老川皇川菜風味館

營業中

休息中

今次我地帶屋企人出去食川菜，呢間老川皇係旺角都開左好耐，我地去左最新果間旗艦店，坐位闊落，全部都係卡位😁金湯酸菜桂花魚（$268）酸菜魚佢地呢度有鱸魚同桂花魚揀，價錢亦都唔同，我地揀左桂花魚，價錢會貴過鱸魚，佢既魚肉比較厚身，肉質嫩滑，帶有鮮味，而個金湯都相對少油，用黎撈飯食非常好食，又唔會怕佢油淋淋🐟乾鍋肥腸（$108）呢個乾鍋肥腸整得好惹味，份量都幾多，唔會話勁多配料但搵唔到肥腸，同埋有個鍋㷫住保持熱度值得讚😋小炒黃牛肉（$108）小炒黃牛肉睇落好似好辣，比左都唔少辣椒，但其實我地揀左小辣食落唔覺好辣，個牛肉炒得好香，牛肉亦都唔韌，幾嫩🐮乾煸四季豆（$78）呢個蔬菜類算係川菜中代表，個味道做得唔錯，薑，蒜，辣椒等份量都足夠，連埋肉碎粒都幾好味👍🏻呢間川菜食物整得幾惹味，而且每樣餸其實可以自己揀辣度，我地同屋企人食就番佢地食小辣都唔覺話會淡味，價錢都唔算貴，由於佢都係卡位，所以一家人4-6個食就岩曬，坐得舒服，岩岩好，人多就可能要分枱😉

因朋友喜歡食川菜，就揀來位於油麻地一間食川菜的聚餐，這店的大部份菜式都可以選辣度，又微辣至大辣，可以照顧到唔同客人的需要。🌶️🍽️👭✨ 爆漿椰汁流心球（$32），外皮炸得金黃酥脆，咬開後椰汁即刻湧出，椰汁味道香甜濃郁，是一份幾好的點心炸物。🥥💥✨ 酥炸雙皮奶（$32），外皮酥脆滿滿的芝麻香，內裡雙皮奶軟身滑溜。🥛🫔✨ 孜然羊肉（$106），羊肉每一片切得薄身、肉質嫩滑，炒得夠晒鑊氣，用上了多種不同的調味料—孜然、紫洋蔥、芫荽、蒜蓉、小辣椒等，整碟羊肉放在鐵板上，聞起上來香氣撲鼻，邊食時微微的辣帶點惹味。🐑🧄🧅✨ 檸檬鲜花椒海鱸魚（$208），用上酸菜魚的金湯作為湯底，海鱸魚肉約一斤重，所以魚肉的份量都很多，每一片魚肉鮮嫩，去晒骨，檸檬嘅酸味同鮮花椒味道清新又帶點微麻辣的感覺，真是很刺激味蕾的菜式。🐟🍋✨ 四川冰粉（$28），冰粉涼涼的，放上了黑糖、提子乾和西瓜粒，食完酸菜鱸魚後，頓時也一解碼解辣的效用。🧊🍉🍇餐廳還設有自助吧，提供酸蘿蔔和醃味青瓜，都是不妨可食吓的開胃前菜。🥒😋

