翡翠海鮮酒家.明珠宴會廳

大夥聚餐，友人提議到此酒家，因為菜式甚有特色。當日聚會有獨立房間，私隱性良好，亦令大夥的互動更自由。餐單由友人與酒家共議，當中包含了不少酒家的招牌菜式。💢香草焗手剪脆皮乳豬對頭盤的乳豬寄予厚望，乳豬明顯是一隻十分年幼的小豬，皮薄脆之餘，皮下脂肪亦不多，但乳豬實在醃得過鹹，鹹味完全蓋過乳豬的肉味，香草的味道雖然也突出，但無補於事，是吃過最鹹的乳豬。💢 XO蘭花帶子海中寶海中寶包含多種海產，可是鮮度一般，而且炒得有點過火，西蘭花倒是清爽，成了菜式的主角。💢冰火香芒蝦多士菜式的最大賣點是添加在蝦多士之上的香芒雪葩，朋友們對此創意有讚有彈，個人認為香芒雪葩冰凍酸甜，是中和鹹味的好點子。💢椒鹽南非五頭鮑魚鮑魚打正旗號以椒鹽炮製，反而味道剛好，鮑魚口感柔軟，是當晚的亮點。💢即磨杏汁菜膽燉白肺湯白肺湯的湯底十分濃稠，湯味濃郁，然而明顯不是杏汁單獨所造成，而是加入了疑似腐竹的食材，以鴛鴦食材創作湯底也可說是創新。💢雲吞浸游水大海斑雲吞浸海斑的組合創新，雲吞外型飽滿，搭配浸熟的斑魚片同吃，魚鮮與肉香互相輝映。💢碧綠蠔皇鮑螺片一向不喜歡鮑螺片，因此沒有嘗試，撇走醬汁的生菜倒是吃了幾口，油潤爽口。💢當紅脆皮炸子雞炸子雞皮脆肉也不乾柴，但問題也是在於過鹹，結果剩下不少雞件，無人問津。💢鮮蝦太極鴛鴦飯一向比較喜歡白汁的太極飯，但這次卻選擇了紅汁鴛鴦飯，因為以蕃茄為主料的紅汁味道酸甜，而白汁也因為過鹹而不得大夥歡心。💢迷你流沙煎堆仔 / 宮廷鴛鴦糕煎堆仔和鴛鴦糕都是水準之作，餐後的一點甜亦減少了這頓重口味圍菜的缺口。…查看更多

以往去開金滿樓，因為執咗笠，所以今天去了附近的界限街運動場對面的翡翠明珠。今日食咗個非常滿意的午餐，有勁薑味嘅雞包仔，香茜皮蛋鮮竹卷，好脆嘅鹹水角，啲餡都好好味用好多西洋菜包嘅西洋菜餃子，賣相超靚超得意嘅鴨仔香芒奶凍，同埋奶香濃濃的鮮奶西米涼粉。地方就比較不太寬敞，但食物水準出乎意料，下次一定多啲人去試多啲嘢！見到晚市菜牌佢哋隻香草焗乳豬同埋冰火香鍋蝦多士都好似好好味！乳豬但要一日前預訂，下次必定要試下…查看更多

今日食左好重薑味雞包仔同新鮮炸嘅咸水角，真係好滿足！雞包仔外皮鬆軟，內裡的雞肉充滿了濃郁的薑味，令每一口都令人回味無窮。咸水角就更加驚喜，外層酥脆，內裡的餡料鮮美，咬落去有一種令人愉悅的口感，絕對是完美的開胃小食。仲有蝦餃拼燒賣，佢度身訂造一兩人份，令我地可以試好多不同嘅點心，令人食到一個飽心又滿足嘅經歷。蝦餃晶瑩剔透，蝦肉鮮嫩，燒賣則配有香菇和豬肉，味道層次分明，讓人一試成主顧。福建炒飯都好足料，啖啖蝦啖啖肉，米飯粒粒分明，炒得恰到好處，完全吸收了各種配料的鮮味，真係一個好選擇！每一口都讓人感受到食材的新鮮，特別搭配剛炸好的咸水角，口感更是絕配。下次一定要試埋飲早茶，13.8粥及17.8盅飯，性價比好高，簡直係超值！早茶搭配點心，感覺特別惬意，仲可以同朋友分享，真係一個愉快的用餐體驗。翡翠海鮮酒家 明珠宴會廳，太子洗衣街251B號地下，真係值得一試！…查看更多

今次同家人慶祝生日同母親節，專登揀咗太子花墟老字號「翡翠海鮮酒家」，試勻多款招牌菜式，整體表現高質有新意！ 香草焗手剪乳豬（全隻）乳豬顛覆傳統做法，以香草焗取代明爐燒，外皮酥脆，肉質嫩滑多汁，香草味滲入肉中，清新不膩！店員會即席手剪成小件，貼心方便。唯份量較大，建議10人以上分享。 櫻花蝦大蠔餅蠔餅炸得金黃酥脆，蠔仔肥美唔腥，櫻花蝦鹹香提味，每一口都「咔滋」作響！不過略嫌油份稍多，食幾啖開始濟。 滋味醬燒牛肋骨牛肋骨炆至骨肉分離，肉質軟嫩帶，筋膜位入口即化，都幾高水準！碟下會有蠟燭為牛肉保溫。蝦多士蝦多士炸得鬆化，蝦膠彈牙鮮甜，頂層嘅沙律雪糕，略嫌奇怪，但創意十足。 即磨杏汁菜膽白肺湯 我本身唔鐘意杏汁都唔鐘意豬肺，所以真係飲唔到😂 鮮蝦雲吞浸大海斑 海斑肉質細嫩，魚湯鮮甜無味精，雲吞皮薄餡足，鮮蝦爽彈！配雲吞呢個做法都好特別。 當紅脆皮一品燒雞燒雞皮脆肉嫩，雞胸位仍保持多汁，醃料帶淡淡南乳香！人均$300左右，以手工粵菜同創意fusion菜而言，性價比合理。推薦香草乳豬、櫻花蝦蠔餅同燒雞，適合節慶或宴客！ …查看更多

這間酒樓的女部長十分無禮貌，而且不是接待客人是趕客！新年期間客人多要等位好正常，但呼叫客人出街門口等又唔俾飛客人，使客人們以為自己犯錯要俾人罰！所以不去也罷😠😠…查看更多