老北京餛飩皇

營業中

休息中

老北京餛飩皇呢幾日天氣轉涼，想食啲熱辣辣/熱湯類野行過見到小餛飩就想試下外賣仲好抵添🤩 主食+小食+飲品都係$55！一於外賣試下💛 主食1- 原味小餛飩唔知係咪因為外賣，令到小餛飩痴埋一舊真啲失望！湯內有紫菜、蔥花、生菜，湯都幾清！💛主食2- 花生醬涼拌大拉皮+$5花生醬味好濃郁！入面仲有炒過既花生，幾惹味有口感拉皮好煙韌，不過食到尾就好漏💛小食1- 香茅雞翼熱辣辣有香茅味，不過不失💛小食2- 蔥油拌生菜味道淡啲，無食到蔥油味！💛飲品- 豆漿重豆味，唔錯！價錢：$115 （兩個人）⭐️⭐️⭐️評分：7.5/10⭐️⭐️⭐️📍老北京餛飩皇 (旺角)旺角花園街3號鴻威大廈1座地下1號舖

上次食完餃子，今次要繼續encore，買咗外賣餃子$50至$88不等嘅價錢，可以買到30粒小雲吞，或者15粒水餃，只係size同埋個皮嘅分別我兩個都試咗嚟買，但係原來小雲吞細好多！未煮未試，唔知羊肉好唔好味呢？😋😋仲有買咗個大嘅一字骨，上次食完好鍾意😝不過今次覺得甜咗少少 🤏一字骨雖然係骨位，但係都會有好多肉，唔似得坊間嗰啲冇乜肉嘅連骨位😆😆我諗大概有六至七九！成為$59外賣加一蚊！京蔥羊肉餃就$88有15隻，仲有買酸菜豬肉小雲吞， $50.30細細粒店員溝通用北方話，感覺好地道🤣🤣同埋佢哋好醒目，唔似普通飲食舖嘅阿姐

好肚餓，求其經過諗住買啲外賣返屋企，點知出乎意料好味唔怪得知一入舖頭都咁多人食緊下午茶時間！性價比亦都好高！呢度啲餃子真係好有不方味道，皮厚煙靭餡料地道選擇多！早知嗌個羊肉味嚟試吓，因為唔係長期有貼咗喺場，我睇唔到Menu有🤣蘿蔔牛腩普普通通，鍾意食肥牛腩嘅就啱啦！反而佢個糖醋一字骨整得超級出色，極力推介！本身諗住嗌俾個friend食，點知我自己都覺得好出色☺️☺️忍唔住食咗兩嚿!呢個麻麻哋，但係幾抵食，好似$25咋雲吞會更湯，之後睇返食評原來啲湯好清甜！下次一定要嚟試吓

酸菜鮮肉煎餃 $48/8隻大慨晚上9點多去，人數少坐得都幾舒服😌黎到餃子專門店就梗係食餃子啦！但本身驚食熱野，所以冇叫湯餃，見到餐牌上面有酸菜豬肉餃真係諗都唔洗諗，已經覺得好好食🤤因為本人超中意食酸菜🫢上菜時間唔算好快，應該係即叫即煎。熱嗱嗱外皮少脆，一樣好嗱口都要放左陣先食到🫣第一啖咬落去味道係唔錯既，冇話令我覺得好好食想再食既感覺，而且外皮偏厚，但個底煎到好香脆，餡料亦都夠多，算大隻。份量都算多，本身小烏胃食唔晒，正常呢個一人份量岩岩好。另外仲order 左杯酸梅湯，咁熱既天氣最岩飲啲又凍又酸既野🤣好解渴，同埋都算大杯。

呢間已經變咗我逢星期六lunch既飯堂，今次揀咗R8套餐，北京大拉皮(轉酸辣)+原味小雲吞(15隻) ($63)，再另外單點了冰鎮酸梅湯($8)，呢餐埋單$73。北京大拉皮(轉酸辣)係凍涼皮，涼皮爽滑幾有咬口，酸辣汁唔辣好開胃，如果單食呢碗唔夠飽，套餐仲有原味小雲吞(15隻)，小雲吞係豬肉餡，細細隻，湯幾好味，無味精，食完成碗都唔口渴。套餐無飲品，之前嚟呢度飲過酸梅湯覺得好正，今次照樣加$8要咗一杯，食完所有嘢之後勁飽，好味！

