耀記雲吞麵食

營業中

休息中

晚了下班，又餓又不想吃太多，便跑來吃雲吞。想想好像沒嚐過這裡的鯪魚球，便點了需吞與鯪魚球，友人點了一碗大的雲吞麵。友人的招牌雲吞麵很快端上了。雲吞大小很均稱， 每顆誤差不大。浸了一會兒湯，麵條還是彈牙的。鹼水味處理得宜，不是很強烈的。雲吞的內餡，就是普通的蝦與普通的豬肉，值得一提是沒有太多肥肉。鯪魚球普通，雖然樣貌不太吸引。雲吞、水餃、麵條全是人手處理，水餃也是另一推薦的食物就，不過很快便售光光了。坐在店內進食時，在白天能一睹餛飩生產，晚上便能看店員捲麵條。

嚟到佐敦識捐窿捐罅都會搵到嘢食, 搵平價又好食嘅，雖然少啲但唔係冇嘅。好味嘅又唔一定需要排隊， 今次搵到一間唔洗排隊食雲吞 水餃嘅地方。味道唔差但無乜人提起嘅呢🤔明明淨係食咗碗雲吞河，點解會話水餃好好食， 早前有人唔好彩入咗醫院要買嘢食去探病，就喺呢度買咗碗水餃。病人話好好食，當時我只覺得禁食已久食乜都好味啦，食咗病人一隻水餃，果然好味得夠低調，爽口皮滑唔「確」口，唔開胃嘅病人一口氣食曬。所以同自己講 下次有機會就坐底食碗麵。今日嚟食雲吞河，每一隻都有一粒蝦 蝦子，香到不得了，雲吞皮好滑口，河粉底唔係油膩膩，唔係碎濕濕，粉唔會痴埋一舊舊，時下3十零蚊呢個質素...收貨啦!

呢間係我成日去食嘅麵檔之一，平時出邊我唔會食幼麵，但係呢度我一定叫幼麵，又爽又彈牙，必食雲吞鯪魚球牛肉麵，雲吞佢哋小店自己包的，牛肉又滑又諗，鯪魚球彈牙好味，總之正啦！

其實之前都食過一次，都已經覺得麻麻地，但今日見無咩胃口，又走去買個牛筋麵食下咁。一打開同上次感覺一樣好少，尼到都成35蚊，連湯都只係岩岩好過個兜一半，棵菜1株剪開3份當比多左。今次食落湯底比較咸，牛筋5錯既，都算淋，麵都真係足一個，咁心理上都平衡d, 今次無要辣椒油，但上次食都真係有d料到，幾辣既。門外都好多明星相既，不過食落都真係一般過一般，當然我無試晒咁多款又5可以一概而論既，咁岩行開行埋都可以去試下既。

今日諗住食下港式粉麵，於是去呢間度食左碗牛腩河，諗住最穩陣點麵冇死啦，但首先送黎嗰陣d河太多，個碗唔夠大，搞到碗河唔夠湯，食落好乾，牛腩又太肥膩。最離譜係埋單先知原來佢自動幫我加大，明明出面餐牌寫住32蚊一碗，得d枱仔張細餐單寫d麵有得揀大碗定細碗，搞到我埋單先知要比40蚊，擺明有心水我，大家唔好以為小店就有好野，實情有時伏仲多，又難食又呃錢，小心下次唔好幫襯呢間野，抵制有心水人嘅食肆之餘亦唔好中伏。

支持一下小店，位於佐敦！仲有人情味嘅鋪頭真係買少見少。原汁牛腩撈麵（$40),除左碗麵之外，湯就另外上。牛腩腍淋，腩汁好香偏咸配埋麵食，就剛剛好。招牌雲吞麵（$32),有四粒大雲吞。入面有大大粒蝦，就咁睇樣都見到皮薄！好夠味，而且湯底都好香濃，唔係淡茂茂！雲吞河，都一樣咁吸引！不過就好做吸曬d湯，快手食，真係好正！加碟菜芯（$18),鮮甜！餐牌見到有唔少選擇，不過偏夜就會賣曬牛肉、鯪魚球，早d黎就可以試試。好傳統，仲係手寫餐紙！廚房仲係門口，見到師傅即刻整。

