老虎堂黑糖專売 (已搬遷) 新店位置

終於係屯門v city 排到「老🐯堂」，好野排隊是常識，但黎緊唔使係人往人往酷熱街頭等，可以係商場慢慢嘆。我至愛都係「黑糖波霸厚鮮奶」，除虎紋靚之外，甜度適中、奶味均勻，一定再試

第一次飲在銅鑼灣，嘩！真係同其他唔同，繼而深深愛上。今日途經V city 發現都開左一間，只有10數人排隊立即排啦！由排除到拎到飲品大約用左20分鐘，我覺得可接受呀！服務員好有耐性地提醒每個顧客飲品搖15下味道最好！我當然跟足指示，真係好得黑糖味均勻但又不會掩蓋奶味！大細珍珠有口感又好𡁻口！唔錯！無令我失望！

已聽了老虎堂名字很久，今天終於有機會試一試佢本身以為要等很久，但沒想到比預期快，岩哂無咩耐性既我叫了老虎堂出名既黑糖珍珠奶茶，足料，甜度岩岩好，珍珠口感一流，值得一試

知道屯門開左老虎堂一段時間啦！之前見好多人排隊😮今日見條隊唔洗排太耐就買一杯黎飲😋埋到點餐實在都唔知點咩好，收銀員小姐見唔我太知飲咩好，就推介左我飲波霸厚鮮奶！等左幾分鐘就到我號碼到拎野飲時店員溫馨有禮咁提示我記得要搖十五下先飲，實在好貼心我當然急不及待搖完立即飲啦飲落奶味香濃本身有忌廉係裡面令到口感有層次波霸既黑糖味又夠入味，唔會太硬而且有QQ感覺下次試埋佢個細珍珠先得！真係令人好回味！飲過好多台式飲品，老虎堂都算係排心目中前幾名之選！

黑糖珍珠鮮奶近排係香港真係太受歡迎啦，周圍都開好多台灣飲品店，老虎堂早已係香港，九龍好出面，終於都屯門都有，位於屯門v city,記得佢開張無耐，條隊打哂蛇餅，依加終於見少d人就去左試下喇 ～今次叫左黑糖厚鮮鮮奶（$30）真係幾好飲，本來佢係好多黑糖，但我自己搞左幾下先影相，所以杯野無咁多虎紋，但係黑糖同鮮奶好夾同埋啲奶十分香大家記得飲之要搞10下左右！會更好飲

之前屯門開左老虎堂，趁閒日冇乜人幫襯先去試。買左杯全城hit爆既「虎虎生風厚鮮奶」，只係等左1分鐘就有得拎，真係奇聞！禾依照店家教既方法去品嚐呢杯極品。唉，期望越大，失望越大！我真心唔覺呢杯野有咩咁好飲，30大洋，我飲返普通珍珠奶茶好過！

試過幾間嘅黑糖珍奶，覺得老虎堂算係唔錯。最中意嘅係佢嘅奶霜夠厚夠creamy❤️❤️唔似有啲黑糖珍奶飲落好水冇味道👎🏻美中不足嘅就係比較多冰份量少，我拎到後5分鐘就飲晒啦😢

The more you expect, the more disappointment you would get. 每次經過屯門v City 都會見到老虎堂大排長龍， 人氣食店當然要試一試佢啦， 排隊時間不算太耐， 大概都係十多二十分鐘到， 點了一杯黑糖鮮奶$32, 先要 搖3至4下 飲了第一啖，黑糖味和 鮮奶味道 都不錯， 可是吃珍珠的時候就出事了， 珍珠煮得過火， 有一陣陣 濃烈 的燶味， 本身我比較少飲這些台式飲品， 可能這就是這間店的signature吧！

成日見到有人排隊買，當然要試一下啦！雖然多人排，但效率好高，好快就輪到我地。黑糖波霸厚鮮奶幾好飲，濃郁的奶味！飲之前緊記要搖十五下先飲，不太大杯，很快就飲曬啦！

好開心唔使喺台灣都可以飲老虎堂😍黑糖味好足夠，珍珠都好淋好有咬口感覺到係用鮮奶唔係用奶粉👍🏻👍🏻👍🏻雖然冇得自己揀甜度同埋冰，但係都尚可以接受，唔會過分多冰同太甜個人覺得係香港嘅黑糖飲品來講，真係數一數二👍🏻👍🏻

