聖羅蘭

營業中

休息中

極其少有的老面大包，已經很厭倦了工廠加工大包。此包貼近鼻子，少有的發面香… 聞到已經好滿足牛肉包、豬肉包，有蒸煎兩款 ；油香的蔥油餅、菜肉大包、豆沙蓮蓉包、手掌大的花卷，都非常推薦；還有椰菜菜肉鍋貼，幾文就一件，大大隻，很有誠意，性價比真的太高。茶粿、粽、小小碗的卜仔糕… 一家小店，一次過滿足碳水自由。 目前看，港島沿線，貌似找不到第二家。性價比極高，店面不大但，門面很小，熟客街坊很多；老闆熱情、非常客氣、有禮貌；品質如一、真材實料；待客有道，有心、細心的經營著本地小店，做好自己，是長久生存的王道。

常經過此手工中式色點小店，每次經過都有客人在買食物，心想要找時間試吓。今早心血來潮，縱然已經食過早餐，也都試一試，叫做係龍年前完成口腹之慾。本來想試吓壽桃，但又唔係生日，所以慳返一蚊轉食蓮蓉包！阿姐走到最入的大蒸櫃，摷個熱包比我，我是到個影，已經眼突！咁大個包！！！真係大過拳頭！包攞到手熱辣辣，粗糙的外表，令我聯想到多年前在土瓜灣的小店，他們都是做手工包，可以因為拆遷，店舖轉營了，之後就沒有手工包足跡了！估唔到，今日係北角重遇。麵包好大，好熱，好軟，好抵食！可惜蓮蓉則埋一邊，大啖咬了4口都食唔到蓮蓉，直至第六啖，蓮蓉出現了！蓮蓉綿滑，有蓮子味，蓮蓉份量都多，只係側係一邊。食完個麵包好暖，好感動！因為係手工包，好食又抵！成件事好貼地。買完個包後，已經好想寫食砰，所以回頭望望招牌，先知小店名叫聖羅蘭，有強烈的反差😂!希望聖羅蘭要繼續下去！香港需要你！

我好中意食煎包，睇到其他舊評論話呢度的煎包好食，話佢咩個底煎到好金黃色好香脆…… 所以嚟試下。我叫咗個煎牛肉包，但見姨姨喺蒸籠拎個包出嚟…… 無錯佢個底係煎到金黃色，係煎過，但放咗入蒸籠 (唔知佢想蒸，定係保溫) 咁就變咗蒸包，就算煎咗個底都唔再脆。蒸包同煎包係兩樣嘢。唉。不過7蚊1個大大個包又真係抵，肉餡都好食，調味幾好，鐘意食蒸包嘅朋友可以嚟買個煎包試試。

雖然宜家糖記周圍都係，但係全部機器製造。難得一見北角有真係自己整嘅饅頭店好多種類，價錢又便宜，份量好大，一個一餐肯定飽買左全麥紫薯，蕃薯口感唔錯👍，我鍾意焗到佢脆皮脆卜卜好好味道

依家物價通脹咁鬼犀利，都可以保持到平、靚、正真係喊出黎🥹 以前6、7年食好似係$12/4隻，到依家2022都只係加咗$3認真良心佛系 🙏🏻🥟 韭菜煎鍋貼🥟 $15/4隻｜$4/隻 我心目中滿分鍋貼 ( ´▽｀) 每一隻都超飽滿，半隻手掌咁大一隻，煎到個皮好脆！咬一啖超多肉餡，韭菜都卑得好足，肉汁滿滿，每一啖都好jeng 🫡缺點就係：都幾油吓 😂 但堅好味！ 食完繼續想食～TIPS： 印象中椰菜鍋貼麻麻，建議揀返韭菜 👍🏻

去北角staycation 周圍行逛嘅時候無意中發現呢一間懷舊式嘅中式包點店，比佢櫥窗入面嗰舊蒸蛋糕仔吸引，好靚仔，仲要只賣$4 一舊，另外仲買左個番薯包$6 一個好大個，當一餐lunch 都好夠飽，兩款包/糕都落足料整，入口個感覺好實在，同嗰啲連鎖店麵包舖嘅出品真係完全兩回事呢啲小店嘅自製包點我諗起日後嘅日子都會買少見少了，見到店員都有返咁上下年紀，希望佢地可以繼續營運直到自己想退休啦，日後一定會再搵機會過黎幫襯👍🏻👍🏻👍🏻

