維港灣餃子坊

營業中

休息中

🟠 招牌三拼湯麵餐（$55）三拼湯麵係有大白菜、韭菜同香芹湯餃各2隻，麵就揀左菠菜麵。餃子大隻，餡好足料，啖啖都食到材料，皮都薄，好好味😋而菠菜麵都幾有咬口，但就唔係話會真係好重菠菜味既。跟餐送飲品，揀左豆漿，豆漿只有凍，甜度適中👍🏻朋友都係食同一個餐，但就揀左芫茜麵，係刀削麵黎，好有口感，不過朋友就覺得芫茜味好少🙈🟡 章魚小丸子（$18/4粒）小丸子就真係差d，因為好細粒，而且入面粒章魚粒都好少，口感都比較乾🥺🟢 流沙鹹蛋黃炸蝦餃（$30/3隻） 咸蛋黃鋪哂上蝦餃面，算幾多，食落同餃子一樣好足料，一咬就係蝦同菜，而且炸得唔乾身，咬落好juicy🤓

維港灣餃子坊 V Bay Handmade Dumplings 📍 元朗教育路77號京都閣地舖唔係好記得第一次食維港灣係幾時，但好肯定幫襯過佢哋十幾廿次，原因好簡單，因為佢哋嘅餃子夠晒多款式，而且無論煎餃定湯餃都好有品質保證！即使係手工做嘅餃子，每次食都係差唔多嘅味道，真難得，而且係黃店，當然要大大力支持！呢日我就同媽咪阿妹一齊食佢哋嘅餃子，叫咗三個唔同類別嘅餃餐，一次過試到唔同口味！ 💰$46雙拼煎餃 🥟呢個雙拼煎餃餐可以揀兩款，共六隻煎餃。唔知大家揀湯餃同煎餃有無準則㗎呢？我個人嚟講，食煎餃我比較鍾意揀濃味餡嘅，而湯就揀啲淡啲清新啲嘅餡，因為煎餃嘅脆皮配上濃濃嘅肉汁會正過放湯。所以今次我哋都揀咗兩款偏濃味嘅餃子，分別係我至愛嘅韭菜鮮肉餃同從未試過嘅泡菜鮮肉餃。煎餃嘅皮好香脆，餡料亦刃多汁，鍾意食濃味嘅可以試下韭菜，而唔食得辣嘅都可以試下泡菜，不過兩者拍埋一齊比較，我都係鍾意韭菜多啲！隨餐送靚湯一碗，今次係赤小豆粉葛豬骨湯，睇相都見到有大大嚿粉葛，真材實料無味精嘅老火湯，都咪話唔正！ 💰$46芝士粟米雞肉餃湯麵 🍜我妹嚟到最鍾意佢哋嘅芝士粟米雞肉餃，雖然粟米同雞肉呢個配搭本身比較清淡

🏠維港灣餃子坊 呢間餃子店係一位元朗地頭蛇推介比我的😆 入到舖頭見到有位姐姐馬不停蹄咁包餃子就知道呢度真材實料自己包👏🏻👏🏻  🥟雙拼煎餃 $58 (京蔥牛肉餃 拼 黑松露鮮肉餃) 煎餃餃子皮超薄，煎得香脆！但係餃子餡就比較失色😶‍🌫️ 京蔥牛肉餃完全無汁，而且無咩京蔥味，好似一隻好乾嘅牛肉餃... 而黑松露鮮肉餃就好啲~ 食得出有黑松露嘅味，而且都幾香😋 🥟韭菜鮮肉餃湯菠菜麵 $42 我係一個食餃子一定要有一種餃係韭菜餃嘅人🤣所以湯餃叫左韭菜餃~ emm都算係幾普通嘅韭菜餃，所以我都已經對佢無咩印象，不過係唔差嘅，只係自己太喜歡食韭菜餃所以有包開，食慣左自家製的味道🤣 🍡香芋地瓜丸 $18 炸得香脆！不過呢個好難講味道，因為佢就係一般係放題舖頭嗌果啲香芋丸嘅味，但果日見到就好想叫，一樣咁好食😍👏🏻 🥛豆漿 $10 豆漿愛好者表示：有飲開呢個牌就知佢咩味😜 

