翡翠拉麵小籠包

營業中

休息中

今日係灣仔同同事區域法院courtcation 午餐想搵個坐得好啲既地方抖下氣 就揀咗附近嘅翡翠拉麵小籠包 諗住嗌兩碗手工拉麵 hea下~ 十二點半去到唔駛等位直入 坐底見到佢有羊腩煲 呢個天氣 唔食佢 等幾時？！二話不說 食佢！古法羊腩煲 2-3人分 $168 2／5🤥粗略估計 羊腩唔多 大概有八細舊左右 未算炆到好𣺉 味道夠既 正常既 旦就唔係好惹味果種👌 佢汁既分量唔多 以而家咁凍嘅天氣 羊腩煲好快就凍咗🥲 如果可以一邊熱住佢食我諗成件事會好好多♨️ 食左兩三舊 有啲寡寡地 問侍應有冇腐乳醬可以點 答案係.....無 嗯👌身為地地道道的香港人 我都係鍾意果種好似打邊爐式 有生菜可以落 有腐乳醬可以點嘅 熱住甘食既粵式羊腩煲 😋我又係錯既餐廳點錯既食物😮‍💨p.s. 本身我地各自嗌左個拉麵 擔擔麵 同埋 排骨拉麵~ 一向最欣賞翡翠拉麵嘅拉麵 即叫即拉 有熱度有Q度 🙃 旦今日個排骨變咗炸豬扒 而且 真係炸得有啲乾 肉質偏鞋口 有啲失望 😅 兩個人加一 380蚊落樓

同爸爸媽媽去完利東街打卡影靚相，就去附近嘅翡翠拉麵小籠包，食近期好hit嘅蟹宴🤗✨小食花雕醉雞、陳醋西芹黑木耳、麻醬青瓜拌粉皮精緻又開胃嘅前菜，入口凍冰冰，雖然係小食但係每款都唔細碟架！媽媽最愛酒味香濃嘅醉雞，薄薄嘅外皮唔會太肥，雞件仲好滑溜添。彈牙嘅涼皮係小朋友最愛，入口甜甜地，充滿花生香味。✨湯品可以選擇酸辣湯或宋嫂魚羹，有辣有唔辣，大人小朋友都咁啱食。✨蟹粉小籠包入口充滿肉汁，薄薄嘅外皮要慢慢夾起，先至留得住蟹粉湯嘅精華。✨蟹粉豆腐煲～甘香嘅蟹粉，同豆腐好夾，入口滑溜，口味香濃，用煲上keep到熱度👍🏻送飯一流。✨椒麻酸菜魚～魚件夠多，而且好嫩滑，湯底唔算辣，酸菜嘅味道比較重，越食越開胃！✨奶油津白～用上時令嘅津白，配上啖啖嘅奶油味，入口甜甜地，感覺清新！✨木須肉炒拉麵～醬汁香濃，口味有啲似上海粗炒，轉咗幼身嘅拉麵，口感更添滑溜。套餐最尾仲有埋甜品添，我哋揀咗薑茶湯圓，大大粒嘅湯圓夠晒份量，內裏黑芝麻餡一咬即刻流出嚟，高質！

之前成日經過都冇去呢間食個午餐，最後今日同五個同事一齊入去試下食飯，發覺都多選擇，價錢又合理，最後忍唔住買咗$1000套票，抵食！ 小籠包唔貴喎，皮厚肉，好好味！

大閘蟹又要剝又要撩嫌麻煩但又想食蟹粉，黎呢度就啱晒，有好多款撈咗蟹粉嘅菜色呢排限定！滿足到我，不過屋企人嘴刁話麻麻地小籠包多湯，鍋貼多汁，就係冇蟹味，已經冇點醋食。鍋巴有層次，豆苗嫰滑，就係冇蟹味，呢兩款唔係撈肉餡，係隱約見到有蟹肉嘅，係個芡嘅調味遮蓋咗蟹黃蟹肉蟹膏嘅鮮味。其他食物不過不失，係個木耳甜左啲

