翠屏茶餐廳

營業中

休息中

呢份豬扒煎蛋米整體表現中規中矩～雖然冇乜驚喜，但都係一頓唔錯嘅飽肚之選 💭🍽️🐷 豬扒質地啱啱好～唔會太韌，咬落去夠鬆化 👌 再配埋煎蛋，口感算係幾融合，但煎蛋味道就真係茶餐廳standard 🥱🍳，冇乜特別令人眼前一亮嘅感覺。🧋 至於奶茶方面，因為揀咗少奶，味道偏苦☹️，少咗本身應有嘅香濃和滑順，缺乏層次感，有啲唔夠滿足 🫤🫗 但勉強都算係一杯基本奶茶啦～📌呢到適合想簡單醫肚嘅朋友👤～但如果你係鍾意探索味覺新世界🌈🌟，就可能會覺得未夠喉。🧐

睇返記錄，原來嚟呢間舖頭食嘢，只不過係約一個月前嘅事，當時三餸車仔麵配熱飲係$39，但今次嚟已經加咗$1，去到$40啦！記得上次話佢哋有檬粉同銀針粉可供選擇，但實情係點？呢日嚟到，話要檬粉，個店員話睇吓先，先幫我寫住銀針粉，結果嚟到真係銀針粉，而唔係檬粉，不過都ok，車仔麵配銀針粉其實都好少見，所以唔係咩大問題。三餸我就揀咗大腸、牛筋，同埋豬皮，呢三樣比較濃味嘅食物，再配一杯熱奶茶。大腸係正路嘅雪貨，腍身得嚟少咗啲煙韌，更無鮮貨嘅香味，話時話，依家起出面食豬大腸，都幾難食到鮮貨。牛筋又係一定係雪貨，腍得嚟帶啲爽口，而且夠入味，唔錯。豬皮都叫有啲厚度而且爽口，而唔係薄薄嘅油炸豬皮，嗰隻我買過一次，永遠唔會買第二次。奶茶同銀針粉就正正常常，無咩特別。總括嚟講，呢餐算係普普通通，勝在試下銀針粉配車仔麵會唔會有啲火花出嚟，答案顯而易見係無。

好耐都無幫襯過呢間，三文治就更未起呢間食過，今日路經附近，於是鑽入去食早餐，想比較下同區內兩間（譚仔及百分百）食過嘅餐蛋治有咩區別，但一見餐牌有鹹牛肉呢個選項，立即改變主意，要鹹牛肉及雞蛋三文治，配熱奶茶。三文治中，我認為鹹牛肉雞蛋是絕配，比其他配搭更為出色，唔知各位認唔認同？慣例奶茶先上，但可惜呢間只有白砂糖供應，無我喜愛嘅啡糖，已經扣分，茶飲落唔夠香、唔夠滑、唔夠濃，再扣分。蛋牛治嚟到啦，齋睇表面，已經比譚仔及百分百失色，薄薄兩片麵包，而且表面粗糙，賣相已經唔得，又再扣分；擘開一睇，鹹牛肉分佈不勻，左邊比較多牛肉，右邊比較少牛肉，而事實上咬落嘅差別更大，左邊嘅牛肉比右邊多兩倍，再一次扣分。呢間茶記只收現金，不收任何電子支付工具，如果無帶現金嘅話，切勿幫襯，呢方面又再失分。呢個雙併三文治餐要$34，無比較就無傷害，無論同譚仔抑或百分百相比，整個出品嘅性價比都低，所以除非要食鹹牛肉或沙嗲牛肉三文治，否則我認為唔值得幫襯呢間嘅三文治餐。在食緊呢餐嘅同時，望見搭檯嘅人所叫嘅三併車仔麵，見到佢啲豬皮望落幾正，再望牆上高呢三餸車仔麵選項，比餐牌呢個為多，而且有檬粉及銀針粉選擇，價錢是$39，下

