維港冰室

營業中

休息中

點左個椒鹽豬排飯，肉質超差，豬排又硬又乾，食白灼雞柳仲好食個佢碟飯，佢啲炸蒜仲要淋晒，好似唔知放左幾耐咁。事關我之前食開銅鑼灣個間維港，好多餐都好好食，肉質彈牙，味道足。銅鑼灣呢間連XO醬鐵板都好夠味，灣仔間維港，啲鐵板炒面個底仲要燒焦左咁。講真，香港茶餐廳環境乾唔乾淨，呢啲真係唔會要求太高眼望落去正正常常就ok但野食唔得真係唔可以囉～究竟呢個廚師係點整野食，佢咁嘅廚藝點解會仲可以有餐廳請佢。唔通入職無人會試？定係呢個集團唔會有高層定期試食，保持食物水準？我見之前都有唔小評論講呢間，都有差評，係咪無負責人會去理？下次我情願行遠啲去CWB，都唔會再去灣仔呢間，簡直係惡夢，亦會叫身邊朋友同事唔好去灣仔維港食。我會將呢次經歷放上各大社交平台，因為無理由兩間餐廳質素差咁遠，如果廚師係無心做，不如唔好做，感謝。

性價比低。餸超鹹。蕩無味。價錢偏貴。新年還加20% 服務費。NOT worth the price. Dishes extremely salty with lots of MSG. Soup tasteless. Being charged extra 20% service charge on the 4th day of Chinese New Year and additional HKD8 for cold drink.NO MORE NEXT TIME. Let’s see how long the restaurant can sustain.

我寫這封信是想就我今天（2025年2月3日）早上約九時在貴餐廳用餐的經歷進行投訴。由於我一直遵循環保原則，今天特意帶了自帶的飲具來貴餐廳訂購了一杯凍奶茶。當時，一位好心的同事協助我處理這筆訂單，卻遭到了其他同事的指責，稱她違反了貴餐廳的規定。作為一名顧客，我在場目睹了整個過程，感到非常不悅。我一直以來都很欣賞貴公司的產品和服務，但這次的經歷讓我感到失望，也使我對貴餐廳的服務質素產生了疑慮。基於這次的不愉快經歷，我決定未來不再光顧貴餐廳。

為求搵錢，味精能量十足，幾次食完都好口渴，四人位坐足四個人(可以全部係唔識)，有手袋雜物背囊，叫你攬返住佢，唔好阻住做生意，見你食哂第一時間收嘢，驚你唔走咁，如果灣仔冇哂嘢食，剩返佢一間餓死都唔去

下午茶時段叫工人姐姐去買乾炒牛河，呢間餐廳下午茶有乾炒牛河包飲品55元，佢哋竟然收我工人$70正價，唔包任何飲品。平時我自己去買就識收下午茶價錢，見到工人姐姐買就呃工人，做生意咁唔老實，唔執笠都無天理！打電話去投訴！佢哋初時話唔知係香港人叫，所以收咗正價。我話你咁樣即係蝦人哋唔識，呃人哋！仲話因為我個工人姐姐無講到要下午茶平啲又包飲品嗰個乾炒牛河，所以先收佢正價！其實都係相差十零蚊，但係咁唔老實！！！

呢間餐廳嘅服務態度真係非常之差勁，成日趕客走，連客人仲未食完都要問：「食完未？」感覺好似趕住要清場，好唔尊重客人。相比之下，金記真係仲好過佢地多多。金記都唔會咁明顯咁「請」客人走，至少會俾客人有充足時間去享受自己嘅餐點。呢間餐廳如果唔想客人坐耐啲，咁不如乾脆唔好開門做生意算數。呢種做法實在係令人生厭，好難想像呢間餐廳可以維持長久。服務業應該係以客為本，如果連基本嘅耐心同尊重都冇，點樣期望客人會再返嚟？希望佢地可以反思一下，否則真係「一間做唔耐」嘅餐廳。冇禮貌 見佢地成日趕客走 客未食完就會問你食完未？ 金記仲好過你地多多 人地金記做唔住 我唔信呢間做得耐。唔想客人坐咁耐，不如唔好開門咪得囉。笑死。

