翠亨邨 (新世界大廈)

前排陪女朋友去中環新世界大廈睇完醫生，決定食啲正氣啲嘅食物。同一棟大廈有一間叫「翠亨邨」嘅中菜廳，上到去餐廳門口，見到好多月餅promotion，先知道原來呢間餐廳係Mira Group旗下嘅，即刻覺得好有信心，一於試下！呢間餐廳地點方便，環境舒適，氣氛輕鬆，非常適合商務聚餐，以及家庭聚會。開頭我哋叫咗「足料老火湯」，湯底好濃，材料新鮮，飲落去好暖胃。跟住我哋試咗經理推介嘅「皇牌蜜汁叉燒」。呢度嘅叉燒外脆內嫩，蜜汁甜而不膩，口感非常好，女朋友表示非常like！作為零舍愛食蝦嘅人，當經理一推介另一招牌菜「黑魚子香芒貴妃蝦球」嘅時候，我即刻心心眼😍！ 呢道蝦球鮮嫩彈牙，搭配香芒，味道清新，食落去非常享受。再來就係「桂花蟹肉炒銀絲」。蟹肉份量足，炒得剛好，而且唔會好油！最正係啲粉絲吸收咗蟹肉嘅鮮味，實在好味。「拍蒜炒菜心」係一個簡單但必試嘅正氣蔬菜。我好欣賞佢蒜香味十足，菜心爽脆，感覺好健康！最後，我哋分享咗「大良燉雙皮奶」，甜度適中，奶香濃郁，唔會太甜，結尾非常滿足。整體來講，「翠亨邨」嘅食物質素高，服務態度亦好，值得推薦！所以，如果大家想喺中環享受一頓高質素嘅中式晚餐，可以考慮呢間餐廳。我前排同女朋友去咗中環新世界大廈嘅「翠亨邨」食晚餐。呢間餐廳環境靚，氣氛輕鬆，非常適合情侶聚餐。…查看更多

粵菜老字號「翠亨邨」是現時少數能保持從前味道的飯店，畢竟走中高檔路線，看似平凡的家常菜烹調用心，對得起有要求的客人！怪不得，星期三晚也其門如市，大廳該有八九成滿座，見不到飲食業下行的景象！二人點菜，菜式可以做半份，而且分碟上菜，高級餐廳的做法，窩心滿意，刻意點算「翠亨邨」的經典菜式。皇牌蜜汁叉燒 $104 （半份）忠於傳統，選用梅頭，並非時下盛行的黑毛豬，別過全件軟綿綿的口感，回復嚼勁，玫瑰露味出衆，傳統的滋味。木瓜花生眉豆雞脚煲豬 $58*2來一道時令老火湯，湯清味醇，湯料仍有味道，蘸豉油吃也不俗。黑魚籽香芒貴妃蝦球 $190（半份）蝦球炸好之後淋上黏稠豐富的香芒汁、及黑魚籽添鹹香，脆軟對比，口感味道皆討好，是相比之下有新意的菜式。桂花蟹肉炒銀絲 $149（半份）另一道考廚藝，炒得乾身但不乾旱，食落有適當的水份，功夫了得！二人分享份量仍不少，健康的惹味菜式，代替澱粉質填肚，現在流行的吃法，我欣然接受。拍蒜炒菜心 $79（半份）一吃便知是高檔餐廳的做法，每條菜心皆揀手，長度寬度相約，菜花全清，加蒜清炒，清甜爽脆。大良燉鮮奶 $48*2甜度適中，非常香滑，一大碗，食完真的飽了。茶錢每位$22。服務到位，運作暢順，這晚氣氛頗熱鬧，中環難得的CP值高的選擇。離開時見到前台的宣傳單張，這個涼夏冬瓜盅宴甚合心意，有響螺及冬瓜盅等，$1488 四位用，即是加－服務費後，每人$444 我覺得很合理。…查看更多

