翠苑餐廳

西營盤翠苑餐廳服務態度極差，各位唔好去光顧2025年3月10日12:30-13:20光顧翠苑餐廳 (位於西環西營盤正街23-25號地舖)，坐左10分鐘，無人理，叫伙計落單，被其中一個女伙記叫收聲，跟住有位男伙計幫我落單。食完比錢同個收銀傾番件事，佢話我同個女伙記2人都有問題，叫我「張就」下。仲有間餐廳衛生好一般。仲有食完後有小小唔舒服。…查看更多

今日見到呢間冰室諗住入去試吓，見menu寫店長推介$78無骨海南雞飯就試吓，落單果時問侍應有冇得轉雞胸，佢話有，之後無啦啦有個超肥既侍應皺晒眉頭好寸嘴話：「無呀，一陣整左比你你就話唔係雞胸架喇」，我心諗大佬我第一次幫襯咋喎，其實就算無都唔緊要，你哋唔好一個話可以一個話唔可以，搞到我冇哂心情，仲要見到環境坐位啲衛生唔好，本身諗住走，但係諗住如果佢整得好食嘅話都忍啖氣算數，點知黎到碟野又細，啲肉又晦，真係中伏我以後唔會再幫襯，希望大家避雷🙏🏻…查看更多

一入去叫我們坐的那張二人枱是裡面出入口的位置,出出入入都會撞倒椅子的那種,況且我們身材都不小的,然後另一張枱有人剛剛走,未執枱,我們唔介意佢可以慢慢執,就走到這張枱坐,有個男樓面就好悔氣好無禮貌咁講,太約就是說:果張枱都未執,坐落去做咩,坐番呢張!  然後我們即走;做咩要食到咁受氣!!!.....未order就已經咁鬧法,呢D鋪請我都唔食.這是茶記,我唔會要求好好禮貌,你正正常講野就OK嘅,但係接受唔到呢D態度咁惡劣嘅招待.以後唔會再去,香港真係-好嚇之都!!!…查看更多

一間曾光顧超過十年的茶餐廳，想不到今時今日，她製作的食品是每況愈下。下午茶一碟星洲炒米簡直是太空船的航行速度上枱--不用5分鐘，你認為是即炒還是微波爐的傑作?!不需太多思考，用手探探碟邊是涼的，用眼觀察米粉連一絲熱氣也看不到，再把米粉吃進口內是溫的而不是熱的，就算我富它是炒過的，也可能是15-20分鐘以上吧？這樣的所謂「星洲炒米」你會給錢來吃嗎？再說另一碟「菠蘿雞絲炒飯」，等了約15分鐘終於上枱，終於有一碟熱的食物是炒給我吃的!但別高興得太早，飯雖然是熱的，份量也算恰當，可是全碟飯祇有5小丁片的菠蘿，它們全部加起來，連一小片指甲也比它們大!至於雞絲全部也祇是得幾片。至於味道則更不消提，祇可用淡而乏味去形容。整個下午茶餐惟一勉強合格的是那杯奶茶，而餐價是每位港幣43元。各位看完我的親身經歷而仍有興趣冒險一試的，就即管來吧！🤣…查看更多

今日去西營盤辦理手續，見預約未夠鐘又未食早餐，經過正街見到一間翠苑餐廳，見未試過，就入去食個早餐先，叫了一份沙爹牛肉煎蛋公仔面和一杯凍檸茶走甜一共$41，本人覺得幾好食，但今次寫這個食評只是想講下這間茶餐廳員工十分之有禮貌和親切友善，環境好寬闊。雖然只是一間茶餐廳，都能做到這樣真的比個讚他們。現今香港大部分任何一間餐廳啲員工都全程黑口黑面和冇禮貌，大家可以值得考慮去試吓…查看更多