翠園 (新城市廣場一期)

營業中

休息中

當日一行六人去咗沙田新城市廣場「翠苑」食下午茶，由於下午茶價錢較優惠，所以都好多人係酒樓門口等夠鐘入。夠鐘時，見到入面大部分枱已經坐滿了人。雖然人多，但枱與枱之間嘅距離都算寬闊，唔會覺得好逼。當日我哋叫咗馬拉糕、叉燒包、迷你合桃椰子撻、馬蹄糕、迷你糯米雞、腸粉、春卷。馬拉糕質感好鬆軟，食落去有少少入口即溶嘅感覺，味道唔錯。迷你合桃椰子撻同迷你糯米雞，味道也不錯。腸粉同春卷尚算不錯。叉燒包同馬蹄糕反而一般，無乜驚喜。

週日早上遙距攞飛飲茶等咗一陣就可以入座疫情關係，全部間開四人一台座位星期日早上飲茶一定多人我哋叫咗普洱，可惜有好多茶葉喺茶壺面，感覺唔太衛生！而且茶壺個壺嘴係崩的。嘢食黎嘅速度都尚算可以！不過佢哋就會將一籠籠嘅點心放喺餐牌上面，咁樣會整污糟個餐牌!叫咗小心奶皇包，以為會好熱同埋有好多流沙，不過打開個包，係冇流心的！椒鹽豆腐個皮唔係整得太脆，總括嚟講食物一般！酒樓設加一服務費。

剛剛的端午節，我們一家四口約了姑媽姑丈和二伯娘同阿哥到了這裏吃晚餐，我們叫了一個六人套餐，再加埋甜品，咕嚕肉，和豬仔腳，都已經10分滿足。匯豐咭有特價套餐，又有龍蝦伊麵又有鮑魚鵝掌，真的10分豐富。甜品方面，一定要試吓斑斕蒸糕，因為煙銀得來又不會太甜。

今次由於老公的媽咪慶祝生日，佢話就腳想去沙田翠園晚飯食龍蝦餐，我哋5人叫了一個龍蝦4人$888的套餐，我哋初時想加多2個餸，怕5人唔夠食，店員仲主動話個套餐是足夠4-6人的，好熱心叫我哋唔夠先決定加餸。好彩個店員咁講，我哋打消加餸諗法，因為仲有一個蛋糕🎂要食！套餐食物上枱，完全唔好食，尤其個湯是苦的，所謂花膠瑤柱浸時蔬的菜又是苦的，而d花膠根本唔係花膠，伯母話最多似「魚唇」，我無諗過可以咁難食，所謂大集團竟然貴價但極難食，明顯食材很差很差，我哋完全black list 呢間垃圾酒樓，仲話碌HSBC卡有$300 coupon for下次用，我哋不約而同話：根本就唔會再嚟食，貴唔緊要但都唔好咁差至得😤失望到一個點囉😩

同老人家食飯多數都係揀酒樓 見到佢有個片皮鴨套餐$528所以直接入嚟呢度食就算 套餐有一隻片皮鴨連12塊皮 啲皮有啲厚，勉強可以食嘅 啲肉都砌得好厚，配料畀得好少冬瓜鴨骨湯好重胡椒味，一般般 好似飲緊味精湯咁 清蒸沙巴龍躉 呢個整得唔錯，幾好食 成個套餐入面最好食就係條魚 叉燒拼油雞份量比較少，水準正常雞同叉燒都唔會好老金銀蛋浸莧菜都係一般水準，冇咩特別 我哋另外仲叫咗一個白飯 4個大人+1個小朋友都ok la連埋加一$693

何🌟素個阿姐 我爸爸想叫人加茶 佢用非常差嘅態度同我老豆講嘢 老人家想加茶啫 唔使咁啊 我老豆都唔該前唔該後了 佢都咁 其實壓力大唔好出黎做嘢喇 好似爭佢錢咁 真係好似想鬧人咁 。係咪因為我地冇比小費比佢所以佢咁呢？以後不會再幫襯了

一家四口叫左隻片皮鴨餐，個餐包一隻鴨、一條蒸魚，一個鴨湯、兩個小菜，小菜我地揀左咕嚕肉同帶子蒸豆腐，另外加左個蟹子蟹肉伊麵。其實好多野都冇影相，亦冇諗過寫食評，但整體體驗真係太差，我唔希望再有人中伏。第一，book左枱埋去講book左枱，寫張紙寫枱號就要自己行入去搵，講左句限時90分鐘用餐時間，而且冇人帶枱，晚市都叫中菜酒樓1個半鐘要人走真係有啲過分第二，食物上菜次序及時間又耐又亂，正常膜皮同鴨應該第一樣上，鴨同膜皮一齊上，結果膜皮落完單冇耐就擺低，隻鴨最尾上，而講緊既最尾係已經食哂所有野，等佢黎埋隻鴨，結果膜皮擺咁耐就當然凍哂第三，食開片皮鴨既都知道會跟蔥同青瓜，我地叫左一隻鴨，佢俾一碟青瓜絲同蔥(如圖)，一隻鴨呢個份量既青瓜同蔥真係唔夠，問佢拎多碟原來要俾錢，ok fine俾，叫多左碟，結果又等左十分鐘，啲膜皮同鴨已經凍到冇得再凍。講翻先，隻鴨黎到個刻我望錶已經係20:03，結果食埋隻鴨同啲膜，飲啖水就90分鐘夠鐘走人其他食物不過不失，都係個句本身冇諗住寫食評or打卡所以冇影相，但去到最尾隻鴨個part真係好嬲

