聚喜燒鵝

趁着「秋天三日體驗版」嘅尾聲，我同家人們去咗位於馬鞍山恆安邨商場嘅「聚喜燒鵝」餐廳進食羊腩煲。呢度嘅羊腩煲非常足料，羊腩份量非常多，其他配料都俾得一啲都唔吝嗇。而呢度嘅燒味亦都相當好食。燒腩仔皮脆肉嫩，而且肥瘦度適中，相當唔錯。叉燒香氣四溢，令人垂涎三尺，亦都值得推介。呢度雙拼$108 ，都算幾抵食。其他菜式如椒絲腐乳炒通菜和梅菜扣肉煲都唔錯👍，但係驚喜就冇上述嘅食物咁大啦。埋單$552，我哋五個人，除返開一人只係一百幾蚊，就食到咁多好嘢食，又食到咁飽，真係夫復何求？總括嚟講，呢間餐廳雖然位於不起眼嘅屋村，但係其食物質素可以同大酒樓媲美，價錢亦算抵食。推薦大家嚟呢間餐廳試吓，呢度嘅柚子蜜亦都幾好飲㗎。…查看更多

朝早食咗個沙嗲牛肉麵早餐，雞湯底幾清，牛肉都幾滑，但沙嗲味真係淡咗啲。🍜 揀咗丹麥多士同煎煙肉，煙肉大塊唔乾，OK啦！🥓 奶茶順滑，不過茶味淡咗，鍾意濃味嘅我覺得麻麻。可能有啲人鍾意口味淡啲會覺得OK。屋村$42早餐，飲熱飲，價錢合唔合理，見仁見智🫣燒味無燒味食真係有啲可惜。通常早餐想食燒鵝瀨燒味早餐一係去酒樓食，一係就去大型連鎖嘅餐廳難得屋村有一間專賣燒味嘅茶餐廳竟然唔利用自己嘅優勢。#聚喜燒鵝 #早餐 #香港茶記 …查看更多

轉左手既茶記燒鵝唔肥皮都唔太un但有好輕微騷味（唔係舊舊有）$148下莊燒鵝髀就$108，唔係太抵。煲仔餸都唔錯既環境嘈吵服務應該做好啲特別街坊生意好講口碑同回頭客…查看更多

### 食評：聚喜燒味──期望與現實的落差在尋找地道燒味的旅途中，我們往往期盼著那一份色香味俱全的美食帶來的滿足感。然而，最近在聚喜燒味的經歷卻讓我深感失望，這不僅僅是因為食物質量的問題，更多的是對客戶的不誠實和服務態度的冷漠。首先要提的是訂購過程中遇到的重量問題。在訂購之前，我特意詢問了燒豬的重量，得到的答案是“四斤至五斤”，於是我以為我訂購的菜品會在這個範圍內。然而，當我去取餐時，發現所得不符，實際重量僅三斤七両。當我指出這一問題時，不僅未得到合理的解釋，甚至連基本的道歉都未有，這種業務態度令人極度不滿。其次是食物的質量問題。聚喜燒味的燒肉在視覺上或許尚可，但是味道卻大打折扣。特別是燒豬的皮，不但缺乏應有的酥脆口感，反而呈現出一種無味的狀態，與我所期待的完全不同。而所謂的金豬套餐中的雞，更是從冰箱中取出來，看似未完全解凍就端上桌，這種處理方式不僅影響了食物的味道，也讓人質疑其食品安全和新鮮度。價格方面，與其它相似餐廳相比，聚喜燒味的收費並不算低，但提供的價值和質量顯然不成正比。在價格與質量失衡的情況下，顧客自然會感到不值。總結來說，聚喜燒味這次的經歷讓我深刻體會到“信任”二字的重要性。食品行業不僅僅是賣食物，更是提供一種信任和滿意度。當這些基本的要素缺失時，無論食物外觀如何誘人，也難以留住顧客的心。希望聚喜燒味能夠反省此次經驗，真正從顧客的角度出發，改善服務質量和食物水平，以重建顧客的信任。…查看更多

因為喺附近做嘢，先至會走到過嚟呢邊食。一般茶記裝修，再加埋有燒臘，見佢掛出嚟啲燒臘都幾靚。於時乎叫咗個午餐。午餐大概有十款，有燒臘有即炒粉麵飯等等。等候期間已經聽到不少人話落錯單，或者甚至乎落漏單。唔係嗰樣嘢拿咗另一樣嘢嚟！我叫咗個燒腩仔拼燒鵝，等咗好耐，人哋隔離嗰台枱都食緊，佢仲遲過我嚟。叫阿姐跟返單，咁就好快出到。其實燒臘嘅嘢斬好就出街，又唔使煮。跟住原來嚟到係變咗叉燒併燒鵝！不過見佢啲叉燒都幾靚，有少少肥肉係好食嘅，咁就算啦 費事叫佢換。整體嚟講食物質素係ok。起碼燒臘係似樣。其他嘢唔知。不過見啲嘢未到就最好叫佢跟一跟單，否則等極啲嘢都唔會嚟！…查看更多

第1次試早餐，10:40已經向個黑衫呀姐落單b餐沙嗲牛麵。隔離枱同我同時落單，佢11點已經陸續有野食野飲，過多5分鐘我問個呀姐點解咁耐乜都冇？佢睇完話我冇落單，可能人地漏左。我話半個鐘前我同你落單架喎！佢問我食乜架？我講多次個早餐b，佢走左去電腦度，返黎話：過左鐘啦，落唔到早餐！我話：下？你漏左單喎？我等左半個鐘，咁而家點呀？呀姐話：冇得食早餐啦！1係你轉午餐啦！⋯⋯呀姐甩甩漏漏都算，但漏單仲唔補救，態度又差，簡直浪費時間，以後唔會幫襯！…查看更多

開咗咁耐，食過一次晚飯，一次燒味外買(試業期間)果兩次見係試業唔落筆。今日開咗咁耐就正正式式食次，今日點咗個歐陸早餐，香草腸+太陽蛋+轉牛扒 ，凍齋啡走甜，我1002落單，1015都仲未有餐到，但就岩岩佢哋樓面派單，原來1011先幫我落電腦，卒之1017 飲品到，1020到餐。份餐上檯 香草腸爆晒衣(只係微暖)，太陽蛋正常熱，果件室溫嘅丹麥多士⋯⋯配埋果pat牛油⋯🤦🏻‍♂️，件牛我預咗有食粉⋯⋯但係使唔使咁重手呢？杯啡⋯⋯黑水一杯，唉我只係想有杯入得口嘅咖啡啫總括嚟講，佢嘅早餐係我唔識欣賞，$51我比多幾蚊去新港城食好過。戴返頭盔先，我覺得好唔好食≠你覺得好唔好食，好唔好食因人而異。…查看更多

繼續覓早餐覓食在鞍山，見到有新開鋪頭，當然要入去試新野鋪頭仲係好似試業當中，未有正式開張招牌都未開，但係入面已經好齊全，所以膽粗粗就入左去試。早餐方面選擇真係唔少，但價錢都唔平…最貴既全日早餐要成$54，凍野重要+$3。不過D阿姐都算幾好招呼，一坐低已經俾水，又主動推介下早餐，算係幾好。最後叫左份醒神湯粉麵餐-麻辣雞丁米粉加杯凍飲：份量就唔算少，味道就中規中矩啦，但D雞粒真係少左D。凍檸茶底都唔差，但係依個組合埋單要$45，性價比真係差少少🤏下次中午再去試下，睇下D燒臘如何。…查看更多