緣味小聚 (LADDER Dundas)

營業中

休息中

-雞煲、打邊爐、韓燒有時食到悶都要轉吓花款，蒸氣鍋都係一個唔錯嘅選擇！今次試咗旺角嘅緣味小聚，係比較特別嘅蒸氣鍋放題。一開始會先嘆原盅燉湯，燉足6小時絕無味精，滋潤又開胃！🤩-之後就有豐富海鮮拼盤，包括蘇格蘭蟶子皇、紐西蘭帶子、韓國大鮑魚等多國精選海產，再加2個鐘無限量任食安格斯肥牛、田園有機蔬，同埋豐盛八寶蒸飯，夠哂滿足！韓國大鮑魚好大隻好厚肉，鮮味十足，爽口彈牙。澳洲M5和牛都好正，脂肪分佈平均，肉味濃郁。最特色係個八寶蒸飯，蒸飯飯粒粒分明，有好多款配料，夠哂飽肚。😋-依家係Togetda網上預訂 (https://bit.ly/3z96Ic5)，可以獨家以優惠價5折，$398/位起享獨家【霸氣阿拉斯加長腳蟹刁鑽海鮮蒸氣鍋放題】任食澳洲M5和牛、西班牙黑毛豬、點心等及低至＄244起嘆【豪華龍蝦海鮮蒸氣鍋半放題】任食安格斯肥牛，或只需加$48.9，無限量升級任食澳洲M5和牛、特級牛板腱及8至9款燒賣點心甜品。❗-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 緣味小聚 (LADDER Dundas) (旺角)📍 旺角彌敦道575號 L

見到出咁多廣告又YOUTUBE，又有優惠於是去試下，打去問價錢話288二人一人免費，又話粥底火鍋放題。上到去間野好細，個職員比個餐牌一睇，佢所謂既放題完來要加錢升級先有，288得海鮮同所謂既半隻走地雞(一定冇半隻)，先係加左個49.8既升朋級，醬油再加20，星期5,6,日又要加20，好彩完來7點半離開野飲先任飲，如果唔你又要加廿幾，海鮮係新鮮，但食食下先知冇聖子王同蝦，問職員佢先講話未送到.....佢話有兩種貝類，但泥到既好似同類(可能我唔識分)，之後聽到有人問又話又兩種貝類，個職員話係，咪有兩種囉你都見到D殼有大有細，當下我笑左出泥，食食下，5點半個轉D客開始嘈未有聖子同蝦，有D客甚至問D職員288又話係放題，結果要加錢先有，所以呢間野我只會食一次，如果想淨食海鮮係OK，但真係要睇清左佢D細字，真係好搵笨，明明我係為左佢個優惠先泥試，點知加加埋埋5百幾先落樓，仲要食到成身汗

昨日（8/9/2021）同朋友，來這店食下午茶，之前一日經Openrice訂枱，有里數儲又有半價優惠，抵。食店在九樓，因滿座，被安排去六樓，無咩人，正海鮮及雞上枱已好吸引服務員跟據每款海鮮唔同時間去蒸，時間蒸得剛好，每款海鮮都好新鮮，特別是鮑魚及聖子皇，好味。食完海鮮到食雞，另加了升級優惠，再戰肉，蔬菜及點心。蔬菜及丸類款式都唔算太多，食了娃娃菜 油麥菜及䈑筍。點心質數都唔差，食了燒賣，流沙包及春卷飲品都有多款，鮮草爽好飲埋單$522，用Openrice pay還有$60優惠，這店絕對有回頭，抵

聽聞旺角緣味小聚有個任食和牛火鍋，14:30後仲有特價，梗系約埋三五知己去大吃一餐啦，點知漏單嚴重，叫十份俾五件，叫兩碟直情沒影，傳統話任食但不讓你食個亭野呢，唉…唔啥得就唔好做任食啦，用餐體驗令人失望，沒下次！

第一次光顧的餐廳，簡直有驚喜，點了大蒜蒸大海蝦飯，蝦的份量有六隻，廚房師父連蝦頭開邊蒸，蝦的外觀一流，加上有大量葱及蒜裝飾，口感簡直不能用數字形容，非常有心思的餐廳師父，一定會再光顧。

星級大鮑魚蒸氣鍋，原汁原味，咁食最新鮮嘅海鮮食食一定係用蒸嘅方法啦！！我已經唔係第一次食蒸嘅海鮮啦，今次嚟到完美小聚，除咗蒸海鮮牛肉蔬菜都係整出嚟嘅！咁就跟見得佢嘅海鮮係咪新鮮啦！來一個海鮮拼盤層層都係鮮味！我自己最鍾意食鮑魚，都幾新鮮㗎聖子同蝦都唔錯，正都唔會過熟會睇住時間嘅！連蔬菜都係蒸架，食到蔬菜嘅鮮甜味！！個任食牛肩胛，第一次蒸肉類食物，都幾得意呀，有牛味！八寶飯，好健康㗎，想知有啲咩，就嚟試吓啦！係幾多蔬菜嘅！

