老厝邊

營業中

休息中

🌻推薦指數：大腸麵線：9.5/10烏龍奶茶：9/10環境：9/10服務：8/10整體評分：9/10人均消費（下午茶）︰43蚊 +10%食評︰如果晏畫見餓又唔想食得太heavy不妨試下荃灣西呢間老厝邊，係一間有濃厚台灣古早味嘅小店。筆者唔係第一次食呢個下午茶餐，事隔半年再試，依然覺得回味無窮。大腸麵線（小）︰大腸份量足夠，口感嫩滑香口，有淡淡油香；麵線軟滑，入口即溶，湯底混合左非常濃郁嘅蒜泥，每一啖麵線都有蒜香味殘留喺口中。烏龍奶茶 （少糖少冰）︰超級大杯，份量驚喜，甜度恰當；烏龍茶香味重，同奶香味雙劍合璧，齒頰留香。

同男朋友一齊去呢度食飯 佢叫咗個咩絕對真愛雞嘅餐 上餐個陣 店員上咗我哋一人一個盤 仲有個鹽酥雞 我同男朋友仲覺得絕對真愛雞原來有埋鹽酥雞？跟住有個店員突然之間行埋嚟 話幫我哋更新左張單 加咗我哋鹽酥雞嘅錢 我哋都呆咗 問都無問就加？ 佢話原來鹽酥雞係佢哋上錯 咁想請問點解個責任去咗食客度？ 你問一聲我哋都會加返比你 都係幾十蚊 但唔係直接俾張單我話已經加左落去囉 跟住佢就話唔加錢 佢就要收返碟雞 我哋就比返碟雞佢荃灣區有好多好嘢食 我都未試過見到一間食店 自己上錯菜將個責任轉俾消費者？仲有你個名叫絕對真愛雞 不如加返個括號寫返咩餸啦 好過你上咗鹽酥雞 我以為係包括喺餐

荃灣廣場睇完戲想食台灣菜，過條馬路就即刻食到啦~🔘牛肉蔥油亁拌麵牛肉係牛展部位夠厚身，軟腍入味，蔥油醬汁都幾香口，有酸菜做配料平衡返個油膩感，牛肉高分好食~ 🔘滷肉飯幾正宗嘅台式滷肉飯，半肥瘦豬肉切得幾大粒，滷肉足夠撈晒成碗飯，正~🔘超濃芋泥起司蛋餅芋泥芝士同肉鬆嘅配搭好正，芋泥存在感強過肉鬆，鹹甜味道，芝士亦有拉絲效果~🔘塔香鹹酥雞 炸雞外脆內軟，裏面仲好有肉汁，份量亦唔少~🔘蜂蜜檸檬愛玉最愛嘅台式飲品，酸酸甜甜，冰度甜度都可以揀~🔘芋頭鮮奶 芋頭口感軟綿綿，值得一提呢度嘅奶飲品全部用鮮奶製作，寫到明唔使估估下~

紅蔥油雞飯竟然係雞胸，食勻全香港台式店都未試過，蔥油雞飯應該係切雞，依家得幾片雞胸，咁就$65,仲要多幾嚿節瓜同冬瓜，就叫便當，貴一倍價錢，睇漏咗原來單叫紅蔥油雞飯只係$38。因為係叫外賣，所以返到屋企先知，真係嬲到震。唔知點解擺唔到相片，大家可以睇吓其他人嘅相片

同朋友平時都會過嚟食lunch,荃灣來說性價比好高而且好好食好正宗！今次lunch再到訪都坐爆晒好有人氣！香蔥油乾拌麵 $42食落有啲似印尼撈麵🤣好食的！份量都好多！台式香腸滷肉便當 $70好喜呢到既便當,仲有得揀少飯！好親民！每次會有2款隨機小食,但今日既小食我自己個人唔喜😹唔食冬瓜同絲瓜 cry 之前食過粉絲好好食！薯餅蛋餅 $38最愛呢到嘅蛋餅，好正宗又有甜豉油！而且好足料凍多多綠 $26好飲！凍蜂蜜檸檬愛玉 $24好有台灣夜市嘅味道！

首先地方都幾窄下，用餐有限時60分鐘，3個人叫左大腸米線，半筋半肉麵，肉燥飯，芝士肉鬆蛋餅，鹽酥雞扒，仲有個蒜香腸。大腸米線唔知做咩落左勁多醋，成碗酸嘅半筋半肉麵，中規中矩，但係個麵嘅質地都幾難食，好重粉味肉燥飯正常（應該都好難整到難食嘅)鹽酥雞扒，勁厚粉，豪大大好食過佢蒜香腸超多粉....唔知咩料芝士肉鬆蛋餅，勁乾，啲芝士完全唔夠唔知300個好評點黎...我就係比呢300幾個好評呃左我入去食😑😑😑然後就係，入座時冇提醒下我地原來得60分鐘用膳時間，佢仲要計到勁準就叫人走😑😑😑我覺得兩個人以上可以唔洗去食，你傾得叫咩野，應該得返半個鍾食，但其實琴日係閑日黎，門口都係兩group人等位...er....總之應該睇黎唔會有下次