琴日同女朋友行開v city，見老虎堂冇乜人排隊，而我地又冇飲過，所以就買左一杯啦。原來都要等二十幾個人😂😂😂但都係等左幾分鐘姐，佢出野都快。好啦，講番杯野飲先🤭🤭奶味幾重，好滑，珍珠好有咬口，甜度適中。連我唔好呢啲飲品嘅都覺得ok👍

這間黑糖珍珠牛奶應該都算是排隊需時數一數二的。最近老虎堂在屯門開了分店，大概只需要20分鐘便可以享用👍🏻我大約在半年前在尖沙咀分店有排過隊，前後大約等了1小時15分鐘才等到。結果很失望，因為那時候很多人對它的評價很高，但是我認為牛奶甜味過甜，又不能少糖，店舖欠缺彈性處理的能力😪黑糖珍珠的味道停於表面，內裏並沒有黑糖味。到了最近，我陪同朋友買了一杯再次挑戰，發現並沒有改善，味道要比較的話，我還是比較喜歡The Alley😣 至少能夠選甜度

經過v city,開左間老虎堂一於試一試因爲佢地兩個係路過架渣，我無問個佢地既關係，唔出得樣未試過老虎堂既黑糖珍珠奶茶，所以試試我拎走既有埋膠袋，有d茶飲店係無袋同收錢都試過，但佢30蚊杯唔應該要收額外既費用啦珍珠都係本身有甜味既，有其他名牌既珍珠奶茶d珍珠係無味既，只係將無味既珍珠加入去有味既地方，我念成本關係吧份量唔算大杯坦白講係好飲既，但同一般出面賣到既黑糖珍珠奶茶味道差唔多，家陣真係有好多不同品牌既黑糖珍珠奶茶，龍頭既都要加油呀💪現在排隊既人唔多，一來差唔多10pm，二來熱潮既野總是一段時間，試一次係好味既難道會每天飲一杯？大概香港人都關注了自己健康多了吧補充，杯野飲拎出黎，淋痴痴..可以的話抺好才給客人吧，不竟當時唔多人排隊，有時間既，

係網上見到好多人推介老虎堂嘅黑糖珍奶咁啱又見到屯門西鐵附近新開冇幾耐尋晚9點左右經過見唔係咁多人排隊就去試下啦落完單後等左10分鐘左右都算快嘅外觀幾靚見到黑糖挂杯然後搖勻之後飲左啖係失望嘅冇網上啲評價講到咁好囉冇奶味，冇黑糖味份量又少珍珠又淋冇彈性痴埋一舊成30蚊飲左杯唔知乜野😭如果佢咁樣嘅質素佢賣18嘅話我可能會再買黎飲我男朋友都做台式飲品佢話依杯野至少賺二十幾🐒聽完仲嬲賺二十幾質素都咁差大卡司好飲過佢好多囉🐒🐒🐒佢比我之前攞塊布抹過個杯抹完都痴淋淋成個杯外面都係黑糖塊布都唔知有冇洗過

試過好幾家黑糖厚鮮奶，暫時覺得老虎堂比較優勝，珍珠Q彈，煙煙韌韌很有口感，我估應該是現煮的，而鮮奶是真正的鮮奶！不是奶精或奶粉沖泡出來。黑糖的甜度我覺得剛好口感不會太飽滯！（試過一家應該不是用鮮奶，應該是用奶精，奶味很假！是很cheap 的奶精味！而且喝了兩啖就覺很很飽滯，不想再喝，最後很辛苦喝了一半便扔了！）不過黑糖厚鮮奶真的很肥很邪惡，久不久喝一杯就好了😝Btw, 我自帶水樽試買也很順利，店員沒有黑面嫌麻煩的感覺，抵讚支持環保，自備水樽！