翡翠拉麵小籠包

營業中

休息中

想當年翡翠係我學生時期的飯堂今次久別重溫一下～因為一早有訂位，安排左比較安靜的卡位，入座就有花生小食提供看到有賀年菜式松茸小籠包，一於試一試佢，另外仲點左菜肉雲吞湯拉麵、金銀蛋浸時蔬、雞火炒飯最期待的松茸小籠包，味道不錯，松茸味很出，不過菜肉雲吞湯拉麵更受我們歡迎，雲吞鮮味十足，啖啖肉，拉麵煙韌有彈性，配上拉麵的湯一絕

屋企人成日都鍾意嚟呢間食上海菜, 上海菜菜式味濃少少有特色！咁啱有個二人套餐就試下！叫咗一陣就有得食，食物有水準又好味。🐑前菜：醉豬手，雞絲粉皮。醉豬手入味, 雞絲粉皮感覺清爽清新！黑木耳京蔥爆牛肉, 有鑊氣！菜肉雲吞湯拉麵🐑甜品：桂花酒釀小丸子係屋企人最愛，熱辣辣，冬天食最啱！甜度適中的凍檸檬薏米水。兩人食份量啱啱好！

年多前, 在翡翠拉麵店吃過這裏的手抓餅, 這次便叫了脆皮手抓餅, 但食用時覺得真的非常油膩而且乾身, 完全沒有以往手抓餅所帶出的蔥香及鬆化有層次的味道及感覺. 這個脆皮手抓餅真的要取消售賣, 或者改變造法, 因為完全沒有使人覺得滋味的感覺. 請考慮恢復以往傳統手抓餅不要用油炸的造法, 而用煎香的方法去造, 這樣做會更好味.另外點了個椰香雞件, 食用時咬落有碎骨而且傷及牙齒.傳統小籠包味道保留傳統做法, 皮薄餡靚, 食用小籠包的專用的醋和薑絲配合得味道恰當.

金鐘 📌【 翡翠拉麵小籠包 】今日收工，突然間好掛住曾經喺翡翠食過嘅酸菜魚，就一個人走咗去食【 翡翠拉麵小籠包 】，眼闊肚窄嘅我，一個人叫咗蟹粉豆腐、一個酸菜魚 & 飯後甜品酒釀小丸子，講真，我一個人真係食唔曬 🤣 別人笑我太瘋癲，當然最後我都有打包一部分比要 OT 嘅男友食。💚 酸菜魚 ( 小辣 ) w/ 寬粉 $188好多地方食酸菜魚加寬粉係需要加錢，但係【 翡翠 】嘅酸菜魚係有寬粉，而且寬粉煙煙靭靭，好有口感，同酸菜魚一樣都滑捋捋，酸菜魚仲要好大塊，呢個價錢我又覺得幾抵食，唯一美中不足係有少少少少骨，同埋 QR Code 落單嘅時候，淨係得「小辣」嘅選擇，如果餐廳可以加埋一個「走辣」「小小辣」嘅選擇比客人會更加 Proactive 🙏🏻🧡 蟹粉豆腐 $148每年大閘蟹季，【 翡翠拉麵小籠包 】都會出一系列蟹粉菜品，而且味道真係，豆腐都係滑捋捋，我自己都好鍾意呢一道菜，大家都不妨捉緊今個大閘蟹季，試一試【 翡翠拉麵小籠包 】蟹粉系列。💛 桂花酒釀小丸子 $36一向都好鍾意【 翡翠拉麵小籠包 】桂花酒釀小丸子，因為平 • 靚 • 正 ，小丸子又煙煙靭靭，淡淡桂花香揉合酒釀香氣，不過最

今日收工有時間，上次外賣唔錯，今次一個人走去食堂食，估唔到仲有優惠，滙豐卡簽帳，晚市時段，平日有八八折，追蹤社交平台仲有豆漿送今日叫咗水煮牛肉，同麻婆豆腐，認真唔錯，終於食辣嘅我，搵到一間啱心水嘅飯堂

今晚臨時加班，落去樓下商場睇睇有咩外賣，我真係好耐冇食過外賣，落到金鐘廊，見到有間翡翠拉麵小籠包，本身諗住食小籠包，但一個人食，又好似唔知點，最後見到一個外賣自取一人套餐，啱晒我呢啲一個人，$110包咗一個前菜，一個主食，一個白飯，一杯嘢飲，陪伴咗我一個晚上

擔擔麵 ($75)麵質煙韌，湯夠濃郁。鎮江肴肉($82)夠味不太咸。鍋貼 ($55)皮夠煙韌，饀夠味有肉汁。Dandan Noodle ($75)Its chewy.The soup was rich in flavour.Zhenjiang Pork Terrine ($82)Tasty but not too salty.Pork Dumplings ($55) The skin was chewy. Tasty and juicy.

