翠苑酒家

難得屋企人全部都放假，就做吓孝順仔女，帶屋企人去翠苑酒家食晚飯。當日冇book枱，去到亦唔洗等位直接入得。當日叫了燒味雙拼、大蝦帶子炒甜豆、鮑魚炆鴨掌、魚翅同炒飯。上菜速度好快，食物質素都很滿意，鮑魚同鴨掌都炆得好入名，炒飯都好乾身粒粒分明，屋企人都食得好開心。唯一嘅缺點真係食物份量真係較小，特別係大蝦帶子炒甜豆，大蝦同帶子真係得好少，甚至唔夠屋企人每人一粒，呢個位真係扣咗分  如果食物份量可以增加，絕對會再次幫襯。…查看更多

上個月 9 號，親戚話俾我屋企人聽依度新開左間酒樓。所以趁我放假決定一家人去試下。點知一去無回頭。首先.....傳菜員一推架車埋黎，寫住枱號果張單痴住左係其中一舊「紅米腸」上面，果個傳菜員喺咁大力咁扯張單，我地見到即時叫佢停手。跟住我屋企人用對筷子將張單連紅米腸一齊夾開。而個傳菜員連講唔好意思都冇就走左。成碟完全冇味道，中間放咗啲春卷捲喺中間。但係連咸味都冇。呢個簡直係我咁耐以黎食過嘅最難食燒賣。燒賣入邊一食蝦都冇，竟然全部都係蝦膠。完全係👎👎。雲吞有 6 隻，味道好淡。不過就有好多西生菜。呢個簡直係史上最恐怖。一開出來都同普通無分別。但當你一食落口就知中伏。入邊 D 材料同埋汁食落非常「痴牙」。成碟野完全冇鑊氣，無味道，咸味都冇…查看更多

9月18日（八月十六）6：00入座6：15開始上菜6：30上到一枱都係，11個人已經無放低過對筷子係咁食，都追趕唔上廚房出菜神一樣嘅速度💨💨叫經理hold一hold啲餸唔好上住，佢就只係不停話轉細碟，啲餸轉完細碟都係滿滿一碟。重點係食唔切呀！係咪要讚佢啲餸又大碟又上得快呢🙄🙄經理夠膽死回覆話：因為依家得你哋一枱齊人上得菜，廚房淨係做你哋一枱係快啲架喇。聽完呢句，真係全家火到嚟😡🤬真係爭咗未上埋個糖水再叫你埋單🙄🙄起初叫餸嘅時候，幾個經理行埋嚟sell套餐sell你加錢升級轉呢轉路就非常積極，想叫人hold一hold啲餸就四散，隔岸觀火。如果各位有心理準備半個鐘就食曬一個圍餐，呢間酒樓絕對係推介！廚房出菜嘅速度簡直係光速呀！…查看更多

兩個人约10點飲茶，告訴知客唔搭枱，可以等。當時沒有其他人等位的。我已取票在等。1)長頭髮馬尾就話:早晨有特價點心，個個都要搭枱架。眼見就算搭枱長者都是坐兩個人，咁我有咩問題呢？2)短黑頭髮也有馬尾知客(以前是煌府)碌大隻眼，好大聲又恶話坐幾号枱啦，搭一個人咋。我再話唔想搭枱，等下。唉，個個都搭枱架。3)等15分鐘，有人說3個人，立即安排他們入座。咁即是有枱，只唔俾我們兩個人坐，我們即走，不知所謂的服務。4)眼見廁所位可能有部貨lift/後門，幾多長者直接入內就坐低飲啦，侍應都招呼。剛開業時仲有些招呼，兩個人取票不用搭枱，現在幾個知客差到無人有，口黑面黑。…查看更多

家中老爸最近愛到這家新開的酒樓歎下午茶難得星期日放假，就陪陪他唄！意外地食物有水準👍🏻 ！點心，簡單叫了粉果、燒賣，兩籠點心都好足料，還包有粒粒不小的彈牙蝦肉，粉果又皮薄軟糯！難老爸愛上這酒家的點心，但忘了拍照😅黑芝麻脆皮豆腐：豆腐炸得內裏濕嫩，外皮薄脆👍🏻川味豬手 ：豬手蚊得肥肥糯糯，充滿胶質感👍🏻又微辣入味😋好正牛肉腐乳炒通菜 ：牛肉嫩滑得來又每塊都保留有嚼勁的筋位，好有咬口👍🏻菜炒得剛好，腐乳又不會太鹹半隻炸子雞 ：雞皮炸得薄脆，雞肉多汁嫩滑店員、侍應服務到位！以後要多陪老人家來歎茶…查看更多