老馮茶居 (海寶花園)

營業中

休息中

好耐之前入元朗探親戚，佢介紹附近一間老馮茶居好食，原來佢而家開埋喺大埔，終於有機會去食啦。疫情期間，店內都做足防疫措施，座位用甲板分開晒，都好安全。餐具係用傳統嘅鬥雞碗，好懷舊啊。我哋點左普洱茶，查咩都信囉，不過唔算非常香，不過不失啦。點心方面我哋叫咗叉燒包，餡料都算豐富，而且熱辣辣上枱，幾好食。咖喱魷魚推介，份量都算大包，咖喱味少少辣，非常香濃，魷魚飯啊爽口，底下仲有少少豆卜，吸晒啲汁好正。蝦餃都唔錯，蝦肉大大隻，皮唔算好薄不過亦都唔厚月，通常質素。不過鹹水角就有啲失望，因為上枱嘅時候已經凍凍地，餡料亦唔算豐富，再加上唔夠熱，唔係咁好食。可能因為午市時間多人關係啦，會再俾多次機會佢，整體而言都幾好食，而且裝修好懷舊，不過仲有進步空間，加油！

臘腸滑雞飯 $35雞夠滑，岩岩好，臘腸香，砵仔飯，冇飯焦，可以加少少豬油，但整過唔錯。鮮蝦腐皮卷 $26脆，蝦足料，新鮮炸起，唔係千年油感覺，點喼汁，岩岩好。古法牛肉球 $22新鮮軟滑牛肉球，唔系成日食到，傳統既味道，好食！香煎蘿蔔糕 $18粉同蘿蔔既比例唔錯，食到蘿蔔粒又唔會一夾就散。正宗潮州粉果 $20足料有花生，正常味道，皮既厚道岩岩好，入面既調味可以再重少少。。新鮮而又高質點心，唔係度度食到，好多地方包括酒樓都會有少少雪藏味道。所以值一試！

#黃藍是政見好食是良知 #黃藍是政見黑白是良知<懷舊裝修點心店>老馮茶居 以6,70 年代香港做主題 牆身充滿住懷舊氣息 好似錢莊 舊式士多 廣告 冰室招牌等 不過 太多人食 影埋 d食客唔太好 所以淨係影食物😂難得點心鋪仲要係黃店 點都要支持下既🍴招牌混醬腸粉 20 蚊😁腸粉 用豉油汁墊底 腸粉皮雖然未有布拉腸粉既級別 但都算爽滑 混醬食落感覺帶 d甜醬辣醬 麻油等等 都幾惹味🌶️ 唔錯🍴咖哩蒸魷魚 23 蚊🦑個咖哩汁甜多過辣 成個醬汁唔太黏稠 個人覺得醬汁濃 d正 d ,.魷魚足料彈牙爽口 口感唔錯👍🏻🍴古法牛肉球22 蚊🐂底層既腐皮幾吸汁 生抽入味 牛肉球都算幾彈牙 濃度正常 有少量芫茜馬蹄 增加口感 唔錯🍴蟹子燒賣皇 28 蚊🦐🔥蝦肉落足料 有爽口冬菇 用爽滑既雲吞皮包住 口感唔錯 入面既豬肉應該 少肥肉 幾有口感🐖🍴老馮鮮蝦餃 30 蚊🥟🦐,蝦餃大粒餃皮厚度適中夠爽 入面蝦肉彈牙大隻 加埋竹筍既爽口 好味 推介😁🍴頭湯頂級灌湯餃 36 蚊🥟個灌湯餃外面餃皮包得唔錯 仲有個吸汁竹笙點綴 不過餃皮口感普通 唔夠爽滑 湯個濃度適中 大菜木耳蝦乾都落足料 正常