之前睇到明禎幫翡翠餐飲集團介紹最新嘅蟹粉系列套餐真係好吸引，因為囝囝同爺爺都好鍾意食蟹同埋小籠包，所以今日專程約埋爺爺嫲嫲放工係灣仔集合，一齊去大有商場嘅翡翠拉麵小籠包嘆返餐😙大有商場嘅翡翠拉麵小籠包分店裝修擺設都帶有古典中國風格，座位闊落又有小朋友專用餐椅，而且侍應姨姨服務友善，所以我地好多時都會帶鍾意食小籠包嘅囝囝嚟呢度開餐😊蟹粉香撲盛宴 翡翠會員喺Openrice訂枱食蟹粉系列4人餐可享75折，而非會員都有82折，折完分別係$948同$1,188，我地今晚就揀左有蟹粉蟹肉賽螃蟹同埋鮑魚蟹粉撈飯嘅蟹粉盛宴4人餐，全個蟹饌共十道美饌，十足鮮味，當中我地最鍾意當然係用蟹粉入饌嘅4款菜式啦😁蟹粉小籠包翡翠拉麵小籠包嘅小籠包皮薄多湯，入面嘅鮮肉餡仲要混入埋甘香四溢嘅蟹黃，加上特製湯凍，做到皮、肉、湯汁完美協調，輕輕一咬，陣陣大閘蟹香隨隨滲出，湯汁滿滿甘甜蟹黃，非常美味😍芙蓉蟹粉蟹肉賽螃蟹   呢款賽螃蟹賣相好吸引，將滿滿嘅金黃蟹粉同蟹肉放在蟹蓋上面，再加上蟹籽，入口滿滿鮮甜蟹肉同埋油潤嘅蟹黃，蛋白同蟹粉既配合令層次更豐富😋鮑魚蟹粉撈飯鮑魚蟹粉撈飯非常豪華，用左足1.5両黃金蟹粉同埋軟滑彈牙

今天(25/08/22)到了翡翠拉麵，當老父點餐時，其經理（多名字看不見）竟堅持要使用「二維碼」點餐，但老人家學不明，其採用極惡劣態度來幫家父點餐，後來幾乎當客人要點餐，佢一定堅持要用 「二維碼」點餐，就算阿伯阿婆也不放过，雖這為公司政策，但這經理應強迫客人。

25/08/22， 打完風去翡翠拉麵食晚餐，想order 後餐，點知個經理（名字看不見）指一定要用QR code 點餐，連有老人家話唔識用，都不理，後用惡劣的態度說今次幫你！使我們非常不滿！身為經理都這樣！，大家小心！

【不專業食評｜🎉🎂🎊 生日去食蟹王盛宴 】 人大左，生日帶埋媽媽去#翡翠拉麵小籠包 食上海菜#蟹王盛宴 差唔多個個菜式都有蟹🦀啖啖蟹肉超Yummy 😋 #蟹肉瑤柱小籠包 一啖咬落去充滿蟹肉和豬肉嘅鮮甜湯汁～💦 3個經典上海前菜中竟然有 #蟹肉麻醬粉皮鮮甜蟹鉗和蟹肉配上香濃胡麻醬汁蟹肉與粉皮配搭得好清爽 #松子魚 炸得香脆 甜甜酸酸好開胃連唔鍾意食魚🐟嘅爸爸都食到唔停口 值得一提 #蟹皇羹濃濃海鮮味～蟹肉、蝦、魚肚、帶子超新鮮 仲有真係有蟹嘅 #賽螃蟹好創新嘅菜式 鍾意食🦀的我今年生日大餐食得好滿足🎂🎈 Happy Birthday to ME ！#crystaljadehk #翡翠拉麵小籠包 #知味成就滋味 #JustToSay蟹 #Hi蟹肉瑤柱小籠包 #Hi蟹Tea #下午茶 #foodie #foodiehk

上次去完香港仔,今日去到灣仔,又有間翡翠拉麵小籠包,緊係入去幫襯下,叫左一套下午茶餐,酸辣湯拉麵加三色小食。酸辣拉麵好好食跟任三拚小食幾特別。都係$58另加一,底食值得再去。