終於可以一試坐擁幾間分店既老川皇😍 我好期待食川菜😋平日晚上9:30去到都座無虛席👏🏻 餐廳前菜任食～ 今晚有涼拌青瓜同海帶絲 😍 青瓜爽口 小小辣 🌶️👍🏻海帶亦都好爽脆同帶濃厚海帶鮮味👏🏻酸辣紅薯粉😝 熱辣辣上枱 薯粉勁彈牙爽口 唔會韌到咬唔斷 湯底亦好夠酸 ！ ！ 配合埋中辣簡直係perfect match 🧡 花生就算比湯浸住都唔會淋到泥膠咁 仲卜卜聲👍🏻值得一試🙌🏻點可以少得自選嘅麻辣香鍋😋🌶️ 本身個底已經包咗蓮藕，薯仔 椰菜花等等另外最低自選3個餸 - 豬腸，魷魚鬚 豬頸肉🩷 份量嚇親人！ ！ ！ 所以餸份量都勁多！ 平時出去食呢啲麻辣香鍋就只有辣椒多 其他餸都偏小🥹🥹但呢間絕對係相反 啲餸仲多過辣椒🥰🙌🏻 愛了！ 魷魚鬚必點 好爽口新鮮 再辣都辣唔過佢既鮮味👍🏻 豬腸亦好厚身 juicy !!! 絕對唔會炒到乾爭爭😭 必提嘅係佢本身包埋嘅蓮藕同薯仔都好好食😭 索哂啲麻辣味 成件事勁滿足😍 2個人清得哂真係好叻！ 真係捧住個肚離開😂 自選串燒🩷 川菜點可以唔試吓串燒幾飽都要食😋 娃娃菜 同韭菜索晒啲調味料 勁惹味！翠玉瓜 燒完都仲好爽脆🥰豬頸肉 爽口 🌶️羊架 肉同肥膏嘅比例

今日同朋友去旺角行街睇戲，到食晚飯嘅時候，就喺附近搵美食，旺角有好多美食嘅食店，行到砵蘭街見到有間川菜風味館，個招牌非常大同光猛，門口每塊玻璃都掛住餐牌，食物賣相非常吸引，我哋就入去食美食。這間川菜館叫老川皇川菜風味館，位於旺角砵蘭街101-107A號砵蘭街大樓地下AB號舖，搭港鐵到油麻地站A出口, 步行幾分鐘就到，十分方便。 館內地方闊大，裝修得整潔乾淨，枱凳都擺放整齊，以卡位為主坐，令人都坐得舒服，仲有牆壁上的畫來介紹食品，還推介川菜不只麻辣香，老川皇帶來江湖氣，不在四川就吃老川皇，一種味道承載一種記憶，東南西北中財運唔通路。餐牌上食物嘅款式選擇都好多，有經典特色、開胃涼菜、水煮類、干鍋鐵板系列、辣子系列、泡椒系列、麻辣香鍋、精美小炒、重慶風味燒烤，樣樣令人食得口感豐富，而麻辣係3分辣7分爽鮮香，辣度仲可按自選，辣度選擇有不辣、微辣、小辣、中辣、大辣，真係鍾意食咩味道都得。店員有禮貌服務態度好，我哋入坐後立即話俾我哋知，有自助任吃涼菜，自助涼菜有手拍青瓜和涼拌海帶，食落爽口香辣，令人開胃，唔錯嘅前菜。我哋一路食前菜，一路選擇食物，最終選咗開胃涼菜嘅川北涼粉，精美小炒嘅樟茶鴨和孜然羊

老川皇川菜館呢間老牌正宗重慶川菜，舊年新開嘅旗艦店空間感大好多，坐得更加舒服，正~等食嘅時候可以先去自助小食 bar 拎啲免費嘅前菜拍青瓜同埋酸蘿蔔，夠曬開胃~今次叫咗老川皇金湯酸菜魚（有海鱸魚同桂花魚兩款，我哋就揀咗海鱸魚🐠）肉質細膩夠肥美而且冇腥味，係同酸爽濃郁嘅金湯好夾~入面仲有啲Q彈薯粉~ （份量真係多到食極都食唔曬，好誇張）四川涼麵❄️揀咗小辣所以食落唔太辣反而有好香嘅麻醬味，麵條煙靭有口感~清炒萵筍絲鮮嫩清脆又爽口，同濃味嘅川菜好夾㗎~加埋四川涼麵一齊食又得~樣樣餸都份量十足，食到咁飽先 $350，真係性價比一流~