今日放工約左朋友係灣仔食飯，我朋友話想食扒餐，於是揀左間冰室，就係呢間維港冰室！✨黑椒牛柳鐵板餐配薯菜黑椒牛柳配薯菜，薯菜係成個薯仔🥔估唔到有驚喜，同埋好好食。鐵板餐，d牛柳保持熱度，而且啲肉質好嫩，好有口感，啖啖肉，正👍✨鐵板鰻魚雞扒意粉雞扒煎得啱啱好，外面小小脆，入面d 雞肉又唔鞋，成個set 好大份，仲有餐湯同餐包，餐包好軟熟，外面小小脆，甜甜地，我好鍾意食。鰻魚調味啱啱好，個汁唔太鹹，好味😋✨綠茶麻糬QQ波綠茶麻糬QQ波出面好少有呢個味，當然要試下，好煙韌，又好有綠茶味，啱曬綠茶控既我👍好抵食既冰室，整體好滿意😀

被門外麵包所吸引，寫著8個大字，出爐麵包•馳名蛋撻。食物選擇多，2點已經有下午茶餐供應，特飲居然雪糕紅豆冰，餐飲轉特飲加$12 維港第一菠 $49超足料，有煙肉、芝士、白松露炒蛋、火腿、沙律菜和蕃茄，菠蘿包大大個、好脆 特色海南雞飯 $70雞好滑，酸汁好開胃，雞油飯好香，另跟中湯或白湯，仲包埋餐飲 全日早餐 $61超豐富，有吉列魚柳、英式腸、火腿扒、白松露炒蛋、煙肉、茄汁豆、沙律菜、餐包，魚柳超脆、超大塊，炒蛋滑，勁香白松露味。餐包居然係菠蘿包，沙律菜居然有煙三文魚，真係勁吸引。好似去左高檔西餐廳食咁，呢個set出面食起碼成百蚊🙈 蝴蝶酥 $12一塊成塊面咁大，鬆脆，少甜，牛油味香，打卡一流 下午茶餐相當吸引，上菜快，擺盤用料花心思，值得推介👍

開咗咁耐，一直見到佢排隊終於都有機會試叫咗個焗豬扒飯加熱咖啡焗豬扒飯味道唔錯，肉質鬆軟蕃茄汁偏甜一個男人都夠飽嘅份量咖啡正常發揮，有少少杏仁香見到好多人食佢個常餐，下次都食吓先！

同屋企人一齊食晏，一人一個餐，冰室抵食過飲茶😅海南雞飯中湯凍檸茶$70+$3爸爸最愛海南雞，雞肉嫩滑醬汁美味配香噴噴油飯👍🏻常餐金寶豬扒湯通粉白松露炒蛋配火腿餐包凍鮮奶$54+$7豬扒大件，細心斬件上，通粉配金寶湯底，呀女至愛，食晒成碗！午餐黑椒牛柳腸仔配薯菜忌廉湯凍檸茶$72+$3雖則是午餐，但牛柳質素尚好，大件夾抵食，焗薯一推便脫皮配醬汁美味。下午茶維港山炸雞髀伴薯角$50巨人雞髀🍗賣相已吸引，外皮脆肉仍有juice 😋，薯角美味份量多，掂！必食！全日早餐跟熱檸蜜$61+$7吉列魚柳，英式腸火腿扒香滑炒蛋煙肉茄汁豆配自家製餐包原條魚柳，配腸、火腿扒份量十足，炒蛋嫩滑，煙肉🥓惹味配自家製餐包，夠飽肚🤣🤣抵食！

無得罪你地。唔想做生意咪唔好接囉，平時食物有水準都算，今次直頭淋奶茶埋黎我方向，整濕我褲腳，唔係快乾褲，都幾煩，再行多兩步，衫都分分鐘濕埋。無西湯又唔出聲，就咁俾中湯就算。最嚴重係d野勁難食。肯定不再去。

