美中·鴨子

營業中

休息中

今日去食美中鴨子嘅二人套餐，好彩我哋五點幾已經去咗攞位，一開始晚市呢就好多人排隊啦半隻片皮鴨兩個人食飯啱啱好除咗有一舊鴨肉特別「酥」味，酥到嘔出嚟，其他都好味㗎前菜份量好少得嗰兩舊雞小籠包唔錯，好多湯汁呢個前菜真係好好食喎，我哋食晒，原來係收費$20個㗎咕嚕蝦，冇乜特別，唔係特別好食都唔係特別難食好鍾意食呢個羹啊，非常之足料非常之好味大大碗，係包含咗南瓜同埋蟹肉呢個蘆筍炒百合都幾鮮甜，不過我哋就唔覺得特別好食同埋份量都比較多我哋食唔晒

當日其他餐廳都等候需時，於是過咗嚟美中鴨子輪候，人流相對小啲，等咗幾個字就有位。餐廳門口位置設開放式部分，可以睇到師傅切片皮鴨。同時，衛生環境一目了然。當日見到師傳整晚連口罩都唔戴⋯⋯ 處理食品的職員至少要戴個紙口罩吧? 正值covid兼流感高鋒期，就份外擔心。點了一份基本的二人套餐，比起續樣單點可以品嘗更多菜式。先來一碟經典冷盤菜。湯羹份量ok，溫度雖熱但可入口。其他食物由於食緊片皮鴨，無影到相。片皮鴨正常發揮，不會很驚艷。對主打片皮鴨個食店來說，鴨同皮都未符合水準。感覺就似一般的中菜館。不過聽講，唔同分店嘅食物質素會唔一樣？以上純粹個人感想⋯⋯

今日同屋企人飲茶，見到美中鴨子，諗住食下片皮鴨都好喎，就即刻轉場過黎坐底一坐底就落左半隻鴨先，再叫左幾樣點心，片皮鴨好快就上檯，賣相非常吸引，配有甜醬，京蔥及青瓜條，即刻一人一塊麵皮包黎食，但係麵皮一食竟然凍冰冰，我地即時同店員反映，店員二話不說就換左一籠新既俾我地係熱辣辣有煙上檯，服務都算周到片皮鴨片薄香脆，唔算油膩，連埋配料一齊食真係very good食到最後麵皮既份量都剛剛好夠包，相比其他片皮鴨餐廳唔夠可能仲要加錢，呢度真係唔錯跟住食點心，呢個鍋貼真係超好味，皮薄而脆，湯汁飽滿，一不小心湯汁仲噴左出黎真係食完一隻接一隻，非常美味蝦餃，一盅四件，其中一隻用紅菜頭汁做餃皮，其實食落分別不大，不過紅菜頭汁蝦餃就只有一個人吃到，可能係特式？又或者餐廳想試試水溫，蝦餃內餡都算足料，蝦肉爽口彈牙燒賣，又係有一隻綠色，但呢個冇問到係用咩做，同樣食落分別不大，燒賣同樣好香濃，餡料足，唔算鹹，味道不錯叉燒腸，呢樣係我唯一叫左冇食到，因為入面有大量莞茜🫠，不過屋企人都食得津津有味，腸粉皮都算薄，一望就見到莞茜😂相信味道應該都唔差鳳爪，呢個都係飲茶必食啦，醬汁好濃郁，鳳爪又夠腍，雖然有骨但都好容易食得

美中鴨子D菜式都係有水準的，招牌片皮鴨一定要食，肉蟹都唔錯，其他小菜都见心思。只係D服務稍嫌跟不上，問多句都唔耐煩，面口唔係幾好睇。大圍咁多食店，點得架。試左幾間新野，上陽楼都唔錯。

時間： 星期日2:30等候： 0 環境： 枱和枱之間好貼，但坐位寛，坐得舒服服務：不錯，笑容 有禮食物：1）馬蹄糕 - 不是普通茶樓 鮮黃色，而是紅糖 深金黃色，這款更香甜。好味…..👍🏻 好少酒樓用紅糖2） 百花煎釀三宝 - 真系得三件🤣 茄子 豆付 青椒 ，蝦膠好大舊，豆付有點似日式炸粉，好酥脆，豆付又大又厚，好驚喜，幾好味。3） 無錫灌湯小籠包 - 普通 湯汁不算多，但皮好薄，正常4） 嫩雞燴面 - 雞湯好香濃、雞味好出，雞肉都好多，不過偏細碗少少😅 份量還可以總結：2人午餐 連加一前菜，$270 價格合理，不算貴，可能已過旺時段，都幾舒服，清靜環境，味道不錯，性價比中上👍🏻👍🏻