未夠9點入去諗住堂食，諗住快快咁食個快飯。點知一入門口個男侍應已經話：「好拿拿聲落單」叫左兩個餃子麵餐加一支豆漿，豆漿一開就已經係臭，好彩個女侍應肯換返一枝，諗住算數唔緊要。點知個餃子食落個餡有怪味，個餡好似係生肉咬唔爛，整開黎睇仲要係紅色既肉。叫個侍應過黎睇，佢睇左一陣就話：「啲肉冷藏過就係咁㗎。」大佬呀！ 你冷藏左又煮唔熟咪咁樣囉！見到食幾樣野都有問題，未夠9:30就關左餐廳大半既燈，都已經無曬心情食，諗住埋單拎枝豆漿就走。點知個好惡既男侍應已經趕住清枱，執走埋個樽蓋，問返佢，佢就好晦氣勁大力擺底支豆漿係枱，仲話：「快啲同我成支飲完好快啲走」其實你呢間鋪頭得元朗兩間分店，都係做街坊生意，唔好講味道，基本要煮熟野食，同確保啲食物唔壞唔臭先得架！ 同埋未夠9點就已經唔想做堂食生意，不如提早收鋪，啲侍應態度極度惡劣，要客比錢仲要受氣！

聽講元朗呢間餃子舖好出名，之前見人講要排隊先食到。今日係閒日夜晚嚟食就唔係好多人可以即入唔洗等😬叫咗個招牌四拼湯餃，會送埋一碗老火湯。餃子皮薄肉多，確實幾好食😋我覺得大白菜餃係最好食😬湯底就相對失色少少比較淡口。另外仲叫咗芝士粟米雞肉煎餃，一咬落去脆卜卜入邊仲好多芝士添！難怪係人氣之選！不過個人就覺得湯餃比較好食啲。試咗花雕醉雞都唔錯，份量好多，酒味好濃，而且啲雞都幾滑。香芋地瓜九都好好食，芋頭味好出。最後仲要多咗碗湯餃，兩個人食咗咁多嘢都只係每人$100 ，真係好抵食！

喺元朗行過見到呢間餃子店好似好特別😍咁啱唔使等位所以就入咗去入面裝修幾特別，坐得幾舒服。叫咗個招牌三併湯餃麵入面有大白菜韭菜同香芹揀咗波菜麵。蔬菜面入面真係有菠菜碎真材實料值得一讚另外仲叫咗大白菜鮮肉餃同泡菜鮮肉餃見到隔籬枱食勁茜麵成個碗都係芫荽，絕對適合鍾意食芫荽嘅你哋

豬骨湯麵烏冬$20配 (煎)辣菜脯椰菜鮮蝦餃（6隻）$60豬骨湯清甜 冇味精 靠原本嘅豬骨煲出香味，配煎到外層焦脆既辣菜脯鮮蝦餃，皮薄餡料多 ，枱面仲有得任加辣菜脯🤤🤤食開10小辣嘅我都食到，每個餃子都有蝦👍🏻好新鮮同爽口鹹蛋黃芥菜鮮肉餃（5隻）芫茜麵 $46鹹蛋黃口感鹹香 粒粒分明，同芥菜、豬肉Mix埋非常有口感椒鹽豆腐 $26豆腐脹卜卜，外層炸粉唔多，最怕就係食咗啲好多炸粉嘅炸物😳面頭大量嘅炸蒜粒同胡椒粉👍🏻好香口

呢間啲餃子好好味！絕對值得黎等位食！呢兩款小食我都好鍾意，好好味！地瓜丸同花枝丸熱辣辣咁拎出嚟，超正！地瓜丸外脆內軟，花枝丸好彈牙！好味呀😭真心一定要食！呢個係招牌四拼水餃，每隻都好多餡🥰芝士粟米雞肉餃好味！好少可會食到呢種水餃🥟。跟餐會有湯，呢個老火湯。味道還好啦～內在環境好正，有好多唔同既圖，好得意。好鍾意睇佢啲圖，有種感覺係除左食野之外都仲可以欣賞佢既環境，小型迷你圖展參觀😂。其中一版餐牌

呢間係我嘅bookmark list 都幾耐下但一直都唔知點去就冇去到🤣但原來係豐年路站直行就到😳今次去呢間係分店🙆🏻‍♀️小店不斷播K-pop竟然有PSY,Jessi,Gfriend 同queenom2 嘅歌😹🔸流沙鹹蛋黃炸蝦餃 $30炸餃炸好脆而且熱辣辣❤️‍🔥餡料好飽滿,有蝦肉同菜🦐可惜唔係好食得出鹹蛋黃味🥲但鹹蛋黃醬係幾多嘅仲會起沙💁🏻‍♀️🔸雙拼煎餃(6隻)$49其中一款揀咗大白菜鮮肉餃🥬估唔到有驚喜喎😝肉好飽滿但竟然食到腐乳味🤣個人覺得好好食🫣唔係好食到白菜🫢另一個叫咗芝士粟米雞肉餃🥟芝士好夠,應該係mozzarella 🧀 肉同樣好飽滿,粟米都好夠🌽令口感增加🥰🔸蟲草花鮮淮山湯係叫雙拼餃子送嘅湯,呢度標明冇味精嘅老火湯🙌🏻有杞子,飲落都Ok🙆🏻‍♀️