老馮茶居老馮鮮蝦餃咖哩蒸魷魚薑蔥牛柏葉古法叉燒包價錢💲: $30/ $23/ $23/ $18好味程度😋: 4/5服務🍴: 3.6/5環境🗾: 3.8/5性價比🥢: 4.5/5回頭率😚: 4.2/5-黃店點心唔係周圍有，係大埔就搵到間啦🤗 環境都很舊式香港咁，好有風味🤩 見佢價錢抵食，原來質素都幾好。入面仲坐滿晒架😛 我地就試左幾款，主力同大家介紹4款！-飲茶點少得蝦餃！蝦餃中size，皮都唔係話好薄，但適中，咬落去唔會覺得好厚粉😋入面啲蝦肉彈牙爽口，加埋小小荀，好夠正宗🤓叉燒包就係大個的，有2個。佢都係好傳統味，個餡好多，一mit開就爆晒出來😈 叉燒幾多，加埋個叉燒醬配上個白包，熱辣辣食，正呀😆-另外就係咖哩🦑同薑蔥牛柏葉！2樣份量都好多，見到真係好滿😙 2樣都好夠味，索晒汁！個汁又惹味，唔怕腥🥳魷魚好大塊，牛柏葉細細舊好易咬。除左呢幾款，其實我都食左蝦春卷同芒果布甸，2樣都唔錯架🤪咁的價錢冇挑剔了😏

老馮茶居的裝修佈置令你恍如置身於六十年代老香港一樣，將整個屋邨場境搭建出來，有醬油店、雜貨店、士多、錢莊(收銀處)等等。⁣⁣招牌混醬腸粉 $20⁣腸粉滑，重點係個醬，絕對不是普通將芝麻醬、甜醬、辣醬溝埋一齊既混醬 ，呢款係老馮自家制既一種混醬，鹹鹹地有辣辣地咁，非常好味。⁣⁣流沙芋泥包 $23⁣熱辣辣，鬆軟可口，好香芋泥味。⁣⁣鮮蝦腐皮卷 $26⁣香脆美味，鮮蝦彈牙。⁣⁣薑汁桂圓紅棗糕 $20⁣薑味濃郁，似千層糕一層一層。⁣⁣蝦醬蒸腩仔飯 $38⁣每口腩仔都有濃烈蝦醬味又不會太鹹，白飯一粒一粒乾身不淋。⁣⁣沙嗲豬大腸 $23⁣豬大腸夠軟，沙嗲味十足。⁣⁣老馮鮮蝦餃 $30⁣蝦肉爽甜彈牙，餃皮薄。⁣⁣潮州粉果 $20⁣材料十足，味道正常。⁣⁣老馮茶居 (大埔)⁣大埔安慈路1號海寶花園14號地舖⁣星期一至日 08:00-23:00⁣⁣老馮茶居 (元朗)⁣元朗大棠路66號地舖⁣星期一至日 08:00-23:00⁣

趁住今日休息，和媽咪二人逛下街，當然唔少得陪佢飲茶。而家除咗連鎖集團嘅酒樓，另外仲有好多點心專門店。全部點心，即叫即蒸👍價錢由$20起豉汁蒸鳯爪、沙嗲金錢肚、四寶雞扎、蟹籽燒賣皇、潮州粉果、老馮鮮蝦餃、流沙芋泥包、樣樣都好好味又唔會過咸。特別推介流沙包，紫色外皮，趁熱撕開，內饀軟滑，充滿香芋和椰奶味。粉果皮薄，包著用沙葛韮菜及花生作饀料的，咬落爽口。燒賣皇粒粒健碩，蝦和肉是黃金比例的八比二，啖啖蝦肉滋味無窮。今次媽媽都覺得滿意，仲話下次飲茶嚟呢度就得😄

好耐都冇同過屋企人飲茶，因為唔想去酒樓就黎左呢間黃店！呢到裝修好有懷舊風味，價錢都算平😆————————🔸點心 $224除返開每人都係$75到，好抵食🤓點心質素都唔錯，應該係即叫即蒸，送到黎個到超熱！仲要係黃店，一定會再黎飲茶🥰-我最鍾意食係個雞札，好大舊！食落好juicy，超好味😍😍不過舊雞就有d老😢😢如果可以嫩d就好啦！不過都係好好食🥰🥰評分：🌕🌕🌕🌕🌑————————

