友樂亭

呢間日本餐廳多年來水準穩定，絕對係值得一再光顧嘅好地方。刺身拼盤擺盤精美，魚生新鮮爽口，尤其大吞拿魚腩油脂豐富，入口即溶，鮮味在口腔中慢慢散開，齒頰留香。天婦羅炸得酥脆不油，外層香脆，內裡食材保持嫩滑，配上特製醬汁更添風味。個燒烤爐可以當眼見到佢哋整串燒，有視覺享受。服務員態度親切，笑容可掬，令整個用餐過程倍感溫馨。餐廳環境乾淨企理，座位舒適，氣氛寧靜，適合朋友聚餐或家庭聚會，節日慶祝。整體而言，食物、服務同環境都非常出色，值得推介！…查看更多

屹立美孚咁多年嘅日式餐廳，絕對有過人之處。首先食物質素一定有保證，始終街訪生意，如果冇咁上水準一定做唔住。其次就係食物種類，除了街知巷聞嘅超值午餐，更加有多種串燒、冷盤、鍋物、刺身、壽司⋯⋯好鍾意佢地D串燒，即叫即燒，材料好靚好新鮮，我最鍾意燒雞腎、燒牛脷、塩燒雞翼⋯⋯同屋企人、朋友，一路傾、飲下啤酒，一邊食呢D，真心正。忘記影個我最鍾意嘅辣蠔粥，熱辣辣上枱，蠔又大細適中，加上少少辣嘅粥底，真係食完刺身·涼菜之後一定要叫嘅暖肚食品…查看更多

今日約咗個好耐冇見嘅朋友，帶佢嚟試吓呢間我最喜愛嘅居酒屋，由舊舖搬咗過嚟新舖，但食材依然新鮮美味，最緊要都係侍應夠親切殷勤，性價比極高，推介食時令刺身同各類串燒，朋友同我都盡興而歸，下次會再約其他朋友嚟食～🫶🏻🫶🏻🫶🏻…查看更多

之前我有個同事係美孚住，介紹咗我喺呢間鋪頭食嘢，自此之後我間唔中都會幫襯Lunch（因為我喺荔枝角做嘢），雖然舖頭細細，但環境都OK，不過普通枱就密集咗啲，所以我比較鍾意坐吧枱多啲（如果2-4人），食物質素中上，樓面服務態度親切友善，如有問題他們都很耐心解答，款式都有好多選擇，近排仲出多一個新menu超級抵食，一個main course另外加多兩款小食，都係百幾蚊，食完之後仲有雪糕送，真係完美😊😋…查看更多

呢間美孚日式小店最近搬左新鋪位～搬左去馬路後人流多左好多❗️而且入到去感覺有好多回頭客，所以味道有一定保證🫶🏻今次係午市嚟到都排左一陣隊，午市有幾款Lunch set可以選擇，包埋沙律、味噌湯、漬物同雪糕！一般美孚午餐嚟講呢個價位都唔算便宜了，但味道確實是不錯🥰--------------------前菜嘅沙律已經同其他日式餐廳與眾不同，竟然係火龍果沙律，而唔止係普通雜菜🤤🤤**特選刺身配碎蔥吞拿魚腩飯刺身每一片都好有厚度，好肥美新鮮，有五款魚生，再加上吞拿魚碎的刺身飯🫶🏻刺身飯本身有調味，味道食落不錯，再搭配吞拿魚蓉，食落好有滿足感，望落份量唔多但絕對夠飽❗️--------------------…查看更多