見圍方新商場開幕咁耐都未去過，今日去看一看，順便食個晚飯。很多餐廳都好多人，見美中鴨子排隊係咁多人便試一試。入到去入面環境舒適，叫了一個鴨肉炒飯和一個羊肉湯麵。兩者味道有驚喜，鴨肉咸香同炒飯香味結合，味道十分豐富。

非常失望！三道菜（其中一味只係鹹點心） 嘅上菜間距係可以睇一集動漫。最後一道成個鐘都未到，前後跟進三次先有人跟進（直到我話要取消道菜），有員工基本上聽唔明我地簡單嘅要求（即係追單咁簡單），唔知係理解能力的語言能力。味道同整潔程度就同其他分店差不多。冇特別comment。雖然佢地言語上冇不禮貌對待，但係佢地太冇效率令到成個體驗極之差，同一集團其他同名分店比較起上黎以為自己去左間冒牌貨。認真要再培訓一下！

我最近去了一家剛開張的餐廳，我必須說，服務體驗比起他們其他分店差很多。而且價格也相當昂貴。他們每人收取18元的茶位費，前菜更是高達28元！更糟糕的是，當我點了蠔餅後，驚訝地發現裡面竟然夾著一根長長的頭髮。真是太噁心了。我絕對不會再去這家分店用餐了！總結起來，儘管這家餐廳是新開的，但在服務品質方面與其他分店相比明顯不足。此外，過高的價格，包括茶位費和昂貴的前菜，讓人非常失望。蠔餅中有根頭髮的存在更是令人作嘔。我強烈建議大家不要去這家分店用餐。

二弄紅莓子骨硬到咬不開、奇怪的填鴨口感，完全沒有鴨味也沒有鴨的口感、薄餅皮經微波爐過份洗禮後，除了硬就是乾，小籠包餡的肉是「梅」的，上菜慢、穿西裝的女經理/主任問都唔問就幫您埋單，總評：水準以下。

今年最差嘅飲食體驗 啲嘢食味道唔錯 但價錢偏高 以佢呢個價錢本身諗住個體驗會唔錯 結果連續漏咗兩次單 我八點入座 兩個白飯同個麻婆豆腐九點都未嚟 我追完佢之後個白飯終於喺9:30嚟咗 之後個麻婆豆腐再同我講漏咗單 之後仲同我講話廚房收咗 廚房收咗關我鬼事 佢哋漏咗張單係咪有責任整返出嚟 佢就咁話同我cancel咗個麻婆豆腐就算 得返兩個白飯喺度 佢同我講話cancel埋佢 冇其他嘢可以食 仲要嗰陣已經9:30 其他嘢都閂晒 結果兩條友食咗350幾蚊嘢完全唔飽肚 咁趕收工就唔好接客 7:30就應該截單截客 嘥我時間 要9:30再去搵其他嘢食

今次嚟到圍方商場裏面，美心集團旗下專食北京烤鴨嘅地方，美中、鴨子。餐廳裝修好雅致，座位與座位之間有足夠嘅空間，唔會坐得太迫。首先嚟嘅係肉粒炒豆角。上菜嘅溫度好夠熱，但略嫌唔夠惹味，豆角亦有啲老，整體來講算係OK。跟住嚟嘅係，香炸黃花魚。一碟有兩條黃花魚，黃花魚肉好鮮嫩，皮炸得好香脆，連骨都可以食埋。然後嚟嘅係蔥油餅。呢個炸蔥油餅係一個好似冬甩嘅圓圈。揸得好酥脆裏面嘅蔥好香，整體來講好食。最後嚟嘅係，呢間餐廳主打嘅北京填鴨。填鴨切得幾靚，肉還肉，皮還皮，肉沒有骨， 皮沒有肥。識落口略嫌欠缺鴨味。鴨嘅脆皮裏面大多數都係脆嘅，但有幾塊係唔脆嘅。其實如果間餐廳唔係主打北京填鴨的話，呢度嘅北京填鴨嘅質量都尚算OK。但弊在佢嘅主打係北京填鴨，所以我覺得呢度嘅北京填鴨係未如我所期望嘅。最後講講餐廳嘅服務質素。佢上菜係冇分次序嘅，雖然我點咗填鴨先之後先至點其他菜式，但係其他菜式嚟咗先，然後隔咗好耐啲填鴨先來，令到成個用餐體驗麻麻。餐廳裏面嘅職員雖然數目不少，但好似都好繁忙，好少會理會客人嘅要求。好多時見到啲碟食完都唔會收。剛剛進入餐廳的時候，亦唔會有侍應主動帶位。令剛剛攞到飛嘅客人如迷途小羔羊喺餐廳裏

