維記Cafe

紅燒乳鴿 🐦紅燒乳鴿真係要大力推薦！隻鴿皮燒到金黃酥脆，超級過癮～ 入面嘅肉質嫩到出汁，輕輕一撕就見到豐富嘅肉汁係度流，鹹香味道調得啱啱好，一啖落去鮮香滿口，根本停唔到口！😋燒味拼盤 🍖呢個拼盤簡直係選擇困難症患者嘅福音！入面有叉燒、油雞、燒鵝、燒肉，豐富到想即刻樣樣試晒～ 叉燒帶住淡淡蜜糖香，肥瘦肉均勻；油雞皮滑肉嫩，雞味超濃；燒鵝皮脆肉厚，鹹香惹味；燒肉肥瘦相間，鹹脆適中配埋白飯簡直絕配🤤…查看更多

第一次食茶餐廳食到好似大排檔咁🤣🤣維記Cafe~~原來都有幾多選擇隻乳鴿仔好cute 肉質都幾幼嫩最鍾意小炒王 好有鑊氣又唔會好鹹 同埋佢加咗大蝦！好正呀燒肉比想像中脆身 同埋啲肉都唔會好淋同鞋 呢個拼盤可以上得過真係可以媲美到大排檔水準～～啲餸菜炒得好香口入味升級咗係有冷氣嘅（大熱天時好緊要☺️）麵包都係自家手工制 麻糬仲要係新出品佢嘅價錢平過翠華太興 仲要個位置直程喺地鐵站對面好方便～～係街坊既明智之選…查看更多

簡直係一間垃圾茶餐廳,員工完全冇禮貌,還未坐低已經呼呼喝喝,我仲以為自己欠佢錢,好老實講句如果員工唔想做不如唔好做啦！點解要發洩在人客身上呢！食物就一般般,沒有特別…查看更多

間中去堅尼地城站，今日想食午餐後搭地鐵去官塘。見到對面呢間幾新淨餐廳，唔少客坐2人枱，都幾舒服。點左欖角豉汁蒸鯇魚腩飯，蒸得好熟，合我心意，都幾好食。餐飮：熱檸蜜正常味道落單阿姐話送例湯比我，但後來無比，都無所謂，因為都好飽。因為就腳，遲吓都會再幫襯…查看更多

蕃茄牛肉麵口感濃郁、湯底鮮美，搭配超大份量；牛油菠蘿包香濃酥脆，塊牛油勁厚，食完好內疚。。。。如果個包係熱嘅更正性價比高。維記 (西環)西環堅尼地城科士街36號聯興新樓地下A&B號舖…查看更多

今日嚟到堅尼地城科士街呢間維記食午飯，店內座位多，顧客都多，但都唔使等位，可以直接入內。坐低望下個餐牌，有炒粉麵飯仲有燒腊可供選擇，難以取捨之下就求其點咗個咖喱牛腩飯。首先送例湯一碗，普通粟米豬骨湯，咖喱牛腩同飯分開上，試一試d咖喱汁先，好熟悉的味道，啱口味，但d牛腩既質素就比較差d，雖然好淋，比較之下d薯仔就好食d。整體一般滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

我第一次食呢間茶餐廳叫,咗個早餐番茄雜菜牛肉通粉,凍檸茶小冰, 結果泥杯凍檸茶係九成冰,侍應一放低我即刻講話要小冰喎,侍應直頭唔理轉身離開,幫我落單嗰個企喺隔離望住同我講,張單我打咗小冰㗎喇,亦都冇意思幫我換一杯,個蕃茄通粉湯底冇味嘅,我要額外加咗整整一包鹽, 會凍檸茶亦都一般、淨係飲到甜味、其實佢啲嘢食嘢飲再差都唔緊要,如果佢服務態度好的話,可惜呢間嘢真係完全冇競爭力, 唔想受氣嘅真係唔好幫襯, 盞影響嗰招嘅心情…查看更多

叫咗個午餐咖喱牛腩飯，但係個咖喱汁食落口係酸嘅。 我試咗幾啖，個汁都真係酸嘅。從來都冇食過港式咖喱係帶有酸味，而且個酸味係令人覺得好奇怪同店員講咗之後，佢都好好俾我換另外一樣食物。呢樣算係好好所以我要求換另外一個餐肉醬煎蛋意粉。 肉醬意粉，係橙色洋蔥汁配有好少好少嘅小肉碎，肉醬就稱唔上啦。當然都唔會期望有蕃茄味，因為根本就唔係蕃茄汁，只係一個橙色嘅醬汁，味道亦都好一般。 嗌咗杯正常凍檸茶，飲落去好似凍檸水咁，毫無茶味。甜味亦都欠奉。…查看更多

