羅麥記 (東薈城名店倉)

營業中

休息中

機場附近影日落相，影完順便過東薈城食晚飯，星期六間間都排晒隊，揀咗間淨係等一張枱嘅試～羅麥記。印象中，用得人名做公司名，一般都會有返咁上下質素同歷史，呢間嘢歷史我無興趣知，但質素就⋯⋯叫咗～秘製香辣雞煲伴大蝦鐵板燒汁芥末牛柳粒海南雞飯避風塘鮮魷(辣)芥末牛柳粒～牛柳大家都知道肯定「淋」過西冷等其他扒，但呢碟牛柳粒個咬口係「硬」，唔係『韌』！真係唔夠牙力都攪唔掂，另外「芥末」，頭幾啖係有新鮮感，但有一啖食落去，食正成啖芥末，霎時間辛苦到爆。辣雞煲伴大蝦～啲雞係有辣味，唔知係咪星期六好繁忙，啲雞肉同牛柳一樣，煮到過晒火，「柴」到離晒譜，啲蝦一樣求其炸到熟曬至起貨～乾到呢。避風塘鮮魷～我嘅認知用得避風塘呢三個字，必定係大量蒜片之類，同好野味，呢碟蒜粒小量，大量嘅係厚厚嘅炸漿，咁厚嘅漿食一舊就夠。反而都係海南雞最正常，但係我哋食左以上三味一半，要催單至上枱。最奇怪嘅事係D5餐牌打$128，手機落單$138，問過佢哋，佢哋話跟apps, 事彈啦，唔通我要同你拗！？二口子埋單$444回頭度：3/10咁嘅質素，真係唔怪之得啲人要北上消費，又一話香港人依家食嘢係無要求？求其平同飽就得？以上純粹個人食後

裝修前一直有食開，今次來想吃炸子雞可惜雞已經賣晒，叫咗兩個焗飯嘗試，但極度難食，嗰啲汁係又咸又苦，牛脷又薄又鞋 焗豬扒干到一個點 ，簡直就貼錢買難受，食完極度口渴唔舒服！真係冇下次了 唔知佢係咪轉咗個廚房師傅，同以前相差甚遠 ，希望佢會有改進啦，今次真係極度失望唔開心🥲🥲🥲

羅麥汁牛河，鹹到極致，中午食完到晚上成個胃都係唔舒服嘅，飲好多水，無下次，好失望，排隊等位，無服務，難食，貴，仲要唔舒服，真係貼錢買難受，完全無一個點係令人再次幫襯

裝修前有時晚餐都會嚟食下飯，裝修之後，第一次再嚟，叫咗兩個晚餐，之前未裝修嘅時候啲晚餐都叫做正正常常茶記嘅質素。經過見佢裝修咗之後就坐低食下啦，叫咗一個松子魚同埋一個牛肋骨小菜，嗰碟松子魚首先未上到台嘅時候好遠好遠，已經聞到超酸嘅醋味，嘩下一😑食落去。。。。。😑 我從來冇試過系酸到搶喉 條魚炸到乾到介口既😵‍💫😵‍💫咁都諗住算數啦，可能失手，等下一個牛肋骨小菜可能好食掛🙄 再等多15分鐘左右，嗰個牛肋骨小菜到咗都😣食左一舊😣嘩😣點呀😣從來冇試過呢種味又鹹又苦😵‍💫 原先諗住唔想浪費，不如夾硬食埋佢算😑但係難食到真係食唔到！講真，嗰句從來冇試過去一間食市系咁難食，管理層其實請人既時候，有冇試過啲師傅煮過比你地試菜？ 唔認為一個所謂廚師嘅人可以得出啲咁嘅嘢😑 真係好難食！

呢間餐廳之前都有去過，都唔少分店，但之前同朋友去時都知道呢間餐廳食物比一般同類既餐廳偏貴，所以平時都少去...今日行到咁上下，見呢間餐廳唔太需要排隊，所以就入左去食。點知真係無咩人排隊係有原因...晚餐餐牌上有個豬軟骨撈烏冬，因為食物名中文同英文都無提及用咩醬汁撈，所以我就諗住問下侍應，點知佢既回答係：「我講唔到俾你聽wo... 係我地既秘制醬汁。」真係聽到呆左😧咁即係咩？😧我再問：「咁係鹹定甜？係豉油定番茄醬？😅」佢先好敷衍咁答，係甜甜地既... 連自己公司既食物都唔識介紹或形容，客人更加唔會知係咩黎... 到食物黎到，豬軟骨有4件，燶左2件😅秘制醬汁其實同甜豉油無咩分別...今次用餐既體驗真係好差... 食物唔得，服務態度又差，仲要收呢個價錢，唔值得亦唔推薦👎

明明手機menu冇寫辣，結果超超超辣，同職員講，佢拎個實體menu黎話實體Menu寫左辣，唔換得喎，一係加單叫多個。毫無同理心和顧客服務可言。建議大家每一樣食物都要問清楚係唔係辣，食物質素一般，$100一個餐，其實和普通茶餐廳沒有分別。加上差既服務態度，無論俾錢買難受。Food is just average of any Hong Kong restaurant but priced at a much above average level. Combined with bad service and unreasonable staff, would not recommend if you want to have a peaceful lunch/dinner.