呢間餛飩店每到午飯時間就勁多人，成日都滿晒位，今日假期經過好彩有位，同朋友一齊食咗好多嘢食，超開心🥰炸醬涼拌大拉皮 ($42) 拉皮係標榜手工做，食落去好滑溜，厚薄啱啱好😚原本都會驚有啲油膩，但係佢食落唔算好重口味，有啲香菇、青瓜、肉碎同花生，輕鬆KO成份🍜呢度嘅餛飩都幾出名，所以嗌咗一份韮菜鮮肉小餛飩($37/15粒)，估唔到好滑溜，個皮係滑到好似跣入口咁，個口感好得意😍 韭菜都幾香，而且佢個湯底係大地魚湯，飲落去好清甜，唔會太油膩🤤除咗餛飩，呢到餃子都好出色，自己鍾意食煎餃多過就咁水餃，呢到嘅煎餃係煎三面，所以特別香口🥟 呢到水餃有7隻口味，貪心嘅我可以揀全家福 ($63/10)一次過食哂咁多種味，有咩味唔食仲可以同店員講轉做其他味🤣 不過水餃就冇送湯底～食勻咁多款最鍾意黑松露鮮肉餃同韭菜鮮肉肉餃，呢兩款好香👍🏻蝦仁鮮肉餃都唔錯，入面有原隻蝦，食落爽口🦐粟米紅蘿蔔鮮肉餃幾清爽🥕呢到仲有個店家秘製醬汁，比起平時嘅醋冇咁酸，但多咗一份蒜香，點餃子食一流💕呢到個燉湯都相當有驚喜，同朋友一人一盅，烏雞燉人參 ($45)同排骨燉蟲草花 ($42)都好出色，直情會見到原條人參係入面，飲落就知係

[ 老北京雲吞 | 旺角 ]My first stop on my scallion oil noodle hunt in HK because I became recently obsessed with these noodles and want to try every bowl in HK. I also realised that every restaurant does them differently and trying them all will help develop my perspective on this simple bowl of noodles. Since this dish originated from Shanghai, it was surprising to find it in this Beijing restaurant. But I guess every region in China has their own variation of it. —— —— 蔥油拌麵 $32 Their scallion oil nood

過年食得多肉肉，想食番清清地，所以就去左呢間餃子鋪啦環境幾好，簡簡單單，唔會好油淋淋咁既由於真係餓啦，叫左一個套餐，一個大雲吞，一份煎餃，真心咁樣叫真係貪心左，太飽啦個套餐我就簡左一個麻辣拉皮配原味15粒小雲吞，個拉皮好有彈性唔黏牙，易咬斷，酸酸辣辣咁好開胃丫，小雲吞超滑丫，真係一口一粒，都係咬開小小先再食，會（辣）嘴架（套餐$68）一份原味大雲吞，個人就唔推介佢啦，因為呢我想像中係小雲吞既放大板，（男朋友想食多d肉肉），但點知係水餃皮黎架，個人而言個皮略厚，唔夠滑身，如果我知唔係我ff既大雲吞，我會乖乖咁叫多個唔同味既小雲吞，不過值得一提既係個湯幾好飲唔味精，清甜的個煎餃就叫左韮菜餃，個人認為煎餃就係要食韮菜味，咁樣先夠煎口，個煎餃出子丫，皮脆唔厚，又唔會乾，保持到個肉汁，好好食丫整體黎講我會encore ar，又唔貴，但下次就唔叫大雲吞，同埋兩個人咁樣叫太多啦，下次叫少個大雲吞就岩岩好啦，埋單先$163，抵食丫

