老總廚房

營業中

休息中

今次 黎到元朗Boss Kitchen，呢到環境優美，歡迎毛孩內進～所以閃閃哈打帶埋兩隻毛孩，一齊黎試食-大過你個頭既巨頭蝦+超JUICY無筋美國牛柳 ～首先食到既係串燒拼盤，串燒本身都熱氣又多肉多油，不過呢到串燒就比人一個清新既感覺～事關呢個串燒拼盤好多蔬果，特別Ｄ有一個意大利黃瓜，口感爽甜仲有懶人煮婦哈打最愛既波蘿～另外，拼盤都有齊牛、羊、豬三種肉類串燒，都相當不錯～然後仲有呢一個辣肉腸白酒汁煮大蜆~其實我對蜆真係又愛又恨！因為出面食蜆好多時都會有沙，又怕有腥味～不過呢到Ｄ蜆大大隻，多汁又無沙～老闆同我地講，佢地每日朝早係街市新鮮買返黎，保正鮮甜！加上白酒汁味道香濃，配上惹味辣肉腸，一個人都可以食晒成盤～至於呢個蒜香鑊仔牛柳粒，亦同樣出色～牛柳粒爽口，燒汁偏甜！重口味人士最愛～～而主菜我地揀左大頭蝦拼美國牛柳，牛柳少筋位，正～大頭蝦都好鮮甜，而且佢地個配菜都有用橄欖油調味，薯蓉超級滑，加入少許Ｒｏｓｅｍａｒｙ，香氣更加提升最後食埋甜品，甜品我地叫左火焰雪人～外面香脆既多士配上香甜雲尼拿雪糕，好食又特別～

三個90後吃貨總動員齊出動😛去左元朗高埔村Boss Kitchen 開餐！其實天空之城果度有好多特色餐廳 好多都係露天 可以俾毛孩一齊去 有車既吃貨去就更方便啦😂😂-蒜香炸白菌 第一次食用吉列既方法整既白菌 平時食都係牛油蒜蓉加白酒炒 今次咁估唔到又幾好食喎 食落好juicy 不過開頭食有少少唔習慣 因為有啲草青味 不過沾埋個沙律醬食 又ok無咁油膩 份量又幾多既一個小食-西班牙辣肉腸忌廉白酒汁煮大蜆 好大隻 肉都幾飽滿無沙😏🤞🏻用左香草蒜蓉黎煮？加上蜆本身帶有海水 所以味道稍為偏咸 蜆配上兩片蒜蓉包 用黎沾蜆個湯汁食 我地有三個人🤪好彩黑面神個日無胃口同我地爭食😂✌🏻同埋個湯汁本身已經好夠味 如果個包淨係搽牛油或者就咁烘到脆上會比較好 同埋個包有啲韌😅-意式四式芝士薄餅Pizza 芝士份量足 有牽絲效果 可惜芝士略淡餅底屬於薄身 批底好淋 批邊有部分餅乾咁脆👍🏻但有部分餅底似咁淋😅-燒美國帶骨肉眼.煙肉菠菜烤新薯三成？五成？熟成度掌握得幾好👍🏻👍🏻可惜牛味就爭d 胡椒鹽調味對我黎講剛好 但建議輕手多少少-海膽露筍意大利飯海膽😍❤️ 加露筍呢個配搭幾特別 食落都唔錯 再加上意大利飯 飯

復活節假期周圍食店都非常忙碌，來到高埔村周圍都泊滿車。此店新開不久，見環境不錯，門口更寫著歡迎小毛孩。雖然今天沒帶毛孩，只帶了小👶🏻，不過的確加分！剛到達時室內沒位，他們安排我們坐室外，卻因為有👶🏻見室內有位要求調進去，員工沒有感麻煩，還說外面會熱親👶🏻，非常貼心很快店內已坐滿客人了。食物方面我覺得很不錯！店員還送西瓜汁給小朋友飲！雖然太忙碌有一點混亂，但員工非常有禮，渡過了愉快午餐！

以往都係一班同學一齊去探Miss，好少自己單獨行動。今晚終於有機會啦!Miss仲一早book定台添!餐廳新開無耐，係錦上路某豪宅旁既村屋。如冇人帶路，又真係好難搵下。menu冇set，都係散叫。個湯有濃郁既蝦膏味，龍蝦肉亦十分彈牙，而且大大碗唔呃秤，呢個湯冇得輸!沙律亦好大份，最中意係橙肉，港女上身之唔使搣皮就有橙食，仲好甜啊!見到呢碟青口真係有D嚇親，點解D食物愈來愈大碟!我地應該每人都食左7、8只!青口亦算大粒，配料用左好多洋蔥粒，相信係想去雪藏味。由於我地坐露天位置，食到呢度隔離台有人吸煙，我地就要求換台。waiter即刻幫我地調，服務好好。轉完台後，上左碟卡邦尼意粉，但唔記得影。意粉texture幾好，但略為傑身，同樣，份量都係大大碟。如果一大班朋友黎食，可以考慮包呢個booth，都坐到成10人架，而且又有私穩，唔錯唔錯!

朋友介紹， 新的餐廳， 地方算ok, 西鐵轉小巴， 就到。環境優美， 食物好味， 服務一流。食物推介， 肉眼扒肉汁鮮嫩， 薄餅裏d餸夠多， 仲有個炸魚薯條， 炸魚就麻麻地，不過薯條夠熱。仲好食過果主菜。燒雞好食，但細隻左少少。叫左個蜆配左蒜蓉包，非常出色。沙律好新鮮。仲有支紅酒，都可以。我覺得除左遠左少少， 整睇都超出預期。