$268（8:15前離座可享79折-折實$256）海鮮蒸氣鍋·八寶蒸飯·2小時任食安格斯肥牛.8款海鮮包括韓國鮑魚、聖子皇、帶子、大刀貝、龍躉、海蝦、大花甲及蜆，海鮮不錯，大大隻啖啖肉，而且全程有專人服侍幫你計時⌛️蒸熟食物，仲會幫你起埋殼，方便到爆😍除咗海鮮之外，仲啱哂一班食肉獸，安格斯肥牛任食，啲肥牛薄薄地蒸一陣就食得，仲可以一次過蒸好多塊添。最後仲有一個八寶飯，呢個八寶飯有牛舌蔬菜等配料，都好豐富。餐廳除咗呢個餐之外，仲有個龍蝦蒸氣鍋加鮮椰子水粥底火鍋，$288/1位，做緊二人同行一人免費，仲有雞送，見餐廳都好多人揀呢個套餐，可算抵食之選。.餐廳座位唔多，閒日夜晚都好爆滿，想食嘅話記得預先訂座，預先訂仲有嘢送🤗

好少同囝囝食飯今日放假,要同佢食火鍋甘就行去旺角有咩好食見到好多年青人係度等位,睇下緣味小聚有個特價餐有個靚湯都幾抵有一盤靚海鮮又可以任食牛又有湯同八寶飯就同仔仔入內食,環境比較窄,加上好多人會較熱鬧不過有樣好不用自己動手有專人幫你因為驚我們掛住食,海鮮又不可以過火,所以有晒計時器,海鮮種類有八款我最愛吃蝦同魚,囝囝比較愛鮑魚其實如果單食海鮮真係超值,之後食安格斯肥牛,囝囝又可以配上八寶飯食,一個八寶飯本身有24 款料子自己選擇八款,全部都要囝囝想食既種類用蒸飯既模式去蒸可以保留飯香味之餘亦令食物味道慢慢滲入飯裡面的味道蒸飯的旁邊位置有些飯會有點生飯不過整體都可以其實好少食火鍋配食八寶飯不過都好特別

一個唔想煮飯嘅日子，大約六點黎到位於油麻地地鐵站附近LADDER Dundas嘅呢間樓上餐廳。一入餐廳服務員先遞上調味醬料，最後點了 【星級大鮑魚海鮮蒸氣鍋套餐】$268 /位先上了一個燉足6小時嘅「蟲草花赤肉燉雞腳」， 清清地嘅色澤，基本上冇乜油而得滋味。🐠 八款海鮮: 「韓國活大鮑魚、蘇格蘭蟶子皇、紐西蘭大帶子、愛爾蘭大刀貝、深海龍躉件、生猛大海蝦、青島大花蛤、貝殼類」全部海鮮都很鮮甜，可以唔洗落任何醬汁調味，由其係「韓國活大鮑魚」 和 「紐西蘭大帶子」，鮑魚大大隻又厚肉，爽身彈牙。帶子蒸熟口，先喝一口經蒸煮後停留在殼上的天然湯汁，係真正嘅純天然鮮味，帶子肉質爽口。🍚 八寶蒸飯由八款食材和米飯一齊蒸煮，之後將米飯和所有食材撈勻，飯粒充滿八種食材的味道，加上用蒸煮方法烹調，感覺比炒飯濕潤冇咁乾身。🥩 安格斯肥牛 （無限任食♾️）牛一般都係用燒烤和火鍋呢兩種食法，安格斯肥牛用蒸氣鍋呢個煮法都係第一次，可以一試唔同嘅食法。海鮮超新鮮，有多款食材選擇。餐廳就腳方便，海鮮蒸煮由服務員負責，服務員態度認真有禮貌，另外仲有提供蔬菜，最後仲有中款甜點食😋。

旺角餐廳多的是，不論甚麼菜式應有盡有。這次我一嘗海鮮蒸氣鍋，真是非常期待。那天放工後，跟朋友到這間餐廳吃飯，位置很鄰近油麻地地鐵站、家樂坊等地方。店內空間不算大，但有一定社交距離。職員全程都是戴好口罩，並向食客解釋清楚進食注意地方以及菜單上的介紹，即使海鮮餐，海鮮每天來貨質素都有不同，有時可能換上另一款更新鮮的海鮮，店員都會一一解釋清楚，避免不必要的誤會。那天我吃了「星級大鮑魚海鮮蒸氣鍋套餐」，二人份量。⭐星級海鮮8款- 韓國大鮑魚、蘇格蘭蟶子王、紐西蘭大貴妃蚌、愛爾蘭大刀貝- 深海龍躉件🐟、生猛大海蝦🦐、青島大花甲、鮮甜貝殼類⭐6小時原盅蟲草花燉雞湯⭐無限量任食安格斯肥牛⭐豐盛八寶蒸飯 (24款蒸飯配料選8款)而當天的海產包括：韓國大鮑魚、蘇格蘭蟶子王、帶子、鮮甜貝殼類、深海龍躉件🐟、生猛大海蝦🦐等等。每件海產都有特定蒸氣時間，但周圍也看不了預設蒸氣時間表，原來是店員會幫忙蒸海鮮及上碟，不用食客顧不到蒸海鮮同時進食。全程也有店員協助，幾乎是被人餵食的感覺，哈哈。每款海產非常鮮甜，幾乎都用不上一開始店員給予的醬汁（豉油、生蒜和蔥）；海產在預定蒸氣時間內，口感適中、清爽、嫩滑、彈牙（完全