在中環返工嘅人，十居其九都嚟過翠亨邨。開咗多年，唔高調，唔花巧 。平日晚飯時段，坐得鬆動 。坐得舒服之餘，環境帶點舊時中環酒家味，木框玻璃，瓷碗瓷碟，都乾乾淨淨茶揀咗鐵觀音，冇乜懸念。香氣中正，熱度合宜。啱啱飲完頭幾泡，店員見水色開始轉淡，未等我開口，已主動問：「幫你換返壺新茶好唔好？」講完即刻動作俐落，換咗壺先泡，將原本嗰壺擱一邊慢慢焗。講得出細心，做到出節奏。現代服務多數係機械式「加水」，但要斟茶斟得有溫度，係另一種層次。坐低未幾，換上熱鐵觀音，店員見你未飲完，已經一手斟落嚟，係嗰種粵菜館應該有嘅體貼老火湯冬瓜薏米蓮子煲唐排豬𦟌。呢啲湯，最忌就係得表面清潤，實情寡淡如水。呢度嘅湯，色清香濃，唔油膩，一飲落去，真材實料。湯底煲到骨膠溶化，入口軟棉，唐排未化，骨邊啖啖肉，吸晒湯汁，啖啖順喉。今時今日，連煲湯都變得講求成本效率，肯慢慢煲成個下午嘅店，唔多叉燒係招牌，一碟上枱，冇擺花、冇煙霧，就係幾塊切好嘅蜜汁叉燒。睇似平平無奇，入口先知下過苦功。燒得恰好，唔乾唔柴，帶微微焦香，蜜汁收得緊，唔甜得過火，肥瘦參半，口感平衡。叉燒最難係咁，個個都識話要「腍中帶咬口」，真係做到幾多間？另一道黑魚籽香芒貴妃蝦球，就明顯係想行創新路線。蝦球炸過但唔厚粉，保留到爽彈口感，芒果切得厚身，清甜唔腍。味道唔算複雜，但勝在清新桂花炒銀絲就精緻得多。蟹肉唔多，銀絲輕身，入口有一絲絲桂花香，點到即止 。炒菜心用咗拍蒜，蒜味剛好，菜心炒得爽，無渣，顏色翠綠，有火氣而唔焦，算係一碟正統又討好嘅青菜。最後來個大良燉鮮奶。白得發光，表面冇一絲氣泡，輕輕一舀，入口係細膩，奶味純淨，唔太甜，收得住。好多人成日以為燉奶係甜品，但其實做得好，係一種技藝。燉得穩，唔出水，唔起孔，唔掛蛋腥，冇可能靠「快手」搞得掂。成餐飯每一道菜都做得穩、做得實。呢種穩陣，唔係敷衍，而係靠時間累積出嚟嘅手感同經驗。翠亨邨唔係話要做星級名店，亦唔係要打卡排隊，它只係一間知道自己係咩、應該點做、然後默默咁做好每一道菜嘅老粵菜館。嚟過一次嘅人會記得，返中環再搵地方食飯時，就會自然咁諗起佢。…查看更多

呢日係中環求其搵食見到「翠亨邨」，見係Mira旗下就膽粗粗試吓——點知有啲菜真係有料到！環境唔錯，枱與枱之間唔逼，傾計唔使嗌交，啱晒我哋呢啲鍾意慢食嘅人。講返食物，「足料老火湯」真心足料，無落味精，夠熱夠濃，飲完成個人醒神！「皇牌蜜汁叉燒」係全場MVP！個皮脆到似燒豬腩仔，肉質鬆化得嚟唔黐牙，蜜汁唔會死甜～最期待係「黑魚子香芒貴妃蝦球」，個蝦真係大到好似乒乓球咁！咬落去「啪」一聲彈牙，芒果清甜平衡咗沙律醬膩感，係有心思嘅配搭～「桂花蟹肉炒銀絲」粉絲乾身唔油，雖然蟹肉唔係一梳梳咁，但有淡淡桂花香，好特別，呢個價錢算交足功課！「拍蒜炒菜心」普通但炒得夠鑊氣，蒜片爆得香，菜心冇渣，合格以上。最後個「大良燉雙皮奶」奶皮夠厚，燉得滑溜，唔算太甜。整體評價：有集團背景但冇hea做，叉燒同蝦球必encore，服務幾好換碟密，兩個人食咁豐富，唔洗千零蚊埋單，中環地段來講合理。會再來試佢哋點心！ …查看更多

