翠豐冰廳

營業中

休息中

今日放假，個喼個轆爛咗，於是就預約12:00整喼，放低個喼，要等45分鐘，咁又未食野就附近睇下有咩食，呢個區真係唔熟，最熟都係Megabox ,但睇睇錶，12:30，平日食飯時間又一個人，應該好難搵位，咁就是但搵間乾淨啲嘅餐廳入去食。襟咗飛又好快有位，唔想食飯，就叫個常餐，食蕃茄牛肉通粉，嚟到變羅宋湯通心粉都算，試一啖搵到幾片牛肉，可惜牛肉無味，肉好散，火腿炒蛋就屬正常，千層包有焗但焗完先塗牛油，牛油見到厚厚係面，最刺激係臨尾，我叫齋啡，啡屬半淡不濃那種，都無咩特別要求，飲完就走，唔好阻人lunch time , 點知飲到底先發現有野漂漂下，我好疑惑，會係咩？我倒出嚟捏下，又唔係檸檬渣，我去收銀同佢講，佢淨話反映比公司，我覺得唔似檸檬，似啲渣/紙我想嘔。

你叫一個喺新界嘅人出嚟觀塘返工真係好遠，今日第一日返工，原來lunch時間好多人，誤打誤撞，嚟咗呢間餐廳，招牌幾光，（我諗都唔會差得去邊掛？），喺未入去之前例牌都要拎飛（其實我真係好唔鍾意拎飛，比較鍾意以前茶餐廳直入去嘅感覺），等咗5分鐘左右就入得（可能一個人啦，都算快嘅），因為真係好肚餓嘅關係，二話不說問啲侍應有啲咩最好食，佢哋推介咗我食呢個 瑤柱蛋白炒飯，咁熱，梗係叫杯香港寄到熱奶茶啦，呢個瑤柱蛋白炒飯真係出色，除咗啲料好足之外，一嚟到嘅時候已經好熱（相信應該係，啱啱炒起），仲有個中湯餸添，唔使加錢，當然好啦，有幾足料喎個湯，講返個炒飯，炒得粒粒分明之外，淡淡都係蛋香同瑤柱嘅味道，真係一試難忘，不過唯一唔好嘅就係，要搭枱（不過都預咗㗎啦，繁忙時間吖嘛？）眼見呢度嘅衛生都唔錯，啲侍應嘅態度都好親民，嗰日冇帶到紙巾，有個經理走埋嚟問我需唔需要紙巾，嗰刻我真係好感動，今日個lunch真係一試難忘。

🥢翠豐無骨海南雞 $78🥢配油飯，油菜，羅宋湯，熱飲，雪糕呢個dinner set$78真心超級抵上枱嘅時候用tray裝住我地諗住大家share食所以抽走左個tray擺埋一邊方便啲點知店員即刻行過黎話呢個set就係要擺係個tray上面😂好啦既然店員咁堅持就將啲雞菜醬汁放返上個tray啦🤣味道係唔錯既🤤羅宋湯酸甜好開胃海南雞幾滑帶點鹹味有少少似豉油雞點埋醬汁一齊食好好味😋***🥢蜜椒薯仔牛柳粒 $78好有鑊氣我鐘意牛柳粒好軟稔薯仔外脆內軟可惜蜜味稍嫌不足不過整體黎講味道唔錯😍

