美味店

營業中

休息中

美味店堂食、外賣都食過，撈濛勁有水準，外賣拿到返屋企都仲好高質。堂食有越南特色嘢飲，之前飲過咸咖啡、椰汁咖啡都好唔錯。講返今次外賣先，配料有青瓜、生菜、甘筍、花生、葱油等，香茅豬扒勁香香茅味份量又夠，撈濛汁不會太甜。配料處理得好唔會水汪汪，唔係有啲越南野求其幾條生菜幾粒花生果種，絕對係有心機之作（堂食食過飯、木瓜沙律都好好味，但忘了影相）總之不枉我行十幾分鐘過嚟食，價錢又相宜。今次特登寫個食評讚下先，希望長期保持水準

本人唔食菜，走曬所有菜，原本好似有鹹酸菜果啲，個湯真係好好味、好正，不過對唔食辣既人尼講，可能會覺得辣，但好味既辣完全可以接受。河粉份量超足，又唔貴，51，難得食碗外國粉唔到70 80

早幾日湊熱鬧過左嚟呢邊試隔離檔雞蛋仔喺等緊嘅期間望下附近有咩，見到呢間好街坊但又幾啱feel 嘅越南店。就決定陣間食完雞蛋仔過嚟試埋，因為睇完早場未食野真係好肚餓😂😂舖頭好細，門口有2張長枱，入面都有一張但已經坐滿人。好彩天氣唔熱坐出面都ok, 餐牌貼左喺玻璃窗到，估唔到舖頭細細都幾多選擇呢碗生牛河份量都幾大，牛肉好多，好淋滑。有時食過啲舖頭質素一般嘅，啲牛肉浸熟左會鞋同硬，但佢冇，keep 住好淋，湯底都清甜😋食到中後段先醒起佢冇辣椒🌶️，如果有埋同再多啲香料會更加正新鮮炸起春卷，入面包左粉絲木耳紅蘿蔔嗰啲，咬出嚟仲有小小汁彈添呀呢個味道都唔錯，餡料同春卷差唔多。不過因為食左雞蛋仔，呢碟最尾食唔晒留低一件以價錢同味道嚟講，都唔錯！加上係屋邨街坊舖，唔會對佢有好高要求，姐姐服務態度都好好😊 起碼令呢個行程唔係淨係得雞蛋仔，仲有越南野，抵返啲😆

今日試咗沙田屋邨入邊嘅小店！支持一下本地小店，因為香港嘅小店愈來愈小，呢間舖頭有唔同香港特色小食，亦都有越南嘅河粉同小食，朝早早餐可以食燒賣腸粉、印尼撈麵，而午餐、晚餐可以食越南特色粉麵飯。今次我試咗佢越南雞絲湯濛，大概$30港紙就有好大嘅一碗，價錢好親民，質素都好高！我呢碗有好多雞絲，好足料！！越南河粉最重要就係佢湯底，呢個湯底係好正宗嘅越南河粉湯底，忍唔住一啖接一啖，佢另外仲有辣椒，加幾粒落去，味道即刻昇華左，非常惹味，好推薦大家支持小店！

話說去開曾大屋球場打波，經過呢條村，見到呢一間越式小店，天氣咁熱，都想食下越式嘅鳳爪、酸酸甜甜嘅野，感覺開胃d。鳳爪都幾爽脆，更出色係佢嘅青瓜、酸蘿蔔絲、西芹等等，非常清新、爽脆、開胃！😍春卷都唔錯，內里塞滿粉絲蘿蔔絲，外皮炸得幾脆！加埋個酸汁，中和油膩感。最後仲叫左個雞髀撈面，雞髀做得好👍🏻嘅係外皮又薄又脆，加埋個泰式辣醬，非常好味；但唔夠好👎🏻嘅係，佢冇咩做好醃嘅功夫，所以肉質唔太多汁，差少少就變'柴‘。面係營多，偏林偏咸，不過夾埋d酸蘿蔔、西芹食，又幾match喎😀！小店嘅好處係，你同店員嘅距離好近，有講有笑，呢種人情味就未必到處搵到😜！

有一間好有人情味既越式小店，外表睇落好不起眼，店內有3位越南姨姨主理，鋪面細細但人流卻源源不絕，大部份都係街坊同附近上班族。魚餅撈檬粉/ 豬扒撈檬粉 $36雖然已經加左價，但呢個價錢真係唔知邊度可以搵到，而且仲大大份、好足料添！魚餅應該都係攞貨既，但肉質口感真係唔錯！可惜豬扒就麻麻地，柴左啲啲。其他佐料都十分新鮮！香茅雞串不是小食，但可以粉面價單叫，雖然咁樣貴左啲，但呢個雞串真係好好味😋雞肉唔會overcooked所以好嫩口，真係好想點埋沙爹🤣一路食就一路observe到其實最好味既應該係佢地既生牛河，因為差唔多每個街坊都係叫呢個！好喜歡呢種小店，總會感覺到份親切感😍

在香港小店愈來愈小，能夠在附近找到小店，當然要大大力的支持！這間小店有不同的粉麵、飯類和各種香港道地特色的小食。在lunch時間，想了一回，決定點一個飯和配點小食。我選了豬頸肉飯和芝士腸。它的豬頸肉飯售39元，在香港來說，價值一點也不貴呢！豬頸肉份量一點也不小啦！而且它炒得很有鑊氣，吃起上來很惹味可口，配上白飯吃簡直是一流的配搭！當中它還有些蔥和蒜頭，令到成個飯完全升華了去第2個層次呢！芝士腸售10元4條可以說也是十分便的價錢，十分抵吃呢！