老爹茶居

營業中

休息中

原本已收山不再寫食評，不過今次真是中大伏，不吐不快。打算平平地三十蚊食個下午茶，點知個餐要+8蚊先有飲品，仲要加一不過一場黎到，當支持下小店叫左蘑菇汁炸龍脷柳飯+凍珍珠奶茶 同 焗芝士汁吉列豬扒飯+熱珍珠奶茶蘑菇汁淡而無味，似足水味... 蘑菇都冇多舊龍脷柳炸得乾過我銀包，硬過我拳頭...芝士汁睇落青青地色又係冇味...幸好有點芝士，豬扒亦唔算伏，但一點都不算好食熱珍珠奶茶偏甜，不重茶味，珍珠過林冇咬口... 以為凍的應該正常d，可惜凍珍奶先係大佬boss...💀💀💀💀💀💀熱珍奶的茶味已淡，但起碼飲落是較甜的奶茶而凍珍奶的色...比熱嘅淺2度，飲落根本是奶茶色的糖水👅👅👅大家如果喉嚨乾 不妨試一啖 包你痰多過口水 潤哂果然馬鞍山的美食沙漠美稱係不容忽視實至名歸

一個閒日的中午過開去馬鞍山，因為太肚餓了，心急一落巴士就搵餐廳祭五臟廟，見到地舖位有間daddy's Kitchen，餐廳內大致都客滿了，門外也有幾個人排緊隊，心唸，我一個人搭枱都應該OK吧~~~搏一搏，問下一位有冇得入坐先呵呵，剛好有位呢，lucky午市餐牌都有幾張，不過好像較抵食就是這兩張，因為見隔離左右都好似係食這幾款為主選了 黑椒漢堡扒意粉等了一會，我的午餐很快便送上來了~黑椒漢堡扒意粉($49 配餐飲)份量正常，一個女生應該可食到9成，男生應該覺得差少少但以我當日極肚餓的情況，我食晒整碟先覺得剛剛飽有3塊厚厚的漢堡扒呢~~~雖不知道是否 餐廳自製，但好肯定不是坊間或快餐店見到的薄薄豬柳漢堡扒，免治肉中間混和了洋葱等配料，所以帶點甜味，而且沒有煎過龍，表面剛好帶點微焦金黃，中間剛熟，口感是JUICY的真是甚有驚喜的漢堡扒!!!值得推介!!PS:不過意粉就一般水準，大家自行決定要飯還是意粉了

老爹茶居一直駐係馬鞍山, 由新港城搬落去地面店舖. 一直都好多人幫襯, 今次終於到我試下.紅酒燴牛尾 - 十分份味, 而且舊舊都好淋, 好易咬開仲唔痴牙, Very good!蘑菇蝴蝶粉 - TOPPING有十分新鮮的香菜, 汁醬及粉的比例十分好, 蝴蝶粉有點咬口, 不錯.

Daddy's Kitchen係新港城中心入面開舖已經好耐啦! 早排新港城中心搞裝修，D SHOP黎個大改革，開左好多新店(又係嗰D連鎖店啦)，迫走左Daddy's Kitchen，所以搬左去第五期。搬左之後第一次食，今晚同細佬一齊食! 入到去，AREA細左好多，裝修都唔同晒LU…豬扒拉麵: 份量都係正常份量，豬扒係炸豬扒，只有一塊..唔算大塊令我有少少唔夠喉! 雖然係炸豬扒，但係粉唔多厚，好易就咬到豬肉了，不過塊扒就唔係我杯茶…是關一咬開D肉質一絲絲咁..我好怕呢種豬扒，我覺得好似假豬扒咁..宜頭好似食緊銀絲卷咁.. 肉質亦唔新鮮。至於D拉麵，有少少梘水味，我覺得似雲吞麵咁呀..但係個湯底就唔OK，滿有豬骨味，整體OK啦!意大利牛肝菌燴牛尾煲: 由於我個拉麵麻麻地，我食到一半就同細佬換左XD 試下佢呢個先! 黎到嗰陣我以為係咕嚕肉黎XD個樣好似呀!個汁話係牛肝菌，查實我就唔知咩黎既，但係個汁就甜甜地，幾特別~牛尾炆得好林好入味，肥既部份已經切左，宜家食落啖啖肉，牛尾肉質好柔軟香濃，咬落好有彈性!好味過拉麵呀~

住係馬鞍山既人都知道Daddy's Kitchen之前係新港城中心入面，經過一輪大翻新之後，Daddy's Kitchen都要搬去新地方開業，以前都好多人食，味道幾好架，依加搬到地舖，裝修仲靚左添！ 晚市有套餐，餐牌內都有唔同種類食品，如日式湯麵，意大利飯，扒類，意粉，小食等！侍應推介了斧頭牛扒10oz配牛肝菌汁，特價$138，有餐湯飲品，本身已經諗住据扒，所以決定試一試！ 有些餐廳既羅宋湯會做特太酸/太辣/嗆喉，但呢間味道剛好，材料足，抵讚既係餐包係熱架！加分！ 牛扒形狀似斧頭，所以叫斧頭扒，都好大塊喎！7成熟，做得幾到位，無over-cooked，肉軟熟！牛肝菌汁好香濃，牛扒點少少汁吊味，剛剛好。 因爸爸唔食牛，所以我另外叫了豬肋骨扒配沙律及薯條！豬肋骨受到全家人激讚，因為做得入味香口，BBQ醬香濃而不會太咸，肉嫩易咬！薯條如加少少鹽就更好！沙律菜新鮮不過沒有味道，建議加沙律醋，可以令感覺更清新！減少豬肋骨既肥膩感！墨魚汁海鮮飯，墨魚汁好香但無腥味，食完個嘴都黑晒魷魚爽口，意大利飯粒粒分明帶軟綿綿，吸晒墨魚汁味！飲品方面，如叫奶茶要注意！因為係台式奶茶，而且

