翠湖海鮮酒家

呢間酒樓嘅套餐都幾抵食，味道雖然一般但係份量就好足，我哋六個人叫咗呢個餐嘅半席，多到食唔晒。乳豬半隻，皮脆但係真係好肥。上湯蝦球伊麵啲蝦球都算交到功課，伊麵就超多，我哋淨返一大半，因為冇理由食伊麵食飽嘅。翡翠炒商蚌份量又係勁多，絕對唔似係半席，珊瑚蚌同埋貴妃蚌都算新鮮爽口。黃金百花球其實就係好似炸蝦蟹球咁樣，一人一粒啱啱好。紅燒蟹肉海皇翅幾好味，不過魚翅嘅份量係比較少，侍應幫我哋分埋上枱。蠔皇花膠瑤柱脯掛住食唔記得影相，又係超大碟，都幾多花膠，不過啲花膠食得出質素麻麻地，純粹夠大件，不過咁嘅價錢絕對收貨。清蒸沙巴龍躉又係唔記得影相，原條龍躉唔係畀半條我，而且條魚嘅size又唔算好細。脆皮燒雞半隻其實已經食唔落，差唔多成份打包走。甜品中規中矩啦。…查看更多

入到嚟坐低，落咗單等咗成半個鐘，惗住催下佢，問佢得未，點知原來佢唔記得咗落單...........🥲嚟到啲嘢食又麻麻地，牛肉腸粉真係唔得，而且腸粉皮又好厚，重新落單有個灌湯餃，我知道灌湯餃係要好耐，但係又等咗成大半個鐘都未有，有啲過分，到最後問佢嗰時先知原來佢又唔記得咗落單......應該冇下次。…查看更多

昨晚約了一班舊同事聚會,他們都喜歡食中菜, 荔枝角地鐵站上蓋的長沙灣廣場位置方便. 大家各自回家也方便.今次第一次去這間新酒家,雖然是星期四（平日）晚上, 想了到酒家都差不多坐滿人.我們九點半左右離開也仍有很多食客剛上菜. 可能此地區中式菜館不太多選擇. 當然我也發現幾檯12人~一家老少或者朋友聚會食圍餐. 遠望他們的菜式的份量都幾多.我們只有5人選不到多人圍餐, 只選了1份晚市孖寶餐~有一個冬瓜盅及例牌燒鵝🪿（$368）. 還有, 選了一碟蒸鳝（$168）及一份南乳齋煲🍲（$118）. 最後,加2碗白飯. 合共大約$835左右.冬瓜盅材料豐富除有冬瓜,蝦,瘦肉, 螺頭,蟹柳,蓮子,草菇,乾貝.而且是清甜不油👍🏻例牌燒鵝 ~ 皮脆肉嫩沒有肥膏.超香口.可惜例牌份量不多.豉汁蒸白鱔 ~ 白鱔鮮甜彈牙.南乳齋~正常南乳齋煲,味道不會太咸,粉絲吸收南乳的香味,拌飯一流😋總結：各樣食物質素也好味道.不過份量不算太多😅白飯🍚也夠大碗🤣. 酒家沒有限時用餐,可以放心聚會.…查看更多

近排發現長沙灣廣場好多餐廳都冇泊車優惠，對開車出街食飯嘅家庭嚟講真係唔太方便。不過佢就係少數仍然提供泊車優惠嘅餐廳之一，對一家大細嚟講，絕對係一個貼心又實際嘅選擇。🍗 燒鵝，皮脆肉嫩，油香四溢，配埋梅子醬一齊食，味道更上一層樓。🍲 冬瓜盅，清甜滋潤，湯底鮮美，冬瓜吸收晒湯汁精華，啖啖都係清香。🫒 欖角骨，欖角鹹香突出，排骨煎得香口，外脆內嫩。🌶️ 麻辣豬手，豬手皮爽肉滑，麻香中帶微辣。🥒 苦瓜炒牛肉，苦瓜爽脆，牛肉嫩滑，炒得火喉十足。🕊️ 乳鴿，外皮香脆，肉質細嫩，香氣十足。🥦 西蘭花炒鮮魷，西蘭花翠綠爽口，鮮魷彈牙鮮甜。🥘 雜菜煲入面材料豐富，暖胃又滿足。餐後仲有甜品奉送，其中紅豆沙尤其值得一試，豆香濃郁、甜度適中，口感綿滑！😋…查看更多

咕嚕肉，外皮好酥， 豬肉 juicy ，芡汁有拉絲，真係咕嚕肉嘅天花板 👍野菇雜菜，材料新鮮。椒鹽鮮尤，脆漿處理得一樣好，就係太大份量，人多先好叫。砂鍋炆魚腩，味道可以，但是龍躉不夠新鮮有 魚腥味。燒乳鴿38蚊一隻， 熱辣辣， 唔好挑剔。總括來說，酒樓吃飯必定嘈吵，但地方寬敞， 雖然沒有殷勤嘅招呼，但是服務都不算惡劣，小菜來得快，每款都好大碟，適合多人聚餐。…查看更多