今日喺灣仔做完嘢，沿着會展行出嚟，見到呢間茶餐廳，就入左黎。就入咗嚟試吓，卡位又大又舒服，冷氣夠，而且重播係我嘅年代嘅歌😂友人首選鐵板餐，揀咗西冷牛扒，配黑椒汁，上枱渣渣聲，仲有原個切薯仔。美中不足係，如果係薯條我會更加開心，哈哈哈哈😄仲有一大個餐包同埋餐湯，呢一個就已經超飽。我揀咗酸菜魚，我見到佢有手指公，應該係招牌嚟嘅。酸菜魚配料豐富，有萵筍黑木耳炸咗嘅菇，另外魚肉都好厚好大塊，酸菜亦都好夠味。仲有一個飯同埋一個湯配，仲有嘢飲。另外我哋仲叫咗個無骨海南雞，啖啖肉，雞肉夠嫩滑，🫶🏻🫶🏻都幾夠大份。同樣地都係配咗個飯同埋湯。最驚喜嘅係，呢度嘅甜品，佢簡直係比冰室耽誤咗嘅甜品舖😂😂選擇豐富，而且都係而家興既！我哋叫咗個開心果糊試吓，佢做到香濃滑，仲有啲開心果粒喺上邊。下次有機會試埋去其他甜品先！

.今日咁啱喺灣仔做嘢💪🏻去左灣仔維港冰室食個早餐😋價錢都幾平民下‼️食咗個中式all day Breakfast嘅早餐超豐富😌好滿足😆All day breakfast 🥞🍳 吉列魚柳、英式腸、火腿扒、香滑炒蛋、煙肉、茄汁豆💓吉列魚柳🐠即叫即炸！非常鬆脆勁大塊👍🏻火腿扒有厚度好有口感..炒蛋加埋黑松露好嫩滑📍維港冰室 (灣仔)灣仔軒尼詩道303號協成行灣仔中心地下B號舖#alldaybreakfast #平民冰室 #foodie

小朋友上完興趣班之後，又到揾野開餐，呢間茶餐廳長期多人，心思思入去試下。點知有驚喜，比出面茶餐廳大份，同埋價錢平，下次再來食先😋🤗🐮鐵板肥牛烏冬🤩石燒板熱辣辣，口感不錯性比格高，肥牛新鮮🐷鐵板豬扒炒一丁🤩炒出來的麵很可口惹味，老公好鐘意個種口感，豬扒份量又多，大滿足😍芝士腸焗肉醬意粉🍝意粉口感軟硬適中，小朋友大愛，食到清碟，真係一試難忘🍳蛋撻🥚香港名物新鮮出爐，充滿牛油香味，還充滿蛋香✨飲品叫左柚子梳打🍹凍檸檬茶😋熱朱古力🍫🍛維港冰室📍灣仔軒尼詩道303號協成行灣仔中心地下B號舖

維港冰室是位於灣仔的港式茶餐廳，環境企理， 地方光猛，座位舒適。餐牌包羅萬有，由全日早餐、特色炒粉麵、西式燴飯、秘製馬來咖喱，以至皇牌鐵板套餐、精美小菜、小食類、出爐麵包等，一應俱全，滿足到唔同食客的需要✨餐湯+自家製餐包 是日餐湯是羅宋湯 - 羅宋湯很濃稠，很多蔬菜，口感十足；餐包外脆內軟塗上薄薄一層牛油十分好味。✨招牌黑椒牛柳 - $129 ；大大份熱辣辣的鐵板牛柳，兩條厚厚的牛柳酥嫩多汁，油花不多，牛柳鬆軟程度一咬即斷，牛味濃郁鮮美；原隻焗薯軟糯綿密夾著香甜的芝麻醬 , 味道不錯。 ✨煎蛋免治牛肉飯 - $63肉醬酸酸甜甜，味道一百分，加埋蛋汁，送飯一流✨菠蘿油+奶茶紅豆冰 - $30暖暖的菠蘿包很新鮮，漲卜卜 , 而且是十分大個 , 配上牛油的香濃味道，非常香脆可口；奶茶紅豆冰 , 紅豆起曬沙 , 甜度足夠 , 奶茶唔澀 , 有奶香有茶香 , 好味超值