老上海小廚

營業中

休息中

Aeon food court 的老上海已經改左做新上海，但啲一人套餐/二人套餐都同之前無乜分別，是晚八點幾黎到，好多餐廳已收爐，就試下新上海啦。叫左二人餐$128，同舊店一樣錢無加價，但少左個甜品，價錢上都算平嘅。⭐招牌擔擔麵得個鹹字唔香又唔辣，麵已經糊了。⭐酸辣湯麵極鹹同少酸辣，少料，麵太淋⭐口水雞卷雞卷無味，辣椒渣勁鹹，辣椒油還好，掉晒啲辣椒核淨係點下油都ok嘅。⭐上海小籠包正常嘅小籠包，但湯汁偏少。⭐豆漿要左熱豆漿，但黎到一熱一凍，可能賣晒無熱了。無乜豆味，微甜，都ok嘅。呢個價錢食得飽，但真係太鹹啦，師傅重口味吖😂

Aeon超市旁的Food court餐廳，午市見到有套餐就同同事試下。自選2人套餐 $128包兩款麵食，一款小食，一款點心，一份糕點以及兩杯飲品。蔥油拌麵幾好味，蔥油唔會太鹹而且幾香，麵質軟硬適中。紅油抄手同樣唔夠辣，似豉油夠過紅油。不過隻抄手都算大大粒，豬肉餡。口水雞卷望落辣辣地，但食落唔算辣，而且雞卷口感一般，有點失望。糕點似落左豆既大菜糕，無咩味道。最後飲品選了豆漿/汽水，整體都算飽肚，食物質素普普通通，唔算突出，性價比一般。

今日叫左二人套餐，個擔擔麵和麻辣麵好難食！！！！d麵質勁淋，未食過咁難食的麵！！！！不會再去！！其他食物例如豬扒，小籠包就不過不失。野食都幾油，食唔哂都好飽！！！！

同朋友睇完戲黎左Aeon food count食，貪呢度多選擇，可以揀啱自己口味嘅野食。朋友叫左上海野，某程度上係就我想食小籠包嘅，哈哈。酸辣雲吞麵套餐配小籠包及豆漿（$59）朋友叫左呢個餐，賣相幾靚啦。酸辣湯底唔錯，夠晒酸，少少辣，啱我口味，朋友話可以再辣啲。雲吞滑，麵掛湯，份量ok，整體黎講算好食，唔好唔記得呢度係food court。小籠包皮薄，湯汁就唔算多，都ok嘅，但醋無薑絲就要扣分了。成完差唔多三點都仲係好多人，Aeon果然係人氣爆棚呀～

香港上海餐廳有好多，大大小小有高級有平民，大多都滲着港式嘅風味。今日竟然見到food court 裡上海餐廳都要買水煮牛，似乎所有嘢都已經被赤化得好利害。10年前，記得要返北京做嘢嘅時候。面對這紅當當充滿辣椒辣油嘅一大盤，一定有啲膽怯，直頭掂都唔想掂。但時至今日，尤其冰冷嘅冬天裡，就覺得好滋味，撥開紅油，充滿芽菜，亦有好多牛肉，花椒嘅香氣滲出來，牛肉出奇嫩滑，扒了整碗菜飯。

近排工作壓力大，平時Lunch time都唔會自己一個人去食，但今日好想出去行下食下自己想食既野，但諗左好耐都唔知食咩，於是就去左AEON foodcourt 求其食，見到呢間食上海野既店有我想飲既酸辣湯，而且價錢唔貴，所以就決定食呢間，但估唔到係完美中伏。我叫左一個炸排骨菜飯特餐飲豆漿$43，另加$9配酸辣湯，等左大約5分鐘就拎得，我都覺得奇怪，炸排骨點會咁快，但個賣相又幾靚仔喎，而且阿姐姐服務態度都幾好，又好笑容。拎返埋位首先試個酸辣湯，佢個辣係用豆辦醬既辣，酸都唔夠酸，完全唔係我想食既酸辣湯; 炸排骨係凍既，表面既脆漿已經淋晒一啲都唔脆，無肉汁; 菜飯唔熱，只係微暖，食落口係好淋，完全唔好食，但份量係好足夠既; 豆漿係唯一一樣正常既!! 總括黎講，一定無下次……