覆診既關係，今次出黎就唸住食得清淡啲，快快手手點指兵兵求其入一間麵店，係正地鐵站一出就見到既橫巷！一拎起餐牌，比幾隻字吸引，>全日抵食套餐<單拼+飲品/油菜 $40話時話郊外油菜同油菜有咩分別，相差$10我以往一入麵店就會叫牛腩牛根河，因為我覺得係精髓黎，試一試就知味道如何，但我今次就叫左魚蛋米＋芥蘭^ - ^（哈哈，我初頭以為佢比錯我，我一直都吾知魚蛋係包埋魚片＋白魚蛋）忘記左芥蘭都係炒好食啲( ´▽｀)不過食落都吾會有苦澀味！魚片我就覺得不過不失，我好少食白魚蛋，最近為左減下磅接觸多左，驚喜既係依粒，滑身不會起渣痴牙，又有彈性，仲好香魚味啊！份量方面，大概6成飽啦( ̀⌄ ́)匆匆忙忙，臨走埋單既時候，我都讚左句〔魚蛋好味啊我好喜歡〕姨姨笑住望住我講左句：多謝～

一出地鐵站，又係一堆agent四周聊人睇樓但點解冇人黎問下我!!!????btw~睇完中醫完有d肚餓，就搵左間地鐵站出口附近既麵店食下云吞麵招牌云吞麵30蚊，大應該係加底??都冇太考究~食小小墊下肚算~聽到佢落單個陣大叫細蓉，我都有d期待!麵都係傳統細蓉既擺法，用4粒云吞墊住個麵，等個麵唔會咁快浸林蛋麵無梘水味，食落又香又彈牙，質素非常好~但湯底有少少偏咸，魚湯鮮味略嫌不足。而云吞....可處理上做得唔太好，蝦肉都算係彈牙既豬肉亦都肥瘦適中夠哂香，唯一美中不足係食落有渣......應該係d蝦腸黎，好少有食到云吞麵粒云吞係有渣既.....價錢上，佐敦黎講算中間偏高少少對比返食物質素，性價比一般

有時工作太過繁忙，一碗熱湯類的食物也許是更好的選擇。佐敦寶靈街附近其實有很多選擇，個人當然喜歡老字號麥文記，6座的雲吞麵也不錯，早餐就是五穀豐登。可是其實還有這家耀記，依然平平實實的活著，味道也不錯。簡單，不會花巧。工作之前，來一個鯪魚球麵。鯪魚滑調味不錯，而且彈性極好。魚肉用粉不多，所以吃在口中有不錯的實在彈性，而且魚味多一點。另外，鯪魚肉中混入了果皮，令鯪魚球入口透出一種清香的果皮味道；加少少胡椒粉，令味道更加好。麵條沒有鹼水味，爽口有彈力，魚球加麵條，口感極好。加上韭黃的鮮、脆、爽，整體感覺很好。一碗普通麵食，雖然不會令人有什麼盪氣迴腸的感嘆，亦沒有留下極深印象的可能，但是卻可簡單的給人滿足的飽樂，有力繼續我的工作。

是日二人午餐雲吞河皮薄餡靚, 豬肉與蝦比例剛剛好, 材料充滿鮮味, 蝦肉爽口而且去掉蝦腸, 不俗河粉粗幼適中湯底好清甜, 加左少少腩汁更加香, 好味道牛筋腩筋麵湯底味濃，好有牛味牛腩都幾鬆幾腍牛筋入口即化麵底簡直一絕, 幼麵極彈牙, 冇鹼水味仲附有蛋香，唔加醋食一樣掂, 水準算是不錯地方乾淨企理, 價錢都幾抵食