叫左個$268餐，任飲每位加$28，八寶飯轉粥底每位又加$28，星期五每位又加$20，醬料每位再加$20，網上訂位有八折，埋單每位$326，咁嘅價錢，絕對唔抵食。1. 間鋪太細，座位又逼夾，已經有開冷氣加幾部風扇，但都食到一身汗，全晚無停過流汗，感覺上好似係30幾度下bbq一樣咁熱2. 收費同食物唔成正比，每位$326唔算平亦唔算貴，聲稱包埋任食安格斯肥牛，成塊有2/3都係肥膏，仲差過個間凍肉舖x寶最平個隻肥牛。另外海鮮都好垃圾，有食過其他專門做蒸海鮮既餐廳都未試過會俾呢啲咁既食物客人3. 本身一開始俾左6隻鮑魚我地，之後蒸完上哂碟問我地係咪有人生日，我地話無，跟住店員就話個3隻鮑魚原來係後面枱，蒸熟左都攞返走，未免有啲太市儈4. 未埋單前出去拎罐野飲，店員同我地講你地埋左單唔可以再攞，但其實我地仲未埋單全晚最正常既食物係點心同個燉湯。

$288一位既豪華海鮮餐..啲海鮮完全唔新鮮！蝦同蜆都極之細隻！而且個粥底更淡而無味！個半隻自稱係走地雞既冰鮮雞更加一陣雪味！中晒伏！完全唔會有下次！請勿中伏！

電話訂座，三人同行，一人免費。（$288餐+$28任飲+$59.8任食蝦、龍x、蜆+周末公眾假期附加費位位幾十元+醬油費位位幾十蚊）x3再加一然後總數減$288如果我先知道有這些附加費，可能選其他餐廳。抽氣、冷氣不夠，幾乎熱暈。海鮮係新鮮既，蜆無沙。

位於旺角彌敦道非常易搵，商廈細細層層都係餐廳，今次有緣先試哩間！有火鍋亦有蒸鍋，120分鐘用餐時間半放題，因為友人生日就揀個豪華啲嘅龍蝦海鮮蒸鍋，價錢方面又加又減少少複雜，周末收費就$378+10%，讚好社文平台有79折，埋單位位數336，唔包飲品！加埋任飲汽水茶再加$38。海鮮有8款，龍蝦係膽，再有鮑魚、蟶子皇、大扇貝、桶蠔各一隻，花蛤、大海蝦🦐、龍躉片🐟各兩件，生材仲有安格斯牛同幾款蔬菜可以任點任食，仲有點心包點都係任食。仲有一份八寶蒸飯添！齋睇牌面好似幾OK，收哩個價錢就唔算貴，不過都係食完先下定論。服務員一次過將所有海鮮都上晒俾我哋，一人一盎燉湯🥣，先飲為敬，一般燉湯味，雞腳瘦肉冬菇唔見有咩貴嘢喎！龍蝦唔算新鮮但都算大隻，蒸起肉質都彈牙鮮味！鮑魚係韓國貨睇落唔似好新鮮，不過還算大隻，友人生日仲每位多送一次添！咁兩隻又抵食啲囉！大元貝睇樣都知唔新鮮，大小一般，嘛嘛地啫！哩隻蟶子皇又唔夠大隻，肉有削，又係嘛嘛地！中碼桶蠔蒸完再細隻啲，食到哩到開始食到伏味！甚麼大花蛤、龍躉片仲有大海蝦？咪玩啦，知唔知「大」字點解架？！龍躉片同"大海蝦"仲要霉架喎！任食嘅安格斯牛，質素也罷！再嚟一份八

朋友太耐無見，就約係旺角食飯，見到有蒸海鮮，價錢好抵，$268咋首先每人一盅無味精燉湯，茶樹菇燉瘦肉湯，湯料足夠，微微甘甜，很養生的湯水。鮑魚很大隻，放上去蒸都仲活的，蒸好後唔會回縮，好鮮甜。聖子王爽口，好粗身，大大啖食又無沙。帶子大粒，已經處理好曬，勁鮮嫩。龍躉件無骨很滑，清蒸最能將海鮮的鮮味帶出，而且最原汁原味，點少少豉油已經好正。仲有蔬菜，有南瓜片，娃娃菜，原來蒸菜都一樣甘清甜。。。。甜品就有好多，其中我最中意食棗皇糕，薑汁千層糕，薑汁糕勁濃薑味，紅棗糕又補血，其他都係朋友食曬，都話好食。其實仲有蒸飯，大大碟，夠曬四個人分，有豬腩肉，牛肉粒，少少臘腸，惹味，少少肥唔怕啦。。。。食完海鮮，有啲熱，決定加$28 飲台式飲品，菊花茶清熱透心涼