回味兒時的回憶，多年水準保持，經典菜式，百吃不厭。整體計，符合高級食肆的要求，富豪飯堂級別。皇牌蜜汁叉燒特別走來吃個最喜歡的叉燒，梅頭肉做，有咬口，傳統做法，基本上冇得輸。木瓜花生眉豆雞脚煲豬有家的味道，老火湯，如果屋企唔煲湯，呢個很好的選擇。黑魚籽香芒貴妃蝦球特色菜，酒樓才做到嘅菜式，大蝦酥脆、蝦肉爽、夠大隻、香芒酸甜度適中，帶出夏天清新的味道，引發食慾。桂花蟹肉炒銀絲有鑊氣，乾爽，黃金蛋花，平均分散，見師傅功架拍蒜炒菜心條條菜心鮮嫩，有甜味，無多餘花葉，清炒無芡汁。大良燉鮮奶奶香，幼滑。中環來說，價錢非常合理…查看更多

朋友約來這裡吃午飯，我看看open rice網評差的比例特高，這是一個好機會讓我領略一下差評多是否正確。我們共8個人，點了靚一雞、油浸方脷、蜜汁叉燒、金銀蛋莧菜、福建炒飯、各類點心和甜點（有圖片）。靚一雞是很大一隻，因為是非走地冰鮮雞，總的來說雞皮比肉要好吃；蜜汁叉燒和油浸方脷就很好吃；金銀蛋莧菜和福建炒飯都在水準之上；至於點心，是正常的水準，沒有投訴。經理和服務員工都是很不錯的，尤其是一個做part time 的大三學生，很努力和很友好的為客人服務，應該給餐廳加了很多分。那麼爲什麼食評偏差呢？我覺得主要是餐廳的佈局太較密集，房間狹小外，門口通往大廳的通道狹窄，找廁所沒有明顯指示牌，要問員工兩次才找到。另外有一個天生的缺陷是樓面特低，四周客人談話聲反射過了的噪音特大，讓人煩躁。…查看更多

地點：中環商業區用餐時段：工作日午市環境：- 傳統酒樓格局- 整體企理乾淨- 座位舒適度尚可- 人流適中，唔會太嘈食物：- 傳統中式點心- 出品水準中上- 份量適中- 選擇夠多價錢：- 以中環地段計算合理- 性價比中等服務：- 服務態度平穩- 上菜速度可以接受- 符合一般酒樓水準優點：- 地點方便- 價錢合理- 適合同事聚餐小提議：- 建議避開繁忙時段- 最好提早訂位總結：以中環酒樓嘅標準，呢間店算係中規中矩，無特別驚喜，但都無大缺點。適合平日同事lunch聚會，價錢、地點、食物都處於合理水平。…查看更多

今天book了一點鐘，早大概十分鐘到，reception在一條窄窄的走廊，但是地方沒有人在位處理，前前後後就週圍佈滿了客人，分唔清楚，邊度排隊，幾分鐘之後，服務員來到，根本沒有處理秩序，邊個湧上前面，在混亂中報到，就是第一步，但是即是book了，依然無了期地等，在座很多人鼓譟，他們說book了十二點半也未入座。我在現場等了15分鐘，才有機會向前報到，但見到前面on list的人，有十幾張枱。 如果是這樣，booking有什麼意思？ 現場reception來來去去得一個服務員，但是要處理人潮如用的客人，根本間接製造混亂。這間酒樓去年食過一次，食物質素類似公共屋邨的平民酒樓，但價錢就中環價錢。唯一優點就係在中環較方便的地方，方便見朋友。但由於管理極度混亂，完全摧毀這個優點了。以後不會再去。不知所謂的垃圾級別酒樓。…查看更多

2個人食咗大約$590, lunch time 12:45pm到, 冇book位, 唔駛等直接有位, 坐房, 夠隱蔽, 傾偈幾好! 食物樣樣都唔特別好食, 蟹肉伊麫好淡; 咸水角正常; 煎蘿蔔糕好油, 味道唔好; 馬拉糕最好食, 係兒時味道; 煎糯米雞一般, 蛋散一般偏差, 有啲走氣feel; 合桃露用粉開水嘅, 唔惦; 鮮蝦腐皮卷一般, 上菜慢, 仲要唔知book枱有75折, 我哋俾正價, 無下次! 我相信中環有更好嘅選擇, 又貴又唔好食, 嘥錢嘥時間!…查看更多

