翠湖茶餐廳

營業中

休息中

懶人訓醒唔想煮食，落樓下搵食就係最方便直接既方法。比較近既茶餐廳有兩間，翠湖係咁多年我都冇咩點幫襯過既，而另一間就久唔久都會幫襯。因為個間食到悶左，於是把心一橫去翠湖食番次!!下午一點幾落去，近乎坐滿喎!!坐底後我點左個午餐，餐肉麵+火腿炒蛋+熱檸茶，三樣野加埋$27!!!!!堅抵!至於質素，唔差喎!!餐肉麵- 個湯有d似粟米雞湯味，餐肉係舊式餐廳用開個種，好食喎!!!火腿炒蛋- 份量唔算少呀!又係炒得好!熱檸茶- 茶底ok，絕對合格既檸茶!!今次之後，我會黎多d架喇，希望街坊店頂得住，可以一直做落去!!

由於附近有幾間中學， 平日係學生飯堂， 星期六丶日就係教會飯堂!!作為一間屋邨茶餐廳， 抵食係基本野!! 炒粉麵飯大概 $35-$45, 抵食夾大件， 建議如果三個女仔食， 叫兩碟就已經足夠!!平日會食乾炒牛河丶魚香茄子炆米丶 星洲炒米， 是日叫咗乾炒牛河。 呢度既乾炒牛河可以少油丶少鹽丶扣底，任君選擇，而我會叫少油， 因為真係好多油!! 味道比較偏咸， 但牛肉唔會太老， 而且算俾得多牛肉， 上色嘅老抽落得比較少， 碟炒河比較淺色， 但我著重味覺享受多於視覺享受，認為 ok.... 更重要既係: 有好多銀芽，爽口，正!!

食過既朋友都知... 呢間野d 野真係... 不值一提! 但係... 估唔到有樣野真係幾正既! 係咩呢... 就係咖喱牛腩飯勒! 個汁夠味, 又夠辣, 件腩就要睇下好唔好彩, 但係一般都唔會太難咬. d 筋都好夠冧. 真係值得一試. 我落去食十餐, 有八餐都會食佢. 其餘兩餐多數因為肚唔舒服, 唔想食咖喱...

好耐都唔敢去食~因為上次食得好唔開心!記憶中我叫咗一個餐(好似係午餐) ,其中有所謂奄列一個,但係送到o既竟然係只有四吋x三吋左右加上明顯燶到黑晒o既物體!我當然要求d待應姐姐換啦! 點知佢\地o既表情好似睇怪獸咁睇我!咁我環顧四周先發覺有幾檯都係將果碟叫"奄列"o既物體放係一邊唔食!最後佢地都有換俾我, 但就將我果碟俾咗另一檯客!雖然我係果度食咗十幾年, 但經過果次...到今日都唔敢再去幫襯~

我係度食左個set lunch......個飯好難食…好有隔夜feel.....黏痴痴....！！飲左個凍檸茶…勁甜！！不過都幾夠檸檬味…如果唔係貪就腳落樓下食…就係死都唔黎呢道！仲有個set lunch唔知點解成日都有蕃豬扒飯…！D tomato juice勁難食…一D都唔新鮮！！差劣！！

煮D 野好唔乾淨....杯汽水仲有一隻FLY 係樹..怕左...如果唔係學校冇野好食都唔黎食呀服務又差

自問自答.......

Address: 青衣長康村長康商場第2期3樓306號舖if you go from kwai fong, you can take bus no 43/ 43M or minibus (green) 88D. it is not difficult to locate, you may ask the driver or other passengers where you should get off

pls tell me! thx!

i love this restaurant very much, it is very close to my place, thus, i always have my lunch/ dinner there. they offer a wide range of quality food with a very cheap and reasonable price. i would like to recommend it to all of you.