馬鞍山★老爹茶居行開新港城見餓餓地就搵個地方嘆個下午茶，經過daddy's kitchen果時快眼望過個tea menu好似都係$2x幾抵食，對腳就不由自主行番轉頭。室內以木系同白色為主調，設計簡約而舒適，最緊要係樓底高又有落地大玻璃，雖然對住馬路但成個空間感都大左搵食時間望清楚先發現原來眼大睇過龍，$2x係唔包飲品，要加多８大元先可以享用埋各種冷熱台式飲品。慳妹發作有ｄ掙扎，不過下午茶無番杯野飲總係好似差咁ｄ野，而且佢比茶餐廳係高少少級數其實都唔算貴。- 老爹豬扒法包配炸薯條（$26）：豬扒包轉左用法包即刻好似upgrade左，仲係要有ｄ粉係面頭果種正，口感似豬仔包，外層脆卜卜內層幾鬆軟，唔會好似平時ｄ法包咁硬～中間夾住ｄ生菜蕃茄薄切豬扒＋少量沙律醬，豬扒真係成個包咁大塊，肉汁就無嘜不過薄得黎入口都幾鬆化旁邊加左d欖橄油調味既沙津菜無嘜特別，反而ｄ炸薯條幾有驚喜炸到香脆唔油膩之餘食落真係有薯香，夠晒粉- 熱珍珠奶茶（+$8）：記得老爹茶居仲係新港城戲院上面（舊址）既時候，我同媽媽時不時都會去飲番杯台式飲品今日唔飲得凍野但都想回味一下～杯奶茶奶味都幾重下，蓋過晒ｄ茶香 不過ｄ珍珠仲ke

難得的下午，男朋友能和放工後的我一起享用下午茶。他提議到新開不久的Daddy's Kitchen，可以試試新餐廳食物，我當然很有興趣！ 餐廳樓底很高，面積感覺很闊落，有塊大大的落地玻璃，日頭透入自然光很舒服很寫意。室內亦有設計，可見店主的心思，為食客打造舒適享用食物的環境。 下午2:30-5:30是下午茶時間，另有午餐供應。 我選擇了碎蛋煙三文魚法飽配薯條，加$8熱珍珠奶茶。先食薯條，想不到這款幼身的薯條外面脆而有充滿薯味！很好味！法飽微脆的飽面加上鬆軟的麵包口感一流易咬，碎蛋煙三文魚味道不過不失。 男朋友選擇了午餐的馬來咖哩雞飯，配了凍珍珠奶茶。咖哩很香很重椰奶味，微辣，雞件肉質也很滑！男朋友點的咖哩雞飯很合我口味，哈哈，忍不住吃多幾啖！ 冷和熱的珍珠奶茶味道都不錯！熱的珍珠更好咬口，我很喜歡。聽說晚餐食物味道也很好，有機會一定要再來老爹試試。

Great food and great service. Definitely worth a visit even if you are not in the area. Decor is also very nice and comfortable. One of the best meals I have had in HK.  I recommend the ham hock which was juicy and with a crispy skin. Portions are also very generous. The steak was also very tasty and cooked to perfection, served with fries which where lovely  and crispy. 

平日兩點多，和母親大人想找個地方吃午膳，但這個時間好像已是下午茶時間了吧！曉食媽想起最近有一家新餐廳，二人便二話不說去了。曉食媽帶到我去，看見"老爹茶居"四字，想必是現在"茶木"的前身。其實最曉食一直對老爹茶居心存忌諱。因多年前去過，其態度真的是十分差。故每當朋友提及此餐廳便必會敬而遠之。但見母親大人好像對這家十分感興趣，唯有硬著頭皮走進去。位於地鋪的老爹茶居，樓底廷高，裝潢像時下的咖啡茶室。給人年輕、跳脫的感覺。尤其那落地玻璃的設計，自然光慢慢透入，使室內不用開太多燈光也足夠照明，懶洋洋的下午也是這樣營造吧！由於有點餓，我倆點了三樣食物，兩杯凍珍珠奶茶。蒜香雞翼配雜果沙律，如其名，雞翼配沙律。雞翼沒有蒜香，炸得太乾。沒什麼特別，一般茶記貸色。忌廉蘑菇汁牛角包，忌廉蘑菇罐頭湯夾在牛角包內。不過不失，忌廉蘑菇汁略嫌太普通，牛角包不夠脆身，沒那麼可口。老爹豬扒法包配炸薯條。這個是最為驚喜的，法包有烘脆身，並塗上牛油。豬扒有骨，整件上，味道不錯。炸薯條是大讚！喜歡其厚身切法再在炸後添加些調味粉。整體味道不錯！服務態度也比之前的好，一洗之前對老爹茶居的厭惡和恐懼。有機會會再來。

這間餐廳駐足於這個商場已經好耐，一向都深得街坊支持。早前因為商場重整，所以搬到現在的新地址。地方大左，燈光光猛左，簡約的裝修怖置，不太花考，繼續為街坊提供服務。新地方仍然有吸引食客的能力。晚飯時間門外有好好多人等候，好彩我們只需等了15分鐘便有位。點了2個set dinner, 餐湯點了羅宋湯和忌廉湯，品質只是一般，但是作為價廉的晚餐餐湯已算不錯。主菜點了龍脷柳跟扁意粉和豬柳意粉。龍脷柳的份量不少，就算唔跟扁意粉也可以。不過龍脷就鹹咗小小，味道濃咗小小，魚嘅味道有小小被調味料蓋過咗。豬柳也是很足份量，豬柳煮得都冧，易咬，不過同時亦有調味料的問題。