好失望。服務唔得，嘢食普通，最少唔會再黎食下午茶。下午茶兩點半先開始，兩點前去攞飛都要等到兩點九先入座。平日都好多人。侍應話要三點前叫炸嘢同腸粉，話廚房收，如果唔係之後都冇。咁我兩點九入座，咪即刻落單囉，落單嘅時候侍應都冇話唔得，點知大半個鐘後侍應就走黎話腸粉無。於是順便問埋另一樣炸嘢點解咁耐都未到, 點知侍應先好理所當然咁話三點後炸嘢冇，嬲到震！！！！客觀講，除左沙茶鴛鴦肚係好食之外其他嘢都好普通，可以唔駛再黎。

成餐飯都唔好食😡😡😡職員安排入座又無禮貌，無掃安心出殯追我9條街唸住屋企人生日又出咗政府消費券食豪d火焰燒脆雞$340⋯⋯貴在乜？係你面前放🔥⋯⋯我就係想俾屋企人見識吓阿姐擺隻雞係九丈遠，又唔講仲放埋火，先講俾我哋知，依家攞隻雞入㕑房俾師傅切🤬🤬若果係咁，使唔使搞咁多嘢，點解唔直接係㕑房切出嚟上枱，呢班職員都智障😢好一般之燒雞，$340之賣點俾佢哋摧毁了椒香銀絲鵝掌$148⋯⋯比較好食的一道菜😥鵝掌超大有4隻不知所謂⋯⋯花膠絲瑤柱泡菜苗$138真心花膠絲，好似粉絲咁幼，唔抵食唔好食😡$198⋯⋯俾兩條蟶子，我唔覺係蟶子皇蟶子皇炒海蝦，收$198⋯⋯好過去搶🤬🤬🤬义燒$108，普通普通普通；我唸街市好小小白飯$17/碗茶$17/位，茶唔熱又唔靚呢餐飯真係差到爆，唔會再嚟🤬🤬🤬🤬

夜晚去叫咗三樣嘢炒鮮奶冇咩特別 清淡得濟冇乜味蟹伊面都麻麻 冇乜feel有食到蟹肉個叉燒最頂癮 好貴但全瘦 舊舊都好似食膠咁成餐都唔吸引 無論食物定環境定服務應該不會再去

如題 同媽子兩個人叫咗三個送 仲用咗一張$100嘅coupon 買單都要成$600。當然一定會話我叫咗龍蝦，但係其實佢已經係特價龍蝦 298$，加個伊麵又唔知要加幾多錢，跟住茶位又唔知幾錢一個😅😅不過老媽子話想去酒樓食龍蝦，所以咪照去。但係我都同佢講呢個價錢真係有更好嘅選擇，除非真係好想支持吓呢一類嘅店 否則自己真係唔會去。媽咪話去咪去囉，最衰果樣嘢就係我竟然覺得個粉絲鵝掌煲係好食過個龍蝦伊面 可想言之😅

I got the voucher from Jade restaurant MOKO last week so I have decided to dine in the one in New Town Plaza. This location does a good job having partition between tables. I am really disappointed about the dishes I ordered. The deep fried fish is dry and got a bad presentation. I guess most people ordered the set dinner so my selection of food was considered minority tonight. That’s why I have to write my comments after the dinner. I don’t understand why MOKO Jade can have such good dishes b

服務態度極差，樓面員工又少，常無人理會。食品點心量少，點了常無；食品質量又差，賣相又差。冷氣不足，環境一般，枱号不清；落單還被樓面員工質問，埋單態度又極差，總括來說就是不值。

2021年4月29日 美心中菜推出外賣自取優惠，在當日下午五點前預訂，於晚上時段自取就可享七折優惠！非常之抵食！今次叫左揚州炒飯丶豉椒肉片炒河粉丶蟹肉菜蓉羹。呢個$75套餐係有蟹肉菜蓉羹丶一款主食。總共有12款主食選擇。楊州炒飯和豉椒肉片炒河兩盒外賣都份量十足，不過碗蟹肉菜蓉羹就比較少，但係真材實料，真係有蟹肉。炒飯粒粒分明，蝦爽口彈牙。買左兩份外賣折實左之後加埋都只係$105 ，我個人認為相當抵食，可以食到有質素嘅外賣。而且女職員S C Lam 好有禮貌同埋細心，她會幫我逐一檢查清楚，確保我沒有攞錯。雖然當時好忙碌，又要收錢丶聽電話⋯⋯但係依然臨危不亂，處變不驚，絕對值得一讚。

香港疫情反覆，唔少人都會買外賣返屋企食。美心中菜推出外賣自取優惠，好多間餐廳都可享有八折，甚至有七折優惠。例如今次選擇翠園，只要在當日下午五點前預訂，於晚上自取就有七折優惠，非常抵食。透過WhatsApp 查詢餐牌落單，方便快捷，而其他時段都有八折優惠。另外仲有個龍躉兩味 的外賣自取四人套餐 $398(折實價)，喜歡食魚嘅人唔好錯過。今次揀呢個四人外賣自取套餐 $468 ，預先用WhatsApp 落單就有7折！$468 七折之後等於$327.6，套餐有湯丶主菜丶炒飯。-竹笙雞絲燴仿翅-滑蛋炒蝦仁-菜遠炒牛肉-北菇蒸滑雞-瑤柱蛋白炒飯全部都煮得好出色，好好味。滑蛋炒得好香好滑，蝦仁大隻爽口彈牙。蒸雞好滑。我去到攞外賣嘅時候，女職員好細心丶有禮貌，逐盒外賣盒都比我檢查清楚丶對單，確保我沒有攞錯，值得一讚。