綠茶餐廳 (朗豪坊)

之前响大陸食過，念念不忘……尋晚同老細又去咗「綠茶餐廳」朗豪坊新分店，真係幾有保證㗎！✨一踏入餐廳，就覺得自己好似去咗杭州西湖咁。成間店用裝修幾有心思，俾人一種好清幽、舒服嘅感覺。雖然朗豪坊本身係旺角呢個咁旺嘅地方，但餐廳入面又真係幾 relax，唔會覺得好嘈雜，幾適合同朋友慢慢食、慢慢傾計。我哋兩個人叫咗幾樣嘢食，整體都幾滿意：🚤· 翠舟蝦劃：蝦肉爽口彈牙，釀响秋葵上，個名又得意，擺盤幾精緻，味道清鮮，幾適合夏天食。🦐· 粉絲裹蝦：呢個菜係我地必食！粉絲索晒啲鮮味汁醬，同蝦一齊食好夾，蝦肉超爽口，送飯一流。🥜· 西湖藕韻：口感爽脆，味道清甜，作為前菜或者清口都唔錯。🥦· 香鍋花菜：惹味之選，鑊氣夠，微辣香口，菜花依然保持到口感。🥓· 麵餅醬香五花肉：五花肉炆得夠淋，醬汁濃郁，用麵餅夾住食可以減低油膩感。🛕· 西湖雷峰塔：個名好有詩意，其實係一款造型似雷峰塔嘅奶凍，配上綠色豆蓉汁，香滑惹味。🍹· 龍井檸檬茶：食完濃味嘢飲返杯，清新解膩，龍井茶香同檸檬好夾，隻熊仔茶冰飲到尾都未溶晒😅😝。👍🏻今日雖然幾滿座，但店員都算快手，態度幾好。落單、上菜速度合理，換碟、加水都幾主動。店員話原來菜單係米芝蓮星級主廚俞斌有份design。整體來講，綠茶朗豪坊店無論環境、食物定服務都幾好。價錢方面，人均大約$250左右，以呢個環境同食物質素來講，算好合理。💡 小貼士餐廳個新App不時會有會員優惠券同折扣，落單前記得睇睇啦！🥰…查看更多

位於旺角朗豪坊的綠茶餐廳，環境雅緻，淺木色調搭配柔和燈光，營造出江南小院的靜謐氛圍 ✨。屏風與點綴其間，座位舒適，特別適合小聚 😊。黃竹坑新店 ☕原來新開的黃竹坑分店，裝修更別緻，融入竹林與紙燈籠設計，有點詩情畫意 🌱🦐 翠舟蝦劃 $88米芝蓮星級大師俞斌打造的夏季限定菜之一，秋葵清脆搭配鮮嫩蝦滑，口感豐富，味道清爽。🌸 西湖盛蓮 $38另一款俞斌的夏季限定甜品，蓮花造型精緻，杏仁布丁綿滑，搭配馬蹄爆爆珠，甜而不膩，視覺與味覺雙重享受 🎨。🍜 三色雞絲涼麵 $48 這道涼麵以三種不同顏色的麵條為亮點，色彩奪目，令人眼前一亮 🌈。搭配微麻帶勁的辣味醬汁，夏日開胃又吸睛 🔥。🥬 松露松仁烤菜心 $68味道比想像中濃郁的涼菜，松仁增添香脆口感 🌰。🐔龍井烤雞 $138龍井茶和雞肉配搭出特別的香氣，皮脆肉嫩，鮮嫩多汁，份量足，適合分享 🥳。總結 🌟 精緻江浙菜，雅緻環境，翠舟蝦劃、西湖盛蓮等菜式展現創意與品質，值得一試！P.S. 茶介 $12@ ☕…查看更多

📍綠茶餐廳呢間內地人氣浙江菜終於登陸香港，由米芝蓮星級名廚俞斌聯手合作制定menu ，推出多款夏季限定菜品！最近仲喺旺角朗豪坊插旗🚩餐廳環境清幽，似穿越到杭州西湖；呢啲中菜嘅菜式同味道都好適合一家大細/長者！🦐翠舟蝦劃 $88賣相相當搶眼，成隻船咁登場🚢！用爽脆秋葵砌成翠綠船身，裏面釀滿彈牙鮮甜嘅蝦滑；一啖咬落去，秋葵嘅清新夾住蝦滑嘅濃郁海鮮味，口感又爽又滑，鮮味十足，真係睇得又食得！ 🐤龍井烤雞 $138原隻金黃脆雞上枱，📸俾你相機食先～ 職員再用手撕開，雞皮脆到嗦嗦聲，切開既一瞬間肉汁滴曬出嚟！咬落雞髀位嫩滑爆汁，龍井茶香淡淡滲出，由脆皮到嫩肉 ，熱辣辣食真係冇得輸！🔥🐷鮑魚小炒肉 $108原粒切片鮑魚爆炒豬肉！鑊氣直衝上枱～鮑魚片彈牙厚肉，配埋青椒一齊炒，鑊氣十足🤩青椒走過油而且辣辣地，幾好餸飯😍仲有個熱鍋熱住，唔怕傾得耐凍曬🍲陳皮菜蒲頭老鴨湯 $58飲啖湯水暖笠笠，十年陳皮加老鴨，一啖飲落回甘十足！碗湯勁足料，有鴨肉、雞腳、瘦肉等等嘅材料熬製，鴨肉燉到「骨肉分離」，甘甜中帶絲絲鹹香，喉嚨即刻有潤到😆✍️筆墨酥香 $48必食嘅係甜品，幾有驚喜！係食得嘅毛筆😍毛筆頭超級酥脆，白豆沙餡綿滑湧出，蘸落硯池係濃郁既朱古力醬作為「墨汁」，成個set連筆架紙鎮上枱，夠曬打卡able📸🍵 九曲紅梅（熱） ($12 @位）…查看更多

