維港灣餃子坊

營業中

休息中

想食餃子好自然就諗起呢間維港灣餃子坊見佢新出咗個莞茜刀削麵想試下屋企人就食烏冬同平時一樣我都係電話落單去到就有得拎比錢果陣都覺得點解好似比平時貴咗咁但當下無睇單返到屋企先知原來佢落咗莞茜鮮肉湯餃刀削麵比我不過唔緊要好再莞茜鮮肉湯餃啲莞茜味都唔係好重我都仲接受到同場仲有個泡菜鮮肉煎餃泡菜既酸辣味都唔係好出唔食辣既話都應該食得到土匪雞翼係我最愛外脆內滑得黎都幾juicy不過最嬲既就係個椒鹽花枝丸一啲椒鹽味都冇要自己加啲酸辣牆先叫好食啲最後因為多左果幾隻莞茜鮮肉湯餃呢餐食到好飽

不想吃太飽但有需要有鹹物下肚，餃子真的是不二之選😊元朗有很多出名的餃子店，這天我們走到累決定找最近我們的餃子店，就來到這間餃子口味多的餃子店～～🔹煎野生松茸鮮肉餃 $60一碗餃會有8隻餃，因為每隻都很大，吃完其實很飽。這款餃子還搭配自家製蟲草花鮮淮山雞湯，營養滿分💯  煎餃外層煎到焦脆，裡面包著滿滿的餡料，松茸和鮮肉提供肉汁，點少少醋就把味道帶出來，沒有菜也不會覺得heavy。🔹鮮蝦菜苗湯餃 $56有點像點心的湯餃皮薄餡多，幼滑的菜苗和彈牙的鮮蝦肉入口很柔和，微微的咸味已經很足夠包圍一隻餃，放在湯中皮也不會很快散掉，清新之選。

本身已經比三重芝士煎餃吸引咗終於都黎食為左試多啲餃子，放棄咗食麵見到佢個菠菜麵都好特別下次會試吓三重芝士煎餃絕對冇失望芝士味好濃泡菜豬肉煎餃都唔錯夠重口味野菌松茸餃子就比較普通唔太建議食，配搭佢哋嘅辣菜莆先至加返分辣菜莆好香，夠辣，好好味最後不得不提佢嘅老火湯真係好夠味，好濃郁，唔可以錯過

今日入咗元朗探朋友，朋友帶咗我去食一間好地道嘅餃子店！呢度嘅餃子店好有特色，有唔同嘅餡包成嘅！哈哈整體來講都唔算好分得出，有大白菜同埋韭菜嘅水餃！呢個水餃皮薄餡靚，唔會好多粉，而且入面嘅餡料亦都十足！

·維港灣餃子坊元朗餃子🥟店💛💛💛💛💛·～～～～～～～～～·1️⃣鹹蛋黃芥菜鮮肉餃湯麵🥟🍜($45)＊見佢呢款餃子個餡幾特別，於是乎就買來試吓，結果都唔差，都幾特別😌😌👍🏽👍🏽👍🏽湯麵有餃子5隻，芥菜味都幾出，淡淡的鹹蛋黃味都唔錯👏🏽👏🏽👏🏽😋🤤＊麵底有六款面可以揀，有米線、上海麵、刀削麵、銀針粉、讚岐烏冬同埋菠菜麵，最後揀咗上海麵，正常唔錯，湯底話係香濃豬骨湯，但略嫌湯底麻麻哋冇咩味(score: 4/5)·2️⃣招牌四拼湯餃($42)＊四拼餃子🥟有4款總共8隻，有大白菜、韭菜、芹菜同芫荽，其實食落又唔係好分到邊款打邊款，係芫荽餃子嘅味道比較特別同香，韭菜嘅餃子味道都唔錯，大白菜就普通正常冇乜特別😂(score:3/5)＊呢個湯餃餐會附送是日靚湯一碗，聲稱冇添加任何防腐劑，但小編一飲落就覺得並非如此🙈🙈飲咗兩啖都冇再飲(score:2/5)·其他：＊仲有好多唔同種類嘅餃子同埋煎餃，大家嚟到都可以試吓唔同類型嘅食物，可能會有驚喜😂·-評分👑賣相：✨✨✨味道：👅👅👅價錢：💰💰推介：⭐️⭐️⭐️(5分滿分)~~~~~~~~~~

 元朗出名多美食 有間手工餃子專門店作為餃控一於去試下先佢既餃子款式選擇都幾多麵種都唔少 可配刀削麵、菠菜麵、上海麵、鳥冬等等湯底仲係老火湯熬製性價比都相當高不過只有湯餃係跟粉麵喜歡食煎餃既朋友就要嗌麵另上啦環境方面牆上既插畫好有趣仲貼左文宣添 韭菜鮮肉餃配刀削麵韭菜和肉既比例一半一半覺得韭菜味可以再濃味少少湯底味道不錯👍幾清甜刀削麵份量足夠，食得幾飽😬煎泡菜鮮肉餃配老火湯煎餃顏色好靚，皮薄香脆泡菜味唔夠突出，再重口味會更好碗老火湯唔錯，好有家既味道

