翠苑甜品專家 (書局街)

一間十分傳統既中式糖水舖，賣既都係傳統糊類、紅綠豆沙、腐竹、燉蛋等等。 冇太多花巧組合，靠嘅係真材實料，傳統技藝，同街坊價錢。天氣熱關係，簡簡單單，要左個凍腐竹薏米。 腐竹同薏米都十分足料。 腐竹煲到溶晒落糖水入面，形成一種濃稠口感，成碗充滿腐竹味，而唔係水加一片片腐竹。 薏米亦煲到好腍。 雪凍咗，係熱天消署非常好既選擇。另外，糊類亦都做得相當唔錯。星期六日限定，仲有腰果糊。 會做腰果糊既地方唔多，絕對值得一試。…查看更多

Tea time 路過不如食個糖水，叫了杏仁蛋白，其實即係蛋白杏仁茶，杏仁味香濃，蛋白粒很滑，糖水都很滑。美味得來才$26一碗，又平又好食，見到隔離枱叫了腰果露，下次都想試吓。…查看更多

唔知有冇人同我一樣非常之欣賞港式糖水 廿零蚊大大碗真係唔係度度都搵到！仲要全部都係非常之傳統嘅港式糖水 餐牌一定會有嘅紅豆沙綠豆沙咋喳芝麻糊合桃糊 另外會有楊枝甘露今次我就叫咗碗熱辣辣嘅芝麻糊 平時見我一定會加湯圓一齊食 今次為咗減低罪惡感就淨係飲咗碗芝麻糊 雖然佢都係用粉沖 但係口感都好滑好香 入邊環境好懷舊 糖水都係用鐵皮箱保温 好友年代感…查看更多

今日燒完嘢食，感覺喉嚨乾乾地，之後我哋去咗食中式糖水潤一潤個喉嚨。當時我哋响北角，就搵咗呢間店舖食糖水，裏面比較細，坐位有啲迫，好彩我哋等咗5分鐘就有位，一坐低就即刻叫咗以下糖水。1）腐竹薏米蓮子糖水：有腐竹味，薏米好腍，蓮子好鬆化。2）芝麻糊溝合桃糊糖水：軟滑適中3）桑寄生紅棗蓮子蛋茶：蓮子好鬆化，隻蛋有啲硬但有蛋味。4）紅豆溝綠豆糖水：豆唔夠沙，臭草味夠香，但果皮唔夠香。整體糖水唔係好甜，正常味道！…查看更多

喺附近食完個晚餐之後去咗呢間嘢叫咗個外賣嘅合桃糊同腰果糊。點知帶到返屋企食嘅時候發現係完全冇味道嘅！乜料都冇落到淡到離晒譜。完全唔好食。全口都係澱粉。之後先發現「翠苑」原來係有兩間嘅。想食甜品嘅大家千祈唔好去呢一間，黐住同埋嗰間風扇一齊呢間翠苑係唔嚟得㗎。呢兩間都係最好唔好嚟。口感又唔得，味道又唔得。其實喺出邊啱啱望入去仲以為係粉麵舖，環境都唔好，但又勁多人排隊。😅😅😅食落去啲澱粉黐住晒個口。真係好耐未試過咁差嘅糖水。酒樓免費嗰啲仲好食啲😓😓😓話自己甜品專家，不如叫自己澱粉專家😅😅😅…查看更多