美心西餅 (銅鑼灣站)

營業中

休息中

話說，美心🧚‍♂天使蛋糕🧚‍♀轉眼間都出左十年，由平滑嘅蛋糕面🍰，到移家鋪上雲朵形嘅cream☁，更加軟綿綿😌以前生日又好，慶祝又好，什至口痕都會揀天使蛋糕，不過移家各間餅店都出好多新奇嘅糕點，選擇多左，所以都好少再食今次見佢出返Promotion，又即管回味下以前嘅味道新出嘅天使蛋糕，比之前嘅更加軟綿綿，軟棉棉到好似食緊梳乎厘咁.....戚風蛋糕嘅質感亦都軟到好似海棉，加埋厚厚嘅cream，成個感覺就好似食雲咁☁️好彩有d焦糖脆脆balance 返，口感就豐富啲嘅~移家嘅天使蛋糕，成個感覺同以前好唔同，鍾意軟棉棉嘅就會啱食~個人覺得甜味同油份比記憶中嘅味道重手左，所以食完一件就好夠，成班人share 就唔錯~

美心麵包西餅店是全香港最多分店的麵店連鎖品牌除了日常西餅,麵包還有供應如蛋卷,杏仁酥,瑞士卷,水果撻季節性產品如月餅等特色產品,都是非常不錯的方便又快捷,每個地鐵站都幾乎見到他的分店今次太趕時間返工,隨手買了4片方便就比錢想不到又幾鬆軟仲有買了一個小蛋糕,全部都係獨立包裝雖然唔環保但乾淨又安心小朋友一人一個麵包唔洗爭

環境3分：正常美心西餅店格局，正常三分。衛生5分：月餅鐵盒入面四隻月餅都有獨立包裝，衛生可以畀滿分。服務5分：憑券取月餅，店員面口好，又夠爽手，畀佢滿分。味道1分：美心個雙黃白蓮蓉月餅從賣相到質素都差過舊年，外皮色水唔靚，油水不足，先扣一分。Ｄ蓮蓉又唔得滑溜，實到呢唔可以一次過食曬佢，再扣埋果分。抵食1分：今年個個都送美心月餅，盒盒都係雙黃白蓮蓉，可能大做就監管唔到質素，因為唔好食，所以唔使畀錢都要扣佢兩分。

就到中秋, 依排好多人都排隊去買月餅應節!今次係我第一次食奶黃月餅, 重要係流心...未食先充滿其待，因為聽講話美心今年嘅奶黃流心月餅一早售罄!size細細...流心蛋黃唔太多..奶黃有d濟！原全係幻想到嘅味道，無乜驚喜！總括係食酒樓熱辣辣的流心包重滿足

一向覺得美心出品的蛋糕又貴又唔好食, 所以平日很少買來吃, 上星期卻因為有朋友生日, 飯局於銅鑼灣, 又很想買蛋糕和朋友分享!我明白銅鑼灣又很多選擇但由於時間關係, 我都係貪方便於地鐵見到美心就入去望下~蛋糕的確幾貴像樣一回的都要$200 以上.......我見佢新出左個比利時牛奶蛋糕...個賣相很不錯, 有點公主FEEL~~ 個staff 又話信用咭有9折, 咁事但啦,  即管一試! 折後$197嘩!!!  竟然又OK 喎...很creamy & milky!!! 女生應該會很喜歡! 同埋唔好睇佢細細個, 足夠我地8 個人吃! 人人都話好味不過如果鍾意水果蛋糕的朋友就唔好考慮, 因為完全冇...不過我就有cream 就夠!

母親節當日要返工，收工想同肥髀慶祝，因為人少，唔想咁大個，又怕收工已經賣晒，所以一早打電話去呢間分店，問下店員可否留一個比我，店員好有禮，即刻留低電話留一個！收工去攞蛋糕，店面在地鐵站內，地方唔大，講低電話，店員即刻取出蛋糕，我之前中咗地鐵一張$20現金劵！可以用埋！店員向我展示之後包好比我！珍·芒果雪芳蛋糕（$128）蛋榚細細，細節幾多！面頭厚切芒果，酸酸甜甜，中央原味蛋糕，鬆軟好味，果凍彈牙，底層雪芳蛋糕似果凍，唔似蛋糕，層層分明，味道用芒果味串連，好好味！母親節快樂！

美心最近同Disney迪士尼公司合作,整好多tsum tsum公仔ge蛋糕~~同事問我點解個頭下面有兩點野...佢地係手手黎嫁,tsum tsum係扒係到嫁嘛...但佢地吾知咩係tsum tsum,小妹妹先知咩係tsum tsum...d公仔係好可愛,大家都好開心咁影相影相~~但係切蛋糕個時就嘛煩d,個蛋糕切之前要整起曬d眼耳口鼻,然後佢個樣就會變得好可怕!!!(鬼~~~個蛋糕非常香,香得黎都吾會係好令人抗拒的香料,聞起來舒服的,是呃得下人的香料.裡面是雜莓慕絲蛋糕,雖然衣隻係士多啤梨熊,但佢吾係士多啤梨味.口感幾好,雜莓慕絲好香好滑,難得吾會好甜,我食左幾舊都吾會覺得太甜,都吾會好"溜",可以食好多.同埋雜莓慕絲個雜莓味都好清新.總體黎講都好推介,可以一試.由於吾係我買所以吾知幾錢,吾知性價比如何.

衣個就係傳說中的美心3.9牛乳蛋糕啦!之前下午茶有食過端士卷版的3.9牛乳蛋糕,覺得好味,今次終於有同事生日而買中衣個蛋糕!!!一個蛋糕有14個同事分,小吃多滋味~(切開的樣子如上)入面有兩層夾心,不過食落去係吾會分到,只係食到乳酸味.個人喜好乳酸產品,酸甜得黎又好香.蛋糕同CREAM的比例剛好,吾會好"溜",由於太細件,所以好想想多件...