兩公婆星期日放假出動周圍食今次嚟到呢間黃店餃子店店內裝修幾特別，夠過癮門外有特價貨品，去開可以留意下執下平嘢！韭菜鮮肉湯餃麵(菠菜麵)$38 韮菜愛好者推介，味濃好食！啖啖肉，夠晒大粒，仲要有5隻咁多！揀左菠菜麵，感覺再健康啲，碗麵仲要有兩粒豆卜，抵食推介！招牌四拼湯餃$42  配豆漿+$8咩都想試下唯有叫個四拼啦，有4款各2粒分別係（大白菜，韮菜，香芹，莞茜四款，其實四款都好好味好難排序，無添加味精湯底！正！一見冇味精就加分！仲要有一碗湯送。手拍青瓜夠晒大碟，入味又夠爽！可以一試！

呢排最興就係食餃子，適逢今日去左元朗行山，我哋就決定喺芸芸名店之中揀左 - 維港灣餃子店 食餃子。呢間分店位置都好方便，佢喺元朗廣場行天橋過馬路行多幾分鐘就到。呢度賣既除左傳統餃子既選擇之外，仲有好多好新鮮既配搭！例如係咸蛋黃餃子同埋芝士煎餃。仲有好多特色小食，啱曬唔同口味既人黎食我今次都唔執輸試左個咸蛋黃芥菜鮮肉餃，本身以為咸蛋黃湯餃呢個配搭會好奇怪，但出其不意地好食！個湯味道適中，調味唔會重到蓋住左餃子既鮮甜。同行遊人就叫左個香芹鮮肉餃刀削麵，估唔到佢除左餃子出聲，刀削麵都處理得好好！最後叫左兩個特色小食，土匪雞翼同埋蒜泥白肉。兩樣野看似係好普通既小食，但佢調味既處理令到食物更惹味，好食過坊間既幾條街！呢間小店一定會再幫襯👍🏻👍🏻

手工餃子店越開越多，這天閨蜜便帶筆者來到這間位於元朗的「維港灣餃子坊」。哈哈，原來元朗也來一個小維港！開始入正題之前，先讓筆者對他們店內的壁畫讚美一下。搞怪的畫風配上玩味的字句，看得人心情愉悅，忍不住拍下打卡。餃子都包得好大隻，四拼可以一次過試到大白菜、韭菜、香芹、芫茜幾款口味。餃皮口感偏煙韌，餡料份量十足，入口有著濃濃鮮肉香味。其中，韭菜、香芹、芫茜都較為出味。通常到餃子店都會試勻湯煎2個種類。煎餃方面就試了泡菜鮮肉煎餃，外皮煎到好脆口。入口有肉香之餘，亦有泡菜酸酸辣辣的香味，令人食得開胃。如果沒有記錯的話，當天湯款是鯪魚粉葛湯。作為湯怪的筆者，一飲就喜歡上了。「維港灣」出品的靚湯不但零味精感，而且還有幾分媽媽的味道。最後再點了一客小食——椒鹽豆腐。豆腐外層炸得香口酥脆，椒鹽味道令豆腐更添惹味。咬開後，豆腐嫩滑又富豆味。

-{黃店💛元朗經典菜餃店🤧}嗰日唔想食飯 又想食平啲 就黎左食依間餃子店😬叫左個招牌試喇👀隔左幾個月先post倒😭🤤招牌四拼湯餃🤤($42)送個自加製靚湯 個湯幾清甜 冇渣嘅☺️但浸餃子嗰個有少少味精feel🤧四款入面 最鐘意韮菜味 菜餃黎講味道夾啲 但餡料都差不多 印象中大白菜餃係最大粒嘅😂但好普通🤭👖褲評: 5/10餃子一般 會想試埋流沙餃款但飽左🥲如果去元朗應該有其他更好食嘅選擇👀性價比: 5/10服務: 7/10環境: 7/10🚩維港灣餃子坊🚩地址:元朗水車館街74號地舖元朗教育路77號京都閣地舖#fuudjai #fuudjai黃店 #fuudjai中菜 #fuudjai元朗 #fuudjai港式

💛💛企喺對面街都望到門口大大隻字寫住良心同公義💛💛🥟芫荽鮮肉餃刀削麵-Hkd38如果跟湯麵嘅餃就只有五粒選擇，但佢每隻餃都好大粒其實都已經好夠食，湯麵我揀咗刀削麵，食落完全就係759買返嚟嗰種好薄身冇乜口感嘅刀削麵。湯底係味精開出嚟嘅豬骨湯底所以都唔可以太大期望。水餃芫荽同鮮肉嘅比例都好平均食到豬肉嘅鮮味亦都食到芫荽嘅香味。唔錯👏🏻🌽椒鹽粟米-Hkd16呢個小食應該係新出嘅， $16有四舊開邊粟米。但係個炸得唔夠耐而且表面嘅椒鹽都唔夠多，好彩嘅係當日嘅粟米本身甜味好好夠所以都可以救翻道餸。🧄蒜泥白肉-Hkd35佢個蒜泥白肉同出邊唔同嘅係佢已經將所有調味同蒜頭同腩肉撈好晒，所以都幾入味但係調味偏鹹同埋重蒜頭，如果怕有口氣問題就盡量唔建議嗌呢個嚟食🧐

