美味小食

營業中

休息中

好有舊有風味嘅宵夜。呢間重點係開通宵。好夜返到屋企都有野食。價錢又唔貴。好鍾意食佢個粉果同埋魚蛋。佢地嘅魚蛋辣醬都可以買，買返去打邊爐好正。環境方面，係普通嘅摺櫈摺枱。坐係街邊食。

坐夜機返香港，返到大角咀已經半夜兩點，喺我好肚餓之際竟然比我見到呢間野仲有開，簡直係上天賜俾我嘅禮物，如何不說即刻去咗督咗串魚蛋燒賣魷魚同埋牛柏葉，再整多包維他檸檬茶，爽到不得了

夜晚經過大角咀時，看到一家小店排長龍, 於是我也走去八卦, 點了燒賣、牛柏葉和豬皮，還有碗仔翅。燒賣 正路, 不過不失, ok. 豬皮和牛柏葉則非常爽脆美味, 第一口咬落去直頭爆汁, 好耐冇食過咁新鮮且有誠意的豬皮牛柏葉。這家小店顯然對食材有相當高的要求，他們的秘製辣椒醬搭配著食物，真的讓普通的食物都提升了味道，更加吸引人。至於碗仔翅，他們的材料非常充足，讓我吃到了兒時的好味道👍🏻

成日都喺度買燒賣腸粉食，燒賣係金龍燒賣，好食😋 不過佢哋嘅辣油唔給力冇咩辣。不過呢度價錢都好平，只係$7一串，成日都好多人排隊。同埋好可惜冇咗豆腐花😢 腸粉都唔錯

平民價錢，絕對好食依間小食店向大角咀好多年，無人不曉，因為小妹唔係住九龍區所以真係唔知，今日咁啱做開野過嚟，見到排晒隊咁，個肚又餓餓哋所以爭扎底下都買咗兩串嚟食。Wow有驚喜喎，老闆娘有個秘制醬，點落牛根丸到令到佢口感同層次都再次升華。

呢間小食店對街坊黎講應該唔陌生，特別宵夜時段好多街坊都黎買野食。每次都見老闆娘做到無停手小妹唔係街坊，朋友帶我食左一次佢地既燒賣我就愛上所以今次想特別介紹佢地既燒賣小妹好鐘意食燒賣，自問真係食過好多間小食店甚至涼茶鋪既燒賣，但始終唔係間間好食。但呢間小食店既燒賣真係好值得推介因為佢地係用傳統蒸籠黎蒸小食，所以蒸完完全唔會乾。而且可能來貨好，燒賣非常”inun”有時其他小食店既燒賣入面會有碎碎的魚骨，但呢間小妹食咁多次都好滿意配以又香又辣既秘制辣汁，真係無得輸

辣汁好食辣汁好食辣汁好食重要既嘢要講3次。辣汁重蒜又唔會過辣，香口。呢間大概夜晚6點後先開檔既小食店相信區內街坊都有食開架啦，比其他旺區所謂熱門掃街檔好食，如果行過經過可以一試無妨。老闆娘好好人，每次腸粉都會俾好多我愛既麻醬/花生醬，雖然最愛花生醬係合益泰,不過呢間已經幾好。腸粉，牛肉球同燒賣都夠熱味道唔錯。另外：佢d魷魚可以揀鬚or片，碗仔翅+魚肉同豆腐花也好吃。據說佢啲辣菜脯係自家製。加落去啲碗仔翅都好正。下次一定要試下！

大角咀的外賣小食店極多，試了幾間以這間的味道最出眾。呢間美味小食，賣的是現灼的魚蛋燒賣及車仔麵等，值得推介，有時收工真係懶煮買D小食返屋企煮個麵都不知幾正﹗平日見佢排長龍，魚蛋用豉油蛋，煙韌有嚼勁；辣醬重蒜亦夠辣，味道濃稠有認真調製過，配埋水魷豬皮，好吃！老闆娘好好笑口，耐性地為客人打包食物，完全唔會因為多客而趕頭趕命，呢D態度好抵讚﹗在網上分享，見不少大角咀的街坊都話呢間小食店係佢地最愛，怪不得咁好生意，我都要多D來支持吓先得﹗