老川皇都開左好多年 呢間係新分店隔離就係網紅排隊店越發位置非常易認金湯酸菜海鱸魚（一斤）$198呢個極薦指數爆燈🔅🔅🔅🔅🔆首先一上枱大份都嚇親 成個湯都真係煮到金色 超級濃郁食完成個都唔會好口渴 但好惹味！雖然用左大量花椒 但都唔會好麻叫左微辣 辣度亦岩岩好呢兜無論魚片、酸菜都勁好食 超好送飯💢魚片唔係預製魚片 係新鮮魚肉‼️仲有成舊魚腩連骨上埋 魚片超滑 好耐冇係香港食到咁高質好味既酸菜魚🥺火爆腰花 $106好難得會見到有炒豬腰，一定要試下配菜仲有雲耳、荀、萵筍、芹菜一齊炒好多菜食 係相對均衡啲無咁熱氣但又有鑊氣既菜🤣豬腰份量都好多 兩個人都食唔哂炒得好爽！好香口 無腥味一啲都唔鞋😮👍🏽👍🏽👍🏽脆皮牛奶卷 $38好耐冇食過新鮮炸起嘅炸鮮奶！😍😍真係即炸，上枱攤左一陣先入到口個皮好薄🔆好脆 加埋奶香味呢個都係必點推介🥰童年回憶返哂黎😍

今晚和朋友過來旺角砵蘭街這邊吃晚飯，可能以前對這條街印象有點刻板，現在才知道這條街原來都幾食肆林立。今晚到這間「老川皇川菜風味館」食川菜。餐廳內有一個免費自助區，供應了一些開胃前菜，食客可以自行享用。酸菜魚有分不同湯底，這款是檸檬鮮花椒湯底。湯頭入口有檸檬的酸香味，因為選了微辣程度，所以味道不會很嗆。魚肉份量頗多，鱸魚片做了去骨處理，質感都幾滑身。另外還有大量酸菜片，爽脆口感索盡了湯底的精華香味。萵筍絲也是超大碟的。萵筍絲爽嫩，味道相當清甜。清炒做法，不過也可以按個人口味加辣度。同樣選擇了微辣，為這道菜增添幾分惹味。見到不少人都推介這個牛奶卷，所以也點了試試。外層炸至十分脆身，內餡包裹着牛奶，滑溜而且牛奶味香濃。鹹鹹甜甜，果然不錯！

旺角油麻地一帶不乏地道美食，老川皇於油尖旺已有數間分店，食物價錢相宜，難怪吸引吾少人幫襯。迎合香港人普遍吾算食得辣，所有菜式都可以選擇辣度。朋友最中意食麻婆豆腐，食到粒粒絞肉碎，滋味十足。花椒味明顯🌶️辣度不俗，豆腐每一件口感實在，吾會話夾戈陣散修修，豆味亦濃郁。金湯酸菜魚系呢度招牌菜之一，點都要試試佢。金湯好濃郁，酸度十足💛魚塊口感軟稔，新鮮吾腥同埋冇骨。百香水果茶酸甜達至解膩作用，水果款式有蘋果🍎火龍果 士多啤梨🍓藍莓🫐甜味自然，顏色艷麗🩷🧡

老川皇川菜風味館今次要介紹一間喺旺角砵蘭街果邊有一間川菜餐廳叫「老川皇川菜風味館」，呢間餐廳同一條街都有兩間「老川皇」，而砵蘭街大樓下面果間餐廳入面空間大好多，不過餐廳門口有一級，輪椅人士要自備斜板先入到去食，鍾意食辣嘅朋友不妨入去一試，都幾好味嫁！1.揚州炒飯$76（9.5/10）呢碟揚州炒飯份量都唔少，入面蛋碎、蔥花同切咗粒嘅香腸同飯一齊炒，炒飯炒到粒粒分明，飯唔會過濕或過乾，味道又啱啱好，真係好好味！2.白飯一碗$12（10/10）正常白飯一碗！3.小炒黃牛肉$108（10/10）呢碟小炒黃牛肉完全唔會覺得好難，雖然落咗好多辣椒、芫茜、芹菜同蒜頭等，令到牛肉好香，肉質又唔會好韌，牛肉切到好薄，炒起嚟好有鑊氣，好惹味！4.樟茶鴨（半隻）（微辣）$126（9/10）呢碟樟茶鴨叫咗半隻，揀咗微辣，鴨嘅肉質唔乾柴，食落好香口，唔錯！5.脆皮牛奶卷（3條）$38（10/10）呢碟脆皮牛奶卷一共有三條，每一條都炸得好金黃色，入面牛奶味香濃，三條真係唔夠喉，食完一條又一條，真係好好味！6.蜜桃爆珠$24（9/10）呢杯蜜桃爆珠真係好啱打卡，飲得出有蝶豆花，乳酸同雪碧，最後仲有一粒粒嘅爆珠，如果