好味指數😋😋😋😋回頭指數 ⭐️⭐️⭐️⭐️開心指數🤗🤗🤗之前同朋友用外送平台已經食過呢間店，最念念不忘係佢嘅手拍薑煲檸樂，仲有送到嚟仲係熱到辣手嘅嘢食，今次再睇食咩時，我即時話要encore 呢一間！外賣平台係貴 20%-25%，以下寫嘅係外賣平台價錢。今次叫咗好多款嘢食，嚟到依然係盒盒都熱到辣手！🍴泰式脆皮豬手（$130）個皮果然好脆，咬落去係有聲嘅😂肉質爽口易咬，醃得入味，正呀！🍴咖哩香茅豬扒（$78）呢個勢估唔到有驚喜，咖哩汁好香又惹味，面嘅豬扒比較重香茅味，下面嘅浸咗好耐咖哩汁嘅就咖哩味好重，薯仔夠腍，豬扒係細細塊，但份量好多，照推算可能有12塊，盒飯都幾大，係好食又抵食系列！🍴乾炒牛肉河（$72）用嘅係幼河粉，炒到乾身一條條，牛肉腍得嚟有少少咬口，好味份量又係大大件。🍴金沙蝦球（$106）份量又係好多，蝦球爽口，金沙份量一D 都唔手軟，每隻蝦都被滿滿又厚嘅鹹蛋黃包住，勁惹味，真係邪惡度爆燈！🍴淨崩沙牛腩（$154）崩沙腩帶少少肥，好爽軟入味，下面有腩汁，保持住牛腩嘅濕潤，淨食可能會鹹咗少少，送飯就一流啦！🍴竹笙羅漢上素（$84）面頭竹笙份量都幾多，味道正常。🍴芝麻西檸雞（$90）味道

見到咁大片蛋殼，即刻唔想食廚師馬夫，侍應出餐嘅時候又唔望吓。好彩我冇放入口。蛋殼呢啲係低級錯誤。都會繼續去，因為附近冇咩選擇，但下次我會睇清楚先開始食。有侍改善。

-🔸西多士 $32🔸星洲炒米 $60🔸咖哩牛腩飯 $48🔸蜜椒薯仔牛柳粒 $78-今日約左中學同學，行行下講起想食西多，行左兩步就見到有間茶餐廳，於是我地衝去買外賣返屋企食。西多士即叫即整，花生醬餡加埋煉奶簡直一流，非常回味👍🏻星洲炒米係我既最愛，佢好足料而且份量好多， 好好味😋 蜜椒薯仔牛柳粒炒得好香，d牛肉唔會有筋，一咬就咬得開。咖哩牛腩飯係帶有椰香味唔會太辣，而且牛腩有筋 炆得好林好入味。另外跟餐仲有是日例湯，d湯係無味精好好飲～

這條偉業街在夜晚的時間比較寧靜，沒有太多餐廳選擇，只有這間翠豐冰廳仍然燈火通明。是間比較新淨光猛的冰廳。餐廳選擇多，有炒粉麵，蒸飯小炒，焗飯，鐵板餐等，份量大份抵食。我是魚皇酸辣米線$63，大大碗有魚蛋，魚腐及魚皮餃，還有些芽菜，九菜，酸菜等配料，湯底的酸辣度剛好，微辣開胃，米線又不會太淋。另外加配了一客五隻的孜然芝麻雞中翼，炸得乾身，金黃香脆，孜然粉可以再重手多一點就更好。竹笙羅漢上素$70是健康之選，內邊有滿滿的雜菜，有主角的竹笙，豆腐，香菇，雲耳，紅蘿蔔等，芡汁不會太過杰身。飯餐包白飯，例湯及餐飲。是日例湯是足料菜乾湯，岩晒平日沒有湯水的我。

系牛頭角做完野 聽朋友講附近有間吾錯既茶記 所以就黎翠豐冰廳 試下佢既飯堂😆餐廳門面好光猛 企理 而地點就系Citi Tower同Manulife Tower隔離 附近又有好多工廈 好適合做打工仔既飯堂👍🏻晚市套餐🐥海南雞飯 $78套餐好多野食 有例湯 油菜 餐飲 芒果雪糕 仲跟埋油飯 單點$70 但比多$8轉套餐就有曬咁多野 真系超值🤑雞既份量非常多 有半脾半雞胸 雞脾肉嫩滑而雞胸肉質結實 吾嚡口例湯系無花果霸王花豬骨湯 一睇湯渣都知足料🥣餐飲有柚子茶簡而且吾洗加錢 幾surprise🍹油菜系芥蘭 一人份量 難得出街食飯都有菜食🥬🤗🐮蜜椒薯仔牛柳粒 $78因為已經有個飯 所以我地就單點左個招牌菜🏅所有牛柳粒 薯仔都沾滿左蜜糖 甜甜的 加埋黑椒 好惹味 而且仲好夠鑊氣 好正🤤🐔孜然芝麻雞中翼（3隻) $24呢個小食幾出色 外皮焗得好脆 入面又juicy 值得叫黎加下餸😋💭餐廳食物味道吾錯 種類都算多 價錢大眾化 晚市套餐又好豐富 系做飯堂既好選擇✌🏼

