚飯來說($5X), 實在是價廉物美!