今日和老婆,外父和外母往圍方美中鴨子食晚餐,我們點了北京填鴨一隻,帶子龍蝦湯,芝士香芋海鮮鍋飯,雞湯小雲吞,小籠包和上海粗炒和叉子燒餅,入座時有前菜咸酸菜,食落開胃,北京填鴨食落香脆,肥而不膩,鴨肉食落有油花,配上薄餅和叉子燒餅食落美味,口感滿足,帶子龍蝦湯龍蝦味道香濃,帶子鮮甜味美,口感香濃可口,芝士香芋海鮮焗飯芝士味道香濃,芋頭香脆,海鮮味道彈牙,焗飯飯粒軟綿,整個芝士香芋海鮮焗飯份量十足,雞湯小雲吞雲吞皮薄饀靚,雞湯味道香濃,小籠包共六粒賣相吸引,其中一粒是紅色,好吸引,問侍應原來的紅菜頭味,小籠包肉味香濃,口感滿足,最後上海粗炒炒得乾身,食落惹味,餐廳座位闊落舒適,餐具整潔,食物美味豐富,食了一頓美味晚餐

（第一次係openrice寫食評，因為實在太失望）琴晚我同男朋友一家去咗大圍新開嘅商場圍方，本身好期待食美中鴨子嘅！但今次嘅食物體驗真係令我大失所望，而且仲留低心理陰影。-我地6點幾拎位，等咗一個鐘差唔到7點50分先終於入到座位，先試嘅小籠包味道幾好，但之後嗌嘅片皮鴨真係難食到令我瞠目結舌。片皮鴨嘅外觀幾靚既，但一嚐到口裡嘅時候，居然有一種超刺鼻嘅騷味，令我同男朋友媽咪都即刻作嘔（男朋友媽咪話以為係羊騷味）。我地本來好期待食片皮鴨，但呢個嗰係嘅騷味實在令我地無法享受到食嘢嘅樂趣。唔止喺口感上毀咗整道菜，仲令我地對片皮鴨有心理陰影，之後都唔敢再試。我地只食咗少少嘅鴨肉，都仲隱約聞到佢嘅刺鼻味，所以一直飲茶漱口想消除陣味。-更糟嘅係，食完之後返屋企途中都仲聞到片皮鴨嘅味道。佢嘅味道係咁持久，真係好唔舒服。我地買咗薄荷糖試圖掩蓋佢嘅味道，但好可惜，片皮鴨嘅騷味仍然難以完全掩蓋。-呢次食嘅經歷真係好令人失望，而且都留低咗好大嘅陰影。希望將來可以有好嘅食物體驗，唔再遇上咁嘅情況。（香菇鴨子炒飯既鴨肉都係咁騷，請慎重考慮，蔥爆牛肉鹹，四季魚羹ok，烤麩都係鹹，片皮鴨令人作嘔）

圍方開幕,好多人都好開心興奮，包括我，作為一個沙田友，見到大圍有個咁大既商場落成，決定同屋企人試下沙田無既美中鴨子，因為呀媽比較鐘意食中國菜。星期六，曾經喺訂座平台訂今日既位，佢accept左，但半個鐘彈我票。好啦，諗住今日拎，我屋企人見到下午十二點，佢又喺訂座平台話可以訂晚上票，我哋又噤左，到四點。佢突然又洗晒d票，我就打電話去問咩事。接電話既女士無乜禮貌，淨係話早上同事噤錯，咁我問幾點可以拎票，佢話答唔到。而家嚟無位。我五點半到，成功親身拎到票，最後差唔多七點入到去。入到去，三個人五樣食物🥘overall 係鴨之外其他都還好，但鴨一嚟到，我哋摸到d面粉皮係硬既，我哋三人各食左一塊，頂唔順，就叫左個侍應問，我哋話塊粉皮又硬又凍，佢答我：我哋呢度d面粉皮係咁，我話OK!呢間野，係失望，同集團既北京樓好食過佢，老實講，我成日食片皮鴨，點會唔知你d粉皮正常會係點，你咁樣耍客，等位系統又混亂，唔會再幫襯～完

完全冇人手招扶所以食物都係凍！D 員工全部負能量！咁辛苦不如執咗佢一開始漏單冇人斟水！啲夥計就咁車落枱面度？其實你哋開爛咗個頭唔夠人手做不如早早地執咗佢起碼唔會浪費食物片皮鴨至到芒果蝦及小籠包，全部都係凍嘅係食物個心都係凍同個侍應反映淨係識 哦哦哦最好笑鰻魚炒飯，連個煲都係凍㗎餐飯淨係聽到經理侍應喺度放負能量係咁話自己唔想收一點連內部冇人洗杯都大大聲好似廣播咁樣令到客人覺得阻住佢哋收工公司真係要好好栽培訓所有員工