茜茜茜專門店 - 維港灣餃子店呢間野實在太好食了🤭勁茜系列實在大癲太好食啦🙂💨咩都係芫茜，好好好好好✨肥媽媽仲叫左個四拼餃子❤️仲有 個碗老火湯 勁正，呢碗湯先係精華所在🤣好正好出色✨🙂 四拼餃子❤️有 大白菜🥬，韮菜🥬，芹菜🥬，芫茜🥬🐽每個餃子都是新鮮鮮製🤎所有餃子，皮薄餡靚~ 每一款個味道都相當有特色~ 唔知樣樣都係個隻味~ 每隻餃都有突出到個菜同肉的鮮味入面料頭新鮮香口，而且味道岩岩好絕❤️🤟而且價錢親民😎呢間野將會係我地其中一間元朗嘅食堂🤟

我真係好鍾意食餃子🤝🥹早排睇完YouTuber 介紹元朗有餃子食，即刻心血來潮食返碗！ 記得呢間有幾間分店，元朗都有兩間，大家可以OpenRice 下邊間分店近自己💕無記錯嘅錯叫餃子都有碗湯水送，好鍾意有湯水，味道不錯，有種想要多碗嘅感覺😂叫左一碟芝士粟米煎餃、一碗湯餃、一碟手拍青瓜一咬落芝士粟米煎餃度，啲芝士十分濃郁，芝士爆晒出黎，唔好講咁多，睇下相先影得唔好😂 但真係一咬落去係就係芝士，唔係果種就黎食晒成隻都無芝士嘅餃子👍 叫做真材實料！兩個人食到飽飽都係百令蚊👍當日發現仲有咖哩撈鳥冬，有無人食過，味道如何？

其實我真係好中意食餃子🥟 之前去左元朗國食呢間黃店💛 仲可以買生餃～維港灣餃子坊佢哋元朗都有兩間分店🤓今次食既係教育路分店～呢度嘅煎餃同湯餃既湯底標榜係冇味精，由餡料到包餃都全人手製作🥰同埋會配老火湯🍲 每款餃子外皮超薄🤩 芝士雖然冇拉絲效果，但係芝士份量絕不吝嗇包裹住粟米同埋鮮肉🧀 韭菜鮮肉湯餃入面有滿滿嘅韭菜～食落口感好豐富😗最特別嘅係鹹蛋鮮蝦餃🦐 炸到面頭脆卜卜金黃色✨ 一食落去流沙鹹蛋黃醬鹹香十足，同鮮蝦好夾👍🏻 鍾意炸餃嘅朋友唔好錯過😬芝士粟米湯餃 $45 八隻韭菜鮮肉湯餃 $42 八隻流沙鹹蛋鮮蝦餃 $28 三隻Menu

上次黎維港灣餃子坊買外賣，買唔到想要既莞茜刀削麵，驚佢已經無左啲新野同落錯單今次都係唔預先打電話叫外賣，而今次終於比我買得到莞茜刀削麵，不過今次食落冇咩莞茜味，或者係因為莞茜味唔係好重，比佢地食物既味道蓋過左。另外，仲要左一個農家豬手湯麵，雖然啲豬手骨真係有啲大舊，但係啲豬手毛都處理得幾乾淨，仲幾入味添。小食方面，例牌有土匪雞翼，味道係保持到既，但係今次啲炸粉就甩得比較多。同場仲有新推出既辣菜脯椰菜鮮蝦餃，好食不過都幾辣下，唔食得辣既話應該都食得幾辛苦。

招牌三拼餃子刀削麵 $46三拼餃子湯麵包括三種餃子，大白菜、韭菜、香芹，每款兩粒。呢度所有餃子都係人手喺店面包嘅，門外隔住玻璃已經可以見到店員密密包，餃子大大粒，所長個人最鍾意係香芹餃，因為唔算係間間餃子店都會有得食，如果本身會食香芹嘅朋友仔應該都會覺得呢款最正👍🏻鹹蛋黃芥菜鮮肉餃銀針粉 $45所長見呢款鹹蛋黃芥菜特別啲就揀咗嚟試吓，雖然係鹹蛋黃餡但又唔會話真係太鹹，個調味做得啱啱好，湯底亦都一樣唔係味精好重嗰種，係好親切嘅家常口味💛

聽聞維港灣餃子坊係網上熱門餃子店之一，今日經過順便入去食個Lunch。餐牌明碼實價標明會有幾多粒餃子，唔知係咪我見識少，好似比較少見。上菜後，觀摩到餃子係大大粒，好完整。餃子餡料多，肉量比坊間袖珍版的餃子多接近一倍，咬落既白菜、韭菜、香芹各有特色，豐富咗餃子既層次感。至於碗麵既湯底比較清淡，食唔慣清湯可自行加辣椒油。加完辣椒油後，口感大增，惹味好多。