今日遲左收工搞到都無時間買餸煮飯, 唯有係公司附近既翠豐冰廳外賣返屋企食啦。叫左一個晚餐D海南雞飯, 菠蘿咕嚕肉, 然後再加多一個小食豬頸肉同油菜。晚餐D海南雞飯啲雞肉嫩滑, 浸得岩岩好, 而且啲油飯都好香。成個晚餐非常豐富, 有跟湯、菜、飲品同雪榚, 食完飽到上心口!菠蘿咕嚕肉個甜酸汁好開胃, 食完一件又一件, 好彩佢份量對比出面餐廳算多好多, 如果唔係都唔夠食!小食豬頸肉肉質夠哂淋滑, 唔會硬掘掘, 配埋個泰式辣醬簡直一絕!今次叫既菜式性價比都非常高, 下次要再試埋其他!

《美式菠蘿焗豬扒飯》現場食焗豬真係零舍唔同係紅色焗盤上𢳂起每啖飯都有拉絲芝士特別有儀式感 重芝士亦都重蕃茄🧀🍅豬扒熱辣辣夠入味 而且份量都唔少加埋炒飯底 實在是港式經典.《沙嗲牛肉公仔麵》特登加$5要出前一丁🍜加埋麻油同味粉沙嗲牛肉味道香濃唔要普通炒蛋 揀左黑松露蘑菇炒滑蛋又真係真材實料喎! 丹麥多士香脆鬆軟 記得要搽埋牛油邪惡到盡頭🍞.《郊外油菜》平時都剩係有得揀蠔油/腩汁/全走今次揀左芥蘭配腐乳 原來又幾好食店員好細心咁將腐乳另上鍾意食可以點唔鍾意食可以唔點.《熱檸檬茶》《熱杏仁霜》自己用QR code落單 揀埋多奶 正

前兩日放工後去左「翠豐」買外賣返屋企食，茶餐廳價錢，有質素既食品✨，絕對啱曬我哋打公仔口味。😋晚餐海南雞🐔$78餐廳每晚有四款不同晚餐，而海南雞飯絕對好味又抵食，油飯色澤金黃，帶有雞油香味，雞肉份量夠多，皮薄肉嫩，再沾埋三款醬油，回味無窮。晚餐仲包埋餐湯、油菜🥬，仲有雪糕🍦，非常豐富。焗菠蘿🍍豬扒飯$65必食焗菠蘿豬扒飯，豬扒大塊過手掌🖐️，肉質鬆軟夠冧，拉絲芝士夠香濃，配埋菠蘿及番茄🍅，酸酸甜甜十分好味，而且炒飯底夠香，粒粒分明，私心推介。乾炒牛河🐮 $60乾炒牛河既牛肉份量十分多，牛肉有咬口，又夠嫩滑，每條河粉上色均勻，無論色香味俱全。

