影片
以上資料只供參考, 請與餐廳確認詳情
由上水HOMY CAFE食到沙田老河記，可以話我算得上是粉絲🥳滷蘿蔔芯：每一嚿都炆得很腍很入味，每一嚿都有甜味，最重要係冇渣。之前我好唔鍾意食白蘿蔔，食過你會愛上😍芫荽餃拼墨魚丸河粉/韭菜餃拼滷水雞翼河粉：餃子最重要係皮薄餡靚，老河記的芫荽餃同韭菜餃皮薄，但入邊菜多肉少，我覺得肉份量再加多少少會好食啲🥰湯底一流，有甜味，飲得出沒有味精。滷水雞翼很入味，不會太鹹，亦不會腍到黑色。老闆娘同我哋講滷水雞翼係限購每日賣完即止。
繼續閱讀
試左兩樣野南乳炸雞麵🐔、粟米豬肉餃🌽先講麵，叫左滷水汁湯底，佢味道好濃之餘唔會口渴，而且個麵粗比較似烏冬，亦好彈牙，個麵底本身已經好正南乳炸雞個皮好薄，唔會成啖粉，外層既南乳醬都好香口乾身，入面既雞肉非常juicy ，所以個炸雞都係好好食另外嗌既水餃都好有驚喜水餃皮薄、肉餡十足、粟米清甜一個字，好食小店黎講佢做得好出色，而且價錢都親民
繼續閱讀
午飯時間去到，都要排一陣隊，15分鐘左右就有位。兩個人各叫兩樣餸，咁就可以試到四樣嘢啦😂一碗係炸豬扒加芫荽豬肉餃豬扒外脆內軟，上枱時仲熱辣辣，賣相幾好。芫荽豬肉餃先係重點，有驚喜，餃子皮薄，晶瑩通透，入面塞滿芫荽同豬肉，鍾意芫荽嘅一定要試。另一碗係南乳炸雞，加粟米忌廉豬肉餃炸雞好重南乳味，外層脆卜卜，入面仲有肉汁，個人覺得好味過豬扒。粟米忌廉豬肉餃就好多餡，塞滿粟米成隻都脹卜卜，好味。最加埋淨蘿蔔一碟五件，件件都無渣，而且好清甜，覺得呢樣餸先至係呢間店嘅名物，必食。叫咗兩杯飲品，分別係山楂雪梨水同埋竹蔗茅根水兩杯飲品一凍一熱，一酸一甜，一杯消滯，一杯滋潤，啱啱好。今次碗麵要咗清湯底，飲得出係有大地魚味，但又唔會好濃，食完冇口渴嘅感覺！應該好快會再來encore！
繼續閱讀
冤枉呀大人🫨🫨其實我地唔係食車仔麵，老河記其實係一間主打「手打豬梅扒」既麵館、我地其他用心產品🤤1. 滷蘿蔔芯2. 滷水雞翼3. 每日鮮製餃子4. 自家涼茶5. 手工辣菜圃6. 袐製辣醬仲有用心熬制既大地魚豬骨湯我地並未能提供「車仔麵」既出餐「速度」「定價」及「多選擇」，希望大家睇完呢個評論後能夠調節期望、避免大家空歡喜一場。🙏🙇🏻♀️因為見所有評論都講我哋係車仔麵，怕再有人誤解，特登出返個comment 解釋返🥲🥲
繼續閱讀
和同事外出午餐，選去新開業不久的老河記試試，正值午飯時段，小小的店滿座。這個舖位的前身也是一家車仔麵店，車仔麵配餸的價格比起老河記實惠，老河記只點兩餸最便宜都要$48，決定單點水餃來吃。點了淨雙拼水餃8隻，韭菜豬肉餃拼粟米忌廉豬肉餃，配少量娃娃菜。水餃粒粒皮薄晶瑩，餡料飽滿。韭菜與豬肉份量比例平衡，充滿韭菜香又不失口感。粟米忌廉豬肉餃，帶粟米的香甜及豬肉的鮮甜，微微忌廉香，味道不會好膩。娃娃菜煮得夠稔又夠甜。不過要注意的是，菜脯好夠辣！不是吃得太辣的話，不要一下子加太多。雖然沒試到車仔麵，但水餃🥟也是不錯的選擇啊！
繼續閱讀
您可能會有興趣的...