又黎到呢間好出名既台灣餐廳，星期五夜晚黎到，預左要等一陣~ 不過都好快有位，今次係坐樓上! 炸雞排便當勁大塊雞扒，好厚肉，咬落去唔會肉同炸粉分離，同埋本身調味都好夠。入面仲有豆腐，豆芽，絲瓜等等既配菜，食落一D都唔單調。三杯雞蔥油乾拌面本身以為得一塊雞扒，原來下面仲有一扒，好有誠意，好足料。呢款肉質就比較嫩滑，好入味。乾拌面好香，麵條爽滑! 超濃芋泥蛋餅超多芋泥，入面仲有芝士同少量既肉鬆，個蛋餅皮好有咬口，好食!台式蒜片香腸比我想像中大份，香腸外皮酥脆，一咬就有肉汁!鐵觀音奶茶雖然叫左熱，但原來同凍飲一樣大杯! 茶底不錯。蜂蜜柚子烏龍清爽之選!

這家小店以獨特的工業風裝潢打造出舒適愜意的用餐環境，吸引了許多喜歡古早味台灣料理的顧客。無論是牛肉麵、酸甜鳳梨雞便當還是蔬菜排骨湯，每道菜都份量十足，讓人吃的滿足而舒服。台灣牛肉麵湯底濃郁，牛肉多汁嫩滑，麵條彈牙，有滿滿的麵粉香味，非常好吃！酸甜鳳梨雞便當非常醒胃，紅噹噹的炸雞10分亮眼，酸甜到適中，雞皮酥脆，小菜非常豐富，份量十足！此外，珍珠奶茶等傳統飲品也廣受好評。無論是單獨光顧還是和好友聚餐，這家特色小店總是座無虛席，讓人流連忘返。

早排去完台灣之後又有啲掛住台灣美食，睇下附近嘅台灣菜餐廳，揀左呢家比較多款式。半筋半肉麵超大碗又好多材料，牛𦟌同牛筋炆得非常岩火候，牛𦟌厚實有咬口；牛筋QQ彈牙，有口感又唔會韌。而且牛𦟌都好厚身，好味道。揀左紅燒湯底，夠晒正宗台式滷肉飯大台式經典美食之一，一定要試，肥肥嘅滷肉夠曬入味，軟軟嘅脂肪邪惡得嚟實在太好味；同埋醬汁非常之好送飯，飯粒吸曬鹵水汁，正呀超濃芋泥蛋餅芋泥都係台灣必食之一，呢個蛋餅入面滿滿嘅芋泥又甜又軟，加左少少肉鬆有d咸味平衡下，再點埋佢嘅醬汁真係零舍好食！再飲埋杯椰果蜂蜜檸檬，中和下甜嘅口感，蜂蜜檸檬夠清新，今晚晚飯真係好滿意！

我今日放左工後，約同好友去位於荃灣大壩街25號地舖的老厝邊食晚餐。環境的裝修頗為典雅。我點左個眷村牛肉麵（紅燒湯）$70，好友點左個紅蔥油雞肉飯$38，花雕醉雞$48，超濃芋泥蛋餅$44。芋泥蛋餅煎得非常香脆，芋泥和芝士濃郁，好味又好食；醉雞肉質嫩滑，吸滿花雕的酒氣，非常入味；蔥油雞肉飯賣相不錯，肉質鮮嫩；牛肉好軟腍，有咬口又好味，白蘿蔔炆得腍又好食，麵質爽滑，好食！整體黎講係有水準，價錢親民合理， 食客繁多！

Friday, 1 Mar 2024 好凍荃灣大壩街。呢個小區可以話係小餐廳嘅木人巷。幾次經過呢間嘢都坐滿人，啲枱迫迫夾夾，食客出出入入。今次決定早啲收工專程嚟試吓佢。食開台灣嘢嘅人對佢嘅Menu應該會有一份親切感，全部嘢都好地道嘅台灣文。佢哋真係好好生意，所以只有一個鐘頭要交枱。快。香炸魷魚，邪惡香口好味。超濃芋泥蛋餅，就係當地「夜繽紛」嘅風味。酸甜糖醋雞便當，酸甜剛剛好，啲雞炸到好香口又掛汁。強烈推介。眷村牛筋麵，牛筋入味，軟腍適中。絕對真愛滷水便當，哈哈。無限幻想空間啊….最後叫咗兩個珍珠奶茶攞走。整體嚟係好食嘅，只不過係地方細又熱鬧咗啲。去佢嗰度食嘢要諗定跟住去邊度玩。