🍲金湯酸菜生魚片味道濃郁，魚片都好滑，冇腥味。佢嘅酸菜偏重口味，好啱我食！老公食咗兩碗白飯去送佢嘅湯汁😛 魚片同埋酸菜嘅份量都好足夠！🫘酸豆角肉末呢一個餸好少喺香港會食到，多數都係去大陸嘅餐廳先會識！佢呢一度嘅酸豆角非常之酸，我係非常鍾意呢一個重口味之選！成碟餸都炒得好香口，辣度都調得非常好 🍡紅糖糍粑呢度嘅紅糖糍粑係炸得好脆嘅皮，同埋佢嘅糍粑係非常軟腍腍嘅質地，唔係好硬嗰種！咬落軟軟糯糯，非常香口！🍸金橘檸檬特飲非常清新，而且可以揀少甜，味道好好亦都好解辣🍹百香水果茶 呢杯水果茶勁足料，入邊有蘋果，橙，檸檬，百香果，火龍果，西瓜！味道好香濃好鮮甜！

大家好今晚到了旺角砵蘭街老川皇川菜風味館砵蘭街有兩間店我係去大D果一間呢間主要係食川菜我一點左三樣菜因為呢度既菜都幾大碟首先呢度有小食吧可以自己裝水同埋拿手拍青瓜同腌蘿蔔都係大陸一定會有腌蘿蔔估唔到青瓜都有埋第一個上既菜係川式回鍋肉呢個回鍋肉都幾正宗同在大陸食既好相似肉都係用類似腊肉比較乾身配合青紅椒葱蒜甘樣好大份都夠送幾碗飯第二個係主菜係峨嵋鱔絲呢個其實係水煮鱔絲我點左微辣都係比較麻辣既四川風味鱔絲己經起左骨應該係泡過油所以唔會好松散比較有咬口我諗呢個係水煮魚之後既另一個選擇鍋裏面仲有紅薯粉同埋甘菇吸收晒果水煮湯底跟住最後仲有揚州炒飯我其實都係大陸食過幾多揚州炒飯呢個炒飯用料簡單有香腸菜同菜不過炒得乾身而飯粒又唔會太硬算係中上既水平最後仲有脆皮牛奶卷都係即炸幾香脆總括呢間店川菜食到四川湖南果種風味菜式都幾大份大家都可以試下

今日放假去旺角行街後約咗朋友放工後去晚飯。 朋友係旺角通，話附近有間定價相宜的人氣川菜館，名叫老川皇川菜風味館。 它在旺角砵蘭街101-107A號砵蘭街大樓地下AB號舖。 港鐵油麻地站A出口, 步行約幾分鐘就到，十分方便。 這間是新舖，由樓上舖歐亞廣場搬過來的。 舖面很大，裝修簡約；整齊清潔。以卡位為主，坐得舒服! 菜式主打川菜，種類繁多：水煮類、涼菜、干鍋鐵板、精美小炒和重慶風味燒烤等。 辣度可按喜好自選。店員十分友善，提醒我們有自助任吃涼菜，咁就抵食。 *自助涼菜：手拍青瓜和涼拌海帶、藍妹大啤先來杯冰凍藍妹啤酒，手拍青瓜和涼拌海帶都極具水準，爽口香辣，非常開胃! *口水雞、香辣牛展、蒜泥白肉 (小辣)川菜中必點的，全是很地道的川菜口味! 不會太鹹太辣，麻辣鮮香。 雞肉嫩滑鮮味。 牛展有咬口，香辣味濃。白肉肥瘦相間，配大量蒜泥；真的超正! *重慶風味燒烤：白鱔、雞中翼、雞腎 (小辣)好久沒有吃川味燒烤，配冰凍啤酒就最爽! 白鱔燒烤得微焦，皮好香口，肉質鮮嫩多汁! 雞中翼醃製得好好味，燒得皮脆肉香! 雞腎烤得不會太乾，鮮味有咬口，麻辣味濃! 全是超有水準! 這間老牌人氣川菜館，在旺角