📍綠茶餐廳人氣新浙菜「綠茶餐廳」終於開到嚟香港啦！今次都係小編第一次食，估唔到超驚喜，仲有幾樣係必嗌添！粉絲裹蝦❤️超好味，成煲喺我哋面前煮熟，粉絲吸晒大蝦嘅味道，加埋洋蔥蒜油等等，超惹味，大蝦都非常彈牙，呢款真心必叫，下次嚟一定會再食！南乳醉鮑魚呢款估唔到咁好食，南乳同紫洋蔥帶出鮑魚嘅鮮味，鮑魚新鮮爽口，整體食落去好Fresh作為前菜真係好啱。香炒菜心呢度嘅菜心新鮮翠綠，仲用咗豬油渣炒勁香。宋嫂魚羹魚羹入邊除咗魚之外，仲有木耳、粉絲、香菇，超足料，淡淡嘅魚味，暖暖哋，飲完好舒服。江南綠茶餅綠茶餅表面包住芝麻好香口，估唔到入面仲有芋泥，好味。西湖雷峰塔呢款打卡就超啱，雷峰塔好精緻，入口有淡淡奶味，唔錯。龍井檸檬茶一上枱就俾佢超大隻嘅熊仔吸引住，又係好啱打卡，入口仲超清新，用作解膩就啱晒。環境坐得舒服，好啱一家人同朋友聚會。記得食之前download埋佢哋嘅會員app，一入會仲送埋迎新券，超抵。佢哋而家仲同米芝蓮星級名廚俞斌聯手合作制定menu，推出幾款限定夏季菜式，下次一定要試吓。…查看更多

內地頗為有名的綠茶餐廳，最近香港進駐了不少分店，除咗大圍及黃竹坑外，都加入了朗豪坊這個地點。聽說這間餐廳是米芝蓮星級名廚俞斌聯手合作推出夏季菜單，怪不得食物10分有特色！ 朗豪坊這間亦以杭州西湖龍井茶文化為靈感，集合現代元素，十分特別🦐蝦湯泡飯（$88） ：價錢方面合理，份量亦幾大的。 蝦湯蝦味濃郁。泡飯入味，另外亦換上炸米粒，撈在一齊食落去口感卜卜脆亦有飯的香軟味道。 🥣 砂鍋西施豆腐 （$88） ： 呢樣係綠茶經典食物之一。 豆腐香滑配上青豆、韭黃及蝦仁，味道不錯🖌️ 筆墨酥香（$48）： 十分之打卡。設計得好像毛筆一樣的裝扮，再點上朱古力醬，就像文房四寶般。 筆頭是以麵粉炸成，入面是白豆沙，再加上朱古力醬後食落去口感幾特別，甜度唔會太漏。🥢 西湖雷峰塔（$28） ： 賣相好吸引，簡直是每台必叫的甜品之一。😈 奶凍牛奶味非常之香滑濃郁。另外用雪糕及青豆泥混合而成，就像青青湖水一般，雷峰塔在中十分有意境☺️🥄紅酒糟圓子（$38） ： 酒味幾濃郁，糖水加入了桂花所以食落會有淡淡的桂花香氣。食落去少少酸酸地幾特別幾開胃🥤龍井檸檬茶（$28） ： 檸檬茶比想像中不會太甜，上面有一隻小熊造型的冰 做裝飾，細問下原來小熊是以紅茶來造成，當融化以後檸檬茶的味道會加深🥤暴打鳳梨茶（$28）： 口感滿滿的鳳梨香，加上有一些鳳梨可以邊飲邊咬，10分清新。 綠茶餐廳新推出會員apps ,新加入更加可享有迎新優惠！ 可惜來的日子剛剛好古箏演奏的工作人員休息了，唯有下次來再欣賞🫣…查看更多