提早同小情人慶祝情人節, 見到佢最鍾意的紅色同玫瑰花, 興奮到又跳又叫嚷著要食金箔, 玫瑰慕絲滲出淡淡玫瑰芳香, 紅桑子醬夾著海綿蛋糕同芝士蛋糕, 酸酸甜甜帶點莓香, 滿足了嗅覺、視覺、味覺的三重享受, 各位華倫天奴呢個情人節可以唔洗去花墟迫啦~~~原來咁大個銅鑼灣, 得2間美心西餅o架咋, 我成日出地鐵路過都見到, 仲以為週圍都有...

試左期間限定 - 山栗甜品, 十分好食, 好有栗味, 又唔太貴! 另外果 tart 亦係另一正野, 水果新鮮, 餅皮又脆, very good~ (但老虎鬧 話佢圓形不比方形好, i disagreed)仲有個 Tiramisu cup 亦要讚, 好食但酒香唔夠!

這晚出發到慶生SING K夜途中，落到CWB地鐵站，男友拉了我入美心西餅，原來。。。鬼馬的他早已買了蛋糕，現在來取餅 記得您還對我說「生日甚可以沒有蛋糕!」好感動啊~~~~~小妹一向都不是受注目的女生，這次我卻感受到你的重視 謝謝! 石板街蛋糕，上面佈滿蛋白卷，蛋糕中間夾著綿花糖及朱古力碎，朱古力味濃郁，喜歡朱古力蛋糕的朋友必愛，唯味道略甜，多吃會膩。

流沙奶皇 及 比利時朱古力 各$6.5流沙奶皇中間有少少似花生的粒粒,而且幾有咬感TIM,味道幾香濃~不過奶皇味唔係我想像之中咁重,幾似食緊合桃糊的感覺,個皮甜味岩岩好,但無乜奶皇味~比利時朱古力呢個麵包買給VICKY食的,睇落去係實實在在係一個朱古力味的包,不過中間d餡料係甜左d,至於用「比利時」的朱古力製造,呢樣野我都唔太敢肯定,哈哈~事關我對朱古力無乜特別研究(笑)  其實每間麵包店推出新款麵包,「條橋」都係抄黎抄去…. 食到中間d餡,的確有少少新鮮感的是次給予分數,,比較平平無奇~衛生方面當然取得較高分

突然間好想食雪果芒果拿破崙,又殺去美心買了.今次除了這件餅外,還買了兩件未試過的款式悠閒莫加,莫加味好苦,仲要有少許酒味,我不喜歡太重酒味兼苦的食物.入面有少許啫喱,軟軟淋淋夾在當中也不錯啊悠之焗餅:這個餅似食緊紐約芝士餅,只是芝士味唔夠香濃,也唔夠幼滑.入面還加入了藍莓醬,我覺得唔加更好,加入去又唔覺特別夾,仲搞到甜左添雪菓芒果拿破崙:這個簡直係最愛,芒果清甜,盒破崙的餅做得夠脆,真是超好味,十個讚至尊意大利芝士餅:咖啡味唔夠,cream也唔夠滑,最唔鐘意上面的朱古力,唔好味道,朱古力味唔夠香,對我而言唔加更好,加了也只是益垃圾筒總結:如果無買三送一應該唔會買來食,畢竟又唔係平,所以買三送一先會買的啊

現在美心的蛋糕仔有買三送一,當然要買回家吃啦!由於放工時段銅鑼灣的美心好多餅己經賣晒,最後都只好買雜果撻,皇牌粟子和意大利芝士餅了意大利芝士餅:上面的朱古力條唔好味道,朱古力味太假.咕咕粉唔夠多,也無乜和味,忌廉唔夠滑,又唔夠咖啡味,味道一般雜果撻:有好多款西果,都是罐頭為主的,有奇異果,菠蘿,士多啤梨和桃.下層有少少吉士,餅底有牛油香的,只是太多罐頭生果都幾甜皇牌粟子:粟子味頗甜,粟子蓉唔夠滑,餅皮焗得香脆,如果可以減甜更理想.粟子撻上的芒果只作裝飾美觀之用,跟粟子撻可以分開吃,完全沒有關係的啊

女友最要好的朋友生日，剛巧在附近，也八八卦卦的到場一起唱首生日歌，食件餅。今次吃的是美心西餅的脆脆系列，而港人的最愛，也通常是今天吃的芒果脆脆，大家在唱過生日歌，就分餅吃了。此餅看上去也真的是很足料的，除了面頭有大量的芒果外，在蛋糕層之間也有一層是放芒果的，此蛋糕主打是健康，所以是用上了很少的忌廉，只有在面頭芒果與上層蛋糕之間的一少層，及夾着中間的芒果層那一點罷了，所以吃起來完全不膩。芒果是非常之甜，蛋糕也算是鬆軟的，但跟某些大餅房的比還有距離，甚至於自家的天使蛋糕也好像有點有所不及，真奇妙，而忌廉也同樣有上述的情況，好像是沒有甚至於自家的天使蛋糕用的忌廉那麼香滑，若光吃此蛋糕的忌廉，一定會很飽滯，幸好今天的蛋糕只有很少忌廉，而且芒果的果酸平衡了其膩滯感，也是可以的，吃至底部，當然唔少得的是其脆脆的餅底，沒有了這一層，也沒有這蛋糕的出現，可惜今天吃到的可可米底層，真的不是太脆，而且碎粒有撻成一塊的感覺，不大對版！當然蛋糕好味會是更加開心，但最重要的是生日快樂，大家一起分享才是最重要。