美人漁海鮮火鍋放題

報紙介紹十分吸引,在Openrice 準備訂台,看見一些十分負面食評,猶豫一陣,最後去試試。週日晚七點,入場後陸續坐滿全場,久違了的銅鑼灣爆場。馬上點了龍蝦湯底,再去選海鮮。蝦都是游水的,當時祗有較小的三點蟹 (後來加了些較大的),但蟹肉鮮味。鮑魚很易咬,牙齒不太鬆的長者應能咬到。揀完海鮮回檯時,湯底已送到。QR code 選的食物不多,M5和牛好味軟口,牛肩濃味,羊肉OK。看見有些留言說服務很差,我和太太完全不認同,我先後問過五位服務員,他/她們都有禮貌的幫忙,空的碟也自動替你收(我們是坐到很入的角落),以爆場的情況是十分難得。驚喜是長者有優惠,週末晚原價$328再加一,長者加一後也不用$245!!!離開時門外已有七、八人等待九點一輪。整體說食物不錯,雖然選擇未算很多,服務絕對算好,價錢對長者則非常扺啦…查看更多

店舖面積雖然大，但空調不足，可能裝修時未諗住做火鍋的😅，而枱與枱之前空間少，今時今日，有幾多食客會冇隨身物品(包包)的呢，兩個人食，就得兩張櫈，問職員攞嘢嚟擺包包，到我走都冇，個應該係經理就捉住個主任指指點點，個場都忙到死就好心落手落腳幫手啦，枱面面積還可以啦😅都唔係寬敞架喇😅…查看更多

上個禮拜頭我哋係兩個人食12點至4點午市的四小時自助餐 。餐廳環境 ：裝修同環境是可以。 檯面size偏細但個爐係幾大。服務： 服務態度一般。 reception態度一般。問其中一位員工（因當時沒有白酒，會唔會再refill）答話要等到三點， 跟住原來係有再refill食物質素： 當日海鮮有：鮑魚，大頭蝦，九節蝦，基圍蝦，三點蟹及紅蟹等等。 海鮮新鮮度係ok，但到一點半左右已經沒有蝦。 牛肉幾款都偏un同太肥。 熟食方便比較差似得幾款，現場有烤生蠔， 燒鱔同鵝肝 。但經常要排隊好難攞到。 雞蛋仔夾餅同梳乎厘 都係要排隊，而都係要等。 雪糕冇häagen-daz。 生果質素比較差。整體來講我會畀緊緊合格。 …查看更多

為咗個開業優惠，佢哋正式開業前我已經喺佢哋個平台book咗枱，但開業之後睇咗好多差評，驚驚地有諗過唔去食，但都book咗囉，就去試吓啦.Book咗6:00pm, 上到去已經好多人，心諗服務應該伏伏地，但出奇地可以即刻入唔洗等，門口職員仲會問清楚有冇長者（因為有優惠，連我自己都唔記得咗講😝），帶位嗰位四眼姐姐仲好細心提醒老人家海鮮區地滑小心，未夠鐘食完會提醒老人家仲有時間可以食啲甜品👍🏻今次主要帶老人家試吓新嘢，對打邊爐無特別要求，佢哋都係一般打邊爐嘅食材，海鮮新鮮，環境清潔闊落，分區清晰，對我嚟講，最緊要老人家有舒服體驗，只要佢哋覺得好玩開心、體會到細心服務就已經值回票價👏🏻…查看更多

真心無下次。1）餐廳好熱好焗，檯底噴熱氣出黎，感覺好似夏天係室外打邊爐咁，一路流汗一路打邊爐。隔離檯都有同經理講，佢話檯底係出風位。如果職員收到客人投訴咁熱咁焗，好心就開大少少個冷氣啦。焗到就黎暈低。2）呢間餐廳主打海鮮邊爐，可惜佢海鮮唔新鮮。d蝦冇一隻係游水，全部死曬。鮑魚都唔係好郁。同另一間出名嘅海鮮邊爐真係冇得比，人地d蝦生猛到跳去隔離池。蜆最OK，飽滿香甜，係有一粒有少少沙。3）餐廳有燒烤bar，其中燒蠔少腥。其他食物冇特別。總括黎講，試一次夠，無需要食下一次。…查看更多