羅富記粥麵專家 (已結業)

自從此店裝修後，一直也未去吃過。今天中午到中環，便決定去吃碗很久也沒有吃的及第粥。舖內間隔跟前沒有大改變，廚房仍然在入口的左手邊，座位安排也跟前差不多。當然裝修過後，光猛了也整齊些。及第粥$37，粥底很綿很滑，吃得出不是開粥楜，是新鮮煲粥。粥料有肉丸兩粒、豬腰兩件、豬肚兩條和豬潤三塊。豬腰沒有押味也爽脆，豬潤淋不會硬實，反而豬肚就實了一點，肉丸是新鮮搓。不知是否現在都市人要求吃得健康，粥較以前淡味些，但吃後沒有口渴感。這裡還有炸魚球$22三件，咬一口軟淋配特別醬汁吃。

接手經營者可知道何謂雲吞(撈)麵, 麵一早淥定, 倒返落水翻熱再撈起用鉸剪剪兩嘢,軟林及碎濕程度同食糊仔無兩樣, 又無瀝水, 掀起箸麵, 一碟都係千年淥麵水, 浸住些已經爛皮爛尾的雲吞, 鹼水麵是這樣的嗎, 雲吞麵質感應該是這樣的嗎? 淪落如斯, 真的烏呼哀哉。若不熟悉如何烹製廣府雲吞麵, 大可以轉型供應其他麵食, 如果要沿用羅富記這一個招牌, 請你出去找些與你同等享有名聲, 又或者求其找間雲吞麵舖比較一下, 你就知道你的出品到底有幾大問題。

Yesterday need to go central to pick up something. It was about 2:30 and I don’t have time to have lunch and suddenly I saw this old days noodle place. So just go inside and order my favorite noodle. The noodle is really good even this is like a very simple thing you can find everywhere. The soup is tasty with a little bit spice , I guess that’s the pepper. Too bad I’m only by myself otherwise I would like to try more dish like the fish ball or the tendered need.

十多年前食過，今次回港想找回那味道，可惜全失水準! 炸鲮鱼球，没有陳皮，没有鲮鱼味，粥底太差，服務员的態度真劣，地方不清潔，太迫，二人位要坐四人，绝对会再去，浪费金錢，时間及QUOTA

生記星期日冇開，最後選擇左去羅富記外賣。叫粥個陣同個姐姐話d粥可唔可再熱少少，要攞去遠d既地方。個姐姐即刻破口大鬧，粥更係熱啦，唔通凍比你咩。我知粥係熱，攞去比人食又冇得整翻熱先叫可唔可以整熱少少。問一句比個姐姐一路落單一路鬧，唔會再去食。

粥粉麵之選呢排天氣好凍，每間粥店都大排長龍。中環有3間羅富記，今日去左其中一間新裝修過的⭕️生滾肉片粥$37以中環來講，一碗生滾粥$37算中價位。不過生滾粥比普通粥有個優勝之處就係好入味同新鮮👍🏻佢會用新鮮材料落入煲到滾粥，所以生滾粥貴少少都好值得👍🏻👍🏻😍一碗有好多好大片的肉片，所以都叫足料。粥都算煮得好綿，好好味加上少少蔥花，食完會好暖胃👍🏻餐廳都係坐得逼，但至少比另外兩間坐得舒服

今晚約左朋友食大餐，可惜我今日很早就收工（難得早收工其實應該開心至真😓） 經過之前經常會去的羅富記，原來已經不同晒了，裝修過，因為太耐無食了。以往必然叫碗豬潤粥，但今次叫了炸漿撈麵。雖然平凡，但岩我的口味，好好食。希望keep住水準啦。

經已幾年沒有來過羅富記，現在，羅富記的門面更加新穎，印象中，以往在上環，或是擺花街的羅富記，也相當舊式。現在在電車路旁邊的這間羅富記，門面新式，雖然內裏又有卡位又有圓枱，但是已經比較簇新了。友人的這個豬膶豬腰粥，料雖然唔多，豬潤亦都非常嫩，但是豬膶不算熟都很老的味道、豬膶保持少許血，夠軟夠綿。既然這麼久沒有來羅富記，也不如就點一個很久沒有吃過的，中式炸醬麵。中式炸醬麵，很久沒有吃過，因為通常，在這陣子去中式麵店，都會叫牛腩麵，牛腩撈等等。這個炸醬麵，很多條幼條肉絲，橙橙啡啡的顏色，鹹鹹辣辣的味道，底下的麵條，就是牛腩麵的鹼水麵，保留少許煙韌，不會完全林，用這個鹹辣的醬汁來拌麵，味道就剛剛好。這個蜆芥鯪魚球，同樣亦都很久沒有吃過，小碟的鯪魚球，有3個，新鮮炸起，非常熱燙，內裏的魚骨不算太多，味道不太香，加點蜆介醬，夠鹹亦都有蜆介的，味道挺濃郁。這碗湯沒有炸醬麵那碗香口糖那麼鹹，但是味道香濃，中間有肉有蝦。結論，雖然隔了幾年再來這間羅富記，但是內裏的質素也沒有什麼改變，仍然保留原有味道，就只是裝修翻新了，也不錯。