夜晚放工後去了這裡吃上海菜，我點了個小蹄膀菜飯套餐另加配酸辣湯，等了大概幾分鐘便有食物了，滿滿的一大盆美食，當中有一碟十多片的小蹄膀配菜飯，有兩粒小籠包及豆漿，還有酸辣湯。天氣開始有点凍了，所以先飲個酸辣湯暖暖個胃，才開始食其它美食，小籠包的肉質鮮美，咬落有肉汁流出，個皮唔算好厚，小蹄膀好特別，和薰蹄樣貌差不多，但口感會比一般薰蹄硬身，配上濃濃酒香味的陳醋，更顯小蹄膀的特別味道與口感，它的脂肪部份不多，所以吃完都唔覺得膩，至於那個菜飯，份量很足，飯的口感又很軟身，是我喜歡吃的質感，加埋杯豆味重的豆漿，吃完一餐很滿足的上海風味晚飯。

一個人食晚飯，都係求求其其喺food court 搵吓有咩食,咁啱見到有上海炒年糕，見佢個set有豆漿加埋小籠包，都幾抵食就試吓，年糕就都OK嘅但係嗰啲排骨呢應該被鬆肉粉那得太犀利，食落好古怪，小籠包食咗一舊就唔好食啦，冇乜汁皮又厚

3個人黎到Aeon既food court,我地揀左呢間上海野黎食，佢地午市有午市特惠餐同全日套餐。朋友叫左午市餐，大約45蚊，有一個餸，一碗飯同跟野飲(豆漿/汽水)。我就叫左一個全日餐，$63，1個擔擔面，2隻小籠包，1碟豬排同1杯野飲。夠多野食，可以食3款食物，同埋夠飽！味道都唔錯。推薦食豬排，炸過，夠香口，好味。朋友食既醉雞卷就一般，酒味太濃，而且數量較少，唔抵食！另外見到有雙人套餐，2個面2個點心都係～165，都幾抵食。

一號風球，竟然橫風橫雨，樹都吹到歪晒，唔知仲以為打八號。原本諗住跟同事一齊行遠少少去食飯，點知大風到有遮都無用，全身濕晒，最後全部人決定留晌aeon food court 食算，順便等雨停。Food court 各自各搵食。我貪平揀上海野。點知真係平野無好呀，嗌左排骨菜飯，見到賣相個個讚好，一食落先知中伏。排骨係好脆，但成塊都係苦苦地既鬆肉粉味，搞到我都唔知自己食緊乜😟菜飯都叫熱，不過好濕，食落口好似一pat pat 咁，完全唔好食，又無菜香☹️...唯一豆漿算好飲囉...

加班晚饍，餓到暈。 食大大份上海菜套餐。煎豬扒擔擔麵，小籠湯包，豆漿樣樣齊。最正係姐姐俾個mixed 涼伴瓜同木耳，雖然係前菜，但份量都好大碟。小籠湯包多汁，擔擔麵湯底濃郁，豬扒香口呢餐食完好滿足。

今晚我們特意再去咗黃埔號嘅Aeon Style行街，之後去咗food court食晚飯！我們分別買咗幾間唔同店舖嘅食物嚟食，其中一間我們係「老上海小廚」！我們買咗酸辣雲吞麵套餐配小籠包同一杯豆漿，酸辣雲吞麵嘅酸辣湯味道都幾夠酸同材料都算豐富，但麵質就非常腍身，一啲都唔煙韌彈牙，雲吞嘅皮都幾薄身，餡料都幾惹味！小籠包嘅餃都幾煙韌薄身，但湯汁唔算太多，肉質都算嫩滑！豆漿嘅味道相當淡！

黃埔Aeon全新裝修完成，襯感謝日新屎坑去逛逛，順便吃個晚飯⋯來到全新美食廣場，NoSir選了老上海小廚⋯酸辣雲吞麵套餐，套餐還有小龍包2隻及豆漿一杯，$59酸辣湯超棒，可惜麵＂林＂咗啲～小龍包也不錯～整體不錯，但豆漿稍為豆味欠奉*P.S：美食廣場公眾座位有提示食客需要用餐後自行將餐盤放回收集處的，但很多人沒有注意到呢！