天文台話19:10打8號波作為無飯家庭，第一時間諗定夜晚食乜好先大有商場入面，我哋俾佢嘅推廣吸引咗$94 一set dinner價錢相當吸引，可惜公眾假期國慶冇呢個優惠可以用到唔緊要啦，實有機會下次可以用嘅入面好大，好多位坐，問咗店員會按正常營業時間，可以慢慢食點菜之後，店員好有禮貌，就切地即刻送上熱茶（仲有紙蓋蓋住水杯面，相當衛生）同埋花生，加分嚟到翡翠拉麵小籠包，食小籠包是常識吧皮薄餡靚，湯汁香濃，有水準再試吓呢個椰菜花代飯嘅「炒飯」，入面有蛋碎、雞肉、菜粒同紅蘿蔔，同炒飯口感係相似，只係飯香俾菜香味取代咗，適合想減少攝取碳水化合物嘅朋友們😂都飽肚，我覺得幾好呢個牛肉炒得都唔錯，咬落剛剛好，不韌不軟成碟餸冇我討厭嘅油淋淋嘅感覺，好少好少嘅辣味吊味入面除咗有青椒紅椒，仲有兩款菇類，係幾好味嘅到甜品，我哋叫咗豆沙鍋餅個皮係燙口嘅，非常爽脆，裡面充滿咗豆沙蓉，好味☺️希望每間分店都會咁有水準，服務食物都好好

今天是做義工的日子，為了獎勵自己熱心公益，無私付出，決定要食一大碗喜愛的雪菜肉絲面。這裡的環境是很不錯的，店面寬敞舒適，上午時候人客不多，可以安靜享用食物，叫了一碗雪菜肉絲面，就等於附加了茶和小食，這些都是要收費的。雪菜肉絲面很大碗，面香四溢，雪菜肉絲很惹味，加上香菜，整碗面是足料高分的，稍稍扣分是鹹了少少。附上的小食是醬羅卜，爽脆可口，也是認真之作，熱茶一大杯，食完面飲一杯茶，也是很閒逸的感覺。埋單連加一服務是＄92.4，真是不便宜，現在出街食飯，稍為好些就要貴好多。😛

翡翠拉麵小籠包，相信冇乜香港人唔識佢。 香港 睇唔同嘅地區都開始咗唔同嘅分店。此帖應該半年前要登，不過忘記佐兼沉底了😛，但係咁好食嘅野又點可以唔 post ？因為肯定今年九月份佢哋會再做呢個蟹粉季節限定。。。餐廳嘅服務同埋環境都正正常常都冇乜嘢好講。 呢個食評就只講食物喇。蟹粉扒豆苗，蟹粉小籠包 ，呢 2 樣真係好味到不得了，今年秋季必定要再去品嚐。另外佢哋嘅 五香牛肉麵 無論湯底定牛肉都做得非常出色，亦係必食糸列。秋天快啲嚟啦，好掛住您哋喔 😂

蘿蔔絲酥餅我地至愛，保持一貫水準，酥皮好鬆軟，蘿蔔餡料熱辣辣正😋生煎包包底煎得好脆，但係我地遲左食，d肉汁滲左出嚟，略嫌皮唔夠鬆😜不是炒飯（素）其實係手機點餐，一時搞錯，原本都係諗住食素菜炒飯，但冇諗過係冇飯，即係冇米，係用切碎左既椰菜花扮飯，所以食到索索聲，越食越肚餓😆菜肉雲吞湯拉麵原本冇諗住叫，就係因為食左不是炒飯，所以唔夠飽，加單，不過都好味😂干扁四季豆其實味道係OK，不過勁細碟，咁嘅價錢，又真係唔抵嘅😅

原本想食個早晚飯但還趕得切下午茶時段，所以點了回鍋肉炒麵餐，另加三小併及小籠包。最先來的是小籠包，皮薄好吃，沒有令我失望。三小併的海蜇就失色了，沒有爽脆的感覺，很零碎，其餘兩款還可以。回鍋肉炒麵不錯，只是再加多點椰菜就完美。翡翠拉麵坐位空間舒適，侍應勤快，食物亦夠熱，每隔一段時間又會推出新的菜式，下次我一定會試試新出的蟹粉菜式。

椒鹽黃金豆腐豆腐外皮炸得好薄身，發揮到應有水準。紅油抄手 (六隻)因為個個朋友接受辣嘅程度都唔同，同店員講之後佢話可以辣汁另上，非常貼心。菜肉雲吞皮薄餡料多，不過醬汁就真係幾辣，好彩分開咗上。雞火炒飯配料豐富，唔會炒得太乾。椒麻酸菜魚叫咗少辣，不過唔小心食到青辣椒杍都幾麻。水晶寬粉好煙韌，脆魚鯇嘅份量都好多，三個人食啱啱好。呢到服務非常好，店員會建議點樣嗌先係最抵。而且上菜速度都好快，唔使5分鐘就嚟齊晒所有嘢，用餐體驗非常好👍🏻