久違荃灣收工😎又係時候搵吓好野食呢間台灣菜幾旺場🔥🔥成條街得呢間要排隊🌟三杯雞扒蔥油拌麵撈麵嘅蔥油味香，加埋三杯雞扒咸咸香香嘅味道幾夾而且拌麵大大份🤩2塊雞扒都大過手板🌟嫩雞沙茶麵湯底濃厚🥜好香花生味雞肉軟嫩多汁，比即食雞胸更加腍成個麵食得好滿足🌟古早味滷排骨炸過先再滷嘅排骨係我最愛😍仲有少少脆嘅炸皮索晒味道豐富嘅滷水小食嘅份量比我想像中大🤣加餸必叫🌟九層塔蛋抓餅本身睇錯以為係蛋餅所以叫左🤣不過錯有錯著，呢個新嘅手抓餅都幾有驚喜香口鬆脆嘅手抓餅包住九層塔煎蛋九層塔香味濃得嚟帶輕盈感😇食得多都唔覺膩🌟青蛙撞奶食台灣野都係要飲杯肥仔水開心啲依度嘅飲品可以自己揀甜度同冰量我就叫左正常嘅珍奶，珍珠比較煙韌有咬口最後每人$100左右但份量估唔到咁大食到勁飽😂超抵食

荃灣廣場附近一向都多美食，今次朋友揀咗一間台式餐廳，正好止止台灣癮店舖裝修風格結合了懷舊和小清新，十分特別平日晚餐時間到已差唔多全店滿座，等咗5分鐘左右就有得入。叫咗兩款主食和兩款小食，等咗大概10分鐘就有。香蔥油乾拌麵原本以為份量會比較輕盈，點知是正常麵食份量，性價比高香蔥油十分濃郁，掛在麵上十分開胃，有種古早味道。酥炸排骨便當排骨份量很澎湃，比面還大炸得十分香脆，外面薄薄灑上一層胡椒粉很惹味。起司肉鬆蛋餅蛋餅外層香脆，包住一層芝士🧀一口咬下拉絲。中間卷住肉鬆，鹹香鮮味同時爆出，每朝食上一個飽肚又滿足，難怪台灣人喜歡早上食蛋餅。大腸麵線(小)小碗份量都十分足，麵線比起普通米粉還幼，帶住芡入口十分絲滑。大腸有咬口，夾住食十分台式style 連平日夜市的青蛙撞奶都有，未有假期飛台灣可以食餐十分有台灣風味晚餐止此台灣癮一流

老厝邊唔知大家會唔會時常掛住台灣小食我都會！好多人推介我食呢間終於有時間去試！💛眷村牛肉麵 $69入面有牛肉、麵、菜、酸菜、蘿蔔、蔥花湯底香濃，牛肉都幾厚身，有三塊牛肉好軟又入味😋💛麻醬雞絲粉皮 $45有驚喜！啲粉皮好彈牙，個麻醬都好味配埋雞絲味道好夾！💛起司肉鬆蛋餅 $40一份有六塊，芝士加肉鬆真係最佳組合😋蛋餅都煎到好薄！💛香酥炸排骨 $36上枱熱辣辣，無諗到咁大份，外皮好鬆脆！💛珍珠茉莉奶綠 $25奶綠好香濃，唯珍珠偏硬左少少，比較鍾意軟珍珠！價錢：$215（二人）⭐️⭐️⭐️評分：7.5/10⭐️⭐️⭐️📍老厝邊 (荃灣)荃灣大壩街25號地舖

荃灣大壩街一向多餐廳多好野食，香港都不乏台灣餐廳，呢間店晚市時間唔算多人，好快入得，不過最衰係只限時1小時，坐多陣都比店員叫左幾次好走，食唔曬都要照走，食飯可以🥳，傾計不了😒餐單每樣都好吸引同有特色，價錢唔貴又想試多幾款，同友人一共點左5樣，三杯雞超司蛋餅($40)、香蔥油嫩雞乾拌麵($46)、大腸麵線(小)($34)、炸甜不辣($32)、塔香鹹酥雞($39)。食物種類算多，仲有唔少特色菜式😍😍三杯雞超司蛋餅($40)蛋餅選擇多亦好特色，唔止單調嘅超司、肉鬆等等，仲有三杯雞、九層塔、香蔥牛肉、薯餅等，明明小朋友先做選擇，可以的話全部都想試！雞肉嫰滑多汁，嗯，就係蛋餅入面夾雞件，同埋包得唔實，一夾就散，整體味道還可以，值得一試嘅！推介：🐾🐾🐾🤍🤍價錢：🐾🐾🐾🐾🐾味道：🐾🐾🐾🤍🤍賣相：🐾🐾🐾🤍🤍香蔥油嫩雞乾拌麵($46)蔥油味唔算太重，麵條乾身彈牙好掛汁，嫰雞似雞胸肉切片，真係好健康🤣🤣🤣推介：🐾🐾🐾🐾🤍價錢：🐾🐾🐾🐾🐾味道：🐾🐾🐾🐾🤍賣相：🐾🐾🐾🤍🤍大腸麵線(小)($34)😍即使叫小size一啲都唔求其！大腸有5-6舊，芡汁剛好唔太稠，調味上落重醋偏酸，好睇個人口味，我較中意食酸所以覺得