嗰晚去買完嘢之後，我就去咗附近呢間位於商業區的冰廳醫肚。原本以為週末晚上，餐廳會少人啲，但行入店裡，門口站了一些人，全都是等外賣。我再行入啲同店員講我堂食，靚姐即刻安排我入座坐卡位，之後就同我講掃QR code落單，服務態度好好👍🏻🍜 崩沙腩和手唧魚蛋配撈米粉 (HK$65) ．崩沙腩，好多件呀！口感爽軟有些少膠質感，超好味😋．手唧魚蛋，方方哋嘅圓形，嘩，入口好彈牙爽口👍🏻．清湯撈米粉，份量超多！另外上清湯。我就鍾意加少少清湯落米粉度食，濕潤啲好食啲．很好，仲有幾片生菜食，飲食均衡啲👍🏻📌提提你：叫粉麵飯可無限加配小食喔，唔係唔加呀？🥬 通菜走油配腐乳醬 (+HK$12)．先食通菜，份量比想像中的多，呢個價錢好抵食👍🏻．通菜是爽脆清甜，點些腐乳醬巳經好好味🍥 炸魚蛋 (2粒) (+HK$10)．就係炸手唧魚蛋，比清湯煮熟的魚蛋多了炸得香口的薄片外皮，肉質同樣彈牙爽口*🍥 炸牛丸 (2粒) (+HK$10)．原來真係有㗎！炸得外面薄脆，肉汁爆在口裡，肉質好彈牙😍🍗 孜然芝麻雞中翼 (3隻) (+HK$24)．酥脆不太油膩，肉質鮮嫩多汁，用孜然和白芝麻調味一定好食😋🍨 白牛 (少冰) (+

出得街多有時都會想留返喺屋企，但手殘bellofood又懶得煮，所以好多時都會買小菜返屋企自己煲飯食🤣 前幾日喺翠豐冰廳買咗兩個餸，將餸放上自己碗碟，好味GET！家庭vibe GET！😆😆🥩重量級美式雜扒 $128雜扒包括豬扒、雞扒、牛扒、腸仔同煙肉，非常豐富，軟腍嘅牛肉又幾好味喎！佢仲送老火湯同牛油方包，夠晒飽足感！🥘馬來咖哩牛腩煲 $78牛腩份量頗多，燜煮後非常軟腍，其他配料仲有牛筋、薯仔、三色椒同洋蔥，全部索晒咖哩汁，淨底嘅咖哩汁仲可以用黎餸飯添🤪

上次去開牛頭角呢頭開會，同同事食lunch叫過沙姜雞飯覺得好好味，因為茶餐廳多數最多有海南雞，唔係好多間有砂礓雞，而且呢間嘢沙薑雞做得非常出色，啲雞好滑夠入味，額外配砂礓醬，撈埋飯一齊食，超級好味，今次同小朋友喺觀塘食完飯之後因為太飽，散步行行下見返呢間茶餐廳，即刻外賣半隻返屋企做晚餐，味道keep到依然咁好，真係好滑好好味。另外仲叫多咗碟中式牛柳，唔知係咪因為牛肉價錢越嚟越貴，茶餐廳已經好少有中式牛柳，返到屋企見到盒中式牛柳份量唔算好多，不過出奇地非常好味，酸酸甜甜，而且牛肉非常淋，小朋友直頭爭住食，因為佢將牛肉切得比較博新，原來呀份量都足夠，重點真係好味同埋好開胃，小朋友超級鍾意，所以下次去開做嘢，我都會好似今次咁，買外賣比佢哋食。

位於牛頭角的港式茶餐廳，主要是港式麵飯、潮州湯麵、鐵板扒餐、晚飯小炒等，選擇多元化。冰室有別於一般茶餐廳，這間環境優雅，裝潢別緻，企理整潔，座位也很寬闊，採用手機二維碼下單，方便又準確。特色酸辣米線：我是魚皇酸辣米線顧名思義，魚皇即時全部都是魚的材料，有魚蛋、魚皮餃及魚腐，加額外錢的話，可以升級成為魚麵。這碗米線麵條有點腍，白魚蛋彈牙；魚皮餃皮薄，餡料煙韌；魚腐有層次。湯底是魚湯，本身已經加酸，辣度也不高，酸酸辣辣，很開胃。加配小食：麻辣手撕雞看上去辣度不高，但是麻辣醬汁很入味，雞肉大大條，啖啖肉絲，很有口感。秘製靚雞：客家沙薑雞套餐套餐跟配白飯、老火湯。老火湯，湯料足，住家湯水的味道。雞肉白滑，嫩口，蘸點沙薑汁，味道更惹味，很下飯。飯大大碗，粒粒分明。