影片
二陂坊被譽為龍蛇混雜的地方，但在美食方面可以說是卧虎藏龍，而且港式大排檔特別多，作為愛尋幽探秘的食友，在這地方亦留下不少腳印。細妹姐小廚是在路邊的一家，看着規模不少但其實座位不多，繁忙時段都算是一位難求，好不容易才入座了，安排的座位就在後巷，說真的環境都幾惡劣。去大排檔點菜也很隨意，而這家既有港式小菜，又有潮式打冷，幸運的還會遇上時令海鮮，就看今天的口味喜好吧！大眼雞魚飯(時價)遇上新鮮的魚飯，魚肉比較實淨鹹香味足，幸運地是有魚春的大眼雞，真好。焗奄仔蟹(時價)新鮮的食材就是要配搭簡單的烹調手法，這奄仔是爆膏的狀態，而且幾鮮甜。避風塘九肚魚炸物比較遜色些，首先是炸粉太厚實，也炸得不夠酥脆，而避風塘的靈魂炸蒜亦不夠香口，比較令人失望。韭菜豬紅豬紅分量都不少，但韭菜就寥寥無幾，用的豬紅口感不差，但味道比較平凡。蝦醬啫啫通菜用熱鍋盛上非常有風味，加進不少肉末豐富口感，但蝦醬不夠鹹香美中不足。薑蔥生蠔煲是霖迪最愛的大排檔菜式之一，放入大量葱段薑片，汁醬味道相當鹹惹，但可惜生蠔個子不大，也不夠肥美。這家的味道好壞參半，再加上環境只屬一般，服務也不見得太好，相信不久的將來也未必有下一次。
繼續閱讀
我朋友以前差不多每星期都會去一次的小店，當日我朋友約我去試下，座的環境差要由後巷進入的店舖，職員帶到一間房見到另一邊就是鐵閘應該店舖的正門，內有5張枱坐得擠迫，原來現在大街大巷的店舖還會收唔手提電話，我朋友打來兩次都收唔到訊號，我就返回入店的門口講電話，跟著有位男職員態度極差話我阻住出入，我罵完佢返回座位，見佢幫另一枱落單見佢態度差到極點，跟著又踢另一枱客的櫈兩次還話張櫈阻住佢出入，這間店請著這種職員一定影響聲譽。食物和價錢還可以接受。
繼續閱讀
走入「細妹姐小廚」，第一口嘅雞蛋焗魚腸已經令我嘆為觀止😲。外層脆啱勁，一啖落去，魚腸嘅鮮滑同雞蛋嘅香濃融合得就似音樂交響曲咁和諧。口水雞出場，微辣刺激味蕾，叫人想一啖接一啖。啱啱好，金銀蛋波菜來喇，鹹蛋黃哈喇油，做到一個字—正！波菜嘅綠油油同金銀蛋嘅鹹香撲鼻，真係叫人忍唔住一盤又一盤。跟住上來嘅烏頭、花生猪手又係驚喜連連。特別係烏頭，嚟得肥美得滴油，嗌齊詞彙都表達唔到咁正！而滷水鵝片喺咁多美食裡面亦都起到點睛之筆嘅作用，滑而唔膩，嚼勁十足，每一片都令我讚嘆連連✨。啖啖猪肚鵝肉，味正力度足，真係食到心都暖笠笠。嚟呢度，唔單止係食嘅滿足，每一道菜，每一口嘅享受，都令人忘卻都市嘅喧囂。荃灣街頭嘅這個小角落，藏住唔少食客嘅開心祕密🍽️！希望下次嚟可以繼續發掘更多隱藏版美味！
繼續閱讀
今日放工後過去荃灣同家人會合，因為時間都已經8點幾，所以決定就先喺荃灣食飯，然後直接返元朗。由千色沿途行返去荃灣西站揾餐廳，家人突然想起位於二坡坊的細妹姐小廚，成日都見到好多人食，咁就試下啦。坐低叫咗京都肉排，蠔仔煎蛋，啫啫通茶煲。京都肉排 - 味道OK，不過肉質較韌，一般。蠔仔煎蛋 - 煎得夠香，蠔仔新鮮，份量亦OK。啫啫通菜煲 - 味道OK，有少少偏咸，屬於合格。職員服務合格，都算主動幫手。但環境太過嘈吵，我同家人就唔係太過頂得順，快快食完就埋單走人。
繼續閱讀
為咗就我哋喺荃灣返工嘅朋友，第一次嚟呢度食打冷。 當日一行四人，未人齊一坐低就叫咗個韭菜豬紅(>^ω^<) 。豬紅份量足，味道夠，反而韭菜就唔多。 當日我熱氣唔舒服，但都忍唔住要食個蠔餅！佢係炸嘅，唔係煎，仲熱氣(˶‾᷄ ⁻̫ ‾᷅˵) 炸豬大腸炸完再炸。唔好。蠔仔粥就因為我有啲想搵熱嘢食，但又唔想叫白粥喎(腌尖)，不過佢真係煮得幾好味，一碗夠兩三個人分。 腐乳通菜唔夠腐乳味，但係都係新鮮炒。其實全部嘢都普普通通，不過不失，最差嘅就係炸豬大腸咋。題外話，最驚訝嘅就係因為外面嗌交，當時我哋都好驚，佢哋差啲打交咁滯，地方有啲複雜！
繼續閱讀