已經一段時間冇去，印象中點心應該不錯，但係今日失望而回。雪山义燒包非常離普，見到已經唔想食，向服務員反映竟然被串「雪山梗係凹凸㗎啦」蘿蔔絲酥餅得個油字，唔知點心師傅係咪放咗假？…查看更多

平日Lunch 可選擇的點心比較少，炒腸粉及蒸腸粉也說只有週末才供應。點了數個點心後，可能坐下已是1:30,五分鐘後告知有一半點的已沽清,要重新再在不多選擇的點心中再選!整體味道是可以的，但選擇真不多。待應說晚餐到八月底有七一折，叫我們再來😆…查看更多

昨午去吃 Lunch, 見有花膠蛇羹，滿心高興，以為翠亨邨跟國金軒同是美麗華集團，出品一定有保證，便叫了4人份量的蛇羹(HKD 1,080)。誰知一大湯碗蛇羹(不是一窩)，正名應該是陳皮金菇筍絲羹，陳皮多到似飲苦茶，全份蛇羹，切功很到家蛇肉鴨肉絲，花膠絲都是幼幼幼幼條，金菇和筍絲最多，味道很似素蛇羹。這種陳皮苦蛇羹，真的不懂欣賞，HKD1080, 是否值得此價錢？而豉油雞和燒鵝，仍能保持水準。…查看更多

極有問題的酒樓，作為中環的高尚餐廳貼錢買難受的店在星期五中午一點到翠亨村飲茶，我們點了蝦蛟，雪山叉烧包，叉烧酥，薑醋，蟹肉伊面，老板炒钣，清炒時蔬等食物。 我地在1點就交點心紙比待應生，但在相隔15分鐘後仲要分段地比告知所點的點心沒有。 第一個知會的是雪山叉烧包，再隔10分鍾就知會鵝肝天鵝酥沒有，隨後再分別告知叉烧酥沒有。 好離譜擠牙膏式被告知很多點心沒有，我地同待應生反映什麼都賣曬， 佢就怪我們下單遲。 😡有無攪錯中午一點正價飲茶都比怪責下單遲，最後我地被迫中午飲茶改成點小菜 及炒飯。 請問管理層怎樣培訓員工？正午飲茶就沒有點心供應是否快要結業，最後埋單都要千幾蚊。 …查看更多

上網睇到餐牌落訂，$900一位，寫住兩隻蟹，7:30去到，一行七個人，餐牌係同上網完全唔一樣。7:30準時去到吹足一個鐘，四五個阿叔阿姐講過話跟，過咗一個鐘一碟菜都冇上到嚟，跟到一個鐘都未上到一隻蟹，飲一個鐘嘅茶，蒸一隻蟹究竟需要幾耐？喺翠亨村中環呢度係要一個鐘，60分鐘。一個鐘之後攞啲涼菜上嚟，啲涼菜其實係之前整好咗個喎，可能見我哋一行後生，周圍全部阿叔阿伯就出咗俾佢哋先。上菜嗰陣個侍應阿叔開始講說話，叫我哋有得食好食。上菜嗰陣時態度極差，大大力抌落嚟， 垃圾餐廳，唔識開餐廳，唔該去返庇護工場入筷子。唔想做咪唔好接囉。有錢想晒又想受氣就去試吓，全部侍應係唔會有服務係，唔會同你講唔好意思，從來未試過食到咁樣，簡直真係香港服務業代表。…查看更多

一坐低見啲杯杯碟碟已經好污糟，叫左佢換過。點心味道非常一般，叫個沙薑雞咸到不得了，完全食唔到，未食過咁咸以前碟叉燒都唔錯，今次去都覺得差左好多，大不如前，叫左兩碟上湯浸菜心，來既時候可以係兩種做法，一碟有蒜頭，有放酒，另一碟係靜上湯，點解可以咁奇怪🤔️🤔🤔我哋人多，分兩台，分兩張點心紙叫，各有各寫，啲嘢食來既時候可以上錯哂枱冷氣又焗，又熱，叫左佢較低啲，都係一樣，我一路食，一路流汗。完全唔值呢個價錢…查看更多