近排天氣凍，所以同朋友揀咗間川菜食酸菜魚暖下胃。發現旺角有呢間川菜店，環境都幾好就試吓🌶️金湯酸菜桂花魚呢道主菜色澤鮮艷，湯底金黃透亮，啲魚全部都好滑嫩，睇到都流晒口水。我哋揀咗食桂花魚，因為桂花魚魚肉鮮嫩啲，啖啖肉，而且啲骨都好大條唔會驚哽親。食落每一啖都能感受到魚肉嘅鮮美同酸菜嘅爽口，非常開胃。酸菜魚配菜我哋揀咗肥牛、娃娃菜同大豆芽菜，每一種配料都為整體增添咗唔同層次感，襯埋個湯底真係好好味。肥牛唔係平時打邊爐嗰種好薄嘅肥牛，都幾厚肉。娃娃菜同大豆芽菜襯埋啲酸菜，味道同口感都啱啱好。果然係呢度台台都嗌嘅一道菜。🌶️清炒萵筍絲呢道小菜睇似簡單，但其實係我最期待嘅一道。因為其實整萵筍絲係要花好多功夫，萵筍絲快炒之後都保持到原有嘅新鮮同脆嫩，我同朋友都好快清晒成碟。廚師用心調味，完全唔油膩，非常適合搭配啲重口味主菜。我覺得呢道素菜喺繁重肉類之中，可以加翻啲清爽感，真係好正！🌶️脆皮牛奶卷呢道菜一出嚟就已經吸引到我，金黃酥脆嘅外皮真係好靚。外皮炸到啱啱好，入面就係柔滑嘅牛奶餡，口感對比真係令人驚喜！呢個牛奶卷唔單止好睇，食落去更加一口接一口，三舊真係唔係好夠，好想嗌多啲。呢道菜真係好適合開胃小食

今晚同朋友去咗呢度dinner,一入到去，感覺好熱鬧，四川風格。首先試咗爆漿椰汁流心球，一咬下去，椰汁即刻流出，真係好好味，唔會太甜。接住就係泡椒魚籽，辣味剛好，魚籽好鮮，食落去好開胃。然後嚟到麻辣小龍蝦，肉質好彈牙，麻辣味十足，真係忍唔住一隻接一隻。川北涼粉都唔錯，滑滑地，搭配啲醬汁，清爽。香辣鵝唇真係驚喜，口感有嚼勁，香辣味好濃，令人一試成主顧。最後，澳洲珍寶蚝，新鮮到不得了，味道更清新。飲品方面，我試咗粉紅夏日，色澤好靚，味道清爽，啱啱好搭配啲辣菜。整體嚟講，「老川皇」真係好正，食物味道夠地道，環境又好，我一定會再返嚟，推薦比所有鍾意辣嘢嘅朋友！

泡椒田雞呢道泡椒田雞可以話係辣味控嘅福音，田雞肉非常鮮嫩，滑得嚟仲帶有啲彈牙嘅口感，完全冇腥味。湯底用咗四川特有嘅泡椒，酸辣開胃，第一啖入口已經感受到味蕾嘅衝擊力。泡椒嘅辣係滲透入田雞肉度，辣中帶酸，愈食愈開胃，唔會停口。🌶️乾鍋黃鱔乾鍋黃鱔就係上海菜嘅經典菜式，鱔肉外層煎到微焦，帶有陣陣焦香味，但內裡仲保留住滑嫩嘅口感。配料方面有脆爽嘅洋蔥、青椒和紅椒，亦加了入辣椒，令成道菜更加有層次。🐟孜然羊肉孜然羊肉係一款極具異域風情嘅菜式。羊肉切到啱啱好嘅厚薄，炒香後仲保持住肉汁，完全冇羶味。配埋滿滿嘅孜然同辣椒，令香味更加突出，每一啖都帶住濃郁嘅孜然香同微微嘅辣勁，真係好過癮，面頭再鋪滿芫荽，非常惹味。🐑