翡翠冰室

營業中

休息中

之前都買過幾次，今日叫外賣自取，打去問左要幾耐，佢話5分鐘，我先唔信，然後過左10分鐘先落樓去拎，03分落單，去到23分都未有，炆炆地行上去問仲未有咩，啊姐就話未有，問我拎單去check又等左5分鐘，佢先起個cashier位到拎個由我一開始俾錢就見到既飯盒俾我我就問，姐係其實一開始就有係你唔俾我？佢死都要話，唔係，唔係你一開頭見到個份，我明明見每一份自取都係有湯，係得我呢盒係得飯，而由頭到尾，放cashier個份都係得飯。我唔介意佢整得耐，大不了遲少少出門，但一開始就fake我話5分鐘，然後發現自己有問題又死口唔認講真啲野食只係中中挺挺，但賣成5 60蚊一個午餐set,仲要啲態度差,真係食大家樂好過P.S. 唔係無耐性，而係等個條街好多人行又好窄，上面又滴水，所以真係唔想企起個位

口水雞😋😋。娘親都幾鍾意食雞，又幾鍾意食辣。行過茶記望到新鮮出爐口水雞好似幾掂，買咗盒翻嚟加餸。味道真系唔錯，麻辣得好過癮😍😍，又唔會過辣蓋住肉嘅鮮味，辣得剛好 (地獄人士可能嫌唔夠，但我覺得辣呢下野，太勁反而會搶)。上面嘅花生芝麻蔥芫荽增加咗佢嘅惹味指數。雞肉鮮嫩入味，唔錯呀。

超差服務,27度天氣唔開冷氣,大約30位客人7位職員焗係一個超細空間只開一部冷氣,我見有三部冷氣,我問職員是否冷氣壞了?(職員話有開開了一部),我感覺好焗,要求開多一部冷氣,職員說,老細唔比開,客人表示焗熱都唔開？我話點得咁多人焗住係呢個空間空氣唔流通好易中招,幾個職員即時七嘴八舌話我哋都辛苦你最好同老細講,最終職員只安排有少少風嘅位比我哋坐,都係唔開冷氣。另外講下食物質素兩碗薑汁麵一碗有薑汁味,有碗淡而無味,水準參差。

之前食過兩次，食物不過不失，上個月一個人去食，樓面帶位安排坐二人枱，一聽到有五人入嚟，叫我起身轉枱，要我同人搭枱，中間膠板都冇塊。我即刻走，再不會幫襯，免費也不會再嚟。

柚子薯仔蝦球半盒👉👉👉盛惠$77🤬🤬🤬一打開，當堂嚇一跳...仲以為係人地食淨留俾我😡😡蝦球幾粒...薯仔幾粒...我仲要係街坊，一星期最少幫襯3次...之前能忍都忍了...這次真係忍無可忍...劣！

同事請食下午茶揀咗火腿芝士西多士（走火腿）好鍾意食西多但近年都冇食過好味西多官塘牛頭角茶記都食過晒咁滯冇乜邊間好有記憶近年又好多紅豆/流心西多個個又甜又漏冇食兩啖就唔想食哩個好味到喺飲完一碗紅湯一碗白湯再食咗一個小鍋米線嘅一個鐘仲有啲飽嘅時候我竟然全份西多食晒強烈推介同事們推介有：（冇試過唔負責）阿華田紅豆冰薑絲牛肉面芝士炒蛋菠蘿包全公司一致好評話下次下午茶都叫哩間PS暫時未知係💛💙唔喺表入面

近兩個月 食過4-5次 幫襯時間大約都係21:00後 食碟頭飯或炒粉麵樓面姐姐有禮貌 舖頭環境吾算太迫 廁所乾淨食過滑蛋蝦仁飯 蝦球炒烏冬兩樣食物既蝦吾係細細隻透明既蝦仁仔而係正常大細 細少少既蝦仁$4x-5x有咁既蝦仁已經好開心因為有好多茶記都係比咁既蝦仁凍飲+$3 食過咁多次 食物質素穩定味道正正常常 吾會難食果種真心推薦大家試試最近因為武漢肺炎既原因有好多飲食或其他舖頭都面對好大壓力呢兩日去食完聽到樓面姐姐講佢地都黎緊要減鐘 放多兩日假 減少不必要開支希望未試過既 有機會係附近既 可以俾個機會呢間餐廳 香港人一齊撐住 捱得過💪🏿

收工，辛苦左一日，同兩個同事去咗食下午茶。尼間下午茶有好多選擇，最好選咗卡路里超邪惡的豬扒炒麵同埋芝士黑松露炒蛋豬仔包！個炒麵超乾爽，炒嘅唔係即食麵，而係粥舖嗰啲炒麵質地，有啲彈牙而不覺油膩，配上芽菜、洋蔥𢇃，夠香夠鍋氣，但豬扒稍乾，如果再juicy一啲，就perfect la. 尼個真係正！芝士有拉絲，本身黑松露同炒蛋已經係絕配（但唔食黑松露的勿試），加埋芝士，好有飽足感！最重要係，佢個豬仔包係仲熱嘅同埋脆嘅，千祈唔好攤凍先食吖！唯一美中不足的，我叫左杯杏霜，未夠香甜。