行完街黎醫肚 眼見羅麥記愈執愈多其實佢唔算唔好食 但原來執咁多都唔係無原因首先唔明點解明明有位都唔俾我入 一定要我係到等位? 呢個係咩原因呢然後食食下就會有一陣漂白水味我明白你地要收工 你地話閂九點但都唔係咁多食客個陣仲要係到掃地咁我到底係黎食飯定食塵呀大佬不過公道地說 食物係唔差 但今日個麻辣雞煲唔夠辣 肉都唔夠滑 好彩份量都算夠雞脾係幾好食 幾滑 唔似碟雞煲咁連雞脾位都唔滑另外就係粒粒咖啡紅豆冰 我開頭佢"粒粒"係指紅豆原來佢真係有一粒粒既咖啡冰?呢杯野飲的確令我有驚喜

不明白成日要等齊人先俾人入到去，其實都唔會呃佢嗰個位門口嗰個職員態度又惡劣, 真令人氣憤, 態度好啲，都能接受今時今日呢啲咁嘅服務態度真係乞人憎請有關管理層留意吓呢一個情況, 培訓員工, 再咁落去真係趕客

搭零晨機，諗住放工去東涌食個晚飯至去機場，見羅麥記未食過就搭lift去試，干炒牛河尚算可以但個卡邦尼意粉完全冇味道。最大問題，可能見我地拖喼以為國內人，態度超差，後來見我地講廣東話夾雜少少英文態度至好番少少

呢間冰室黃綠招牌好搶眼🟡🟢環境充滿七十年代港式懷舊風情 已經結業剩最後一間分店了🇭🇰.📌磚頭焗豬扒飯 $98大推呢個非一般焗豬飯 唔講味道已經贏咗賣相‼️大件夾抵食 兩個人share都冇問題🙌🏻原個吐司磚挖空一半 釀入炒飯 再鋪上鮮茄豬扒🍞豬扒份量好多 不過偏實 唔夠軟嫩🐷入口酸甜茄香濃郁🍅茄蓉另上 但炒飯底偏濕腍 唔夠乾爽🍚麵包超鬆軟 外層微脆 唔係講笑 包控可以成個食晒🧡.〰️全日制常餐〰️📌厚切午餐肉蕃茄濃湯通粉 $65午餐肉厚切大粒🥓配濃郁酸甜蕃茄湯真係好夾🍅通粉爽彈唔腍 每粒都索滿茄湯🍜配有招牌羅記炒蛋 嫩滑有蛋香🥚多士好厚身 香脆鬆軟 可以自製餐蛋治🥪.📌焗豬扒飯 $75普通焗豬冇咁震撼 但好食啲👅豬扒幾軟嫩🥩炒飯底乾爽分明🍚茄蓉酸甜開胃 份量適中🍅.〰️假日套餐〰️📌瑞士雞翼蕃茄濃湯烏冬 $75雞翼煮得耐左 肉質太軟腍 不過好入味🍗瑞士汁甜味較重 同茄湯酸味唔太夾👀烏冬可揀軟硬度 爽滑有彈性 唔錯🍜.📌黑汁魷魚鬚 $52魷魚鬚爽脆軟嫩 味道較清 帶微微鮮味🦑黑汁偏甜 魷魚都係同咖喱夾啲👀.📌紅豆冰粒粒咖啡 +$18將紅豆雪成雪粒 好特別🧊加埋底層紅豆 香甜味十足🫘咖啡甘苦就唔夠濃☕️

係東薈城5樓 11點幾仲有早餐早餐$40幾蚊可接受 都多款式揀番茄豬扒米粉 ($46)包餐包 火腿煎蛋(可以揀腸仔炒蛋個d)再配野飲 黎到份量都幾大碗米粉好大碗 豬扒都好大塊豬扒唔鞋都幾入味 其他正常番茄湯底都唔會好咸另外叫左杯熱咖啡都ok

早餐水準一般，腸仔太乾身無味。米粉質量可以，但湯底淡到無味。 同價錢類型，情願選擇去香港地。起碼份量同埋服務都好好多。樓面有個染金短頭髮個阿姐勁🈚️禮貌，對d客西口西面，命令式咁溝通。語氣勁差，佢係你老細多過你係佢個客。雖然係茶記，唔求五星級服務，基本禮貌都要有掛？個種唯我獨尊態度可以比美九記。餐廳對老人家唔友善。隔離檯老人家唔識QR code落單，直接被無視。要等勁耐同問幾次先有menu同埋有staff落單。

星期日下午食啲嘢之後去睇戲，咁就嚟呢間試吓，一攞飛就入得，場內冇咩人，基本上食物同飲品都ok, 諗住離開前去一去洗手間，點知去完返嚟就見太太企係門口，我問咩事，佢話有職員同佢講用餐時間已完，仲企係旁邊用不友善眼神望住，太太唯有急急離開...枱面仲有嘢未食完...由入場開始都冇人講過有用餐時間，仲要用埋呢啲趕客手段，再好食嘅東西都會立即變成垃圾...

話說在上星期六晚上會去亞博睇演唱會～所以相約友人們打算先喺東涌outlet食個下午茶再入去～記得上年黎食過呢一間嘅瑞士汁雞翼撈公仔麵都唔錯幾好食，今次再去二訪～其實呢一間茶記嘅價錢定位真係一直都幾進取下⋯但味道是可以的。今次就試咗假日常餐～［🍜泡菜雞扒辛辣麵］｜$75（辛辣麵不會不好吃的哈～雞扒很大的一塊）［🐔鹽酥炸雞球 ］｜$48 （加配價）（炸雞球吃得出是番炸不是新鮮炸⋯）［🍹凍檸茶］ ｜$6 （加配價） （熱飲就不用加錢）綜合嚟講，其實食物質素方面是尚算可以的～但因為價錢定位CP值實屬很一般⋯如無意外今次之後就不會再回訪了。

紅日黎食嘢，雖然唔洗等太耐，但座位真係比較逼。個濕牛河ok，如果無咁鹹就好。素粉絲就一般般⋯好乾又硬⋯要讚嘅位係奶茶幾好飲！職員服務態度都ok，雖然忙但都應到每台客嘅需要