影片
以上資料只供參考, 請與餐廳確認詳情
🍃呢間藏身於粉嶺三椏村嘅客家餐廳可從烏蛟騰或荔枝窩出發前往。懶得早起趕船到荔枝窩嘅我哋，選擇在烏蛟騰出發，經過九擔租，再踏上苗三古道🚶♀️，沿途風景怡人，靚到會忘記自己行咗幾耐✨會見到淺紅色粉沙岩🪨、濕地紅樹林🌱仲有藍天白雲下閃閃發光嘅海岸🌊撞正季節嘅話，仲可以見到金黃芒草＋紅葉🍁每行一步都係一幅風景畫！🏞️行咗好一陣，終於見到餐廳指示牌👀再穿過一大片茂密草原🌾前面就係綠悠悠嘅山莊，環境清幽，仲有個大花園～老闆娘熱情好客，同每枱客人都好好傾👏🏻📌推介必試：🍋 透心涼 陳皮冰糖檸檬🥢 鑊氣滿滿 客家炒米粉🥚 酥脆可口 香煎蠔仔餅🎃 煙靭有咬口 南瓜餅🍮 儀式感滿分 豆腐花📞 P.S. 平日去記得先打 23320994 訂位
繼續閱讀
香港終於有點秋意，於是約了平時只會在各大商場shopping的姊妹來一個入門版的郊遊樂。從馬料水出發，乘坐客輪到茘枝窩，聽聽原居民講講歷史，看看那裏的客家屋羣，一些原居民更將自己的祖屋短期放租給想一試田園生活的城市人。從茘枝窩再繼續前進，大約四十分鐘就到我們計劃午餐的三椏村，預計午餐完回程茘枝窩就可以乘坐三時半客輪回馬料水。事前做了點功課，三椏村只有三家人居住，亦各自經營自己的客家菜館，在沒有心水程況下，決定看看環境再算。我那兩個港女姊妹，一看到x益蜂場外貌就say no,那時已經差不多一點，沒有辦法，唯有去第二間叫福x,外貌係typical 鄉村菜館，冇話好唔好，但小姐們覺得嘅然嚟到，不如睇埋第三間再決定，於是我地行多五分鐘，就到咗綠悠遊。一句講曬，好彩行多五分鐘，加上佢地嘅環境同食物都有八十五分以上，有禮貌嘅招呼，知道我哋仲要趕船，靜雞雞幫我地叫廚房起菜先，等我地可以有四十分鐘享受我地嘅午餐，謝謝！
繼續閱讀
天氣不似預期，原定晨早入烏蛟騰起步，環湖出咀摸鬼手，雨越落越大，改路線經三椏村去西流江來回印洲塘郊遊徑。由西流江折返，三椏村午膳。以前食過多次其他兩間客家菜，未試過綠悠遊，就試吓啦。三個人，只可以叫三碟餸加兩碗白飯。1. 蠔餅，咦咁少蠔仔嘅，性價比低喎。收半價$60-70會較合理囉。2. 客家釀豆腐，豆腐夠滑豆味唔濃，問題係上面舊肉粒，一毫子左右大小。3. 豬肉砵連生菜，採用瘦肉唔係花腩，完全冇肥膏，口感好鞋；個汁好淡冇豆豉香味。應該改名叫瘦肉砵。唔合格，失望🙁人均消費$130，份量不足；客家菜講求鹹、香、油，明顯唔達標。係咪主廚放假呢？睇佢食評唔差喎。有期望結果失望😞三椏其他兩間真係好食保持水準㗎。綠悠遊可取之處，係個環境，有自家栽種花。咁惟有食個環境啦⋯⋯
繼續閱讀