呢間粥店係港島區嘅老字號雖然佢位於中環但係佢嘅價錢就冇想像中咁貴咁自己已經係呢一間粥店食過好多次亦都覺得暫時來講係香港地之中佢都算係粥之中最好味嘅所以高度推介俾大家呢一間啊祝中之王個人會推介豬膶牛肉粥又或者及第粥再配合埋豉油同埋胡椒粉成個思美即刻擁晒出嚟至於小食坊一定要佢招牌就係炸鯪魚球佢附送嗰個顯街真係好味到不得了至於粉面都係呢度嘅特色尤其是玩魚腩同埋先玩魚都係呢一度嘅招牌所以你一間粥麵店係暫時全香港最好嘅

來羅富記尋找小時候的味道🍜雲吞麵 及第粥... 都是小時候愛吃的食物，來到中環就要去光顧一下羅富記。太耐冇幫襯，鋪面跟昔日的大大不同，匙羹、豉油碟都用有公雞圖案的，比以前漂亮。餐牌也變了，時代感多一些，圖文並茂👍🏻雲呑麵非常好，湯底鮮甜，但少了一份往日的、濃濃的蝦頭湯味。雲吞一粒一粒小巧的，很豐富的餡料，🦐肉新鮮爽脆配上適量的豬肉，很鮮味，一口一粒方便大家食用。講到麵質非常彈牙，我喜歡加上些少醋😋羅富記有正宗小欖靚魚球，很好味，有鯪魚的鮮腥味 配上蜆蚧是一流的配搭。

中環一共有三間羅富記，呢間係德輔道中，係中環既核心最就腳就方便；正因為咁，客人人流也特別多，睇住佢番檯也很快，比澳牛還要快！唔係car 位既坐椅細到係身形瘦小的女士才坐得落，每每見到略為既肥胖客人入內，店員都要幫佢地搵過其他後備較大沒有椅背既椅子比佢地！呢到既店員既效率「媲美」澳牛！當客人一坐低，他們便會企係客人隔離，催促客人點什麼菜！一直企到你諗到食乜為止。食碗粥都要受壓力，中環上班族真係慘！真係連menu 都未拎來睇架！每個店員對待客人都是這樣，是公司既SOP 嗎？真係大開眼界！但佢既客量又未夠澳牛咁多囉！Play 蛋瘦肉粥，瘦肉過熟，過了火，粥底未夠「綿」，play 蛋不是糖心的。蜆介鯪魚球沒有魚味，蜆介太濃味叫6粒（大）係唔會平過叫3粒 （細）。滑牛粥普普通通。

Lunch Time諗住試下特式老店就去羅富記試試，本人和朋友2人分別點了牛肉撈麵和牛腩河，牛肉撈麵份量少得可憐，牛肉只得4片、撈麵份量比湯麵的份量還少，味道偏鹹，盛為$43。朋友點的牛腩河比牛肉撈麵好D，超碼牛腩同牛根都多D，不過都係份量少同鹹，真係失望嘅一餐。

運動後完全無概念食乜，已經晚8點半，都係食粥粉麵。沿電車路行咁啱行到羅富記就入去坐。多年無幫襯羅富記這老店，看看現在水準如何。椅都未坐穩夥記已經企响身邊等我⋯睇來佢地好趕時間⋯先來雙拼粥和油菜油菜一碟$20在中環地區來說可以話唔貴，以地區和份量，算抵食魚片鹹瘦肉粥，粥底好綿，鹹瘦肉是手撕的鹹鹹香香，魚片數量也不少炸魚球比一般魚蛋大，富魚肉鮮味唔會溝好多粉所以炸後會容易收縮，咁先係好野！附送蜆蚧一小碟，有少少腥腥地同埋好鹹⋯

有朋友俾咗得仔兩張摩天輪門票, 一場嚟到中環, 幫襯吓老店羅富記. 印象中羅富記啲粥同炸鯪魚球整得幾好, 就食呢兩樣.小欖炸鯪魚球有蜆蚧送, 蜆蚧唔係個個鐘意, 佢幾重咸腥味, 得仔用筷子整開鯪魚球等可以點多啲蜆蚧. 鯪魚球新鮮炸起好熱, 魚肉結實好得, 食落唔會成口空氣.鯪魚球粥有五大粒鯪魚球, 冇炸鯪魚球咁香口. 不過陳皮味就出啲, 粥底好棉好滑. 因為坐得近廚房, 見到啲粥係生滾逐碗整, 依家只有老店先有呢份堅持.

羅富記的名字對我黎講一點也不陌生，細細個爸爸就帶我黎食雲呑麵，今日湊巧經過，再度回味一下＂細蓉＂既味道麵質彈牙，冇簡水味，雲吞仍是亮點，外皮幼滑，蝦肉爽口，用很小豬肉包，一粒一口，份量適中，岩哂中午唔洗食得太飽既我