黎到佐敦食店嘅選擇真係多到想食乜都有呀！ 而薯片妹今日反而想食個簡單快捷嘅，所以就諗住黎碗～牛腩麵 ，而麵店都有好多家，所以就揀最近既，唔洗四圍走嘛 而附近剛好有兩家，另—間就太多人，又見呢度殘殘舊舊可能會有懷舊風味呢，所以就入咗去！—睇餐牌，選擇真係夠小，雖然已決定食乜，但睇完都無轉，而套餐只得A or B，跟凍飲或汽水or跟飲品&油菜…，最後薯片妹要咗個價值$34嘅套餐A再加$6改撈麵跟凍奶茶。 牛腩撈麵，牛腩並無牛香帶甜口，但好腍，有兩三條牛筋，都係好腍，無乜柱候醬香，但顏色就好夠～深啡色呀，而值得—讚嘅係個甜甜哋嘅腩汁煲到起晒膠，應該係牛筋作怪吧，而生麵就唔係太夠爽！ 湯底，係好傳統嘅蝦皮加大地魚湯底，顏色淡啡，有幾粒韮黃，但太咸咗D，否則都算ok架！ 凍奶茶，紅茶夠香，甜度ok！

小妹見呢間店人唔係太多，所以就走入去食個下午茶，因為左右隔離都太多人喇嘛！呢度格局有D殘舊，不過無所謂隨便一餐之嘛！見到餐牌選擇根本唔多，亦真係少之又~小呀！所以就求其叫個牛腩湯河就算，人客唔算多，幾分鐘就有得食.一黎就趁腩重未化開就先試湯底，係偏少少咸既，再試牛腩，係好夠腍，但偏甜，而兩者溶為一體再試個湯，反而可調和到唔甜唔咸剛好，不過小妹就須略加豉油調味啦！但腩味無牛香，拼幾件牛筋，但小妹叫既係牛腩河呢，那磨有部份討厭食牛筋既客人點算?而且份量亦偏少，難怪一碗野，可以比多$8蚊加大。其實味道係0k既，係D腩碎左D同太少囉，起現今社會係好睇地方、裝潢、味道而定價，$26蚊碗就可能貴左一至兩蚊囉。

這裡和沾仔記一樣也是以鮮牛肉、鯪魚球及雲吞三寶作招徠,剛看見師傅在包雲吞那就叫一碗剩雲吞試試吧!一碗有六粒剩雲吞,單看外觀已沒甚好感!散尾欠奉外連菜也沒有一條墊底.餡料是蝦佔八成的比重,吃下去是包得死死實實的一舊,極討厭吃這種翻淥的雲吞!(即是麵檔內淥定兩三份雲吞放在一邊,有客人點叫便孰一份翻淥加熱)我這幾粒可能已擺了頗長時間,外皮已有些黃及收乾水變硬,咬下去中間更是不熱的!湯底的味道頗清喝下去不涸喉還帶點大地魚香味.全店只得我及另一客人,相信即淥一份雲吞只是數分鐘的事,不用花很多功夫吧?

呢附近有幾間出名嘅雲吞麵店，但我偏偏就首選呢間約十年前一個偶然機會嚟幫襯過之後就愛上了她~~~~~~~~~~~的牛肉我可算係一名牛肉怪、魚怪、粥怪及湯怪，小弟亦可算試盡全港大部份賣鮮牛肉麵嘅麵家；唯一此家最正1)只供本長期熟客至有嘅碗裝淨鮮牛$22，平常只有碟頭白灼鮮牛$48香港大多數食店嘅所謂鮮牛肉，一係似柴皮，一係「乸」到啲牛肉白哂兼無哂味；一啖已要破口大鬧但嚟到此店你可萬分放心，牛肉超班，每次啲牛肉夠淋夠鮮味之外，仍保留有牛肉味2)鯪魚球大大舊，比乒乓波還要大一啖咬下，好彈牙，跟住有一陣好香嘅果皮味直衝上腦隨之而嘗到嘅係魚鮮味，一碗４大舊加米粉$223)我每次嚟必食以上兩推介，另乒乓波雲吞亦好食，但個人較喜歡傳統細細粒一啖嘅散尾雲吞 (麥文記)不過呢度嘅牛腩、牛根雖淋，但無花蕉八角味，可以不吃；而豬手還可總括以呢度嘅價錢連質素，環境及衛生屬非常乾淨；係超抵食嘅

淨爽滑牛筋腩 $40爽滑是沒有了，炆得夠腍入味，但沒有芳香花椒八角香套餐$30貢丸河粉: 貢丸、河粉均一般，太細碗，細食的人食就夠配油菜:蠔油菜蕊新鮮奶茶:隨便沖出來的奶茶