女友告知,北角碼頭有間星巴克,面向海景環境唔錯,於是乎走去八卦一下,途中經過糖水道見到我嘅大愛蔥油餅,買兩件試試.原本只想買蔥油餅, 但見到D牛肉飽又平又大個, 心諗咁大個飽係咪飽大餡料少架!女友就俾咗少少意見 "反正好日都唔過嚟大島,咪買嚟試試囉"okay.... 又買咗3件牛肉飽嚟試試.再望望間鋪名，聖羅蘭！YSL! 名就夠響，睇睇質素如何先！優點:1) 蔥油餅係好奇怪嘅餅, 其實件餅已經落咗好多蔥, 但總係感覺唔夠, 加幾多都唔夠! 奇怪!蔥油香不停由個外賣袋滲出, 餅皮唔夠脆但原因好大可能出係自己身上, 因為唔係即刻食, 下次再買的話應該咬啖先!2) 牛肉飽唔係單單個飽大, 餡料無偷工減料, 21蚊3個抵! 牛肉餡料唔只單單牛肉, 有蔥, 牛肉 juicy 有肉汁, 爆分!缺點:1) 店面唔大好易行過都唔知, 但最大問題係店舖係一條窄咗少少嘅街上, 企係到買外賣好似有D阻街.2) 老闆態度唔太友善, 找錢果時將D銀掉落我手上!大大扣分！

呢度嘅生煎牛肉包真係好大個，每個都只係賣$6元，買3個仲可以平多$1元，除咗牛肉包同韮菜包外，呢度仲有其他嘅各式糕餅供應，聖羅蘭嘅生煎牛肉包同生煎韮菜包都係同樣出色，呢度嘅生煎牛肉包嘅牛肉饀同我平時食開嘅生煎牛肉包真係好唔同，因為呢度嘅牛肉饀真係好淋，個口感係好似食緊牛肉醬咁嘅樣，唔似其他包餅店嘅牛肉包裡面嘅牛肉饀咁結實，但正因為咁，我比較鍾意呢款牛肉包多D，因為個感覺好似D牛肉喺個口腔裡面粘住粘住，而且有好香嘅牛味，個包仲要煎得好香脆，而且個包嘅底部煎到有焦及金黃色，同埋有少少燶底，呢D先至可以叫做真正嘅生煎包，同其他小店相比，真係一個天，一個地

平民價 原汁原味 真材實料的蕃薯包好多時拜神都鍾意買發糕喻意發財但通常發糕都好甜好甜 我都吾太鍾意呢間既蕃薯包造型係發糕既設計 正好可以做代替！蕃薯包 $5 ($14/3)外型似發糕 但其實佢係一個蕃薯包口感紮實煙韌 加入蕃薯落去整 真係食到蕃薯既味道 有時仲食到少少蕃薯蓉呢無乜甜度嫁 純粹係蕃薯同麵粉香 我成日買黎做早餐 蒸返熱就食得喇佢地既麥皮饅頭都好好食 超多麥皮 口感鬆軟 饅頭皮好煙韌 麥味香又有少少葱油餅味麥包有分大細 細$1 大$4.5($17/4)ps我覺得大個好食啲

聖羅蘭放假同肥髀去北角行街，順道去呢度買饅頭做早餐，店面好細，店內已經係廚房放晒蒸爐，只做外賣，我同肥髀都喜歡饅頭，想買幾個未蒸嘅做早餐，店員哥哥幾風趣，話無「未蒸，只有凍嘅！」可惜白饅頭已賣晒，只有純麥饅頭！佢用背心膠袋就比我！純麥饅頭（$16/4個）未蒸時候見比較乾，包面見到粒粒麥粒！蒸好脹多一點，好鬆軟，咬落有一啲麥粒嘅粗糙，又唔會影響鬆軟嘅感覺！好味！店員風趣，亦好爽手！中式包點做得好味道！

是日食完lunch行過見到聖羅蘭，想起友人說以前開係側魚涌好大隻既煎餃，立馬買黎試下。7蚊2隻，12蚊4隻。買左兩隻椰菜豬飲煎餃，兩隻韭菜豬肉煎餃。椰菜豬肉餃皮較一般煎餃厚，底部煎得香脆，但餃皮是甜的，很特別。函料十足，大大隻，食落鮮味，但就無汁。韭菜豬肉餃也是一樣的皮，內豬肉竟比韭菜多，但韭菜味也十足，咸香的函料配上微甜的皮，實在一特別嘗試。晚上食左兩隻已非常飽肚，果然大隻！