有為香港人打氣嘅小黃店💛佢呢度個裝修真係勁有舊式嗰啲茶居風味 同埋出乎意料地佢啲嘢食都幾好食 除左啲包點麻麻地之外🤭😍😍·咖喱蒸魷魚 沙嗲金錢肚 薑蔥牛柏葉$23豉汁蒸鳳爪$20·呢幾個全部都超級好食😋食材好新鮮 全部口感都好好 夠濃味得黎超掛汁 而且佢係真係即嗌即蒸 要等耐少少 但係上檯係真係熱辣辣 超正🤤🤤佢係連下面伴碟個啲豆腐卜都全部索曬汁 勁入味😍😍😍·魷魚肉餅飯 $35呢個又係極力推介 佢係超大個 個肉餅係完全鋪滿曬個籠仔 而且個肉餅做得好好 口感好正 仲要魷魚份量都幾多 所以食落好有咸香味🦑不過因為我同屋企人食 呢個遲啲上 所以無影到相😭😭·蔥花蝦米腸 $20老馮鯪魚球 $23金牌叉燒包 $18·佢個腸粉都幾滑既 而且都幾多蝦米🦐之後個鯪魚球我地本身以為係煎個種 點知佢係蒸既 所以食落無咁香口 但係都OK既🐟個叉燒包就差少少啦 佢個餡比較乾身少少 個包都唔係好夠熱 食落口感比較實 唔係太鬆軟 都係其他點心好食啲🙊🙊🤣·#rbyeat#rby港式#rby小黃店#rby大埔 #rby元朗·📍大埔安慈路1號海寶花園14號地舖📍元朗大棠路66號地舖

外出拍完節目，晚上九點幾番到大埔，我們左去一間特色懷舊裝修的茶居，飲下夜茶。見到門面同餐廳裏面都裝修得好靚，就想入去幫親下，門口等位時服務員就已經說叫野食要快，一次過叫無得加單。已經比我地有個不好的印象。食野都快，因為座位有限一小時要交枱，如果想嘆茶就要另外搵地方。可能服務員比較後生，所以都有面色，食服務就不建議幫親，免得一肚氣。講番食物先，整體來說是不錯的。春巻夠熱夠香脆。腸粉夠滑頂級灌湯餃有虾，小帶子，東菇，用料ok,但我覺得淡左一點。窩蛋牛肉飯超好食推介，價錢$35 在咁多食物性價比最高。牛肉球，鯪魚球 不過不失。希望下次再有機會幫親時，服務會好一點，對顧客有些笑容，用心解決客人問題，才是留客之道。如果服務提升番，應該由ok 變好評。

招牌芋角外皮炸得酥脆，入面軟綿綿嘅芋泥有撈埋蝦米幾惹味，仲有至愛鵪鶉蛋燒賣同紅棗桂圓糕，滿足到食點心既慾望，係整體質素唔錯既黃點心。4個人食點心真係岩岩好，多一個都搞唔掂。______________________________🏠 老馮茶居💛📍大埔安慈路1號海寶花園14號地舖💸 $80 per head

好耐沒食點心，選係平日享受一下。雞扎內有豬肚魚肚冬菇雞肉🥰是傳統的做法，叉燒腸粉好滑，蝦餃的餃皮通透蝦大隻沒雪味😀咖哩魷魚好香食落沒有梘水味👍再嚟土魷肉餅飯，肉餅肥瘦適中，摻入乾魷魚的香味，配上特製豉油，美味。滿足又滿意