話說好耐之前過咗元朗大棠睇楓葉，去之前喺元朗捐窿捐喇搵嘢食，比我食咗間幾唔錯嘅餃子黃店😋 今次特意喺到介紹一下，等住大西北嘅餃子迷都可以去幫襯下☺️呢間餃子店有好多唔同口味嘅餃子揀，但最吸引到我嘅係西洋菜餃😍，唔係間間餃子店都有賣西洋菜餃架😌 佢嘅餃子雖然唔算勁大隻，但皮超薄，餡亦都好足，西洋菜亦都唔會起渣，咬落又幾多汁添👍🏻 唔使$40就食到8隻餃子，性價比真係相當高😬通常去食餃子多數都會嗌一湯一煎，今次都唔例外，所以嗌多咗份煎餃😀 先講黑松露煎餃，佢呢到嘅餃子皮較薄，所以個外皮就得少少脆，而入面嘅黑松露味聞落好香，但食落就差咁啲🙈 但韭菜煎餃就好好食😋 韭菜味好濃，煎過嘅韭菜更加香，就算口臭都唔介意食多幾隻😳每份餃子都包咗碗無味精老火靚湯，佢嘅湯真係好有媽媽的味道😚，飲落一啲味精味都無，而且好足料，啖湯好甜好好飲🤤 冬天嘅時候飲就啱哂，好暖胃！$8大大杯，飲落就正正常常，都係用一樽樽即沖嘅濃縮柚子蜜同紅棗蜜加水沖嘅，無咩特別，勝在夠抵飲🤣總括而言，️呢間餃子店唔單止有餃子食，仲有唔同嘅小食嗌，例如：土匪雞翼、吉列豬扒等等😳，而佢嘅主角餃子都好推介，見佢哋全人手包嘅，唔怪得咁皮薄餡靚啦🤤

〰️〰️〰️〰️〰️〰️〰️〰️〰️〰️〰️〰️〰️〰️🥟招牌四拼湯餃 $42🥟流沙鹹蛋鮮蝦餃 $28〰️〰️〰️〰️〰️〰️〰️〰️〰️〰️〰️〰️〰️〰️依間係友人推介嘅黃店，我地都唔係住大西北，難得嚟到食完彩之後就去左教育路依間餃子店，又想食多啲款，所以揀左四拼同埋好多人推介嘅流沙鹹蛋餃🥟🥟招牌四拼湯餃 $42共8隻，有大白菜、韭菜、香芹同埋芫茜各兩隻，隻隻都好飽滿，個皮好好咬大白菜就正常水準韭菜就同平時出面嘅唔同，好多韭菜香芹嘅話，唔鍾意食香芹嘅朋友可以照食，因為佢嘅芹味唔濃，只係好少芹味😂平時我真係好討厭芫茜，但佢依個湯餃好好咬，幾好食，我最鍾意依隻☺️🥟流沙鹹蛋鮮蝦餃 $28/ 3隻入面真係有大大隻蝦，餃子係好食嘅，但係流沙鹹蛋汁略嫌唔夠味，鹹蛋味完全唔夠另外送左個老火湯🫕，冇渣、不過不失啦

元朗教育路維港灣餃子坊 ，是我喜歡光顧的小店。走進去，明亮的燈光，現代有趣的掛畫裝飾，好有趣。座位尚寛濶，椅子坐得舒適 ， 最重要是清潔度滿分，餐具没有可怕的油膩感👍我和朋友點了各一款新推介咖喱撈烏冬五拼餃和雙拼煎餃套餐，附上虫草花鮮淮山雞湯，加上一客椒塩豆腐。濃郁老火湯伴有清香的蟲草花味，很自然想起媽媽煲的湯。烏冬份量適中，伴有两兩個豆腐泡煮得好入味，咖喱汁叧上，隨你喜歡拌上烏冬裡。餃子水準保持肉餡超多，皮薄, 每隻都有質感飽滿 ，咬一口有濃香的配菜味( 芹菜，芫茜，粟米，韮菜，大白菜) 和爽滑的豬肉混和一起，鹹淡得宜，吃著幸福的餃子 ，好滿足。煎餃外層煎得金黄色，加上醋或辣醬，更滋味。還有細嚼椒塩豆腐，放入口中，外脆內嫩，軟綿綿滑溜溜地融化，味蕾也起了奇妙的變化。👍相宜的價錢，吃到超值的色香味的享受，夫復何求呢！

莞茜水餃好好食好香好細心，幫我分左湯好細心，啱晒我呢啲冇記性嘅人，做得貼心，開心梗係老公同我一齊食啦湯底好好味，係粉葛湯底，水餃浸湯食好好味，想知南瓜餅係咪連埋啲皮一齊炸？因為見到一片片深色係南瓜皮？炸南瓜餅鬆脆香軟入邊嘅南瓜整得軟綿綿另外叫咗炸豬扒麵，炸豬扒好味😋加埋豬骨湯麵好好食