普普通通的一個晚餐，有：魚香茄子煲 $62 >>> 好惹味，魚香夠香枝竹火腩煲 $70 >>> 火腩夠肥，枝竹少少硬芽菜炒鮮魷 $70 >>> 好夠薑，驅寒七味風沙豬手 $55 >>> 夠香，脆身，有咬感送白飯，跟例湯，青紅蘿蔔湯 >>> 足料，有味，夠暖身Coca-Cola no-sugar $8一餐飯，四個人，圍返一人一百蚊有找。有飯，有湯，有餸，有可樂，有位坐，有水吹，慢慢吹，無人吹，「翠屏茶餐廳」是一間好有人情味的餐廳！

🧑🏻‍🚒🤵🏻👩‍🎨🧑🏻‍🔧👩🏻‍💻打工仔之選：兩餸飯🍛賣點1️⃣價錢相宜💲💲賣點2️⃣出餐快🥇🥇賣點3️⃣除左兩餸飯，餐廳仲有午餐、茶餐、車仔麵，選擇多👍🏻👍🏻👍🏻量多總體來講，係返工食晏之抵食選擇👍🏻

今日嚟到位於觀塘翠屏街市嘅翠屏茶餐廳食個Tea下午茶時間當然就要食個茶餐，除咗平一日嘅茶餐，佢仲有粉麵飯，仲可以叫小菜最後我就揀咗雞髀沙律呀，$36蚊，抵食夾大件雞髀隔油做得唔錯，肉質乾身，炸得香口之餘而不肥膩

早餐最緊要係快靚正，快手當然係講上菜時間快啦，靚同正呢，除咗要飽肚之外都要好食嘅。茶餐廳雖然地方細細，坐得比較迫，但係食物質素真係唔錯嘅。我揀咗一個豬軟骨湯意粉，配火腿奄列，再送埋一個熱奶茶，都只係31蚊，呢個價錢嚟講，完全係無得投訴呀。豬軟骨雖然祇有兩嚿，但係份量都ok,每舊大約有一隻手指公咁大，最重要係d肉夠林之魚軟骨仍然係咬得到好有口感，湯意粉稍為淋咗少少，不過個湯底真係好正好香，連我平時出街食粉麵唔會飲湯嘅人，都飲咗一大半。奄列嚟講啲火腿絲都好多，加埋多士，未飲曬杯奶茶已經覺得呢個set好夠飽同行友人就選擇咗炸豬扒，配雪菜肉絲麵，個豬扒一啲都唔厚粉，質感係比較實淨嘅，但食落又唔會覺得好油，緊骨嘅位置啲肉質仲好滑添，都好滿意啊。樣子無乜特別就唔影相啦，不過質素真係比一般連鎖嘅，餐廳好，大家有機會都多啲支持下呢啲小店啦

收工搵好友傾偈，方便啲在樓下食飯，街市內有幾間餐廳，佢揀咗呢間茶餐廳，去到幾爆場，普通中菜館格局，我哋搵咗個角落小圓枱，桌椅幾迫，我哋張枱剛好在熱水爐旁邊，店員取熱水都在我背後，好得人驚（因為真係好近，佢甩手我背脊實淥熟，餐牌都係小菜小炒，揀咗兩個小菜！例湯（跟小菜）熱到辣手，味道頗味精欖菜肉鬆四季豆（$56）炒得幾乾身，四季豆泡過油，外皮煙韌，豆有咬口，欖菜鹹香，好味！醋香無錫骨（$62）呢個有啲失望，一向見嘅係黑醋，而家係用「京都骨」嘅汁煮一字排，好在肉排煮到離骨，肉又唔嚡，汁係酸酸甜甜，好味嘅，不過下次想食呢種汁嘅，我會叫京都骨😆白飯（跟小菜）夠熱又幾鬆軟！幾好！食物ok，店員爽手唔廢話！正常！小菜上枱時，張落單草紙仲墊咗半張響底，比較礙眼（明白茶餐廳會粗豪啲，不過都係礙眼）唔想唸食乜都ok

干炒叉燒烏冬份量非常小，等候時間一般，味道一般，感覺好似食剩打包咁既份量。街坊位置街坊舖面，一個透明膠盒只有2/3滿，永不再光顧！咁既份量收$47，累我仲要自己煮個公仔麵先夠飽