水餃可能唔係香港人平時食開嘅嘢，但係對於肉肉獸黎講，真心推薦無論係外脆內嫩嘅煎餃，定係浸泡係鮮湯入面嘅湯餃，我都會講我要打二十個。但係恕我見識淺薄，搵到好食嘅，唔多。但係今次搵到一間會令我印象唔錯嘅，首先湯餃，佢個湯底清甜，飲完唔會口乾，餃子皮但係薄，肉餡都唔錯。煎餃都係完全符合我嘅要求。一個字，正。PS，女朋友話酸辣湯都好正

天氣突然轉涼，13度，原本想食火鍋，但係又唔想等咁耐，就走咗去旺角，老北京食下雲吞同埋飲下燉湯。烏雞燉湯夠味又足料，入口成個人暖晒，味精唔算濃，有少少人參味。牛腩半肥瘦，夠晒淋，又入味，仲跟半隻咸蛋有新意，搭多條菜夠健康，抵讚。羅白入味又無渣，正。馬蹄香菜小雲吞，湯底有少少胡椒，加上佢個手工麵，有啲似米線嘅口感都幾好食！韭菜鮮肉煎餃，食煎夠熱夠香口有啲咩我仍用舊舊又夠脆！埋單蝕到攬住個肚都唔洗兩舊水，超值又好味道，平民美食推介！

如果想快食就千其五好揀呢間嗌左個外賣等左20mins 原來需要多啲時間等但又五講聲 等得黎都食五到了因為真係無諗住要等甘耐好聲好氣問佢我趕時間可五可以轉其他比左錢無得轉架喎其實等得耐係收錢前係咪可以提一提需要比較長時間 啲呀姐真係極品一定五係食服務 但基本野都五講聲仲諗住叫我幾個鐘後得閒先拎👍🏻👍🏻

今日同朋友兩個人去食左個晏，入到去呀姐叫我哋坐，我咪坐左個打對嘅兩人位，跟住呀姐唔比我坐嗰個打對位，死要我哋坐張四人枱，要我同朋友打橫排坐，佢話個打對位要放外賣喎～～但後尾我見到嗰個位係有比其他人坐囉🤷🏽‍♀️到叫嘢食，叫左個酸辣韮菜餃面，完全唔係酸辣囉～似蒜辣囉～個餃子唔洗講啦，普通到唔普通，唉…..冇下次！

Lunch想食餃子 就想試下呢間我拎完外賣見到好似細細盒咁 原來都幾飽～叫左-韭菜鮮肉煎餃 5隻一打開油味都幾重 但食落去唔太油啲餡仲要幾多 皮都係煙韌既 唔爛我仲落埋辣椒油 又幾好食-蔥油拌麵唔重蔥味～但偏油但我撈左啲辣椒籽 會好啲下次可以配其他麵試下可能我兩樣都油埋單$50

二人行，旺角逛完街，肚餓啦，去那裏吃😀路過 「老北京錕鈍皇」，簡單裝潢，冷氣夠凍，涼浸浸😀 坐得舒服食飽飽，不錯吧，下次再來， ok有平宜下午茶喎，分別是 $38 及$53 特價套餐包小食及飲品小餛飩15粒 $38 （換 馬蹄香菜 加 $3）細細粒，容易食，皮薄 滑嘟嘟，少量生菜及紫菜，清淡好吃 😋 韮菜小餛飩 15粒小食： 老北京驢打滾， 問職員，乜嘢嚟㗎😀原來是糯米糍，煙韌，口感不錯，甜甜豆沙餡飲品： 酸梅湯、 新鮮豆漿 😊

今晚因為要上堂，所以成10點先食晚餐，朋友推介左油麻地餃子抵食之選！仲要唔使排隊，即時入執試下先兩個人叫左以下餃子🔆黑松露鮮肉煎餃 $60🔆薺菜鮮肉水餃 $46🔆凍&熱豆漿 $7@皮唔太厚，煎同湯餃都正常，加上湯底唔太濃，食完唔會有好口渴既感覺👍👍唯一麻麻既就係店內環境，如果想同朋友傾計坐得舒服就唔好揀呢到啦😂呢到適合快食既人士