深夜肚餓，最適合食d惹味既港式小食做宵夜！！中美樓樓下既小食店，日頭係無開架，不過到左夜晚就好多人幫襯！是日order左辣味魚蛋同豬腸粉。魚蛋有咬口，唔會蒸到變左粉魚蛋，口感實在彈牙。同埋咖喱好入味，超級惹味！咖喱汁真係好正，用埋黎點腸粉，一流！！唔食得辣都可以試下。豬腸粉好滑溜，同埋粉感唔重，唔會覺得吃緊一堆麵團。細細條，唔會膩。鋪頭細細，食物簡單，老闆娘好好人，笑容滿面。深夜有幾張檯燈，三五知己食下宵夜吹下水，唔錯！如果夜晚行開大角嘴，不妨黎試下。

甘多間賣燒賣魚蛋既小食店我最鐘意食呢間一間細細既鋪頭 可以每日都勁多人排隊買 就知好食程度有幾高有時無論lunch都定收工 只要有開門 就算幾多人都值得去排小食都係一般既魚蛋燒賣水魷魚牛柏葉等等仲會有車仔麵碗仔翅豆腐花好食之處就係秘製辣汁 如果唔要辣汁寧願唔食 因為精粹就係辣汁到 老闆娘都話點都要少少先好食呢隻辣汁係好辣但亦好惹味 就算辣到條利麻哂 食到出哂汁 都會上哂癮甘食落去 越食越好食呢間鋪賣既小食唔貴 好親民 碗仔翅三溝都係廿零蚊 我每次必食

每次夜晚經過，都會係到買小食。必買魚蛋，牛栢業，燒賣，魷魚(可以選鬚定片)，加埋D秘製汁真係一流。D汁一定要揀辣嘅，唔係唔惹味。魚彈都算彈牙，如果大粒返D會更佳。

每次經過大角咀,都會見到這間不算起眼的街坊小食店大排長龍, 每次都因為勁趕時間而望門輕嘆, 早幾日又再經過見到不用排隊,決定試試看有何特別。魚旦非常入味, 尤其是用來點魚旦的辣醬,又辣又惹味,一讚; 腸粉夠滑夠熱, 二讚;豆腐花非常滑, 絕對要試,三讚;價錢街坊價, 仍然5蚊一串辣魚旦, 去邊度搵?, 四讚。唯一要彈就係好多時都要排隊,趕時間的話未必有耐性等候。不過最窩心的,是老闆娘親切的招呼,非常有兒時幫襯老街坊的味道,在大財團的壟斷下, 實在很難再遇上。美味又有人情味, 值得回頭一試再試。

新年期間差唔多九成o既食肆都唔開, 想搵野食真係難過登天!!!本來晚晚都食到飽飽先返屋企, 點知今晚睇睇下電視竟然有d肚餓!!! 點算? 幾經掙扎, 都屈服左!!!落街............條街好靜, 心諗都唔知有無餐廳仲開緊, 打定輸數... 點知見到前面有燈!! 有間小食未收, 個名叫美味小食, 唔知係咪真係美味呢?叫左碗豆腐花, 燒賣、腸粉, 返屋企慢慢嘆!!!腸粉要左多醬, 個麻醬同甜醬都好味, 唔係d一般街邊貨式!!! 好香~ 不過d燒賣就林左少少, 唔夠彈牙!但係個豆腐花真係好味, 好滑, 而且豆味夠!!!! 一碗有d唔多夠喉~ 佢果然無改錯名---美味小食!!!

在大角嘴區遊蕩期間, 見到這街角小店蒸籠熱氣騰騰,有魚肉燒賣耶,忍不住又來一串。魚肉燒賣一看已知是來貨,魚肉餡有些微魚味帶點粉粉質感,有點點兒彈牙感覺,味道其實很普通;加上一些豉油又熱呼呼仍是我的所愛街頭小食。以這種普通水準本不應為其寫個評語,令我為她寫上一筆不是因為那串普通的魚肉燒賣,而是老闆娘的有禮態度, 除了"多謝"絕沒吝嗇之外,她那像媽媽的口吻實在親切得很,在我前面買燒賣的男孩,老闆娘會說"細佬要唔要辣呀?" ;我那串豉油滴滴的燒賣,她會細心地說"係個碟滴乾一d先啦" ;雖然只是幾元交易小生意,老闆娘仍然很細心有禮的為客人服務,也許也要在大角咀般的舊區才會找到。看到其他食評才知道有魚肉湯,下次一定再試。

野食又唔係貴,但真係幾好食最愛魚肉湯11蚊(原先10蚊)又多魚肉又好食同埋佢d汁都好正夜mama落去食都ok佢好似開到3點而且老闆同老闆娘都好好人個到有既小食魚蛋燒賣腸粉牛丸牛肉球燸米飯魚肉湯/面魚蛋面牛丸面牛百葉魷魚紅腸豆花記得後補