2024 的第一行是烏蛟籐至荔枝窩。行山最大樂趣是置身郊野山徑，欣賞大自然景物，從而放鬆身心及調節心境，假如能夠配合美食，必然會是一趟滿分的旅程！烏蛟籐至荔枝窩途經三椏村，小小的村落裡開設了好幾家食肆，清爽天氣的假日顯得特別熱閙！能夠坐在樹蔭下、草地上心擴神怡地進餐，相信只有「綠悠遊」，它一直是我 Wish List 的第一位。基於三椏村是一條客家村，而村內絕大部份食肆都很認真，所提供食物必包含幾味客家菜，絕非以餐蛋麵交功課。而「綠悠遊」也不例外，餐牌上除有小吃、炒粉麵，更載有十來道不用預訂的客家菜式。假如是用餐人數多，當然樂意為客人預早 Tailor Made 特別菜單。「綠悠遊」餐牌上有不少令人心動的客家菜，經幾思量後，我們倆大膽要了三款客家主菜，點菜前已做好打包回家的心理準備，誰不知最後令溫文的侍應叔叔也大跌眼鏡，我們全吃光了，還加點了一碗白飯和一道甜品！不熟悉此山徑的朋友或會想，山徑難度高？大大消耗能量？非也非也，從烏蛟籐走到三椏村很好走，才花了一個半小時，哈哈！不是另類版可口可樂，更不是本來要點的洛神花茶 (洛神花已過了季節)，而是自家製菊花茶 HK$20。這樣 Vintage 可樂瓶的裝置，實在富有驚喜！自家製菊花茶花香清雅、極低甜度，非常合意，只是一瓶的份量不夠喉！製作需時，點餐後大家不防盡情融入周遭綠油油的環境、我們更與侍應，與及沿山徑同行，兼在同一地方進餐客人傾談，香港人、香港味，原本來就是這個樣子！Today Special 的墨魚餅 HK$160 來了。墨魚餅附帶自家製 XO 醬，溫文的侍應叔叔開玩笑：「所以老闆吩咐不能添太多 (XO 醬) 啊！」，這種幽默的招呼太討人了！金黃香口的墨魚餅，質感彈牙，混合墨魚粒粒的同時，也散發出淡淡的果皮香氣，不錯也！至於 XO 醬，個人較欣賞原味，不過實際是一塊原味、一塊沾 XO 醬地品嚐著。烏卒卒的蒸豬肉砵 HK$140 是我的選擇，皆因坊間甚少找到的客家菜式。面層鋪滿密麻麻的豆豉，砵內是原條的五花腩！豆豉的鹹香非常誘人，與鬆化不膩的五花腩同吃，譜出簡單、但與別不同的滋味！將豬肉砵變成生菜包的話，豆豉的鹹度與五花腩的配合，便來得剛剛好！再來滋補的黃酒燜雞 HK$180/半隻。雖說雞是主角，可是我們發覺薑片、紅棗和香甜的雞汁，反而是精華所在，要比雞肉更精彩！不來趟黃酒雞或豬肉砵汁拌飯，簡直是浪費！ P.S. 白飯爽身好吃！主菜後，還嘗試了香煎蕃薯餅 HK$20 作甜品！蕃薯味不明顯，但煙韌質感與甜香的味道跟年糕有著相似的地方。即摘的有機小柑由「綠悠遊」送出，So Sweet，多謝！建議趁空檔時到「綠悠遊」背後的 「三椏手作仔」走走，「三椏手作仔」由一對有趣的夫妻運作，分享有機耕作、養生材料、天然手作物品等，挺有意思的！最後回到食量驚人的原因，我想是大自然、人與人親切的互動，也離不開自然美味的客家菜式，實在叫人心廣胃口開！期待組織愛山愛水愛吃的朋友同來大吃！
繼續閱讀
今日除夕同老公毛小孩去行山，由螐蛟騰行去三椏村，發現「綠悠遊」。叫咗三個餸、一個炒飯同一個蕃薯餅，全部超好味。好食到唔記得影相 🤣 !! 已經同老公講好下個月再返嚟食，到時再影返。highly recommended!!
繼續閱讀