之前去過數字，豬膶麵已經一次比一次差，今日簡直係失望，沒有下一次。豬膶麵一上枱，係一嚿嚿，唔係一片片，仲要亁爭爭。馬上從湯麵夾出豬潤，以免浸在湯上邊變得更硬逛逛。整碗麵只吃了唯一係一片片嘅豬潤，但係都係實力的，真心已經比過幾次機會，冇必要選擇佢。…查看更多

唔會再嚟呢間茶記食，食個金牌燒鵝飯有一半都係燒鴨👎，問個侍應係咪上錯 ，佢連睇都未睇就話係原隻出嚟冇上錯 即係Hea我啫，一眼就睇得出係唔同 都可以話冇上錯，食個飯都要呃🤷🏻‍♂️…查看更多

今日赶了个大早就是要吃最新鲜出炉的菠萝猪扒包！菠萝酥皮真的酥到掉渣！新鲜出炉的菠萝包对半切开配上🍅🥬还有厚厚一片的香煎猪扒再搭上千岛酱， 外酥里嫩很香很好吃，真的一口就扫走起大早的疲惫😍再喝上一口香滑冻奶茶🧋真的超爽😊闺闺点的沙爹牛肉公仔面和叉烧包都不错啊！沙爹牛肉好足料💯我们到店的时候已经坐满好多本地的公公婆婆！跟着他们穩食实无错👏如果赶时间呢可以直接买它们店的现烤面包打包带走！好吃😋又方便，真的很值得试试…查看更多

2024年12月，有一個星期六下午，第一次嚟維記食下午茶，叫咗個金牌燒鵝瀨，原來金牌燒鵝系比肥膏客食，食碟鵝，加埋得好少肉，舊舊都得皮同肥膏，成碟肥膏加皮，根本無一件燒可以食，食了幾口瀨粉走人，實在太過份。…查看更多

今日跟同事到堅尼地城做野，走前順便食個午飯再回公司。剛好經過維記，看到他們門口廚窗有一整排新鮮出爐的麵包，價錢又唔貴，決定入去試下。菜式選擇都挺多的，入座後我跟同事就研究餐牌，有選擇困難症的我們在店員的推介下，選了一個燒鵝併燒肉飯、一個午餐金牌咖哩牛腩飯、再加一個菠蘿包，另外叫了兩杯奶茶一凍一熱！最驚喜係，坐低每人一碗老火中式靚例湯，可以飲住湯等。不過呢間餐廳非常港式地道，上菜速度很快，湯都未飲就上菜了🤣🤣🍽️中式老火湯老火湯味道不錯，挺足料的。🍽️燒味雙併飯燒鵝皮脆肉嫩，而燒肉就皮脆肉質彈牙，兩個餸都不肥膩，不過飯有點多，適合飯量較大的人，我同事就吃不完🤣🤣下次要叫少飯先得🍽️午餐金牌咖哩牛腩飯不愧是金牌咖哩，那個咖哩汁超香，有少少辣，薯仔跟牛腩都超多，送飯一流🍽️菠蘿包他們寫着是用日本麵粉制作的麵種，菠蘿包皮脆又香，不太甜，麵包很大一個，𥚃面不是輕飄飄的是實心，很抵餓的，下次過來要試其他麵包🤩🤩🍽️奶茶經典港式奶茶，茶香奶濃，很好喝總：餐廳位置非常好找，就在堅尼地城站C出口出來對面，附近是堅尼地城球場打卡位網紅景點。餐廳食物味道不錯，上菜快，價錢也實惠，可以話係打工人飯堂。…查看更多

下午茶時段行過呢間茶記之前經過堅尼地城都唔太覺眼唔知係咪新開因唔太肚餓簡單坐低叫咗杯熱奶茶加個菠蘿包菠蘿包$9大大個🥯新鮮出爐所以熱辣辣層菠蘿皮好脆好香食落好好味麵包都算軟熟見佢麵包櫃仲有好多麵包🥯🍞🥖🥨🥐都係賣$9-11 都係大大個仲有紅豆菠蘿包另外加咗杯熱奶茶☕️奶茶就一般 略嫌奶香唔夠 同茶底唔有d鞋口 唔夠滑見佢仲有下午茶套餐 都幾抵食不過今次唔太餓 所以食個包算臨走仲買多個提子包 番到屋企都仲好香噴噴👍🏻…查看更多

服務員嘅態度好差，好似唔耐煩咁，個男服務員全程黑面，問佢問題時好似唔耐煩。食物嘅味道都係麻麻，冇乜特別，價錢都唔平，唔值嗰個價錢。性價比極低，完全唔值得再嚟。。…查看更多