今日去咗金鐘翡翠拉麵食午餐，金鐘翡翠拉麵出咗新菜式，所以叫咗2個菜，order薄荷葉炸子雞&佛跳牆。薄荷葉炸子雞味道都好清，但炸得好靚好，佛跳牆我平時好小食，今次覺得味道好。

星期六 openrice book位 方便的食物都好熱 冇話凍冰冰 like嘅但排骨麵嘅排骨好硬雲吞冇味服務唔知想點 職員炒散？ 太攰？環境位置ok柜位收銀員好為什麼攪成咁嘅呢？可能想d人冇下次了吧。。???????????????? 完

服務不錯，食物okay, 價錢合理！cash 對小朋友好好☺️I think the overall services is quite good with good food quality, staff are attentive !

星期六夜晚接近七點去到金鐘，冇乜特別嘢想食， 咁啱就近見到翡翠拉麵小籠包，就入咗去 。佢 應該算係 全個商場最旺的一間食肆，接近七成入座率，我哋兩大一細坐咗喺中央位置， 枱與枱之間其實都好近， 聽到隔離枱講乜，又 清清楚楚 見到食緊乜😝。 我哋嗌咗小籠包、雲吞拉麵、 雲吞燉雞湯 同埋飲品青檸梅子梳打 ，仲有菜螃蟹 。用QR code點餐，上菜速度非常之快，可能因為用餐有限時90分鐘🤨。埋單470蚊， 味道不過不失，性價比還可以，好似有套餐做緊， 如果有某信用卡， 套餐好似會抵啲。

金鐘 📌翡翠拉麵小籠包年廿九收工突然間好掛住翡翠嘅擔擔麵，就同豬隊友去咗金鐘嘅翡翠拉麵小籠包。我想話金鐘呢間分店，一向有水準，質素係最穩定。▫️ 脆皮春卷（3條) $42個皮勁香脆，上枱熱辣辣，入邊包住蘿蔔絲、椰菜絲等，口感滿滿 😍▪️花雕醉雞 $85（+10 轉脾）呢個醉雞，每次都係我必點，今次我就無轉脾。我最鍾意呢度花雕酒香，真係好好味 😋 陣陣酒香滲入🐔肉內，雞皮薄而爽口，肉質鮮嫩，一如以往嘅好水準 😋▫️上海小籠包 （4件）$58呢個真係要趁熱食 🤤 包內湯汁肉汁，令人回味無窮，呢度嘅上海小籠包，一直維持好嘅水準 ~正呀 ☺️▪️ 鮮肉鍋貼 （4 件）$55豬隊友最鍾意食呢度嘅鍋貼 🥟 佢話外層嘅皮煎得又香脆，肉餡比小籠包更 juicy 。▫️招牌擔擔拉麵 $72呢間分店嘅擔擔麵，麵賓爽滑，湯頭香濃，係我食過最好味嘅。我最鍾意佢個湯底，充滿濃鬱芝麻花生醬香味兼帶著輕微辣味，湯內仲有花生碎、腰果碎 ~ 好有誠意 😍 豬隊友話如果有得加$要塊炸豬扒，就十分完滿 💯哈哈 😆 貴店真係可以諗諗佢 🙏🏻▪️桂花酒釀小丸子 $36真心講呢度真係平 • 靚 • 正 🧡先講細細粒嘅小丸子，煙煙靭靭，淡淡桂花

我一家人都十分喜歡在這裡用餐，這裡的員工都非常友善。當然，餐廳的食物質數也很高，小籠包非常美味，配上薑絲很完美，鍋貼也很好吃，My family and I are huge fans of this place. The staff is super nice and the food is great. The xiao long bao is very good with the shredded ginger is perfect. fried dumpling is delicious too. Highly recommended!

其實金鐘都有唔少嘅餐廳去選擇，但係今日想食中餐，而在金鐘可以選擇的中餐：可以控制$250人均的，就只有很少數可以😌揀！這間翡翠小籠包，就係在我budget以內的選擇，所以我就揀咗佢啦！今日叫咗唔同嘅菜式每一碟都好好味

忙了一個下午，慰勞自己食個Tea，記得金鐘廊有間上海菜。於是order小籠包，黑椒洋蔥煎餅及椒香牛肉炒飯。小籠包當然是我至愛之選，而黑椒洋蔥煎餅令人有喜出望外，黑椒洋蔥夠惹味，黑椒洋蔥至佳配搭，熱烘烘的外皮，香脆可口，值得推介，椒香牛肉炒飯，令人有飽肚滿足的感覺，食飽飽又要繼續努力工作。