呢度附近成條街都系食野，就揀左呢間試下。茄子望落去好似唔冧，但咬落口幾冧，豬頸肉彈牙惹味但唔太濃味，適中 但飯就一碗，對男生來說，有點不夠，也可以話餸太好味，令飯好像不夠！。另外，我吃的是芝士班腩焗飯，無偷工減料，炒飯底，仲有啲蛋系裡面(見下下圖)，炒得勁香，配上芝士同班腩，剛好我這個飯偏多，分了點給人吃，班腩外面實正有咬口，內裡肉質軟熟。。好香。芝士份量唔太多，所以都唔膩。奶茶就偏茶味重。幾好飲。

星期日的下午走進這小小的冰室! 人唔算太多, 座位只是8成滿!我們叫了3個下午茶餐, 分別是鮮牛肉麵配多士炒滑蛋;牛丸墨丸雙併麵和吉列豬扒配薯角!!!個鮮牛肉麵的牛肉很嫩滑, 當然唔排除是用了肉鬆粉, 但真的煮得很嫩滑!至於吉列豬扒配薯角, 吉列豬扒的size 十足, 有手掌這樣大!吉豬和薯角上枱時都是熱熱的, 十分香脆可口!至於牛丸墨丸雙併麵,牛丸和墨魚丸的質素唔錯, 若不用公仔麵改為用生麵會更好!反而是杯奶茶的質素一般, 茶底不夠香濃, 只是剛剛合格!三個下午茶餐只是100元配以此質素, 算是抵食

早餐有多個款式，價格由22元至36元不等。選了29元的款式，叉燒有咬口得來唔靭，意粉軟硬適中，湯底清淡。多士外脆內軟，牛油份量正常。炒蛋炒得滑但份量不多。熱奶茶香濃，奶味和茶味平衡。

參加完跨年的慈善活動，通頂過後，很想來些暖肚的熱食，途經此處，見到茶記居然有鮮薑汁豬潤早餐，馬上就被吸引了。此冰室店面小小，沒想到食品選擇多多，單是早餐已有接近二十款，另外十多款常餐在早餐及下午茶時段也有優惠價，簡直花多眼亂，幸好早已立定心意吃薑汁豬潤米，故二話不說點了豬潤米配招牌炒滑蛋及厚多士轉太陽蛋加熱奶茶。先上的奶茶略嫌茶味不夠，中規中矩；厚多士烘得夠金黃，外脆內軟，難得太陽蛋的邊煎得夠香。豬潤雖稱不上嫩滑，也似乎吃不出薑汁味，但不會煮得太老，尚算新鮮軟腍。值得一提是此店的侍應及收銀姐姐態度很好，座位間稍逼卻也算舒適，才三十元的早餐，吃得很滿足。

印象中，這個舖位曾易手，以前似乎不是翡翠冰室的。路過這裏數次，至上星期五才首次光顧，今日又去第二次。總括而言，評語是：估佢唔到！上次幫趁下午茶，點了推介的魔鬼豬扒包配奶茶（$28），感覺普通。豬扒包用的豬仔包，雖然烘得鬆脆，但包本身的質地稍乾，故一咬便散開，有點狼狽。「魔鬼」的意思，原來醬汁是在沙律醬內加了芥辣，可惜我接受不到那種味道，吃進口時不辣，稍後芥末味卻攻鼻而來，我甚至被攻至流眼水！如果接受到芥辣的話，這個豬扒包其實是不錯的，豬扒大件而醃得夠味。奶茶則不合格，味道太淡而沒茶味。我甚至懷疑我那杯是「茶走」，因為味道實在過甜。今日再去吃下午茶，其實完全沒有期望，只想試試店方推介的「秘製鮮薑汁鮮牛肉湯」，因為上次見有很多客人點這味，和另一款薑汁鮮豬潤。常餐的價錢分兩個時段，早餐和下午茶同價，其他時段則是另一個價，由早上6時至深夜12時全日供應。由於極少茶記提供「鮮牛肉」，我只能以深水埗維記來作比較。我點了A1餐，秘製鮮薑汁鮮牛肉湯米粉、招牌炒滑蛋，多士要奶油多（不另收費），餐飲是鴛鴦。想不到會有意外驚喜！湯米粉沒有餐牌照片內的薑絲，卻佈滿了蔥和芫茜，湯底十分清香，似自家煲魚片水那種味

與家人到餐廳吃午餐。餐廳環境不大,枱與枱之間較擠迫,不過坐下感覺還好。我們點了兩個餐。豉汁豆卜蒸排骨: 豉汁很香,排骨新鮮好味。食物份量足夠。菠蘿京都骨飯: 份量多,排骨很香口,吃得出先炸過才再煮。好味道! 醬汁是甜多於酸系列。侍應姨姨很友善,很留意顧客的需要。每當顧客舉手示意,她們都立刻回應,態度友善。在我表示,我點的是熱檸茶,不是熱檸水時,她們立即替我更換,沒有半點不悅,在茶餐廳少見呢！讚!整體而言,是值得再光顧的餐廳。