悠長大假．旅行取消有人提議去飲茶，應該有半年以上冇去過茶樓🤔老馮嘅咩．就去老馮茶居，懷舊裝修．食物好味，大埔友可以一試😉出名點心都點了．眼闊肚窄．🤣😂😅老馮鮮蝦餃、蟹 子燒賣皇-正常味道。頂級灌湯餃，好多前來者都讚所以要試吓-湯頭清淡刺穿餃子流出湯汁混合，味道是不錯，餃子入面有蝦、好細隻的帶子。鮮蝦腐皮卷及蒜茸鮮蝦春卷即炸起-香口好味。XO醬蘿蔔糕外脆內軟-香口嘢爭著食。招牌混醬腸粉-個人混醬係好特別嘅。流沙芋頭包-真心⋯⋯好好食尤其愛吃芋頭的，包包非常香軟。蝦醬蒸腩仔飯-味濃、入味，撈飯一流。唔覺唔覺食咗好多，三人行每位茶芥5元抗疫其間要隔枱而座，人流不斷要在門外等，有人轉買外賣。用饍完畢理單$342-

本身住大埔 每次經過都好多人排隊所以想試吓係咪真係咁好食🙈餐廳嘅裝修古色古香已食物種類有很多 🤤🤤🤤而且味道亦不錯 👍🏻推薦佢嘅飯同腸粉 💁🏻‍♀️💁🏻‍♀️💁🏻‍♀️另外因為餐廳太多人所以有時落單會唔記得上菜 可能要提 👉🏻👈🏻

周日中午和老婆在大埔吃午餐，很久沒有到酒樓飲茶，所以見到這家特色的點心舖，就想進去嘆嘆茶，品嚐一盅兩件。地方不大，但裝潢獨特，充滿懷舊感，街坊街里的氣息。重現幾十年前的老香港。牆上的紙皮石、天花的紅色燈罩、桌上的紅雞碗碟，雜貨店、士多辦館、冰室、涼茶舖、 錢莊，六、七十年代的屋邨場景活現眼前。老馮鯪魚球鯪魚球腍軟有彈性，魚味濃郁，最重要是當中有頗大粒的蝦米，配渗出香味的果皮，一絲不苟。蟹子燒賣皇燒賣的蝦肉鮮味彈牙， 上鋪蟹籽分明，好味道。正宗潮州粉果點心已名稱有"正宗"兩字，是強調做法正宗吧。材料十足，沙葛爽甜，加上花生、香菇和菜脯，有咬口，配韭菜、芫荽，味道香甜。金牌义燒包外皮軟滑，擘開可看到一塊塊的义燒，不會醬汁多而不見肉，义燒醬適量，饀料充足，味道很好。八珍糯米雞有糯米雞這"經典老點"，氣氛特别懷舊，這是珍珠雞比不上的。揭開大塊荷葉，透出荷香，糯米油潤烟韌。很足料，獵腸、雞肉、叉燒、瘦肉、冬菇、咸蛋黄等都有，各種饀料的汁液和香味都渗入了糯米中，相當滋味。以傳統茶樓點心為主打，平均每款廿多元。材料足，著力保存正宗經典點心的精髓。

朋友介绍，便來試試！選了一位大胃王朋友吃過暢快！點心即叫即蒸，熱騰騰，真吸引。蝦餃:大大粒，蝦肉爽口彈牙，外皮可以。燒賣:豬肉和蝦肉比例適中，入口彈牙新鮮。牛肉:正常味道，大大粒，底食。紅米腸:新鮮即制，內層脆皮和鮮蝦配上外層紅米腸，勁好味！灌湯餃:味道較清甜，內有帶子和鲜蝦，不錯之選。雞扎:想不到的驚喜，真材實料，內有爽滑冬菇，入味豬肚，軟滑雞肉，還有魚肚，鳳爪:味道正常入味，大大條。蝦醬腩仔飯:腩仔肉入口有蝦醬味，但不會過鹹，白飯一粒粒，精瑩通透，分量亦不少。菜心全走燉旦白:是小時候的味道，大大碗，吃完再想吃。這裏食物水準不容，價錢合理，會再來光顧之選。